Veðurstofan segir að enginn gosórói sé sjáanlegur syðst í Kötluöskjunni í Mýrdalsjökli en jarðskjálfti upp á 3,2 á Richter varð um klukkan 9:50 þar í morgun. Annar skjálfti upp á 2,5 á Richter mældist á sömu slóðum um klukkan 10:18.

Skjálftar af þessari stærð eru nokkuð algengir en vegna þess hver sunnarlega varð fannst hann greinilega í Vík og nágrenni. Íbúar á svæðinu höfðum samband við fréttastofu í morgun og greindu frá því að þeir hefðu fundið fyrir skjálftanum.

Jarðvísindamenn fylgjast grannt með stöðu mála.