Fjölmargar ábendingar borist

Lögreglan á höfuðborgarsvæðinu lýsir enn eftir Matthíasi Þórarinssyni, 21 árs, en ekkert hefur spurst til hans í nokkurn tíma. Samkvæmt upplýsingum frá lögreglunni hafa fjölmargar ábendingar borist vegna Matthíasar og bílsins sem hann ekur um á, en ekkert af þeim hefur skilað niðurstöðu.

Á dv.is í dag segir að bifreið Matthíasar sé fundinn en í tilkynningu frá lögreglunni segir að svo sé ekki.

Talið er líklegt að Matthías, sem er um 180 sm á hæð og ljósskolhærður, haldi til einhversstaðar á Suðurlandi.

Hann hefur til umráða gamlan Rússajeppa og hefur ferðast á honum um landið en bíllinn er útbúinn sem húsbíll.

Þeir sem geta gefið upplýsingar um ferðir Matthíasar eru vinsamlegast beðnir um að hafa samband við lögregluna á höfuðborgarsvæðinu í síma 444-1000.