Falsaður fatnaður fluttur inn til landsins

Tollgæslan stöðvaði á dögunum sendingu, sem innihélt töluvert magn af fatnaði sem grunur lék á að væri falsaður. Um var að ræða 175 stykki af peysum og buxum sem komu með hraðsendingu frá Kína.

Enginn gosórói sjáanlegur

Veðurstofan segir að enginn gosórói sé sjáanlegur syðst í Kötluöskjunni í Mýrdalsjökli en jarðskjálfti upp á 3,2 á Richter varð um klukkan 9:50 þar í morgun. Annar skjálfti upp á 2,5 á Richter mældist á sömu slóðum um klukkan 10:18. Skjálftar af þessari stærð eru nokkuð algengir en vegna þess hver sunnarlega varð fannst hann greinilega í Vík og nágrenni. Íbúar á svæðinu höfðum samband við fréttastofu í morgun og greindu frá því að þeir hefðu fundið fyrir skjálftanum. Jarðvísindamenn fylgjast grannt með stöðu mála.

Jarðskjálfti í Kötlu fannst greinilega í Vík

Jarðskjálfti af stærðinni 3,2 varð nú rétt fyrir klukkan 10 í morgun syðst í Kötluöskjunni í Mýrdalsjökli. Skjálftar af þessari stærð eru nokkuð algengir en vegna þess hve sunnarlega hann varð, fannst hann greinilega í Vík og nágrenni. Íbúar á svæðnu höfðu samband við fréttastofu í morgun og sögðu frá skjálftanum. Í tilkynningu frá Almannavörnum segir að klukkan 10:20 hafi ekki fleiri skjálftar mælst.

Fjögurra bíla árekstur á Miklubraut

Nokkur truflun varð á umferðinni um Miklubrautina þegar fjögurra bíla árektur varð þar um níuleytið. Bílarnir skullu aftan á hvor öðrum rétt austur af umferðarljósunum á gatnamótum Miklubrautar og Lönguhlíðar. Áreksturinn var nokkuð harður en enginn meiddist að ráði. Hinsvegar voru þrír af bílunum fluttir á brott með dráttarbílum og tók það nokkurn tíma. Umferðin er komin í eðlilegt horf að nýju.

Um 130 farþegar gistu á Egilsstöðum í nótt

Flugvél Icelandair gat ekki lent í Keflavík í gærkvöldi vegna veðurs og var því ákveðið að snúa henni til Egilsstaða. Vélin lenti á flugvellinum á Egilsstöðum um miðnætti og var um hundrað og þrjátíu farþegum komið fyrir á fjórum gististöðum í bænum í nótt.

Veiðiþjófa leitað á Vesturlandi

Svo virðist vera sem veiðiþjófar hafi gert vart við sig á Vesturlandi í síðustu viku. Bræðurnir Benedikt Guðmundsson og Guðmundur Arnar Guðmundsson leigja þar bæinn Smyrhól innst í Haukadal í Dölum til rjúpnaveiða, ásamt bræðrunum Jóni Inga og Sigurði Björnssyni. Þegar þeir Jón Ingi og Sigurður fóru á lendurnar við Smyrhól á laugardagsmorgun var aðkoman ekki frýnileg.

Ríki og borg þurfa að lána Hörpu 730 milljónir króna

Íslenska ríkið og Reykjavíkurborg hafa samþykkt að lána 730 milljónir króna til Austurhafnar-TR, eiganda tónlistar- og ráðstefnuhússins Hörpu. Austurhöfn er í 54% eigu íslenska ríkisins, sem mun lána 394 milljónir króna, og 46% eigu Reykjavíkurborgar, sem mun lána 336 milljónir króna.

Deila um dagsektir

Forsvarsmenn Vestmannaeyjabæjar hafna því að sveitarfélaginu beri að greiða háar dagsektir sem Umhverfisstofnun (UMST) hefur lagt á vegna ófullnægjandi mengunarvarna Sorporkustöðvar Vestmannaeyja. Dagsektirnar, á bilinu 25 til 50 þúsund á dag, hafa reiknast síðan 1. júlí.

Lögreglumenn fundu endurmarkað lamb

Lögreglan í Borgarnesi rannsakar nú meintan þjófnað á hrútlambi í Skorradal fyrr í haust. Í síðustu viku barst tilkynning um að lambið væri mögulega að finna í girðingu rétt utan við Akranes.

Kornhænan á Selfossi komin heim

Kornhænan, sem vistuð var á lögreglustöðinni á Selfossi í fyrrinótt, eftir að hafa fundist villt inn í miðjum bæ, komst til síns heima í gær, eftir að eigandinn heyrði af henni í fréttum.

Lögreglan handtók þrjá innbrotsþjófa í nótt

Lögreglan handtók þrjá innbrotsþjófa á móts við Smáralind laust fyrir klukkan þrjú í nótt eftir að öryggisvörður hafði tilkynnt um innbrot í raftækjaverslunina Max í Kauptúni í Garðabæ.

Loka á veiðimennina

Gremju gætir nú meðal rjúpnaveiðimanna vegna takmarkana sem ýmis sveitarfélög hafa sett á veiðimennskuna á þessu tímabili.

Björgunarsveitir stóðu í ströngu í nótt

Björgunarsveitir voru kallaðar út víða á svæðinu frá Suðurnesjujm og vestur á Snæfellsnes í gærkvöldi og í nótt til að hefta fok, en hvergi virðist hafa orðið alvarlegt tjón og ekki er vitað um neinar slysfarir.

Herdís endurkjörin forseti

Herdís Þorgeirsdóttir var endurkjörin forseti Evrópusamtaka kvenlögfræðinga á aðalfundi samtakanna í Berlín í síðustu viku.

Bíða DNA-rannsóknar á hnúajárni

Rannsókn á máli manns sem réðst á fyrrverandi kennara sinn í Grindavík í júlí er á lokastigi hjá lögreglunni á Suðurnesjum. Einungis er beðið eftir niðurstöðum DNA-rannsóknar á lífsýnum sem fundust á hnúajárni sem maðurinn er talinn hafa beitt við árásina.

Kvartað yfir verndun og nýtingu á náttúru - fréttaskýring

Drög að þingsályktunartillögu um vernd og orkunýtingu náttúrusvæða liggja nú til umsagnar og eru þegar komnar inn 25 umsagnir um tillöguna. Drögin eru hluti af rammaáætlun um vernd og nýtingu náttúrusvæða og að umsagnarferli loknu verður tillagan unnin nánar og síðan lögð fyrir Alþingi. Þar bíður þingmanna að taka endanlega afstöðu til þess á hvaða svæðum verður leyft að virkja, hver verða vernduð og hvaða svæði fara í biðflokk.

Ferðavenjur gesta kannaðar

Ferðavenjur viðskiptavina og gesta Landspítalans verða kannaðar næstu daga. Fram kemur í tilkynningu að könnunin sé liður í undirbúningi vegna byggingar nýs Landspítala, en ferðavenjur starfsfólks hafa verið kannaðar.

Ásakanir um orðhengilshátt

Fyrirhugað æfingahús við Grýluvöll í Hveragerði veldur enn deilum í bæjarráðinu þar. Meirihluti Sjálfstæðisflokks hefur ákveðið að bjóða út framkvæmdina. Um er að ræða uppblásanlegt hús.

HH vilja kröfu í þjóðaratkvæði

Stjórn Hagsmunasamtaka heimilanna átti nýverið fund með þingflokksformönnum þar sem rætt var um að setja kröfugerð samtakanna í þjóðaratkvæðagreiðslu.

Stuðlar að málefnalegri ESB-umræðu

Össur Skarphéðinsson hefur skipað samráðshóp í tengslum við samningaviðræður um aðild Íslands að Evrópusambandinu.

Sindri tók vakt með löggunni um helgina

"Mál sem tengjast heimilisofbeldi eru alltaf erfiðust en ef við tækjum allt inn á okkur, entumst við ekki lengi í þessu starfi," segja lögreglumenn sem Ísland í dag fylgdi eftir frá laugardagskvöldi til sunnudagsmorguns. Fylgist með áhugaverðu Íslandi í dag klukkan 18:55 í kvöld.

Gríðarlega ósáttur við niðurstöðuna - hvetur aðra til að kæra

"Ég er gríðarlega ósáttur og mér finnst þau vera að flýja þetta mál," segir Hallur Reynisson, tvítugur starfsmaður Hagkaupa á Akureyri, sem kærði nokkur fyrirtæki og VR til jafnréttismála í september síðastliðnum. Hann taldi fyrirtækin brjóta jafnréttislög með því að fara eftir hvatningu VR um að veita konum 10 % afslátt af vörum sínum yfir eina helgi. Átakið var til vekja athygli á launamun kynjanna.

Bannað verði að flytja inn lifandi dýr og hrátt kjöt

Það hlýtur að verða algert skilyrði við hugsanlega inngöngu Íslands í Evrópusambandið að takmarkanir verði settar við innflutning á lifandi dýrum og hráu kjöti til Íslands. Þetta sagði Jón Bjarnason, sjávarútvegs- og landbúnaðarráðherra, á opnum fundi atvinnuveganefndar og utanríkismálanefndar á Alþingi í dag.

Yfirgnæfandi líkur á að Vaðlaheiðargöng spjari sig vel

Steingrímur J. Sigfússon fjármálaráðherra segir yfirgnæfandi líkur á að Vaðlaheiðargöng muni standa undir sér, og gott betur en það. Þingmenn, sem hlýddu á, eru ekki allir sannfærðir. Örlög Vaðlaheiðarganga eru nú í höndum Alþingis sem þarf á næstu vikum að ákveða hvort ríkissjóði verður heimilað að lána hlutafélagi peningana sem þarf.

Hafna lýsingum Guðrúnar Ebbu - standa með Ólafi

Móðir Guðrúnar Ebbu Ólafsdóttur og systkini hennar, gera alvarlegar athugasemdir við frásögn hennar í nýútkominni bók þar sem Guðrún Ebba lýsir kynferðislegu ofbeldi sem hún varð fyrir af hálfu föður síns, Ólafs Skúlasonar, fyrrverandi biskups. Þetta kemur fram í yfirlýsingu sem fjölskyldan sendi fjölmiðlum fyrir stundu.

Réðust á konu úti á götu og rifu af henni sokkabuxurnar

Lögreglan í Vestmannaeyjum leitar tveggja karlmanna sem réðust á tæplega tvítuga konu út á götu snemma á sunnudagsmorgun og áreittu hana kynferðislega. Konan komst undan mönnunum, sem hún telur að hafi verið af erlendum uppruna. Áður hafði mönnunum tekist að rífa sokkabuxurnar af konunni.

Stormur í aðsigi

Björgunarfélag Akraness var kallað út rétt eftir klukkan þrjú í dag þegar tilkynning barst um að þakplötur væru að fjúka af tveimur íbúðarhúsum í bænum.

Herdís endurkjörin formaður Evrópusamtaka kvenlögfræðinga

Dr. Herdís Þorgeirsdóttir var endurkjörin forseti Evrópusamtaka kvenlögfræðinga (EWLA) á aðalfundi samtakanna í Berlín nú í nóvember. Í tilkynningu segir að hafi verið sóttur af kvenlögfræðingum víða að úr Evrópu sem og fulltrúum aðildarfélaga samtakanna sem eru félög kvenlögfræðinga og lögmanna víðsvegar um álfuna. „Forseti samtaka kvenlögfræðinga í Þýskalandi sat fundinn en þau samtök hafa verið öflugur bakhjarl EWLA frá upphafi. Fundarstaðurinn að þessu sinni var Mannréttindastofnun Þýskalands en henni veitir forstöðu fyrrum varaforseti Evrópusamtaka kvenlögfræðinga Dr. Beate Rudolp lagaprófessor.“

Salvör formaður samráðshóps í tengslum við ESB viðræður

Össur Skarphéðinsson, utanríkisráðherra, skipaði í dag Salvöru Nordal, heimspeking og forstöðumann Siðfræðistofnunar Háskóla Íslands, formann samráðshóps í tengslum við samningaviðræður um aðild Íslands að Evrópusambandinu. Varaformenn samráðshópsins eru Guðni Th. Jóhannesson sagnfræðingur og forseti Sögufélags og Ágúst Sigurðsson rektor Landbúnaðarháskóla Íslands.

Kannabisræktun í Kópavogi

Lögreglan stöðvaði kannabisræktun í fjölbýlishúsi í Kópavogi á laugardag. Við húsleit á áðurnefndum stað var lagt hald á tæplega 20 kannabisplöntur, auk græðlinga, og ýmsan búnað tengdan starfseminni. Á sama stað var einnig að finna töluvert af peningum sem grunur leikur á að séu tilkomnir vegna fíkniefnasölu. Karl um fertugt var yfirheyrður í þágu rannsóknarinnar og játaði hann aðild sína að málinu.

Skiluðu fullu veski af peningum

Tvær skilvísar og strangheiðarlegar stúlkur komu við á lögreglustöðinni við Hverfisgötu aðfaranótt sunnudags og afhentu peningaveski sem þær höfðu fundið í miðborginni. Í veskinu var talsvert af peningum sem og skilríki og því tókst að finna eigandann. Sá reyndist vera maður á miðjum aldri en viðkomandi var afar þakklátur þegar hann kom og sótti veskið og hefur vafalaust hugsað hlýlega til stúlknanna.

Hundur beit konu

Kona á miðjum aldri var bitin af hundi í Hafnarfirði á föstudag. Hún var á göngu í íbúðahverfi þegar þetta gerðist en konan var bitin í handlegginn. Við það skemmdist úlpan hennar en meiðsli konunnar voru hins vegar óveruleg. Eigandi hundsins féllst á að borga konunni skaðabætur vegna úlpunnar og skildu báðir aðilar sáttir eftir því sem best er vitað.

Sjö teknir fyrir ölvunarakstur

Sjö ökumenn voru teknir fyrir ölvunarakstur á höfuðborgarsvæðinu um helgina. Sex þeirra voru stöðvaðir í Reykjavík og einn í Hafnarfirði. Tveir voru teknir á föstudagskvöld, þrír á laugardag og tveir á sunnudag. Samkvæmt upplýsingum frá lögreglunni er um að ræða karlmenn á aldrinum 20-54 ára og þrjár konur, 32-74 ára. Tveir þessara ökumanna höfðu þegar verið sviptir ökuleyfi. Þá var einn tekinn fyrir að aka undir áhrifum fíkniefna en um var að ræða 18 ára pilt sem var stöðvaður á Sæbraut í gærmorgun.

Bergljót söng um kærleikann frammi fyrir þúsundum

Bergljót Arnalds flutti lag á hátíðinni Hjertefred í Noregi, sem haldinn var í gær á Allraheilagramessu, þar sem látinna var minnst. Þúsundir sóttu hátíðina, enda var fólk meðal annars komið til að minnast fórnarlamba voðaverkanna í Útey. "Þetta var mikil upplifun,“ segir Bergljót í samtali við Vísi.

Kæru kassastráksins í Hagkaupum vísað frá

Kærunefnd jafnréttismála hefur ákveðið að vísa kæru Halls Reynissonar frá. Forsaga málsins er sú að VR hratt af stað átaki sem ætlað var að vekja athygli á launamuni kynjanna. Nokkrar verslanir tóku sig til og veittu konum 10 prósent afslátt yfir eina helgi. Hallur, sem starfar á afgreiðslukassa í Hagkaupum á Akureyri, ákvað að kæra fyrirtækin og VR að auki til kærunefndar jafnréttismála.

Hjólastóllinn kominn í leitirnar

Fatlaður maður sem varð fyrir því að hjólastóllinn hans var fjarlægður á meðan hann var í göngutúr með aðstoðarmanni sínum, fær stólinn sinn aftur í dag. Móðir mannsins telur að þarna hafi verið á ferðinni einstaklingur með brenglað skopskyn.

Þriðjungur landsmanna í námi í fyrra

Tæpur þriðjungur landsmanna lagði stund á einhverskonar nám á síðasta ári, en mun algengara er að konur sæki sér fræðslu en karlar.

Lögreglumaður kærður fyrir kynferðisbrot gegn tíu ára stúlku

Lögreglumaður hefur verið kærður fyrir að beita tíu ára stúlku kynferðislegu ofbeldi. Lögreglumaðurinn er enn við störf.

Kókaínmál á Selfossi: Allir lausir úr haldi - úrskurðaðir í farbann

Héraðsdómur Suðurlands féllst ekki á kröfu lögreglunnar á Selfossi á laugardaginn um að þrír Litháar myndu sæta áframhaldandi gæsluvarðhaldi eftir að um 400 grömm af kókaíni fundust í fórum þeirra í sumarbústað í Árnessýslu fyrir um ellefu dögum síðan.

Samkeppni um nýtt hótel við Ingólfstorg

Samkeppni um hönnun við sunnanvert Ingólfstorg á að ná fram heildarlausn fyrir skipulag svæðisins, þar á meðal er 130 herbergja hótel. Einnig er ætlunin að „laða fram lausnir á framtíð húsanna við Vallarstræti 4 og Aðalstræti 7“.

Rannsóknin gengur ágætlega - gæsluvarðhald rennur út á morgun

Rannsókn lögreglunnar á höfuðborgarsvæðinu á umfangsmesta fíkniefnamáli ársins er í fullum gangi og gengur ágætlega, að sögn Friðriks Smára Björgvinssonar yfirlögregluþjóns.

Veggjöld forsenda fyrir Vaðlaheiðargöngum

Vaðlaheiðargöng verða ekki til nema þau verði framkvæmd með veggjöldum, sagði Ögmundur Jónasson, ráðherra samgöngumála, á opnum fundi í umhverfis- og samgöngunefnd Alþingis í morgun.

Íslenski hesturinn í miðborg Berlínar

Heimsmeistaramót íslenska hestsins árið 2013 verður haldið í Berlín og er þetta í fyrsta sinn sem mótið er haldið í miðri stórborg. Rúnar Þór Guðbrandsson, tengiliður undirbúningsnefndar á Íslandi, segir mikinn áhuga fyrir mótinu.

Veðmálasíða telur meiri líkur á að Hanna Birna nái kjöri

Hanna Birna Kristjánsdóttir, oddviti Sjálfstæðisflokksins í borgarstjórn, og Bjarni Benediktsson, formaður Sjálfstæðisflokksins, bítast um formannsstólinn á landsfundi Sjálfstæðisflokksins sem fram fer daganna 17. til 20. nóvember næstkomandi.

Margir sækja símenntun á Íslandi

Ísland er í þriðja sæti 33 Evrópuþjóða þegar litið er á þátttöku 25-64 ára í símenntun, með 25,2% þátttöku. Aðeins í Danmörku og Sviss er þátttakan meiri en á Íslandi. Meðaltal Evrópusambandslandanna 27 er 9,1%. Þátttaka í símenntun í Evrópu er meiri í norðvestur Evrópu en minni sunnar og austar í álfunni.