Gosstöðvarnar sjást frá Hellisheiði

Ágætis skyggni er á Suðurlandi í dag og því líklegt að hægt sé að sjá til gossins á Fimmvörðuhálsi víða að. Samkvæmt upplýsingum frá Kristjáni má Unnarssyni fréttamanni sést til gossins frá Hellisheiðinni. Þá sést á topp Eyjafjallajökuls frá Rangárvöllum.

Svindlarar herja á íslenska Facebook-notendur

Nígeríusvindlararnir alræmdu eru farnir að láta á sér kræla á ný en Hilmar Sigvaldsson fékk bréf frá Benjamin T. Dabrah frá Ghana í gegnum Facebook reikninginn sinn. Benjamin segist hafa undir höndum upplýsingar um háar fjárhæðir á reikningi manns sem ber sama föðurnafn og Hilmar. Sá maður á að hafa látist í jarðskjálfta í Kína og láti eftir sig mikið fé.

Eldur í ruslageymslu í Fannarfelli

Eldur kviknaði í ruslageymslu í Fannarfelli um hálfáttaleytið í morgun. Reyk lagði upp rör ruslatunnugeymslunnar og fór að mestu leyti út um túðu á þakinu. Einhvern reyk lagði inn í stigaganginn að sögn slökkviliðsmanna. Um minniháttar eld reyndist að ræða. Húsnæðið var reykræst en engar skemmdir urðu.

Gosið að kvöldlagi - myndir

Vilhelm Gunnarsson ljósmyndari Fréttablaðsins tók meðfylgjandi myndir á Fimmvörðuhálsi um klukkan níu í gær. Vilhelm fékk far með þyrlu upp á hálsinn en gekk svo til baka. Eldgosið er ekki síður mikilfenglegt að kvöldlagi en í dagsbirtu eins og sjá má.

Ætlar að loka Reykjavíkurflugvelli vegna skorts á slökkviliðsmönnum

„Stjórnsýslukæran frestar ekki réttaráhrifum og því mögulegt að flugvellinum verði lokað komi ekki til úrbóta,“ segir Jón Viðar Matthíasson, slökkviliðstjórinn á höfuðborgarsvæðinu en hann hefur sent Flugstoðum bréf þar sem hann tilkynnir þeim að Reykjavíkurflugvelli verði lokað á morgun verði ekki fjölgað í liði slökkviliðsmanna á vellinum.

ECA bauð allt of lága leigu

Hernaðarfyrirtækið ECA programs bauð allt of lága leigu fyrir aðstöðu á Keflavíkurflugvelli. Ekki stendur til að niðurgreiða starfsemi félagsins þar, af hálfu almennra flugfarþega.

Sparkaði ítrekað í andlitið á liggjandi manni

Héraðsdómur Reykjavíkur dæmdi í dag 23 ára gamlan karlmann, í átta mánaða fangelsi í morgun fyrir fólskulega líkamsárás. Fimm mánuðir eru skilorðsbundnir.

Mismunar ekki eftir þjóðerni heldur þjóðfélagsaðstæðum

Framkvæmdarstjóri Fjölskylduhjálpar hefur sent frá sér yfirlýsingu vegna fréttar Fréttablaðsins í morgun um að Íslendingar hefðu forgang yfir útlendinga í matarúthlutun.

Gylfi hundskammar ríkisstjórnina

Gylfi Arnbjörnsson, forseti ASÍ, sakar ríkisstjórnina og einkum félagsmálaráðherra um að rjúfa áratuga langa sátt aðila vinnumarkaðarins og stjórnvalda um samábyrgð á málefnum vinnumarkaðirins með stofnun Vinnumarkaðsstofnunar sem verður til með sameiningu Vinnumálastofnunar

Vilja banna kennitöluflakk

Þingmenn þriggja flokka lögðu fram á Alþingi í morgun frumvarp til þess að sporna við svokölluðu kennitöluflakki í rekstri fyrirtækja. Í greinagerð með frumvarpinu segir að tilgangur þess sé sá að slá varnagla við því að helstu eigendur og stjórnendur geti í skjóli takmarkaðrar ábyrgðar orðið uppvísir að því að keyra fyrirtæki sín í þrot ítrekað.

Icelandair semur við ÚTÓN um Airwaves hátíðina

Icelandair og Útflutningsskrifstofa íslenskrar tónlistar, ÚTÓN, undirrituðu í dag samstarfssamning um rekstur tónlistarhátíðarinnar Iceland Airwaves til næstu fimm ára. ÚTÓN hefur samhliða þessu gert samning um að taka við allri starfsemi sem snýr að rekstri hátíðarinnar af fyrri rekstraraðila, Hr. Örlygi.

Farþegafjöldi lækkaður um 136

Farþegafjöldi með Herjólfi verður lækkaður um 136 farþega í hverri ferð í sumar. Þá verður skipið látið sigla með minni olíubirgðir en áður, til að rista ekki of djúpt við Landeyjahöfn.

Þeir sem frystu lán í Landsbankanum fá útreiknaðar vaxtabætur

Samkvæmt upplýsingum frá Landsbankanum þá fá þeir sem frystu lánin sín hjá Landsbankanum greiddar vaxtabætur hjá ríkinu þar sem bankinn reiknar gjaldfallna vexti af frystum íbúðarlánum.

Flugumferðastjórar funda með viðsemjendum í dag

Fundur flugumferðarstjóra og viðsemjenda þeirra, sem eru Flugstoðir og Keflavíkurflugvöllur, hefst hjá ríkissáttasemjara klukkan ellefu. Fyrir tæpum hálfum mánuði frestuðu flugumferðastjórar verkfalli sem boðað hafði verið þar sem til stóð að setja lögbann á það. Flugumferðastjórar hafa ekki boðað til annars verkfalls.

Formaður Mannréttindaráðs gagnrýnir Fjölskylduhjálp harðlega

„Þetta brýtur í bága við mannréttindastefnu Reykjavíkurborgar,“ segir Marta Guðjónsdóttir, varaborgarfulltrúi Sjálfstæðisflokksins og formaður Mannréttindaráðs Reykjavíkurborgar, um stefnu Fjölskylduhjálpar að hafa Íslendinga í forgangi.

Funda með framkvæmdastjóra AGS

Gylfi Magnússon efnahags- og viðskiptaráðherra og Steingrímur J. Sigfússon fjármálaráðherra munu funda á morgun með Dominique Strauss-Kahn framkvæmdastjóra Alþjóðagjaldeyrissjóðsins og Murilo Portugal

HÍ kynnir framhaldsnám

Háskóli Íslands mun kynna allt framhaldsnám við skólann í dag. Kynningin fer fram á Háskólatorgi og munu öll fimm fræðasvið Háskólans kynna möguleika sem í boði verða í framhaldsnámi á næsta skólaári. Kynningin verður milli kl. 16–18.

Stöðugur kraftur í gosinu á Fimmvörðuhálsi

Ámóta kraftur er í gosinu í Fimmvörðuhálsi og var í gær, en sú breyting hefur orðið að verulega hefur dregið úr gufumyndun og gufusprengingum í Hrunagili, þar sem hraunið steypist niðru í fossi.

Ungir tóbaksþjófar á ferð í Breiðholti

Lögreglan á höfuðborgarsvæðinu handtók þrjá pilta á alldrinum 13 til 15 ára á fjórða tímanum í nótt, eftir að þeir höfðu brotist inn í verslun í Breiðholti og stolið þaðan tóbaki.

Allir láti sprauta sig gegn svínaflensunni

„Menn gleyma því að það voru tvö hundruð manns lagðir inn á spítala og tuttugu manns í öndunarvélar á gjörgæslu – allt fólk á besta aldri sem annars hefði dáið,“ segir Þórólfur Guðnason, yfirlæknir á sóttvarnasviði Landlæknis, sem kveður mikilvægt að allir verði bólusettir gegn svínaflensu.

Íslendingar í forgang hjá Fjölskylduhjálp

Fjölskylduhjálp Íslands beindi í gær fólki í tvær biðraðir í vikulegri matarúthlutun sinni. Í aðra röðina fóru útlendingar en í hina Íslendingar, sem gengu fyrir.

Gufustrókar hækka í 12.000 fet í logninu

Gufustrókar úr eldstöðvunum á Fimmvörðuhálsi hækkuðu verulega þegar líða tók á daginn í gær og vind lægði.

Stór atburður hjá litlu félagi

Bandalag íslenskra skáta er nær öruggt um að fá að halda heimsmót róverskáta hér á landi árið 2017. Mótið verður langstærsti alþjóðlegi viðburðurinn sem íslenskir skátar hafa staðið fyrir frá upphafi.

Kalt vatn að drekka úr nýju listaverki

Nýr vatnspóstur hannaður af Sigurði Guðmundssyni, listamanni og rithöfundi, var tekinn formlega í notkun við göngu- og hjólastíginn í Fossvogsdal fyrir skömmu. Vatnspósturinn er á vegum Orkuveitu Reykjavíkur og stendur vestan við enda Árlands.

Vændu hvor annan um að vinna í þágu styrktaraðila

Þingmenn Sjálfstæðisflokks og Samfylkingar vændu hvorir aðra um að láta hagsmuni þeirra sem styrkja flokkana ráða málflutningi sínum á Alþingi í gær.

Ferðamenn vilja sjá náttúru

Þegar eldgos kemst í erlendar fréttir dregur það athygli að óspilltri íslenskri náttúru. Það eykur á spennuna fyrir þessu sérkennilega landi. Allt slíkt hjálpar til þess að fá hingað ferðamenn, að sögn Guðjóns Arngrímssonar, upplýsingafulltrúa Icelandair.

Lögregla hafði hendur í hári Skap-Ofsa

Málningarslettumaðurinn sem lögreglan á höfuðborgarsvæðinu handtók í janúar er hinn sami og gengið hefur undir dulnefninu Skap-Ofsi, samkvæmt heimildum Fréttablaðsins. Málningarslettunum linnti eftir handtöku mannsins.

Íkveikjan enn óupplýst

Rannsókn á íkveikjunni í Laugarásvídeói í ágústlok í fyrra lauk fyrir nokkru án þess að nokkur hefði verið handtekinn. Málinu verður þó haldið opnu ef nýjar upplýsingar skyldu berast.

Minna svifryk en áætlað var

Styrkur svifryks fór aðeins yfir heilsuverndarmörk við mælistöð umhverfis- og samgöngusviðs við Grensásveg í Reykjavík í um eina og hálfa klukkustund í fyrradag en var undir mörkum í gær. Heilsuverndarmörkin eru 50 míkrógrömm á rúmmetra og hefur styrkurinn farið ellefu sinnum yfir mörkin á árinu.

Gos ekki hafið á nýjum stað - mikil gufa orsakar bjarma

Fjölmargir hafa haft samband við fréttastofu í kvöld og talið að eldgos væri hafið á nýjum stað í grennd við gossprunguna á Fimmvörðuhálsi. Sérfræðingur hjá Veðurstofu Íslands segir svo ekki vera.

Meirihlutinn í Vesturbyggð sprunginn

Meirihlutinn í Vesturbyggð er sprunginn eftir að bæjarfulltrúinn Jón Hákon Ágústsson sagði sig úr úr Bæjarmálafélaginu Samstöðu sem hefur haft meirihluta í bæjarstjórn undanfarin fjögur ár. Samtaða fékk fjóra bæjarfulltrúa kjörna í kosningunum 2006 og Sjálfstæðisflokkurinn þrjá. Þetta gerir Jón Hákon vegna óleysanlegs ágreinings varðandi umsagnir í laxeldismálum í Arnarfirði.

Hraunfossinn og gosið á Fimmvörðuhálsi - myndir

Í dag voru teknar fyrstur myndirnar úr þyrlu af jarðeldinum á Fimmvörðuhálsi, en það var fyrst í dag sem veður leyfði þyrluflug svo nærri gígunum. Líkt áður hefur komið fram sést nú glóandi hraunfoss á eldsstöðvunum. Fossinn er sennilega hátt í 200 metra hár. Meðfylgjandi myndir tók Anton Brink, ljósmyndari Fréttablaðsins. Myndskeið frá þyrlufluginu er hægt að sjá með þessari frétt.

Hraunfossinn stórkostlegt náttúrufyrirbæri

Stórfenglegt náttúrufyrirbæri, glóandi hraunfoss, um tvöhundruð metra hár, sést nú á eldsstöðvunum í Eyjafjallajökli þegar hrauneðjan steypist niður í hið hrikalega Hrunagil við Heljarkamb.

Framboðslisti Samfylkingarinnar í Árborg samþykktur

Framboðslisti Samfylkingarinnar í Árborg fyrir sveitarstjórnarkosningarnar í voru var samþykktur á aðalfundi félagsins í kvöld. Röð efstu manna er í samræði við niðurstöður í prófkjöri flokksins sem fór fram í febrúar. Ragnheiður Hergeirsdóttir, bæjarstjóri, leiðir listann.

Róbert leiðir A-listann í Hveragerði

Róbert Hlöðversson, sviðsstjóri og bæjarfulltrúi, leiðir A-listann í bæjarstjórnarkosningunum í Hveragerði í vor. A-listinn er sameinilegt framboð Framsóknarflokks, Samfylkingar og Vinstri hreyfingarinnar græns framboðs. VG var ekki hluti af framboðinu fyrir fjórum árum en A-listinn fékk þá þrjá bæjarfulltrúa kjörna og Sjálfstæðisflokkurinn fjóra.

Almenningi áfram bannað að nálgast eldstöðina

Eyjafjallajökull er enn að þenjast út og meðan svo er verður fólki áfram bannað að nálgast gosstöðvarnar, segir sýslumaður Rangæinga og yfirmaður almannavarna á svæðinu. Yfirvöld eru þó að skoða hvort unnt sé að veita almenningi betri aðgang að svæðinu.

Hrauneðjan stefnir hratt niður í Þórsmörk

Ein helsta náttúruparadís landsins, Þórsmörk, gæti tekið breytingum á næstu dögum. Hrauneðjan stefnir nú hratt þangað og áætlar Haraldur Sigurðsson eldfjallafræðingur að með sama hraða geti hún náð þangað á einum til tveimur dögum.

Fáir fá kvótann

Ætla má að aðeins um 70 einstaklingar ráði yfir 70 prósentum af heildarkvótanum á Íslandsmiðum. LÍÚ telur að útvegurinn þurfi að fá 100 milljarða afskrifaða til að geta gengið. Einungis þorskkvóti sem fyrirtæki þessa fólks fá úthlutað er yfir 165 milljarða króna virði.

Fengu styrk fyrir dugnað og elju í námi

Hanna Birna Kristjánsdóttir, borgarstjóri, úthlutaði níu námsstyrkjum úr Guðrúnarsjóði í Höfða í dag. Sjóðurinn var stofnaður með samþykkt borgarráðs 3. mars 2005 í samstarfi við Eflingu - stéttarfélag.

Paul Rames og fjölskylda fengu dvalarleyfi

Paul Ramses og hans fjölskylda voru himinlifandi yfir því að fá loks afgreiðslu sinna mála eftir tæplega tveggja ára bið en Útlendingastofnun veitti þeim í dag dvalarleyfi á grundvelli verndar gegn ofsóknum í heimalandi þeirra. Þau segja þungu fargi af sér létt við niðurstöðuna og eru þakklát fyrir að geta nú lifað eðlilegu lífi á Íslandi.

Þrýstingurinn hefur ekki minnkað - enn hætta á að gosið fari undir jökul

Almannavarnanefnd Rangárvallasýslu og Vestur-Skaftafellssýslu fundaði í dag með almannavarnadeild ríkislögreglustjóra og vísindamönnum um eldgosið á Fimmvörðuhálsi.

ASÍ: Alþingi verður að ljúka Icesave deilunni

Miðstjórn Alþýðusambands Íslands lýsir yfir þungum áhyggjum af stöðu efnahags- og atvinnumála. Hún segir brýnt að ljúka Icesave deilunni sem fyrst. Auk þess verði stjórnvöld að gera átak í mannaflsfrekum framkvæmdum.

Þarf að borga þrjár milljónir vegna ærumeiðandi ummæla

Héraðsdómur Vesturlands dæmdi í dag Guðríði Haraldsdóttur, ritstjóra Vikunnar, fyrir ærumeiðandi ummæli og brot gegn friðhelgi einkalífs gagnvart feðginum í umfjöllun blaðsins í júlí í síðasta ári. Þá var stúlkan 13 ára gömul. Guðríði var gert að greiða alls 2,8 milljónir auk vaxta og dráttarvaxta.

Framsóknarmenn vilja endurskoða samstarfið við AGS

Framsóknarflokkurinn vill endurskoða samstarfsáætlun Íslands og Alþjóðagjaldeyrissjóðsins í ljósi atburða og breyttra aðstæðna frá því að upphaflegur samningur var gerður við sjóðinn. Þetta er meðal þess sem kemur fram í tillögu um þjóðarsátt í tíu liðum sem flokkurinn hefur lagt fram.

Þeir sem frystu lánin verða af vaxtabótum

Þeir einstaklingar sem hafa fryst íbúðalánin hjá Arion banka vegna erfiðrar fjárhagsstöðu fá engar vaxtabætur frá ríkinu í ár þar sem bankinn reiknar ekki og gefur ekki upp áfallna vexti af láninu. Enn er beðið eftir svari frá Landsbankanum hvort slíkt hið sama sé uppi á teningnum.