Össur Skarphéðinsson: Fundinum ekki rétt lýst

„Menn eiga að vara sig á því að taka mark á fundargerðum af þessu tagi sem eru gerðar einhliða og oft skrifaðar eftir minni. Það er margt sem er ekki rétt í þessu minnisblaði," sagði Össur Skarphéðinsson, utanríkisráðherra, þegar hann var spurður út í minnisblað sem lak út frá fundi embættismanna utanríkisráðuneytisins og staðgengils sendiherra Bandaríkjanna í síðustu viku.

Þjóðin vill ekki að Jóhannes í Bónus fái að kaupa í Högum

Áttatíu prósent landsmanna segjast vera frekar eða mjög andvíg því að Jóhannes Jónsson, oftast kenndur við Bónus, og stjórnarformaður Haga, fái að kaupa allt að tíu prósent hlut í Högum af Arion Banka samkvæmt skoðanakönnun MMR.

Ekkert eftirlit með rafsegulsviði

Ekkert eftirlit er haft með rafsegulsviði á vinnustöðum eins og með hljóð-og loftmengun og eru engar reglugerðir til um það hér á landi. Forstjóri Vinnueftirlitsins segir mikilvægt að settar verðir slíkar reglur og er til í samstarf með Geislavörnum ríkisins.

Flúoró-amfetamín fellur undir lög um ávana- og fíkniefni

Heilbrigðisráðuneytið sér ástæðu til að árétta sérstaklega í tilkynningu til fjölmiðla í dag, í kjölfar dóms Hæstaréttar vegna gæsluvarðhalds yfir manni sem hafði í fórum sínum meint fíkniefni, að efnið flúoróamfetamín sé afleiða afmetamíns sem falli undir lög um ávana og fíkniefni.

Samningum ekki lokið fyrr en við undirskrift

Utanríkisráðherra segir samningum ekki lokið fyrr en búið sé undirrita þá, en Í Hollandi er fullyrt að tilboð Hollendinga og Breta í Icesave deilunni frá því fyrir helgi sé endanlegt að þeirra hálfu. Hann sér ekki tilgang með þjóðaratkvæðagreiðslu þegar tilboð um betri niðurstöðu liggur fyrir.

„Þyrftu að breyta nafninu í fávitafélagið Nýtt Ísland“

„Mín fyrstu viðbrögð þegar ég sá þetta voru þau að samtökin þyrftu að breyta nafninu í fávitafélagið Nýtt Ísland,“ segir Teitur Atlason, nemi í Alþjóðaviðskiptum í Gautaborg en nafn hans og staða hefur á sérkennilegan hátt slæðst inn í stefnumál samtakanna Nýtt Ísland.

Svíum er nokk sama um Icesave

Yfir helmingur Svía hafa enga skoðun á mögulegum endurgreiðslum Íslendinga vegna Icesave eða 55 prósent samkvæmt skoðanakönnun MMR sem var framkvæmd dagana 11. - 15. febrúar.

Nýtt Ísland tilbúið að veita bloggara frekari námsstyrki

Samtökin Nýtt Ísland, sem hafa staðið fyrir bílamótmælum fyrir utan lánastofnanir undanfarna mánuði til þess að mótmæla breyttum myntkörfulánum, hafa athyglisverð mál á sinni stefnuskrá. Þá vekur mesta athygli stefnumálið þeirra er varðar bloggarann Teit Atlason sem skrifar á heimasíðu DV.

Nýtt Ísland blæs til mótmæla

Nýtt Ísland blæs til áttundu bílalána mótmæla fyrir utan höfuðstöðvar Íslandsbanka að Kirkjusandi klukkan 12:15 í dag.

Starfsmenn á plani í útrýmingarhættu

Þjóðsagnapersónan "Starfsmaður á plani" gæti brátt heyrt sögunni til, þar sem almenningur leitar nú allra leiða til að fá sem ódýrast bensín, og er ekki lengur tilbúinn til að greiða laun starfsmanna á plani, ofan á bensínverðið, sem enn hækkaði í gær.

Stjórnarkreppa blasir við í Bretlandi

Stjórnarkreppa blasir við í Bretlandi verði úrslit kosninganna þar í landi í vor eitthvað í líkingu við nýjustu könnun breska blaðsins The Guardian.

Náðu í útigangskindur á Síðufjalli

Á annan tug vaskra smala og sveit smalahunda gengu á Síðufjall í Borgarfirði um helgina og sóttu þangað tuttugu útigangskindur, sem sést hefur til í fjallinu af og til í vetur.

Vélarbilun í fiskibáti

Vélarbilun varð í 130 tonna fiskibáti, með nokkurra manna áhöfn, þegar hann var staddur norður af Garðskaga á Reykjanesi í nótt.

Óku á ljósastaur á Grundarfirði

Tveir menn voru fluttir á heilsugæslustöð , eftir að bíll þeirra hafnaði á ljósastaur í Grundarfirði í nótt. Hvorugur reyndist alvarlega meiddur. Tildrög óhappsins liggja ekki fyrir en bæði bíllinn og staurinn eru mikið laskaðir.

Fimm tekin við innbrot í nótt

Lögreglan á höfuðborgarsvæðinu handtók samtals fimm manns, bæði karla og konur, vegna innborta í nótt. Um hálf tvö leitið var þrennt handtekið fyrir utan fjölbýlishús í Grafarvogi, þar sem fólkið var að bera verðmæti úr mannlausri íbúð út í bíl.

Sjómennirnir báðir útskrifaðir

Mennirnir tveir, sem voru hætt komnir þegar þeir misstu meðvitund vegna súrefnisskorts í lestum fiskiskipsins Hoffells nýverið, hafa báðir verið útskrifaðir af sjúkrahúsi og eru á góðum batavegi.

Flugumferðarstjórar undirbúa verkfall

Flugumferðarstjórar samþykktu einróma á aðalfundi sínum í gærkvöldi að undirbúa strax atkvæðagreiðslu um verkfallsboðun, og að niðurstaða liggi fyrir undir lok vikunnar. Í tilkynningu frá félaginu segir að kjarasamningar þeirra hafi verið lausir frá því í október í fyrra, eða í fjóra mánuði.

Engin ákvörðun tekin um forgang

Ekkert liggur fyrir um hvort dómur Héraðsdóms Reykjavíkur frá því um miðjan mánuðinn, um að óheimilt sé að gengistryggja lán, fái flýtimeðferð í Hæstarétti. Búið er að áfrýja málinu, en miðað við það sem almennt gerist gæti dóms Hæstaréttar verið að vænta eftir sex til átta mánuði.

Lyfti ekki litlafingri gegn Ögmundi

Þótt síðustu misseri hafi verið erfið og einstök deilumál hafi komið upp er það mikill misskilningur að VG eigi í sérstökum innanflokksvandræðum þessa dagana, segir Steingrímur J. Sigfússon, formaður VG. Opinská skoðanaskipti séu hluti af hefð flokksins og menningu.

Hálft ár eftir til að rifta gjöfum til maka

Eftir rúmt hálft ár rennur út frestur til að krefjast þess að eignatilfærslum manna, til dæmis á maka sína, í miðju bankahruni verði rift. Vegna þessa hafa þrír þingmenn Samfylkingarinnar í þrígang lagt fram frumvarp á Alþingi um að þessi frestur verði lengdur.

Ekki smart að hafa tvo miðaldra karla

Það er ekkert voða smart að hafa tvo miðaldra karla í tveimur efstu sætunum, segir Hanna Bjartmars Arnardóttir, frambjóðandi Samfylkingar til sveitarstjórnarkosninga.

Lögfræðingur segir borgina slá ryki í augu almennings

„Þetta er ámælisvert og greinilega tilraun til þess að slá ryki í augu almennings,“ segir Tómas Jónsson, lögmaður Brimborgar, sem gagnrýnir borgaryfirvöld fyrir að afvegaleiða umræðuna um úrskurð samgöngu- og sveitarstjórnarráðuneytisins í kærumáli fyrirtækisins vegna synjunar á lóðarskilum á Esjumelum.

Ragnheiður skilar gögnum um kostnað

Ragnheiður Ríkharðsdóttir, þingmaður Sjálfstæðisflokks, skilaði í gær til Ríkisendurskoðunar gögnum um kostnað sinn vegna prófkjörs fyrir alþingiskosningarnar 2007.

Gagnaver rísi í Kapelluhrauni

Hafnarfjarðarbær og Titan Global ehf. hafa undirritað yfirlýsingu um uppbyggingu á 40 þúsund fermetra gagnaveri í Kapelluhrauni. Fyrirvari er í viljayfirlýsingunni um raforkuöflun.

Samið í takt við þjóðarsáttina

Samningar tókust í kjaradeilu Flugvirkjafélags Íslands og Icelandair í gærmorgun. Óverulegar tafir urðu á flugi vegna verkfalls sem hófst á miðnætti, en var aflýst um klukkan átta í gærmorgun.

Ráðherra segir vandann gríðarlegan

Fjárhagsvandi Álftaness er gríðarlegur og ástæða hans er sambland af hruninu og offjárfestingu. Þetta sagði Kristján L. Möller, ráðherra sveitarstjórnarmála, í utandagskrárumræðum um fjárhagsvanda Álftaness á Alþingi í gær.

Sveitarfélög á Norðurlandi vilja reisa lyfjaverksmiðju

Ef áætlanir Sambands sveitarfélaga á Norðurlandi vestra (SSNV) ná fram að ganga mun rísa lyfjaverksmiðja á Norðurlandi. Staðsetning hefur ekki verið ákveðin en Blönduós er helst nefndur.

Yfir 700 sérfræðingar í hönnunarkeppninni

Yfir 700 íslenskir sérfræðingar á byggingarsviði og flestar stærstu arkitekta- og verkfræðistofur landsins taka þátt í hönnunarsamkeppni nýs Landspítala við Hringbraut.

Flugumferðarstjórar undirbúa verkfall

Flugumferðarstjórar samþykktu einróma á aðalfundi sínum í kvöld að undirbúa strax atkvæðagreiðslu um verkfallsboðun. Gera má ráð fyrir að niðurstaða atkvæðagreiðslunnar liggi fyrir undir lok vikunnar.

Gleymdist að geta til um þátttöku í Árborg

„Í fyrri frétt um úrslit í forvali Samfylkingarinnar í Árborg, láðist að geta um kosningaþátttöku,“ segir í tilkynningu frá Samfylkingunni í Árborg vegna prófkjörs sem fór fram í bæjarfélaginu um helgina. Alls kusu 247 í forvalinu sem er rétt tæplega helmingur skráðra félaga í Samfylkingunni í Árborg.

Milljarða viðskipti afgreidd með léttúð

„Það er ótrúlegt að sjá milljarða viðskipti afgreidd með léttúð," segir Atli Gíslason, þingmaður VG, aðspurður um yfirheyrslur yfir stjórnendum Milestone og Sjóvá sem fjallað var um í Kastljósi fyrr í kvöld.

Bæjarstjórinn kannast ekki við ásakanir Gunnars

Bæjarstjórinn í Kópavogi kannast ekki við að hafa lekið upplýsingum til að skaða Gunnar Birgisson, fyrrverandi bæjarstjóra, í aðdraganda prófkjörs sjálfstæðismanna í bæjarfélaginu sem fór fram um helgina. Hann hafi einungis verið að vinna vinnuna sína

Gaf skýrslu tveimur dögum fyrir húsleitirnar

Steingrímur Wernersson, gjarnan kenndur við Milestone, fór að eigin frumkvæði til sérstaks saksóknara og gaf skýrslu í máli fyrirtækisins tveimur dögum áður en fram fóru húsleitir hjá Sjóvá og Milestone í júlí 2009. Steingrímur sagðist ekki hafa neitt að fela þar sem hann hefði verið plataður. Þetta kom fram í Kastljósi í kvöld þar sem fjallað var um rannsóknina á Milestone og vitnað í afrit af yfirheyrslum yfir stjórnendum Sjóvá og Milestone.

Galdurinn gegn Bretum og Hollendingum virkaði

Galdur sem Ásatrúarmenn lögðu á óvini Íslendinga í upphafi kreppunnar virðist nú loks vera bera tilætlaðan árangur. Ríkisstjórn Hollands er fallin og Gordon Brown berst nú fyrir sínu pólitíska lífi.

Borgarafundur á Akureyri

Næstkomandi fimmtudag fer fram borgarafundur í Deiglunni á Akureyri. Yfirskrift fundarins er: Eitthvað jákvætt?

Enginn hefði getað tekið við föngunum

Betur fór en á horfðist þegar eldur kom upp í Kópavogsfangelsi í morgun. Fangelsisstjórinn þakkar fyrir að eldurinn hafi ekki breiðst út og valdið tjóni því enginn hefði getað tekið við föngunum sem þar eru vistaðir sökum plássleysis.

Átti 16 milljarða í árslok 2008

Guðbjörg Matthíasdóttir, aðaleigandi Ísfélagsins í Vestmannaeyjum og Árvakurs, átti sextán milljarða í eigið fé í lok árs 2008. Guðbjörg er í hópi ríkustu Íslendinganna, ef ekki sá allra ríkasti.

Lífeyrissjóðir bíða enn eftir verkefnum til að fjármagna

Átta mánuðum eftir að lífeyrissjóðir buðu fram lánsfé til framkvæmda er ekkert verkefni farið í gang. Talsmaður lífeyrissjóðanna vonast til að menn fari að spýta í lófana.

Óska eftir frekari viðræðum

Ekki verður fallist á tilboð Hollendinga og Breta í Icesave málinu óbreytt. Þetta var niðurstaða fundar stjórnar og stjórnarandstöðu í dag. Íslensk stjórnvöld hafa óskað eftir frekari viðræðum við Breta og Hollendinga.

Fjórtán óku of hratt á Dyngjuvegi

Brot 14 ökumanna voru mynduð á Dyngjuvegi í Reykjavík í dag. Fylgst var með ökutækjum sem var ekið Dyngjuveg í austurátt, að Hjallavegi. Eftirlit lögreglu var tilkomið vegna ábendinga frá íbúum í hverfinu en þeir hafa kvartað undan hraðakstri á þessum stað.

Þvottavélaþjófur játar

Karlmaður á þrítugsaldri hefur viðurkennt að hafa stolið þvottavél úr sameign fjölbýlishúss á höfuðborgarsvæðinu nýverið. Fram kemur í á vef lögreglunnar að fleiri slík mál séu til rannsóknar.

Dvalarleyfi fyrir fórnarlömb mansals

Ragna Árnadóttir, dóms- og mannréttindaráðherra, hefur lagt til kynningar tvö frumvörp um breytingar á útlendingalögum. Lagastofnun Háskóla Íslands hefur að beiðni Rögnu samið frumvarp til breytinga á lögum um útlendinga sem miðar að því að auka vernd þeirra sem leita hælis hér á landi. Í öðru frumvarpi er mælt fyrir um tvo nýja flokka dvalarleyfa í samræmi við aðgerðaráætlun um mansal. Ráðgert er að frumvörpin verði lögð fyrir ríkisstjórn og þingflokka í endanlegum búningi innan þriggja vikna, að fram kemur í tilkynningu frá dóms- og mannréttindaráðneytinu.

Uppboðum frestað í allt að þrjá mánuði

Í frumvarpi sem Ragna Árnadóttir, dóms- og mannréttindaráðherra, mælti fyrir á Alþingi í dag er lagt til að íbúðareigendur geti óskað eftir því við sýslumann að töku ákvörðunar um framhald uppboðs eða ráðstöfun eignar á almennum markaði verði frestað í allt að þrjá mánuði. Hægt verður að sækja um frestun til 31. ágúst. Núgildandi lög gerðu ráð fyrir að fresturinn myndi renna út í lok þessa mánaðar.

Össur vill tala við Clinton um AGS

Össur Skarphéðinsson, utanríkisráðherra, hefur óskað formlega eftir fundi með utanríkisráðherra Bandaríkjanna, Hillay Clinton. Tilgangur fundarins er að óska eftir aðstoð Bandaríkjamanna til þess að losa um tak Hollendinga og Breta á Alþjóðagjaldeyrissjóðnum og efnahagsáætlunar Íslendinga sem hefur margfrestast vegna Icesave deilunnar.

Hvetja Íslendinga til þess að bólusetja sig

Heilbrigðisyfirvöld hvetja landsmenn eindregið til þess að láta bólusetja sig gegn svínainflúensu A(H1N1) og verjast á þann hátt nýju áhlaupi veikinnar, sem búast má við síðar á þessu ári eða því næsta. Í tilkynningu frá embættinu segir að bólusetning sé besta vörnin gegn svínainflúensunni. Nóg er til af bóluefni í landinu.