Bæjarfulltrúi ekki meðal efstu manna í Hafnarfirði

Þegar búið er að telja 58% atkvæða í prófkjöri Samfylkingarinnar í Hafnarfirði er bæjarfulltrúinn Gísli Valdimarsson ekki meðal efstu manna. Gísli var í sjöunda sæti þegar fyrstu tölur voru birtar en nú vermir Eyjólfur Sæmundsson, verkfræðingur og varabæjarfulltrúi, það sæti.

Boltinn hjá Íslendingum í Icesave-deilu

Eftir fund með fjármálaráðherra Hollands og Bretlands er boltinn hjá íslenskum stjórnvöldum, en þjóðirnar eru opnar fyrir tillögum Íslendinga að lausn á Icesave deilunni.

Þyrlan komin til Reykjavíkur

Viðamiklar björgunaraðgerðir hafa verið á Langjökli í dag við að ná konu og sjö ára gömlum syni hennar upp úr djúpri jökulsprungu. Þyrla Landhelgisgæslunnar lenti nú undir kvöld með annað þeirra við Borgarspítalann en engar staðfestar upplýsingar hafa fengist um líðan þeirra.

Guðmundur Rúnar í fyrsta sæti

Guðmundur Rúnar Árnason, bæjarfulltrúi og stjórnmálafræðingur, er í fyrsta sæti í prófkjöri Samfylkingarinnar í Hafnarfirði þegar talinn hafa verið rúmlega 400 atkvæði eða 35%. 1150 greiddu atkvæði. Lúðvík Geirsson, bæjarstjóri, sóttist eftir sjötta sæti en bæjarfulltrúar í Hafnarfirði eru ellefu.

Óbreytt staða í Hafnarfirði

Röð efstu manna í prófkjöri Sjálfstæðisflokksins í Hafnarfirði hefur ekkert breyst frá því að fyrstu tölur voru birtar fyrr í kvöld. Valdimar Svavarsson, hagfræðingur, er í fyrsta sæti. Hann sagði í samtali við fréttastofu fyrr í kvöld að hann teldi að sigurstranglegur listi væri að myndast.

Litlu munar á 4. til 7. sæti

Bjarni Karlsson, frambjóðandi í prófkjöri Samfylkingarinnar, segist vera ákaflega sáttur við þann stuðning sem hann fær í prófkjörinu. Þegar fyrstu tölur voru birtar var Bjarni í fimmta sæti en þegar þær voru birtar í annað sinn hafði hann haft sætaskipti við Dofra Hermannsson, varaborgarfulltrúa, sem var í sjötta sæti.

Hjálmar: Ég vissi betur en reynsluboltarnir

„Ég er nýr í pólitík en mér var reyndar sagt af reynsluboltum að ég ætti engan séns en ég vissi betur,“ segir Hjálmar Sveinsson, útvarpsmaður, sem er þessa stundina í fjórða sæti í prófkjöri Samfylkingarinnar í Reykjavík.

Dagur: Geysilega sterkur hópur með breiða skírskotun

„Ég er mjög sáttur með niðurstöðuna en það er auðvitað ekki búið að telja allt þannig að innbyrðis röðun einstakra frambjóðenda getur breyst. Það er aftur á móti alveg ljóst að hópurinn er geysilega sterkur, með breiða skírskotun og kemur með mikilvæga reynslu víða úr samfélaginu inn í stjórmálin. Það er endurnýjun á ferðinni,“ segir Dagur B. Eggertsson, varaformaður Samfylkingarinnar og oddviti flokksins í Reykjavík, um nýjustu tölur í prófkjöri flokksins vegna kosningarnar í vor.

Dofri kominn upp yfir séra Bjarna

Dofri Hermannsson, varaborgarfulltrúi, færðist upp um eitt sæti þegar tölur í prófkjöri Samfylkingarinnar voru birtar nú rétt eftir klukkan sjö. Þegar fyrstu tölur voru lesnar klukkan sex var hann í sjötta sæti og séra Bjarni Karlsson í því fimmta. Röð efstu manna er að öðru leyti óbreytt.

Valdimar efstur í Hafnarfirði - ánægður með stuðninginn

Valdimar Svavarsson, hagfræðingur, er efstur í prófkjöri sjálfstæðismanna í Hafnarfirði. Talinn hafa verið 575 atkvæði. Flokkurinn fékk þrjá bæjarfulltrúa í kosningunum 2006. Rósa Guðbjartsdóttir, er eini bæjarfulltrúinn, sem sækist eftir endurkjöri.

Svikin jafngilda tveggja mánaða afgangi af vöruskiptum Íslands

Upphæð meintra gjaldeyrissvika mannanna fjögurra sem handteknir voru í gær jafngildir tveggja mánaða afgangi af vöruskiptum Íslands við útlönd. Viðskipti af þessu tagi ganga þvert á efnahagsáætlun stjórnvalda.

Bæjarstjórinn vann á Akureyri - sitjandi bæjarfulltrúi féll

Hermann Jón Tómasson, bæjarstjóri á Akureyri, sigraði í netprófkjöri Samfylkingarinnar í bæjarfélaginu en kosið var í dag og í gær. Sitjandi bæjarfulltrúi féll úr þriðja sæti niður í það fimmta en flokkurinn fékk þrjá bæjarfulltrúa kjörna í kosningunum 2006.

Jónas sigraði í Mosó - Valdimar Leó lenti í öðru sæti

Jónas Sigurðsson, núverandi oddviti Samfylkingarinnar í Mosfellsbæ, sigraði í prófkjöri flokksins í dag. Valdimar Leó Friðriksson, fyrrverandi þingmaður, sem sóttist eftir fyrsta sætinu hafnaði í örðu sæti.

Sigrún Elsa í sjöunda sæti - Oddný í öðru

Sigrún Elsa Smáradóttir, borgarfulltrúi, sem sóttist eftir 2. sæti í prófkjöri Samfylkingarinnar í Reykjavík er 7. sæti þegar rúmlega 23% atkvæða hafa verið talinn. Samfylkingin fékk fjóra borgarfulltrúa kjörna í kosningunum fyrir fjórum árum. Þrír borgarfulltrúar raða sér í efstu þrjú sætin. Hjálmar Sveinsson, útvarpsmaður, og séra Bjarni Karlsson koma næstir.

Margrét Lind sigraði á Seltjarnarnesi

Margrét Lind Ólafsdóttir, upplýsinga- og kynningarfulltrúi, sigraði í forvali Samfylkingarinnar sem fór fram á Seltjarnarnesi í dag. Samfylkingin býður fram í fyrsta sinn undir fána í bæjarfélaginu í vor.

Björgunaraðgerðum að ljúka á Langjökli

Aðgerð björgunarsveita Slysavarnafélagsins Landsbjargar sem var á Langjökli í dag, þegar kona og barna féllu í sprungu á jöklinum, er að ljúka. Um 120 björgunarsveitamenn af suðvesturhorni landsins tóku þátt í aðgerðinni. Ekki hafa fengist upplýsingar um líðan fólksins.

Krefjast stefnubreytingar í málefnum skuldara

Kröfufundur Hagsmunasamtaka heimilanna og samtakanna Nýs Íslands sem fór fram í dag krefst tafarlausrar og afgerandi stefnubreytingar stjórnvalda í málefnum skuldara.

Önnur þyrla send á Langjökul

Önnur þyrla frá Landhelgisgæslunni er lögð af stað til að taka þátt í björgunaraðgerðunum á Langjökli þar sem barn og kona féllu í sprungu eftir hádegi. Þyrlan lendir á jöklinum innan skamms. Í henni eru tæki og ljósabúnaður sem mun nýtast í aðgerðunum dragist þær langinn.

Elfur hlaut fjórða sætið

Elfur Logadóttir, lögfræðingur, hafnaði í fjórða sæti í forvali Samfylkingarinnar í Kópavogi sem fer fram í Smáraskóla. Í fyrstu var kosið kosið á milli fimm frambjóðenda um fjóra sætið en þar sem enginn fékk meira en 50% var kosið á milli þeirra tveggja sem fengu flest atkvæði.

Rannsóknarnefndin móðgar þing og þjóð

Sigmundur Ernir Rúnarsson, þingmaður Samfylkingar, segir ekki hægt að bíða lengur eftir því að rannsóknarnefnd Alþingis gefi út hvaða dag skýrsla nefndarinnar verði birt. Annað sé móðgun við þjóð og þing.

Pétur sigraði Tjörva

Pétur Ólafsson, 30 ára gamall þýðandi og sagnfræðingur, hlaut afgerandi kosningu í þriðja sætið í forvali Samfylkingarinnar í Kópavogi sem fer fram í Smáraskóla. Hann fékk 65% atkvæða, en mótframbjóðandi hans Tjörvi Dýrfjörð fékk 33,5%. Auðir seðlar og ógildir voru 1,5%. Í fyrstu var kosið á milli átta frambjóðenda um þriðja sætið.

Þyrlan lent á Langjökli - verið að hífa einn upp

Þyrla Landhelgisgæslunnar lenti á Langjökli rétt fyrir klukkan tvö en kona og barna féllu í sprungu á vestanverðum jöklinum fyrr í dag. Skömmu fyrir þrjú var verið að hífa annað þeirra upp. Engar fregnir hafa borist af líðan fólksins.

Guðríður fékk tæplega 90% atkvæða

Guðríður Arnardóttir, oddviti Samfylkingarinnar í Kópavogi, hlaut afgerandi kosningu í 1. sætið, 202 atkvæði eða 87,4% atkvæða í forvali flokksins sem fer nú fram í Smáraskóla. Aðrir fengu 3% atkvæða, auðir seðlar og ógildir voru tæp 10%.

Tveir féllu í sprungu í Langjökli

Þyrla Landhelgisgæslunnar og björgunarsveitir hafa verið kallaðar út vegna slyss á Langjökli. Tveir einstaklingar féllu í sprungu en tilkynning um slysið barst rétt fyrir klukkan eitt í dag. Ekki fengust upplýsingar um hvort fólkið sé mikið slasað. Björgunarsveitarmenn fara með þyrlu Gæslunnar á jökulinn.

Gagnrýnir leynd yfir viðræðunum við Breta og Hollendinga

Birgitta Jónsdóttir, þingmaður Hreyfingarinnar, gagnrýnir leynd yfir ferð fjármálaráðherra og formanna Sjálfstæðisflokks og Framsóknarflokks til fundar með hollenskum og breskum ráðherrum í gær. Forystumenn stjórnmálaflokkanna funduðu í stjórnarráðinu í morgun og segist Birgitta vera bjartsýn eftir þann fund.

Fyrsta loðnan veidd í nótt

Fyrsta loðnan á þessari vertíð veiddist í nótt. Skip Samherja, Vilhelm Þorsteinsson EA, fékk 150 tonn í einu kasti út af Gerpi á Austfjörðum og segir Kristján Vilhelmsson útgerðarstjóri að þetta sé falleg loðna. Hún er öll fryst um borð til manneldis og segir Kristján að þessi byrjun leggist vel í menn. Nú vonist menn eftir að meira finnist af loðnu og að meiri kvóti verði fljótlega gefinn út.

Ögmundur þakkar forsetanum fyrir skelegga framgöngu

Ögmundur Jónasson, þingmaður VG og fyrrverandi ráðherra, þakkar Ólafi Ragnari Grímssyni, forseta Íslands, fyrir skelegga framgöngu í Icesave málinu. Nauðsynlegt sé að Íslendingar sýni fram á ofbeldið sem Ísland hafi verið beitt af hálfu Breta, Hollendinga, ESB og Alþjóðagjaldeyrissjóðsins. Ögmundur segir að þar hafi forsetinn ekki látið sitt eftir liggja samanber viðtal sem CNN fréttastöðin tók við hann í gær.

Stjórn VR torveldi aðgang að bókhaldsgögnum

Þrír stjórnarmenn VR segjast hafa barist fyrir því að fá aðgang að upplýsingum um fjárreiður félagsins og gert fyrirspurnir og krafist útskýringa á því sem þeim hefur þótt óljóst í þeim efnum. Þeir segja að meirihluti stjórnarinnar torveldi aðgang að mikilvægum gögnum.

Yfirheyrslum lauk upp úr miðnætti

Fyrstu yfirheyrslum yfir fjórum fyrrverandi starfsmönnum Straums sem grunaðir eru um umsvifamikil brot á gjaldeyrislögum lauk upp úr miðnætti í gær. Mennirnir voru handteknir í gærdag en þeir eru taldir hafa skipt gjaldeyri að verðmæti 13 milljarða króna á aflandsmarkaði í íslenskar krónur og flutt peninginn síðan heim og þar með farið framhjá gjaldeyrishöftunum. Þetta eru þeir taldir hafa gert í gegnum félag í Svíþjóð. Rannsókn málsins beinist að tímabilinu nóvember 2008 til október 2009.

Langt þangað til upptökurnar líta dagsins ljós

Allt að 80 ár geta liðið þangað til að eitthvað af hljóðupptökum Rannsóknarnefndar Alþingis líta dagsins ljós. Rannsóknarnefndin hefur tekið skýrslu af fjölda manna og voru viðtölin tekin upp.

Vegagerðin varar við hálku

Vegagerðin varar við hálku víða á þjóðvegum víða um land, meðal annars í Þrengslum. Þá eru hálkublettir á Hellisheiði og á Mosfellsheiði en annars er greiðfært á Suðurlandi. Á Vesturlandi er hálka á Snæfellsnesi, og hálkublettir á Holtavörðuheiði og á Bröttubrekku. Á Vestfjörðum er hált á Klettshálsi og hálkublettir víða. Á Norðurlandi er hálka á Vatnsskarði og Öxnadalsheiði, einnig í Öxnadal og víða í Eyjafirði og hálkublettir á Þverárfjalli. Austan Akureyrar er hálka í Ljósavatnsskarði, Mývatnssveit og á Mývatns- og Möðrudalsöræfum. Á Austurlandi er hálka á Fjarðarheiði, og hálkublettir á Oddsskarði og með ströndinni frá Djúpavogi og að Höfn.

Skíðasvæði opin í dag

Skíðasvæðið á Siglufirði verður opið frá kl 10 til fjögur í dag. Þar var logn í morgun og fimm stiga frost, og færið sagt mjög gott, troðinn þurr snjór.

Berjast um fyrsta sætið í Hafnarfirði

Prófkjör Sjálfstæðisflokksins í Hafnarfirði fyrir sveitastjórnarkosningar í vor fer fram í dag. Rósa Guðbjartsdóttir, bæjarfulltrúi, og Valdimars Svavarsson, hagfræðingur, sækjast eftir fyrsta sætinu. Alls gefa 12 kost á sér í prófkjörinu, sex konur og sex karlar. Kosið er í Víðistaðaskóla á milli klukkan 10 og 18.

Samfylkingin velur forystufólk í sex sveitarfélögum

Prófkjör Samfylkingarinnar fyrir sveitarstjórnarkosningarnar í vor fara fram á sex stöðum í dag. Þar ber hæst prófkjörið í Reykjavík en einnig er valið á framboðslista flokksins í Kópavogi, Hafnarfirði, á Akureyri, í Mosfellsbæ og á Seltjarnarnesi. Alls eru 78 einstaklingar í framboði. Kosning er rafræn í Reykjavík og á Akureyri, en kosið er með hefðbundnum hætti annars staðar. Mögulegt er einnig í Reykjavík að kjósa bréflega.

Ölvaður á ofsahraða

Ökumaður um tvítugt var stöðvaður á Sæbraut á 130 kílómetra hraða í nótt en þar er hámarkshraði 60. Þar af auki var hann ölvaður og því handtekinn. Ökumaðurinn var sviptur ökuréttindum til bráðabirgða á staðnum vegna hraðabrotsins og á yfir höfði sér mögulega þyngingu, hið minnsta hærri sekt vegna ölvunarþáttarins.

160 kindur fjarlægðar

Samtals 160 kindur voru teknar af sauðfjárbýlinu Stórhóli í Djúpavogshreppi í fyrrakvöld. Þetta staðfestir Halldór Runólfsson yfirdýralæknir.

Henda 185 kílóum á mann

Hver Reykvíkingur henti að meðaltali 185 kílóum af óflokkuðu sorpi á síðasta ári. Það er um fimmtungi minna en árið 2006, þegar hver íbúi henti 233 kílóum að meðaltali.

Lamandi fyrir mörg fyrirtæki

„Ég fékk engin haldbær svör þegar ég bað um rökstuðning fyrir þessari ákvörðun bankans," segir Tryggvi Þór Herbertsson, þingmaður Sjálfstæðisflokksins. Fulltrúar Sjálfstæðisflokksins kölluðu til fundar í efnahags- og skattanefnd í gær til að fá skýringar á þeirri aðgerð bankans að hækka vaxtaálag á grunnvöxtum erlendra lána til fyrirtækja úr innan við tveimur í fjögur prósent.

Dílamjóra landað í Eyjum

Ef tegundagreining áhafnarinnar á Brynjólfi VE reynist rétt þá var lifandi dílamjóri í afla togarans eftir síðustu veiðiferð sem lauk í gær. Það er einnig óvenjulegt að aflanum er ætlað langlífi.

Stefnt að stofnun atvinnuvegaráðuneytis á vorþingi

Jóhanna Sigurðardóttir forsætisráðherra segist vongóð um að breytingar á stjórnarráðinu verði gerðar á vorþingi og samþykkt að sameina sjávarútvegs-, landbúnaðar- og iðnaðarráðuneyti í nýtt atvinnuvegaráðuneyti.

Unnið að breytingum á reglum um greiðsluaðlögun og nauðungarsölur

Unnið er að breytingum á lögum um greiðsluaðlögun og nauðungarsölu fasteigna. Frumvörp koma fram fljótlega, kannski í næstu viku, sagði Jóhanna Sigurðardóttir, forsætisráðherra, á Alþingi í gær.

Forsetinn: Ísland lagt í einelti

Ólafur Ragnar Grímsson, forseti Íslands, sakar Breta og Hollendinga um að leggja Ísland í einelti.

Vinna að meira samræmi í skattaeftirliti

Ríkisskattstjóri mun í næsta mánuði setja á fót nýja stóra eftirlitsskrifstofu. Þetta er liður í því að samræma eftirlit með skattskilum, að því er fram kom í þættinum Reykjavík síðdegis í dag.

Úrval Útsýn kemst ekki til Vínarborgar

Það verður ekki flogið til Vínarborgar til þess að fylgjast með handboltaveislunni á vegum ferðaskrifstofunnar Úrval Útsýn, eins og ráðgert hafði verið.

Skýrslutökur standa enn yfir

Skýrslutökur standa enn í húsnæði Ríkislögreglustjóra yfir mönnunum sem eru grunaðir um stórfellt gjaldeyrisbrask.