Máttu ekki breyta einkunn nemanda síns

Umboðsmaður Alþingis hefur úrskurðað að fjölbrautaskóla hafi verið óheimilt að breyta einkunn nemanda síns úr 5 í 4.

Vill verða varaformaður Frjálslynda flokksins

Ásta Hafberg, nemi í háskólanum á Bifröst, hefur ákveðið að gefa kost á sér sem varaformaður Frjálslynda flokksins á landsþingi flokksins sem fer fram um næstu helgi og verður kosið í allar trúnaðarstöður flokksins. Ásta starfaði áður sem verkefnisstjóri hjá Markaðsstofu Austurlands.

Tveir teknir undir áhrifum fíkniefna í Ísafjarðardjúpi

Tveir ökumenn voru teknir grunaðir um akstur undir áhrifum fíkniefna í Ísafjarðardjúpi í síðustu viku. Í öðru tilvikinu var lagt hald á ætluð fíkniefni, að fram kemur í dagbók lögreglunnar á Vestfjörðum.

Óku of hratt um Ásbraut

Brot 15 ökumanna voru mynduð á Ásbraut í Hafnarfirði á föstudag. Fylgst var með ökutækjum sem var ekið Ásbraut í vesturátt, á milli Vörðu- og Goðatorgs. Á einni klukkustund, fyrir hádegi, fóru 96 ökutæki þessa akstursleið og því óku allnokkrir ökumenn, eða 16%, of hratt eða yfir afskiptahraða, að fram kemur á vef lögreglunnar. Meðalhraði hinna brotlegu var 63 km/klst en þarna er 50 km hámarkshraði. Sá sem hraðast ók mældist á 75.

Bæjarstjórinn leiðir Samfylkinguna á Akureyri

Framboðslisti Samfylkingarinnar á Akureyri fyrir sveitarstjórnarkosningarnar í vor var samþykktur einróma á félagsfundi sem haldinn var um helgina. Í lok janúar fór fram prófkjör og er röð efstu manna í samræmi við niðurstöður þess en það er Hermann Jón Tómasson, bæjarstjóri, sem leiðir listann.

Hverfafundir borgarstjóra blásnir af

Búið er að blása af hverfafundi borgarstjóra en þeir hafa um árbil verið hugsaðir sem hluti af samræðum borgarbúa og æðsta stjórnanda Reykjavíkurborgar. Fjölmennur hópur sem fékk tölvupóst um málið var beðinn um að eyða fyrri dreifibréfi sínu varðandi fundina.

Við kolmunnaveiði vestur af Írlandi

Nokkur stór fjölveiðiskip sem hafa verið á loðnuveiðum til skamms tíma eru nú farin á kolmunnaveiðar vestur af Írlandi, enda er loðnukvótinn búinn. Aflabrögð virðast vera góð því eitt skipanna er þegar á heimleið með fullfermi.

Ekki boðað til samningafundar

Ekki hefur enn verið boðað til samningafundar með flugumferðarstjórum og vinnuveitendum þeirra. Flug frá landinu er með eðlilegum hætti því þegar flugumferðarstjórar frestuðu verkfallsaðgerðum fyrir helgi, náði sú frestun til aðgerða, sem áttu að hefjast klukkan sjö í morgun. Hinsvegar kemur til slíkra aðgerða á miðvikudagsmorgun og svo á föstudagsmorgun, náist ekki samningar.

Með fjögur kíló af amfetamíni

Ríkissaksóknari hefur ákært tvo menn fyrir að standa saman að innflutningi á tæpum fjórum kílóum af amfetamíni. Þeir ætluðu að selja efnið hér á landi.

Innbyrðis deilur sliga stjórn VR

Mikil ólga er í stjórn VR, stærsta stéttarfélags landsins, nú þegar póstkosning um stjórn og trúnaðarráð stendur fyrir dyrum. Tiltæki fjögurra stjórnarmanna úr samtökunum Nýju Íslandi, að skila á síðustu stundu inn mótframboði við áður samþykktan lista uppstillingarnefndar, hefur vakið hörð viðbrögð félaga þeirra í stjórninni.

Lítrinn lækkar ekki í bráð

Olíufélögin hafa hækkað lítraverð á bensíni um um það bil 20 krónur frá áramótum. Eftir fjögurra króna hækkun á eldsneytisverði á miðvikudag er algengt sjálfsafgreiðsluverð á bensínlítranum 208,2 krónur en dísillítrinn kostar víða 202,9 krónur.

Prófdómari víki af lögmannanámskeiði

Þórður S. Gunnarsson, forseti lagadeildar Háskólans í Reykjavík, gagnrýnir harðlega tilhögun námskeiða og prófa sem lögfræðingar taka til að fá réttindi sem héraðsdómslögmenn.

Skemmdu bíla Pólverja á Akranesi

Fimm bílar, allir í eigu Pólverja, voru skemmdir á Akranesi í fyrrinótt. Stungið var á dekk fjögurra bílanna og lakkið rispað á þeim fimmta. Bílunum var lagt víða um bæinn og því ekki talið að um handahófskenndan glæp sé að ræða.

Ætla að berjast gegn Urriðafossvirkjun

Unnið er að stofnun nýs framboðslista fyrir sveitarstjórnarkosningar í Flóahreppi. Samhljómur er í hópnum um að klára skipulagsmál hreppsins sem fyrst, og berjast gegn Urriðafossvirkjun.

Fleiri gera vínin heima

Magnús Axelsson, rekstrar-stjóri og einn eigenda Ámunnar, segir verslunina hafa átt tryggan viðskiptavinahóp um árabil, líka í góðærinu þegar verð á innfluttum flöskuvínum lækkaði mikið. Hann bætir við að löngum hafi verið ódýrara að gera vínin sjálfur en kaupa þau út úr búð. Nú sé munurinn talsverður. Fordóma hafi áður gætt í garð heimagerðra vína. Þeir hafi horfið í tímans rás enda bilið á milli góðra heimagerðra vína og framleiddra í verksmiðju orðið nánast ekki neitt í dag. „Fólk er að búa til góð vín til að njóta þeirra,“ segir hann og bendir á að helst finni byrjendur í víngerð fyrir muninum. „Þeir byrja stundum að neyta afurðarinnar áður en hún nær toppgæðum. Gott og bragðmikið rauðvín þarf allt frá tveimur og upp í sex mánuði á flöskum. Eftir því sem þau eru geymd lengur verða þau betri,“ segir hann.

Lítið þokast í kjaradeilu álversstarfsmanna

Lítið hefur þokast í kjaradeilu starfsmanna Norðuráls. Fundað verður með ríkissáttasemjara á morgun en starfsmenn Norðuáls krefjast sömu kjara og starfsmenn Alcan í Straumsvík. Það þýðir allt að 20 prósenta launahækkun.

Vilja leyfa staðgöngumæður

Rúmlega fimmtíu manns hafa skráð sig í félagið Staðgöngu sem berst fyrir því að staðgöngumæðrun verði lögleidd á Íslandi. Verði það ekki gert eru tvær konur í félaginu staðráðnar í að fara til útlanda með sinni staðgöngumóður.

Árni Páll óttast ekki málsókn

Félagsmálaráðherra hyggst leggja fram nýtt frumvarp í vikunni, þar sem meðal annars er tekið á vanda þeirra sem eru að sligast undan háum bílalánum. Hann óttast ekki málsókn frá Deutsche bank.

Rúmar níu milljónir hafa safnast

Rúmar 9 milljónir og 300 þúsund krónur hafa safnast í söfnunarátaki Krabbameinsfélagsins Karlmenn og krabbamein. Mottumars. Átakið hefur vakið mikla athygli og fjöldi karlmanna skartar nú myndarlegum skeggvexti á efri vör og jafnvel meðfram munnvikum niður að höku.

Blaðamaður ársins vill verða fjölmiðlafulltrúi Steingríms

Jóhann Hauksson, blaðamaður á DV sem nýverið var útnefndur Blaðamaður ársins 2009, hefur sótt um starf fjölmiðlafulltrúa Fjármálaráðuneytisins. Þetta kemur fram á Pressunni og segist Jóhann hafa verið að svipast um eftir nýju starfi undanfarið og því sótt um þegar starfið var auglýst.

Búkolla brann á Suðurstrandarvegi

Eldur kom upp í svokallaðri Búkollu rétt fyrir hádegi í dag á Suðurstrandarvegi við Hlíðarvatn. Búkolla er stærsta gerð af vörubíl og kom eldurinn upp í vélarrúmi tækisins. Slökkviliðið í Þorlákshöfn var kallað á staðinn en vélin var mikið brunnin þegar þá bar að garði.

Kreditkortafærslur dregnar frá launum starfsmanna VR

Hundrað og sextíu þúsund krónur voru teknar út í tólf færslum á kreditkort í eigu VR sem ekki tilheyrðu félaginu árin 2007-2009 samkvæmt Deloitte endurskoðun. Formaður VR segir að skýringar hafi verið á öllum færslum og þær hafi verið dregnar frá launum starfsmanna.

Fagna því að ESB-umsókn sé í eðlilegum farvegi

Stjórn SUF, Sambands ungra framsóknarmanna, fagnar því að umsókn Íslands um aðild að Evrópusambandinu sé í eðlilegum farvegi eftir að framkvæmdastjórn Evrópusambandsins ákvað að mæla með því við leiðtoga sambandsins að hafnar verði aðildarviðræður við Íslendinga.

Braut glas á höfði annars manns

Nokkuð annríki var hjá lögreglunni á Akranesi í nótt. Einn maður var handtekinn á dansleik í bænum en hann braut glas á höfði annars manns. Árásarmaðurinn var fluttur í fangageymslu lögreglunnar en sá sem ráðist var á leitaði sér lækninga á sjúkrahúsi. Hann mun ekki alvarlega særður.

Bílar skemmdir á Akranesi

Fimm bílar voru skemmdir á Akranesi í nótt. Lögreglu grunar að sami aðili hafi verið að verki en búið var að stinga á dekk fjögurra bíla og rispa lakkið á þeim fimmta. Ef einhver sá til þess eða þeirra sem frömdu skemmdarverkin er sá hinn sami beðinn um að hafa samband við lögregluna á Akranesi í síma 444 011.

Vann tólf milljónir í Lottóinu

Einn var með allar tölur réttar í Lottóinu í gær og fékk sá tæpar 12 milljónir króna í vinning. Þá voru tveir með 4 rétta í jókernum og fær hver um sig 100 þúsund krónur.

Skíðasvæðin opin fyrir norðan

Lokað er í Bláfjöllum í dag. Skíðasvæðin í Tindastól, á Siglufirði og á Dalvík eru opin frá tíu til fjögur í dag. Hlíðarfjall er einnig opið á sama tíma. Veður er gott og ágætis skíðafæri.

Eldur í Hraunbæ í gærkvöldi

Allt tiltækt lið slökkviliðs höfuðborgarsvæðisins var kallað að íbúðablokk við Hraunbæ um klukkan hálf tólf í gærkvöldi eftir að tilkynning barst um eld í íbúð á annarri hæð. Íbúðin var mannlaus og gekk greiðlega að slökkva eldinn.

Eyþór efstur í prófkjöri sjálfstæðismanna í Árborg

Eyþór Arnalds bar sigur úr býtum í prófkjöri sjálfstæðismanna í Árborg sem fram fór í dag. Eyþór hlaut 512 atkvæði í fyrsta sæti en á eftir honum varð Elfa Dögg Þórðardóttir með 652 atkvæði í 1.-2. sæti.

Mansals-Lithái lék mafíósa í Svörtum englum

Einn Litháanna sem fengu 5 ára dóm fyrir aðild sína að mansalsmálinu svokallaða, lék í þáttaröðinni Svartir englar sem sýndir voru í sjónvarpinu fyrir skömmu.

Keppt í hönnun hjúkrunarheimilis í Fjarðabyggð

Boðað hefur verið til opinnar samkeppni um hönnun á nýju hjúkrunarheimili sem byggt verður á Eskifirði í Fjarðabyggð.

Dorrit prjónar trefil sem verður sá lengsti í heimi

Dorrit Mossaieff forsetafrú var sú fyrsta sem byrjaði að prjóna í dag trefil sem á að verða sá lengsti í heimi. Stefnt er að því að hann verði 58 kílómetra langur en hann verður prjónaður í Grindavíkurbæ næsta árið.

Guðjón Arnar hættir sem formaður Frjálslynda flokksins

Guðjón Arnar Kristjánsson formaður Frjálslynda flokksins og fyrrverandi alþingismaður ætlar ekki að gefa kost á sér í formannsembættið á ný. Landsþing flokksins fer fram 19. og 20. mars næstkomandi og verður kosið í allar trúnaðarstöður flokksins.

Þingeyskir framsóknarmenn samþykkja framboðslista

Í morgun var haldinn fjölmennur félagsfundur í Framsóknarfélagi Þingeyinga þar sem framboðslisti B-lista Framsóknarflokks var samþykktur einróma. Gunnlaugur Stefánsson leiðir listann en í næstu tveimur sætum koma þau Jón Grímsson og Soffía Helgadóttir.

Þrír sluppu lítið meiddir þegar bíll fór út í á

Bíll fór út af veginum við brúnna yfir Hólmkelsá á Snæfellsnesi rétt fyrir klukkan þrjú í dag. Að sögn lögreglu voru þrír í bílnum og eru meiðsli þeirra minniháttar. Bíllinn hafnaði út í ánni en hún rennur mitt á milli Ólafsvíkur og Rifs. Bíllinn er talinn ónýtur. Óljóst er með hvaða hætti slysið bar að.

Alþingi götunnar stendur fyrir mótmælafundi á Austurvelli

Alþingi götunnar, sem stofnsett var síðastliðinn laugardag stendur nú fyrir mótmælafundi á Austurvelli klukkan þrjú í dag. Alþingi götunnar eru einskonar regnhlífarsamtök mótmælenda en að samtökunum standa ýmis félög sem hafa látið til sín taka frá hruni.

Banaslys við Egilsstaði

Banaslys varð á Vallavegi um tíu kílómetra sunnan við Egilsstaði laust fyrir klukkan átta í morgun. Að sögn lögreglu bar slysið að með þeim hætti að ökumaðurinn ók út af veginum. Ökumaðurinn, maður á þrítugsaldri, var látinn þegar að var komið.

Fundað um skuldavanda heimilanna

Þverpólitísk starfsnefnd Alþingis um skuldavanda heimilanna fundar með fulltrúum Alþjóðagjaldeyrissjóðsins og bankasýslu ríkisins í næstu viku.

Botninum náð síðar á þessu ári

Hagkerfið á síðasta ári var 100 milljörðum króna stærra en spár gerðu ráð fyrir að sögn Steingríms J. Sigfússonar, fjármálaráðherra. Hann telur allar líkur á því að botni kreppunnar verði náð síðar á þessu ári.

Aðlögun þjóðarbúsins gengið vonum framar

Samdráttur í þjóðarframleiðslu Finna og Dana var meiri en hjá Íslendingum á árunum 2008 og 2009. Þetta kemur fram í nýju fréttabréfi Þjóðmálastofnunar Háskóla Íslands en þar er fjallað um samdrátt efnahagslífsins hér á landi í samanburði við hinar Norðurlandaþjóðirnar og aðrar vestrænar þjóðir. Aðlögun íslenska þjóðarbúsins í kjölfar hrunsins virðist hafa gengið vonum framar.

Fínt skíðafæri fyrir norðan

Þeir sem eru staddir á Norðurlandi geta brugðið sér á skíði í dag því opið er í Hlíðarfjalli og á Dalvík. Í Hlíðarfjalli er opið frá klukkan 10 - 16 og í morgun var þar tveggja stiga frost og nægur snjór í fjallinu.

Dómnefnd skipuð um nýjan spítala

Álfheiður Ingadóttir heilbrigðisráðherra hefur skipað dómnefnd vegna samkeppni um nýjan Landspítala sem hófst formlega í gær þegar Ríkiskaup afhentu hönnunarteymunum fimm sem urðu hlutskörpust í forvalinu frekari gögn.

Óverulegt tjón í vatnsleka í HR

Slökkviliðið var kallað út í morgun vegna vatnsleka í nýbbyggingu Háskólans í Reykjavík. Að sögn vakstjóra varð ekki mikið tjón af völdum lekans en hann kom upp í þeim hluta byggingarinnar sem ekki hefur verið tekinn í notkun.

Þrír á slysadeild eftir bílveltu í Ártúnsbrekku

Þrír voru fluttir á slysadeild þegar bíll valt í Ártúnsbrekkunni rétt eftir miðnættið. Slysið mun hafa orðið með þeim hætti að bílstjóri missti stjórrn á bíl sínum sem rakst utan í annan bíl og valt síðan. Tveir voru fluttir á slysadeild úr bílnum sem ekið var á auk bílstjóra bílsins sem valt. Meiðsli þeirra munu hafa verið óveruleg.

Tilkynnt um fjögur innbrot eftir nóttina

Tilkynnt var um fjögur innbrot í morgun á höfuðborgarsvæðinu. Þjófar virðast hafa haft sérstakan augastað á Snælandsvídeó-keðjunni því brotist var inn í tvær sjoppur sem bera það nafn. Annað innbrotið var í Núpalind í Kópavogi en hitt í Hafnarfirði. Ekki liggur fyrir hvað þjófarnir höfðu upp úr krafsinu og er þeirra leitað.