Ásta Björg ráðin sveitarstjóri Skagafjarðar

Ákveðið hefur verið að ráða Ástu Björgu Pálmadóttur, núverandi útibússtjóra Landsbanka Íslands á Sauðárkróki, sem sveitarstjóra Sveitarfélagsins Skagafjarðar. Miðað er við að hún hefji störf um miðjan september.

Vann ekki á KFC

Íslenski karlmaðurinn sem er í haldi lögreglunnar í Litháen eftir að hafa verið tekin með eitt kíló af fíkniefnum vann ekki á KFC-kjúklingastað í Vilníus eins og mishermt var í Fréttablaðinu í dag.

Harðari viðurlög við brotum á banni við áfengisauglýsingum

Álfheiður Ingadóttir, heilbrigðisráðherra, segir að þar sem ekki hafi tekist að draga nægjanlega mikið úr áfengisneyslu landsmanna verði að grípa til árangsríkari aðgerða. Hún vill að harðar verði tekið á brotum gegn banni við áfengisauglýsingum.

Vill 700 þúsund krónur vegna ólögmætrar handtöku

Ungur karlmaður hefur stefnt íslenska ríkinu fyrir ólögmæta handtöku. Maðurinn var handtekinn í júní í hitteðfyrra vegna gruns um aðildar að líkamsárás. Manninum var haldið í tíu klukkustundir á lögreglustöð á meðan yfirheyrslur fóru fram. Honum var síðan sleppt.

Viðgerð hafin á anddyri Íslandsbanka

Viðgerð er hafin á anddyri Íslandsbanka við Kirkjusand. Um tvöleytið í nótt ók ölvaður maður inn í bygginguna í gegnum glerdyr. Hann sakaði ekki. Lögregla telur að um ásetning hafi verið að ræða þrátt fyrir ölvun mannsins. Ekki liggur fyrir hve mikið tjónið er.

Skar á 62 heyrúllur

Óprúttinn aðili tók sig til og skar á 62 heyrúllur við bæinn Vatnsleysu í Biskupstungum, annað hvort á síðasta fimmtudagskvöld eða aðfararnótt föstudagsins. Lögreglan á Selfossi segir það vera ljóst að þarna sé um að ræða tjón sem talið er í hundruðum þúsunda en umtalsverður kostnaður felst í því að pakka rúllunum upp og óvíst er hversu mikið tjón verður á heyinu við það að súrefni kemst að því.

Þagnarskylda takmarkast við öryggi barna

Brynjar Níelsson, formaður Lögmannafélagsins, segir prestum skylt að tilkynna um brot gegn börnum. Að hans mati lýkur þagnarskylda presta þegar kemur að barnaverndarlögum. Þagnarskylda víkur þannig fyrir tilkynningarskyldu.

Ökumenn séu varir um sig

Umferðarstofa minnir ökumenn á yngstu þátttakendurna í umferðinni, sem eru mörg hver á gangi til og frá skóla þessa dagana. Það er mikilvægt að ökumenn takmarki hraða í íbúðahverfum og við skóla en einnig þarf að taka tillit til þess að börn skynja umhverfi sitt á annan hátt en fullorðinn.

Hannes jarðsunginn á fimmtudag

Hannes Þór Helgason sem myrtur var á heimili sínu fyrir rúmri viku verður jarðsunginn frá Víðistaðakirkju í Hafnarfirði á fimmtudaginn.

Jóhanna meðal mestu kvenleiðtoga heims

Jóhanna Sigurðardóttir, forsætisráðherra, er í öðru sæti á lista tímaritsins Time yfir tíu mestu kvenleiðtoga heims sem birtur var í gær. Að mati tímaritsins er Julia Gillard, forsætisráðherra Ástralíu, sú áhrifamesta en í þriðja sæti er Cristina Fernández de Kirchner, forseti Argentíu. Angela Merkel, kanslari Þýskalands, er í fimmta sæti og þá er Tarja Halonen, forseti Finnlands, í því áttunda.

Ók inn í bankann

Bifreið var ekið inn í Íslandsbanka á Kirkjusandi klukkan rúmlega tvö í nótt. Að sögn lögreglu var ökumaðurinn ölvaður og fór bíllinn í gegnum glerhurð í andyri og hálfur í gegnum vegg þar fyrir innan. Ökumanninn sakaði ekki en lögregla telur að um ásetning hafi verið að ræða þrátt fyrir ölvunina. Ekki mun þó hafa verið um ránstilraun að ræða heldur fremur að maðurinn hafi talið sig eiga óuppgerðar sakir við bankann. Hann gistir nú fangageymslur og bíður þess að komast í yfirheyrslu.

Almenningur vill sjá vægari refsingar

Almennir borgarar á Norðurlöndunum eru refsimildari en dómstólar þeirra. Þetta sýnir umfangsmikil norræn rannsókn á afstöðu almennra borgara til refsinga. Niðurstöðurnar voru kynntar á norrænu dómstólaþingi í Kaupmannahöfn síðastliðinn fimmtudag.

Sá sem talar fyrir fólkið mun sigra

Reynsla Norðmanna af tveimur atkvæðagreiðslum um aðild að því sem í dag heitir Evrópusambandið sýnir að það eru ekki endilega efnahagsleg rök eða varðstaða um auðlindir sem ráða mestu um útkomuna, heldur eðli þeirrar orðræðu sem andstæðar fylkingar hafa uppi.

Þjóðkirkjan hrökk í vörn

Karl Sigurbjörnsson biskup segir kirkjuna hafa brugðist í málefnum kvennanna þriggja sem leituðu hjálpar vegna kynferðislegrar áreitni af hendi Ólafs Skúlasonar biskups. Hann vísar því á bug að hafa reynt að þvinga konurnar til að falla frá ásökununum. Biskup segir málið snúið og auðvelt sé að vera vitur eftir á. Hann segir þjóðkirkjuna hafa brugðist og greinilegt sé að ekki hafi verið komið konunum til hjálpar.

Kertum fleytt í minningu Hannesar Þórs Helgasonar

Mörg hundruð manns söfnuðust saman við lækinn í Hafnarfirði í kvöld til að minnast Hannesar Þórs Helgasonar sem myrtur var á heimili sínu fyrir um viku. Andrúmsloftið var tilfinningaþrungið. Kertum var fleytt á lækinn og Flensborgarkórinn söng lög. Fjölskylda Hannesar var meðal viðstaddra og einkenndi mikill samhugur og samkennd þessa minningarstund.

Biskupinn í Kastljósinu: Ætla ekki að segja af mér

Karl Sigurbjörnsson neitar því að hafa hvatt konurnar, sem sökuðu Ólaf Skúlason fyrrverandi biskup um kynferðisofbeldi, að draga ásakanir sínar til baka. Hann segist ekki rengja sögu Guðrúnar Ebbu, dóttir Ólafs Skúlasonar, sem jafnframt sakaði biskupinn um kynferðisofbeldi. Karl sagði í Kastljósviðtalinu ekki telja ástæðu til að hann stigi til hilðar.

Slitastjórn í mál við fyrrum bankastjóra

Slitastjórn Landsbankans ætlar að krefjast fjögur hundruð milljóna króna af fyrrverandi bankastjórum bankans, Sigurjóni Þ. Árnasyni og Halldóri J. Kristjánssyni, og millistjórnanda í bankanum, fyrir að hafa innleyst kaupréttasamninga nokkrum dögum fyrir hrun þrátt fyrir að þeir væru ekki innleysanlegir fyrr en um tveimur mánuðum síðar.

Vifta bilaði í járnblendiverksmiðjunni

Ástæðan fyrir reyknum úr járnblendiverksmiðjunni á Grundartanga var bilun í viftu í reykhreinsivirki verksmiðjunnar. Í tíufréttum Rúv var haft eftir Einari Þorsteinssyni, forstjóra Elkem, að enga hættu stafi af reyknum og búið sé að tilkynna atvikið til umhverfisstofnunar líkt og lög og reglur geri ráð fyrir.

Tiger Woods skilinn

Kylfingurinn Tiger Woods og Elin Nordegren eru skilin. Í yfirlýsingu frá hjónunum sem birt var í dag á heimasíðu Tiger Woods kemur fram að þau muni hafa sameiginlegt forræði yfir börnum sínum.

Reykur upp úr járnblendiverksmiðjunni á Grundartanga

Sjónvarvottar segja mikinn reyk stíga upp úr járnblendiverksmiðju Elkem á Grundartanga. Lögreglan á Borgarnesi segist ekki hafa fengið tilkynningu um eld í verksmiðjunni. Hins vegar geti hún staðfest að reykur berist frá verksmiðjunni en ekki hafi borist beiðni um hjálp. Starfsmaður járnblendiverksmiðjunnar sem Vísir ræddi við vildi ekki tjá sig um ástæður þess að reykur berst frá verksmiðjunni.

Biskup rúinn trausti

Staða Karls Sigurbjörnssonar biskups er mjög veik, segir Andrés Jónsson, formaður Almannatengslafélags Íslands. Karl hefur staðið í miklum ólgusjó undanfarna sólarhringa vegna umræðu um kynferðisbrot innan Þjóðkirkjunnar.

Vill að leynd yfir skýrslu um útigangsmenn sé aflétt

Fulltrúi Vinstri grænna í velferðarráði Reykjavíkur gagnrýnir leynd yfir skýrslu um málefni utangarðsfólks. Hann hefur farið fram á að trúnaði um skýrsluna verði aflétt.

Skuldir Orkuveitunnar tífaldast á tíu árum

Skuldir Orkuveitu Reykjavíkur hafa tífaldast á innan við áratug. Allir flokkar í borgarstjórn hafa átt fulltrúa í meirihluta stjórnar Orkuveitunnar á þessum tíma, en fimm af sex stjórnarformönnum eru úr sjálfstæðis- og framsóknarflokki.

Lögreglan rannsakar saurmengun á Þingvöllum

Lögreglurannsókn er hafin á seyrulosunarmálinu á Þingvöllum. Sýnataka úr neysluvatni síðan á miðvikudag bendir ekki til að vatn sé mengað, þó óyggjandi niðurstöður liggi enn ekki fyrir.

Pakistanar á Íslandi kalla eftir aðstoð

Pakistanar hér á landi kalla eftir aðstoð vegna flóðanna í landinu. Þau færi samfélagið áratugi aftur í tímann og mikið fé þurfi til endurbyggingar. Sameinuðu þjóðirnar ítreka ákall sitt til þjóða heims um aðstoð.

Fórnarlamb Ólafs Skúlasonar vill sannleiksnefnd

Sigrún Pálína Ingvarsdóttir skorar á þjóðkirkjuna að setja saman sannleiksnefnd til að komast til botns í máli Ólafs Skúlasonar en Sigrún segir Karl Sigurbjörnsson biskup og Hjálmar Jónsson sóknarprest hafa reynt að sannfæra hana um að láta af ásökunum sínum á hendur Ólafi árið 1996.

Makrílstríð: Breskur þingmaður vill viðskiptabann á Íslendinga

Fyrst hrundu bankarnir, svo gaus Eyjafjallajökull og nú ætla Íslendingar að svipta fiskveiðimenn okkar lífsviðurværinu. Svona hljómar fyrirsögnin á frétt Daily Mail um makrílveiðar Íslendinga. Í greininni rifjar Daily Mail upp þorskastríðið og segir Íslendinga haga sér eins og bandóðir víkingar.

Ábyrgðin hjá biskupi

Þjóðkirkjan verður sjálf að leysa úr þeim málum sem á borði hennar eru núna. Þetta er niðurstaða Rögnu Árnadóttur, dóms- og mannréttindamálaráðherra. Hún fundaði með Karli Sigurbjörnssyni biskupi Íslands um málefni Þjóðkirkjunnar í dag. „Ég hef skoðað þessi mál því ég vildi fullvissa mig um það hverjar skyldur ráðuneytisins eru í þessu máli. Það er alveg ljóst að þau verða alfarið leyst innan Þjóðkirkjunnar,“ segir Ragna.

Hlupu fyrir 30 milljónir króna

Áheit sem safnað var í tengslum við Reykjavíkurmaraþonið sem fram fór um helgina nálgast samtals 30 milljónir króna, samkvæmt upplýsingum sem fram koma á vef Reykjavíkurmaraþonsins. Það voru 98 góðgerðarfélög sem tóku þátt í áheitasöfnun.

Geisladiskar lifa góðu lifi á Íslandi

Geisladiskar með íslenskri tónlist lifa enn góðu lífi þó að sala á erlendri tónlist hafi dregist saman, segir Ásmundur Jónsson, framkvæmdastjóri Smekkleysu og formaður Félags hljómplötuframleiðenda. Eins og fram kom á Vísi um helgina benda tölur frá Billboard að sala á geisladiskum þar í landi hafi komist í sögulegt lágmark í sumar.

Deila um Hof

Stefna Kirkjumálasjóðs gegn íslenska ríkinu var tekin fyrir í Héraðsdómi Reykjavíkur í dag. Um er að ræða endurflutning á máli sem höfðað var vegna ágreinings um það hvort jörðin Hof í Vopnafirði sé eign kirkjunnar eða í eigu íslenska ríkisins. Dómur mun verða kveðinn upp í málinu þann 20. september næstkomandi.

Gjaldskrárhækkanir OR ná ekki til stóriðjunnar

Stjórnarformaður Orkuveitu Reykjavíkur sér fyrir sér verulegar gjaldskrárhækkanir til að mæta erfiðri rekstrarstöðu fyrirtækisins. Hækkunin á ekki að ná til stóriðju, þar sem orkuverð til hennar er bundið samningum

Hvetja foreldra til að fylgja börnum sínum í skólann

SAMFOK, samtök foreldra grunnskólabarna í Reykjavík, hvetur foreldra til að ganga með börnum sínum í skólann fyrstu skóladagana.

Biskup harmar rangfærslur

Karl Sigurbjörnsson, biskup Íslands, harmar mistök sem hann gerði í yfirlýsingu sem hann sendi fjölmiðlum í gær. Þar sagði Karl að hafa verði í huga að Sigrún Pálína Ingvarsdóttir, sem sakaði Ólaf Skúlason fyrrverandi biskup um kynferðisbrot gegn sér fyrir fjórtán árum, hefði kært Ólaf til ríkissaksóknara sem hafi ekki talið efni til að birta ákæru í málinu. Hið rétta er að Ólafur krafðist að fram færi opinber rannsókn rangs sakburðar og ærumeiðandi aðdróttana Sigrúnar og annarra kvenna.

Þúsundir gætu þurft að leita á náðir sveitarfélaganna

Þúsundir manna gætu þurft að leita á náðir félagsþjónustu sveitarfélaganna, verði réttur til atvinnuleysisbóta ekki lengdur í fimm ár, segir formaður Sambands íslenskra sveitarfélaga. Félagsmálaráðherra hefur ekki svarað því af eða á, hvort bótaréttur verði lengdur.

Prestur krefst rannsóknar á þöggun kirkjunnar

Sigríður Guðmarsdóttir sóknarprestur vill að kirkjan viðurkenni vanmátt sinn í máli Sigrúnar Pálínu Ingvarsdóttir og að óháð sannleiksnefnd verði skipuð til að fara yfir málið í heild sinni.

Aukinn áhugi á úrsögnum úr kirkjunni

Starfsfólk Þjóðskrár Íslands verður vart við stíganda í fyrirspurnum frá fólki um það hvernig eigi að bera sig að við úrsagnir úr Þjóðkirkjunni. Þetta segir Haukur Ingibergsson, forstjóri stofnunarinnar, í samtali við Vísi.

Sakar biskup um rangfærslur

Sigrún Pálína Ingvarsdóttir, sem sakaði Ólaf Skúlason fyrrverandi biskup um kynferðisbrot gegn sér fyrir fjórtán árum, sakar Karl Sigurbjörnsson núverandi biskup um rangfærslur í orðsendingu til fjölmiðla í gær. Þar sagði Karl að hann hefði ekki tekið þátt í því að þagga mál Sigrúnar Pálínu niður.

Strætó kominn á vetraráætlun

Vetraráætlun Strætó hefur tekið gildi sem þýðir að tíðni ferða eykst á ný og verður svipuð og síðastliðinn vetur. Jafnframt breytist akstur um Grafarvog og Grafarholt nokkuð með nýrri vetraráætlun.

Dagsektum beitt vegna slysagildra á Klukkuvöllum

Hafnarfjarðarbær hyggst beita verktaka dagsettum vegna slæms frágangs á byggingarlóðum í Vallahverfi í bæjarfélaginu. Íbúar á Klukkuvöllum í Hafnarfirði hafa ítrekað kvartað undan slæmum frágangi á lóðum í götunni.

Miðborgin hrein að nýju

Miðborgin er orðin hrein og fín að nýju eftir að um 100 þúsund manns komu saman þar þegar að menningarnótt náði hámarki.

Vilja eigendafund vegna stöðu Orkuveitunnar

Bæjarráð Akraness og byggðarráð Borgarbyggðar samþykktu á fundum sínum síðastliðinn fimmtudag að óska eftir eigendafundi í Orkuveitu Reykjavíkur. Fundurinn yrði haldinn í kjölfar yfirlýsinga stjórnarformanns Orkuveitu Reykjuvíkur um breytta stefnu í rekstri fyrirtækisins vegna atbeina borgarstjóra, brottvikningu forstjóra og ýmissa annarra stjórnarhátta án samráðs við eigendur Orkuveitunnar.

Sigrún Pálína: Karl og Hjálmar reyndu að þagga niður í mér

Sigrún Pálína Ingvarsdóttir segir að eftir misheppnaðar sáttatilraunir við Ólaf Skúlason, þáverandi biskup, hafi Karl Sigurbjörnsson, núverandi biskup, og Hjálmar Jónsson, núverandi Dómkirkjuprestur, reynt að þagga niður í henni. Karl hafi meðal annars vísað til þess að hún ekki gert sjúkri móður sinni það að halda málinu til streitu. Sjálfur segist Karl ekki hafa tekið þátt í að beita Sigrúnu óeðlilegum þrýstingi til að fá hana til að falla frá ásökunum sínum.

Geir Waage: Ríkari trúnaðarskylda gildir um presta

Geir Waage, prestur í Reykholti segir að tilkynningaskylda presta hafi litla raunhæfa þýðingu því án trúnaðar verði prestum aldrei trúað fyrir nokkru. Hann segir ríkari trúnaðarskyldu lagða á presta. Þetta kemur fram í grein sem Geir ritar í Morgunblaðið í dag.

HS Orka vill hærra verð

Bæjaryfirvöld í Grindavík og Hafnarfirði hafa ekki lokið breytingum á aðal- og deiliskipulagi á Reykjanesi og í Krýsuvík. Það tefur fyrir fyrirhuguðum tilraunaborunum og raforkuframleiðslu HS Orku. Hægst hefur á framkvæmdum við byggingu álversins í Helguvík af þessum sökum.