Nota fimm eða fleiri lyf að staðaldri - sláandi niðurstöður

Ríflega fjörutíu prósent aldraðra nota fimm eða fleiri lyf að staðaldri samkvæmt nýrri rannsókn sem gerð var á Norðurlandi. Hjúkrunarfræðingur sem vann rannsóknina segir þetta sláandi niðurstöður.

Skóflustunga tekin að stúku í Eyjum

Fyrsta skóflustungan að nýrri stúku var tekin við Hásteinsvöll í Vestmannaeyjum í gær í þriggja stiga frosti og snjó. Samkvæmt vefmiðlinum eyjar.net var það Eyjólfur Guðjónsson útgerðarmaður sem fékk það hlutver að taka skóflustunguna og notaði til þess stóra skurðgröfu.

Frábært skíðafæri fyrir norðan

Skíðasvæði Skagfirðinga, Akureyringa, Dalvíkinga og Siglfirðinga eru opin í dag. Umsjónarmaður skíðasvæðisins á Siglufirði segir sjö stiga frost þar, norðaustan golu og smá „jólaéljagang“. Í Hlíðarfjalli er níu gráðu frost og logn og á Dalvík er flott færi og veður eins og það er orðað í tilkynningu. Svipaða sögu er að segja frá Sauðárkróki.

Tvö umferðaróhöpp á Selfossi

Tvö umferðaróhöpp komu upp í umdæmi lögreglunnar á Selfossi í nótt og í morgun. Rétt fyrir hálf fjögur fór bíll útaf á Eyrarbakkavegi og hafnaði á skilti. Bíllinn er mikið skemmdur að sögn lögreglu en ekki urðu slys á fólki.

Fjórir á slysadeild eftir árekstur í Grafarvogi - útkall á elliheimili

Fjórir voru fluttir á slysadeild eftir árekstur á Strandveginum í Grafarvogi skömmu eftir miðnætti. Þeir reyndust þó ekki alvarlega slasaðir. Töluvert var um sjúkraflutninga hjá slökkviliði höfuðborgarsvæðisins eða á fjórða tug.

Skemmtistað lokað vegna fjölda gesta

Lögreglan lokaði skemmtistað í miðborg Reykjavíkur í nótt þegar í ljós kom að allt of margir voru inni á staðnum. Að sögn lögreglu gekk vel að koma fólkinu út af staðnum en eigandinn má búast við sekt vegna málsins.

Á annan veg sigraði í Tórínó

Kvikmyndin Á annan veg eftir Hafstein Gunnar Sigurðsson vann til fyrstu verðlauna á kvikmyndahátíðinni í Tórínó í dag. Þetta var í 29. sinn sem hátíðin er haldin en hún er á meðal virtari hátíða í kvikmyndageiranum. Sérstök verðlaun dómnefndar hlutu franska myndin Filles '17 og mynd frá Sameinuðu arabísku furstadæmunum og Líbanon, Tayeb, Khalas, Yalla.

Bestu og verstu plötuumslögin

Að gömlum og góðum sið fékk Fréttablaðið hóp valinkunnra andans manna til að velta fyrir sér kostum og göllum íslenskra plötuumslaga sem komið hafa út á árinu. Fjölmörg umslög voru nefnd til sögunnar og niðurstöðurnar gefur að líta hér í meðfylgjandi myndasafni.

Enginn öruggur í Game of Thrones

Handritshöfundarnir og framleiðendurnir David Benioff og D.B. Weiss veðjuðu á réttan hest þegar þeir fóru saman á fund HBO fyrir sex árum og kynntu fyrir sjónvarpsrisanum sjónvarpsþáttaröð byggða á fimm bókum George R.R. Martin, A Song of Ice and Fire. Og til varð Game of Thrones. Freyr Gígja Gunnarsson ræddi við David Benioff og D.B. Weiss um framtíð þáttanna og dvölina á Íslandi.

Móðir Ellu Dísar að missa íbúð sína

Móðir langveikrar stúlku er niðurbrotin eftir að henni var tilkynnt að leigusali krefst þess að þær mæðgur verði bornar út af heimili þeirra á næstunni. Dóttir hennar, Ella Dís, er enn í þrýstiöndunarvél.

Enginn með fyrsta vinning í Lottóinu

Enginn var svo heppinn að vera með allar tölur réttar í útdrætti kvöldsins í Lottóinu. Tæpar fjörutíu milljónir hefðu komið í hlut hins heppna og stækkar potturinn því á næsta laugardag. Fjórir hlutu annan vinning og fær hver í sinn hlut 140 þúsund krónur. Sex voru síðan með fjórar jókertölur í réttri röð en það gefur 100 þúsund krónur.

Aurburður og öskufall ógnar bænum

Lengja hefur þurft varnargarð við Hverfisfljótið undan Vatnajökli um hátt í hálfan kílómeter á tveimur árum. Aukinn aurburður og öskufall hafa hækkað yfirborð árinnar hratt sem ógnar nú nálægum bæ.

Kemur vel til greina að leigja Nubo Grímsstaði

Eigandi stærsta hluta jarðarinnar að Grímsstöðum á Fjöllum segir það vel koma til greina að leigja Huang Nubo jörðina svo byggja megi upp ferðaþjónustu á svæðinu. Iðnaðarráðherra hyggst hafa samband við Nubo á næstunni.

Óvenjumikið um árekstra

Óvenjumikið var um árekstra í dag og svo virðist sem sumir séu farnir að láta jólastressið hlaupa með sig í gönur þótt desember sé aðeins rétt byrjaður. Samkvæmt upplýsingum frá www.arekstur.is urðu hátt í tuttugu árekstrar í höfuðborginni í dag frá hádegi og fram til klukkan fimm. Þetta þætti í meira lagi á virkum dögum og þykir mjög mikið ef litið er til þess að nú er laugardagur.

Fjárlaganefnd tókst ekki að klára í dag

Fundi fjárlaganefndar var frestað í dag en að því hafði verið stefnt að afgreiða fjárlögin úr nefndinni í dag svo hægt verði að leggja það fyrir þingið og ræða það á þriðjudag. Það tókst þó ekki og hefur annar fundur verið boðaður á morgun, að sögn Sigríðar Ingibjargar Ingadóttur. Þá er eftir sem áður stefnt að því að atkvæðagreiðslan um fjárlagafrumvarpið fyrir árið 2012 fari fram á miðvikudag.

Lögreglan varar við "Spænska lotterísvindlinu“

Lögreglu hafa borist ábendingar frá erlendum lögregluliðum um vaxandi fjölda fjársvika í Vestur-Evrópu sem kölluð eru "Spænska lotterísvindlið".

Jólakaffi Hringsins á Broadway

Jólakaffi Hringsins verður haldið á Broadway á morgun, fjórða desember. Kaffisamsætið hefst klukkan 13:30 en húsið verður opnað hálfri klukkustund fyrr. Í tilkynningu frá Hringskonum segir að blásið verði til glæsilegs happdrættis auk þess sem boðið verði upp á góð skemmtiatriði.

Stefnir í metsumar á Ísafirði 2013

Það stefnir í algjört metár í komum skemmtiferðaskipa til Ísafjarðar sumarið 2013 en stærsta félag heimsins í þeim bransanum, Carnival, hefur ákveðið að bæta Ísafirði inns sem viðkomustað það sumarið. Frá þessu er greint á vestfirska miðlinum Bæjarins Besta í dag. Carnival hefur lagt inn pöntun fyrir sex skip og þar á meðal eru hin frægu fley Queen Victoria og Queen Elizabeth.

Árborg selur eignir og lækkar skuldir

Sveitarfélagið Árborg hefur undanfarið seltt nokkrar eignir í því skyni að grynnka á skuldum. Í dag var undirritaður samningur við Stokkseyrarkirkju um kaup á Hafnargötu 10 á Stokkseyri. Í tilkynningu segir að húsið muni nýtast fyrir ýmsa starfsemi á vegum kirkjunnar.

Heiðra minningu Hermanns

„Þetta verða stærstu X-mas tónleikar frá upphafi,“ segir Úlfar Linnet, einn vina Hermanns Fannars Valgarðssonar sem féll frá langt fyrir aldur fram í byrjun nóvember. Hinir árlegu X-mas tónleikar X-ins verða að þessu sinni styrktartónleikar í minningu Hermanns, og verða haldnir í Kaplakrika hinn 20. desember næstkomandi.

Stefnt á afgreiðslu fjárlaga úr nefnd í dag

Fjárlaganefnd Alþingis stefnir að því að afgreiða fjárlög fyrir árið 2012 úr nefndinni nú síðdegis. Stjórnarflokkarnir stefna jafnframt að atkvæðagreiðslu um fjárlögin á miðvikudag.

Byggt á Hólmsheiði og fé veitt á Hraunið

Ákveðið hefur verið að veita fé til byggingar nýs fangelsis á Hólmsheiði, samkvæmt heimildum Fréttablaðsins. Að auki er rætt um að setja sérstaka fjárupphæð til nauðsynlegra endurbóta á fangelsinu á Litla-Hrauni.

Hálka víðsvegar um land

Hálka er á Hellisheiði, í þrengslum og í uppsveitum en á Suðurlandi eru víða hálkublettir eða snjóþekja. Á vesturlandi er snjóþekja eða hálka og sömuleiðis á Bröttubrekku og Holtavörðuheiði. Á vestfjörðum og norðurlandi er hálka og snjóþekja á flestum leiðum en snjókoma er í kringum Akureyri og á Tjörnesi en éljagangur í kringum mývatn.

Stútar í Hveragerði og einn undir áhrifum fíkniefna á Selfossi

Tveir ökumenn voru teknir í Hveragerði í nótt grunaðir um ölvunarakstur. Og lögreglan á Selfossi handtók mann sem grunaður er um akstur undir áhrifum fíkniefna. Við leit í bíl hans fannst einnig lítilræði af fíkniefnum. Maðurinn var færður á lögreglustöð þar sem tekin voru af honum blóð- og þvagsýni.

Ryskingar í Vestmannaeyjum

Karlmaður um tvítugt var handtekinn í Vestmannaeyjum um klukkan sjö í morgun eftir að hafa lent í átökum við annan mann. Lögreglumenn voru á eftirlitsferð um bæinn þegar þeir sáu tvo menn takast á, og handtóku annan í kjölfarið. Hinn maðurinn var með áverka á höfði en taldi sig ekki þurfa á læknishjálp að halda og gat því farið heim. Sá handtekni sefur nú úr sér áfengisvímu í fangageymslu og verður yfirheyrður síðar í dag.

Skíðasvæðin fyrir norðan opin í dag

Þeir Sauðkrækingar sem beðið hafa eftir því að komast á skíði geta tekið gleði sína því skíðasvæði þeirra Tindastóll verður opnað í dag klukkan tólf. Staðarhaldari segir mikinn og góðan snjó á svæðinu. Þá er skíðasvæði Dalvíkinga í Böggvisstaðarfjalli er opið frá tólf til fjögur í dag og skíðasvæði Akureyringa í Hlíðarfjalli er opið frá tíu til fjögur.

Eldur við Háskólabíó og mörgum varð hált á svellinu

Slökkviliðinu á höfuðborgarsvæðinu barst tilkynning um eld í Háskólabíói í gærkvöld. Um minniháttar eld var að ræða en reyk lagði inn í háskólabíó frá tveimur útiörnum í Miðgarði sem setti brunavarnakerfi bíósins í gang, samkvæmt upplýsingum frá slökkviliðinu. Ráðagóðum starfsmönnum og vegfarendum tókst að slökkva eldinn fljótt og örugglega með snjó.

Spaðarnir þeyttust af vindmyllu í Belgsholti

„Þetta er mikið tjón,“ segir Haraldur Magnússon, bóndi í Belgsholti í Leirársveit, þar sem spaðarnir af 24 metra hárri vindmyllu losnuðu af og féllu til jarðar á þriðjudagsmorgun.

Tollverðir fundu kókaín í tösku

Ungur karlmaður er í gæsluvarðhaldi eftir að hann var tekinn fyrir viku í Leifsstöð með kókaín í farteskinu.

Styðja öryggishópa fyrirtækja

Starfsmenn CERT-ÍS munu ekki sitja sveittir við tölvur og berjast með tölvukóðum gegn óvinveittum hökkurum, eins og einhver gæti ímyndað sér eftir ótæpilegt magn Hollywood-kvikmynda um hakkara.

Kolaportið lagt niður um tíma

"Þetta eru óskiljanleg vinnubrögð af hálfu ríkissjóðs. Vanvirðing við mannlífið og menninguna sem tengjast starfseminni,“ segir Gunnar Hákonarson, markaðsstjóri Kolaportsins, sem verður lokað í allt að átján mánuði frá og með júní á næsta ári vegna fyrirhugaðra byggingaframkvæmda í Tollhúsinu.

Vilja draga úr yfirvinnu til að jafna laun

Starfshópur undir forystu borgarfulltrúans Sóleyjar Tómasdóttur um það hvernig útrýma megi kynbundnum launamun hjá Reykjavíkurborg leggur til að dregið verði úr yfirvinnu og vinnuvikan þar með stytt, til að gera borgina að fjölskylduvænni vinnustað.

Blönduvirkjun hafði mikil áhrif á bleikjustofna vatna

Bleikjuveiði á veituleið Blönduvirkjunar er að meðaltali fimm til átta sinnum minni en í viðmiðunarvötnum á sömu slóðum. Fiskurinn er jafnframt mun minni vegna breytinga á æti.

Byggt á Hólmsheiði og fé veitt á Hraunið

stjórnsýsla Ákveðið hefur verið að veita fé til byggingar nýs fangelsis á Hólmsheiði, samkvæmt heimildum Fréttablaðsins. Að auki er rætt um að setja sérstaka fjárupphæð til nauðsynlegra endurbóta á fangelsinu á Litla-Hrauni.

Tilbúnir að slökkva elda í netheimum

Þjóðir heims eru sífelt að verða meðvitaðri um þá hættu sem stafar af fyrirtækjum og stofnunum í gegnum netið. Undirbúningur nokkurs konar almannavarnateymis í netheimum er nú langt kominn hér á landi, og stefnt að því að hópurinn taki til óspilltra málanna um áramótin.

Takast á við stórmeistarann

Tíu af efnilegustu skákmönnum þjóðarinnar munu tefla fjöltefli við stórmeistarann Friðrik Ólafsson í Hörpu í dag. Uppákoma þessi er á vegum Skákskóla Íslands og Skákakademíu Reykjavíkur.

Deilt innan beggja flokka um ráðherra - Fréttaskýring

Enn er óvíst hvaða breytingar verða gerðar á ríkisstjórninni. Ljóst er að tilkynning um breytingar verður ekki gefin út fyrr en í fyrsta lagi eftir samþykkt fjárlaga, sem koma til þriðju umræðu á þriðjudag. Eins líklegt er að einhverjar vikur séu í breytingar.

Katla-jarðvangur viðurkenndur alþjóðlega

Fyrsti jarðvangurinn, Katla-jarðvangur, fékk í byrjun september inngöngu í Evrópusamtök jarðvanga (European Geoparks Network) og í alþjóðasamtök jarðvanga hjá Sameinuðu þjóðunum (UNESCO Global Geopark Network). Svæði jarðvangsins er Rangárþing eystra, Mýrdalshreppur og Skaftárhreppur. Undirbúningur stóð yfir í tvö ár.

Óttast mikla afturför bráðaþjónustu

Stjórn Landssambands heilbrigðisstofnana telur nálægð Reykjavíkurflugvallar við Landspítalann vera mikilvæga vegna sjúkraflugs og bráðaþjónustu við landsbyggðina.

Gæsluvarðhald þremenninganna staðfest

Hæstiréttur staðfesti í gær gæsluvarðhald yfir Lárusi Welding, fyrrverandi bankastjóra Glitnis, og tveimur fyrrverandi undirmönnum hans. Þeir sitja í varðhaldi vegna rannsóknar sérstaks saksóknara á meintum umfangsmiklum brotum í rekstri bankans fyrir hrun.

Drottinn blessi Mýrdalshrepp

Eva Dögg Þorsteinsdóttir, fulltrúi minnihluta E-lista í sveitarstjórn Mýrdalshrepps, segir forsvarsmenn sveitarfélagsins hafa sýnt sér og þingmönnum Suðurlandskjördæmis óvirðingu á fundi. „Við erum farin að búa við menningu sem einkennist af virðingarleysi og yfirgangi,“ bókaði Eva á fundi sveitarstjórnar og bætti við: „Guð blessi Mýrdalshrepp og samskipti innan hans.“

Aðgangsstýring á 20 milljónir

Framkvæmda- og eignasvið Reykjavíkurborgar ætlar að taka tuttugu milljóna króna lán til að kaupa aðgangsstýrikerfi svo unnt verði að taka gjald í bílakjallaranum undir Höfðatorgi. Borgin ætlar að selja sínu starfsfólki aðgangskort á sama verði og gildir í bílakjallara Ráðhússins.

Kýldu mann á dansgólfinu

Fleiri hlynntir göngugötu

Ríflega helmingur Akureyringa er frekar eða mjög hlynntur því að banna akstur í Hafnarstræti, eða Göngugötunni svokölluðu. 36 prósent eru frekar eða mjög andvíg banni. Þetta eru niðurstöður könnunar á vegum félagsvísindadeildar Háskólans á Akureyri og greint er frá í Akureyri Vikublaði.

Sveik út veitingar og stal víni

Lögreglustjórinn á höfuðborgarsvæðinu hefur ákært mann á þrítugsaldri fyrir að stela mat úr Bónus fyrir nær tíu þúsund krónur og síðan áfengi úr Vínbúð fyrir nær þrjú þúsund.