Enn skilgreint sem hættusvæði

Verulega hefur dregið úr gosvirkni í Eyjafjallajökli en sérfræðingar segja ótímabært að segja að gosinu sé lokið. Ómar Ragnarsson flaug yfir gosstöðvarnar í morgun og varð ekki var við neinar eldhræringar.

Þétt umferð

Umferð á Suðvesturhorninu hefur verið þétt í dag og gengið afar vel fyrir sig, samkvæmt upplýsingum sem fengust hjá lögreglu. Hvítasunnuhelgin er jafnan kölluð fyrstu stóra ferðahelgi ársins og árið í ár er engin undantekning.

Hætta flugi milli Akureyrar og London vegna eldgossins

Iceland Express hefur ákveðið að hætta við reglubundið flug milli Akureyrar og London, sem vera átti í sumar, þar til næsta ár. Ástæða þess er sú, að dregið hefur úr eftirspurn eftir ferðum, bæði hér heima og í öðrum löndum vegna eldgossins í Eyjafjallajökli.

Ómar Ragnarsson: Engin aska kemur úr Eyjafjallajökli

Margt bendir til að eldgosinu í Eyjafjallajökli sé að ljúka, en virknin í eldstöðinni hefur snarminnkað síðastliðinn sólahring. Ómar Ragnarsson flaug yfir eldstöðina í morgun og sá enga ösku.

Skólastjóri Melaskóla sleginn yfir hótun á Facebook

Skólastjóri Melaskóla er sleginn yfir hótun á Facebook samskiptaefnum um að sprengja skólann í loft upp. Stofnandi síðunnar segist framkvæma hótunina ef þúsund manns skrái sig á síðuna en nú hafa um ellefu hundruð manns gert það. Skólastjórinn skorar á þann sem stendur fyrir hótuninni að gefa sig fram strax.

Lista fólksins hent út af Facebook

Lista fólksins á Akureyri hefur verið úthýst af samskiptavefnum Facebook. Bæjarfulltrúi L-listans segir ljóst að einhverjir hafi viljað skemma fyrir framboðinu.

Nýtt útisvæði við sundlaugina í Eyjum tekið í notkun

Nýtt útisvæði var tekið formlega í notkun við Íþróttamiðstöð Vestmannaeyja í gær að viðstöddu fjölmenni.

Vill faglega ráðinn bæjarstjóra í Mosfellsbæ

Marteinn Magnússon, oddviti Framsóknarflokksins í Mosfellsbæ, vill að eftir kosningarnar um næstu helgi verði bæjarstjóri bæjarfélagsins ráðinn faglega. Hann segir að stjórnsýslan eigi að vera fagleg og að allar ákvarðanir hennar eigi að byggja á jafnræði og meðalhófi.

Eldur kviknaði í vörubíl

Eldur kviknaði í vörubíl við vigtunarplanið við afleggjara í grennd við Hvalfjarðargöngin í gærkvöldi. Slökkviliðsmaður segir að bíllinn hafi staðið þar mannlaus frá því í gær. Ekki sé vitað um upptök eldsins en leiða megi líkur að því að um íkveikju hafi verið að ræða.

Verslanir lokaðar

Lokað er í verslunum í dag, Hvítasunnudag. Flestar bensínstöðvar og matvörubúðir eru lokaðar, en þó eitthvað um opnanir í smærri matvöruverslunum. Dansleikir og einkasamkvæmi á opinberum veitingastöðum eru bönnuð í dag. Listsýningar, tónleikar, leiksýningar og kvikmyndasýningar eru undanþegnar banni um helgidagafrið eftir klukkan þrjú í dag.

Litlar hræringar í eldstöðinni í Eyjafjallajökli

Mikil rólegheit virðast nú vera við Eyjafjallajökul. Að sögn lögreglumanns á Hvolsvelli gætti þar lítilsháttar öskufalls í gær en ekkert sést nú til gossins. Sérfræðingar á Veðurstofu Íslands segir að smá skot hafi verið í gosinu um hádegisbil í gær en síðan þá hafi dregið úr gosóróa á svæðinu. Þeir segja að ekki sé hægt að slá því föstu að gosinu sé að ljúka en lítið sem ekkert sést til þess ef vefmyndavélar Mílu eru skoðaðar um þessar mundir.

Bíll missti afl og brann

Bíll brann á Suðurlandsvegi við Þrengslaveg um níu leytið í gærkvöldi. Ökumaður fann reykjarlykt og stöðvaði bílinn þegar hann missti afl og drap á sér. Við nánari athugun sá maðurinn eld í framhluta bifreiðarinnar sem breiddist mjög hratt út og bíllinn varð alelda. Slökkvilið kom á staðinn og slökkti eldinn, en bíllinn er gjörónýtur.

Óku án réttinda og ölvaðir

Nóttin var erilsöm hjá lögreglunni á höfuðborgarsvæðinu. Fjölmenni var í Miðbænum og talsvert um pústra. Nokkrir voru fluttir á slysadeild til skoðunar en enginn reyndist alvarlega slasaður, að sögn varðstjóra. Lögregla stöðvaði fjóra ökumenn sem óku undir áhrifum áfengis, þar af tvo sem voru án ökuréttinda. Átta gistu fangageymslur á lögreglustöðinni á Hverfisgötu.

Borgarstjóri Árósa: Reykjavík getur unnið gegn efnahagssamdrætti

Borgarstjóri Árósa segir Reykjavíkurborg hafa hlutverki að gegna við að vinna gegn atvinnuleysi og efnahagssamdrætti. Í Árósum er atvinnuleysi talsvert minna en gengur og gerist í Danmörku.

Hugmynd um styttri opnunartíma gölluð

Borgarfulltrúi Vinstri grænna hefur sagt sig úr nefnd um endurskoðun opnunartíma skemmtistaða vegna óánægju með vinnubrögð nefndarinnar. Hann hyggst leggja fram tillögu um að öllum skemmtistöðum í miðborginni í nálægð íbúðabyggðar verði ekki lokað seinna en klukkan þrjú. Veitingamaður segir hugmyndina gallaða.

Tuttugu tóku þátt í hópslagsmálum

Lögreglan á höfuðborgarsvæðinu var kölluð út rétt eftir klukkan fimm í dag vegna hópslagsmála í Hafnarstræti. Þar tókust á tveir hópar sem í voru um 20 unglingsstrákar á aldrinum 14-16 ára. Sumir þeirra voru vopnaðir bareflum og þá var einn með rafstuðtæki, en slík tæki eru ólögleg hér á landi. Hópunum laust saman vegna skeytasendinga í gegnum internetið.

Stjórnmálafræðingur: Besti flokkurinn tekur sig alvarlega

Flestir Reykvíkingar vilja að Jón Gnarr verði næsti borgarstjóri, samkvæmt könnun Stöðvar 2 og Fréttablaðsins. Stjórnmálafræðingur segir nýja aðgerðaráætlun Besta flokksins vísbendingu um að flokkurinn taki sig alvarlega.

Viðræður um orkusölu til Helguvíkur hafnar

Viðræður eru hafnar milli Magma Energy og Norðuráls um sölu á orku til álversins í Helguvík. Bæjarstjórinn í Reykjanesbæ fagnar kaupum Magma á HS orku, en oddviti A-listans vill að kannað verði hvort bærinn geti fengið aftur rúmlega 6 milljarða hlut í HS orku sem Geysir Green Energy fékk að láni með skuldabréfi frá bænum.

Hugfanginn af einkabílnúmerum - myndir

Egill Ólafsson, tvítugur nemi við MS, byrjaði undir lok apríl að safna myndum af íslenskum einkabílnúmerum sem urðu á vegi hans í myndaalbúm á Facebook. Myndirnar eru nú orðnar 140 talsins og bætist stöðugt við.

Fjórir fluttir á slysadeild eftir aftanákeyrslu

Fjórir voru fluttir á slysadeild Landspítalans eftir harða aftanákeyrslu á gatnamótum Framnesvegar og Hringbrautar skammt frá JL-húsinu á sjötta í tímanum í kvöld. Um minniháttar meiðsl er að ræða.

Flokkarnir hafa ekki svarað kallinu um siðbót

Baldur Þórhallsson, prófessor í stjórnmálafræði við Háskóla Íslands, segir ljóst að nýlegar skoðanakannanir sýni að stjórnmálaflokkarnir hafi ekki svarað kalli almennings um siðbót. Margir upplifi að sami rassinn sé undir öllum stjórnmálamönnum þó það sé ekki raunin, að mati Baldurs.

Einn með allar tölurnar réttar

Einn heppinn lottóspilari var með allar tölur réttar í lottóinu í kvöld og er hann tæpum 10,4 milljónum ríkari fyrir vikið. Vinningurinn kom á miða með tölunum 1, 5, 12, 33 og 39. Miðinn var seldur í Skeljungi við Kleppsveg. Bónustalan var 8.

Fjölmennasta útskrift í sögu FAS

Í dag fór fram fjölmennasta útskrift frá Framhaldsskólanum í Austur-Skaftafellssýslu til þessa. Að þessu sinnu voru útskrifaðir 19 stúdentar, fjórir af skrifstofubraut, þrír sjúkraliðar og einn stuðningsfulltrúi.

Jón Gnarr hafnar Hönnu Birnu

Jón Gnarr, oddviti Besta flokksins, hafnar Hönnu Birnu Kristjánsdóttur, oddvita sjálfstæðismanna sem borgarstjóra. Þetta kemur fram í þætti Hrafns Gunnlaugssonar „Reykjavík - Hvað næst?“ á sjónvarpsstöðinni ÍNN sem sýndur verður annað kvöld.

Formannsframbjóðendur fordæma aðild Breta að innrásinni í Írak

Tveir frambjóðendur í leiðtogakjöri breska Verkamannaflokksins fordæma innrás bandamanna í Írak vorið 2003. Þeir segja að flokkurinn hefði aldrei átt að styðja árásina.

Kosningaumfjöllun Stöðvar 2 hefst í kvöld

Kosningaumfjöllun Stöðvar 2 hefst í kvöld og stendur allt fram að sveitarstjórnarkosningum laugardaginn 29. maí. Málefnum stærstu kjördæma landsins verða gerð skil og talað við frambjóðendur.

Fluttur á slysadeild

Karlmaðurinn sem slasaðist illa á hendi í Vífilsfelli fyrir hádegi er kominn á slysadeild. Maðurinn, sem er á sextugsaldri, var á ferð með hópi göngufólks í fellinu þegar hann hlaut opið beinbrot á handlegg.

Engar tilkynningar um öskufall

Engar tilkynningar hafa borist af öskufalli í dag vegna eldgossins í Eyjafjallajökli. Gosmökkurinn er í um 4 kílómetra hæð samkvæmt athugun könnunarflugs sem farið var eftir hádegi. Hæg austlæg vindátt ber mökkinn til vesturs. Þetta er meðal þess sem kemur fram í stöðuskýrslu Veðurstofu Íslands og Jarðvísindastofnunar Háskóla Íslands.

Flytja manninn niður Vífilsfell

Björgunarsveitarmenn af höfuðborgarsvæðinu vinna nú að því að koma karlmanni á sextugsaldri sem slasaðist fyrir hádegi niður Vífilsfell. Maðurinn handleggsbrotnaði þar hann varð fyrir grjóthruni á ellefta tímanum og er um að ræða opið beinbrot, að sögn Ólafar Snæhólm upplýsingafulltrúa Landsbjargar.

Vísar orðum iðnaðarráðherra á bug - ekki við lífeyrissjóðina að sakast

Arnar Sigurmundsson, formaður Landssamtaka lífeyrissjóða, vísar orðum iðnaðarráðherra um illa gangi að fjármagna stóriðjuframkvæmdir vegna tregðu lífeyrissjóðanna til að fjárfesta í íslenska orkugeiranum á bug. Hann segir að ekki sé við lífeyrissjóðina að sakast.

Reyna að koma í veg fyrir verkfall

Samningaviðræður hófust á ný í dag á milli yfirmanna British Airways og flugliða fyrirtækisins sem hafa boðað til fimm daga verkfalls frá og með næsta mánudegi.

Hallgrímur Helgason: Förum úr einu bullinu í annað

„Þetta er hálf sorglegt. Við erum að fara úr einu bullinu í annað. Ég er hræddur um að þjóðin endi upp með ennþá meiri þynnku eftir að hafa kosið þetta yfir sig,“ segir rithöfundurinn Hallgrímur Helgason um gott gengi Besta flokksins í skoðanakönnunum.

Allir fá vinnu hjá Vinnuskóla Reykjavíkur

Allir sem skráðir eru í Vinnuskóla Reykjavíkur fá vinnu, en 2700 hafa þegar skráð sig. Formlegur umsóknarfrestur um sumarvinnu hjá Vinnuskóla Reykjavíkur er liðinn en enn er þó opið fyrir skráningar nemenda. Vinnuskólinn segir að erfitt geti verið að uppfylla óskir þeirra sem sækja um núna til dæmis hvað varðar val á vikum. Allir sem skrái sig fái þó vinnu.

Borgarfulltrúi VG vill að skemmtistaðir loki klukkan þrjú

Þorleifur Gunnlaugsson, borgarfulltrúi Vinstri grænna, hefur sagt sig úr stýrihóp um staðsetningu og opnunartíma áfengisveitingastaða vegna óánægju með hægagang og vinnubrögð hópsins. Hann vill fara að tillögum íbúa miðbæjarins og loka skemmtistöðum klukkan þrjú.

Meintir kókaínsmyglarar áfram í varðhaldi

Fjórir karlar hafa verið úrskurðaðir í áframhaldandi gæsluvarðhald til 18. júní að kröfu lögreglunnar á höfuðborgarsvæðinu og er það gert á grundvelli almannahagsmuna. Mennirnir eru grunaðir um aðild á innflutningi kókaíns hingað til lands frá Spáni í apríl. Um er að ræða rúmlega 3 kíló af mjög hreinu kókaíni.

Sækja slasaðan mann á Vífilsfell

Björgunarsveitarmenn af höfuðborgarsvæðinu eru nú á leið upp á Vífilsfell til að sækja slasaðan mann. Maðurinn sem er á sextugsalri er ekki talinn vera mikið slasaður en hann er af öllum líkindum handleggsbrotinn og lemstraður.

Sigurjón Þórðar: 17. júní er ekki pylsu- og blöðruhátíð barna

„Það getur aldrei orðið annað en óhappaverk að afsala Íslandi umráðum yfir fiskveiðiauðlindinni en það er sérstaklega ósmekklegt að hefja slíkt ferli á sjálfan þjóðhátíðardaginn, dýpra verður ekki sokkið,“ segir Sigurjón Þórðarson, formaður Frjálslynda flokksins.

Laumuðust inn í skólann og pöntuðu pizzur

Þrír 12 ára drengir laumu sér inn í Sunnulækjarskóla á Selfossi í gærkvöldi og komu sér vel fyrir. Á sama tíma voru starfsmenn að störfum við ræstingar og lítur allt út fyrir að drengirnir hafi af þeim sökum komist inn um ólæstar dyr. eir unnu engar skemmdir og gerðu sig ekki líklega til stela innanstokksmunum, að sögn lögreglunnar. Aftur á móti höfðu þeir hringt úr síma í skólanum og pantað allmargar pizzur þegar lögregla kom á vettvang. Forráðamenn sóttu drengina og tókst lögreglu að afpanta pizzurnar.

Enn dregur úr gosinu

Enn dregur úr gosinu í Eyjafjallajökli að sögn Sigþrúðar Árnadóttur starfsmanns Veðurstofu Íslands. Nokkrir litlir skjálftar mældust í nótt, flestir voru þeir grunnir en verið er að afla frekari upplýsinga um gosóróan á Veðurstofunni.

Ók ölvaður á hús á Akranesi

Ekið var á hús á Akranesi laust eftir klukkan fjögur í nótt. Ökumaður fólksbílsins er á þrítugsaldri og er talinn hafa verið ölvaður. Hann var einn í bílnum og var handtekinn og færður til sýnatöku. Ekki urðu teljandi skemmdir á raðhúsinu en bifreiðin er gjörónýt.

Drengurinn fundinn

15 ára drengur sem lögreglan á höfuðborgarsvæðinu lýsti eftir um miðjan dag í gær, er fundinn. fór frá heimili sínu um miðnætti laugardagskvöldið þann 15. maí síðastliðinn og hafði ekki spurst til hans síðan þegar lögregla lýsti eftir honum. Lögregla þakkar fyrir aðstoð við leit að drengnum.

Hafnaði utanvegar með gröfu

Betur fór en á horfðist þegar umferðaróhapp varð á Biskupstungnabraut skammt frá Selfossi á tólfta tímanum í gærkvöldi. Þar mættust tveir bílar og var öðrum þeirra ekið öfugum vegarhelmingi sem varð til þess að sá sem á móti komi sveigði til hliðar og hafnaði utanvegar. Ökumaðurinn bifreiðarinnar var með kerru í eftirdragi. Á henni var grafa sem þeyttist af og skemmdist talsvert. Engin slys urðu á fólki en mikil þoka var á svæðinu þegar óhappið varð, að sögn lögreglunnar á Selfossi.

Borgarbúar refsa hrunflokkunum

Besti flokkurinn nýtur stuðnings tæplega 44 prósenta kjósenda og fær átta borgarfulltrúa af fimmtán, og þar með hreinan meirihluta í komandi kosningum. Þetta eru niðurstöður skoðanakönnunar Fréttablaðsins og Stöðvar 2 sem gerð var á fimmtudag.

Yngstu þjófarnir voru átta ára

Yngstu einstaklingarnir sem lögregla hafði afskipti af vegna hnupls á síðustu þremur árum voru átta ára, en hinir elstu 88 ára. Þetta kemur fram í afbrotatölfræði Ríkislögreglustjóra, sem embættið hefur tekið saman fyrir árin 2007 til 2009.

Leita réttar síns eftir þriggja daga fangelsi

Tvær konur frá Rúmeníu leita nú réttar síns eftir það sem þær vilja meina að hafi verið ólögmæt frelsissvipting þegar þær sóttu hér landið heim í síðasta mánuði.