Innlent

Önnur þyrla send á Langjökul

Mynd úr safni.
Mynd úr safni. Mynd/Vilhelm Gunnarsson

Önnur þyrla frá Landhelgisgæslunni er lögð af stað til að taka þátt í björgunaraðgerðunum á Langjökli þar sem barn og kona féllu í sprungu eftir hádegi. Þyrlan lendir á jöklinum innan skamms. Í henni eru tæki og ljósabúnaður sem mun nýtast í aðgerðunum dragist þær langinn.

Engar fregnir hafa borist af líðan konunnar og barnsins. Fyrr í dag var greint frá því að samkvæmt heimildum væri verið að hífa annað þeirra upp. Það reyndist rangt og standa björgunaraðgerðir enn yfir en samkvæmt stjórnstöð Landhelgisgæslunnar eru aðstæður á jöklinum erfiðar.

Um hundrað björgunarsveitarmenn taka þátt í aðgerðunum, að sögn upplýsingafulltrúa Slysavarnafélagsins Landsbjargar. Björgunarsveitir frá Akranesi, Borgarnesi og höfuðborgarsvæðinu voru kallaðar út um klukkan eitt vegna slyssins.




Tengdar fréttir

Tveir féllu í sprungu í Langjökli

Þyrla Landhelgisgæslunnar og björgunarsveitir hafa verið kallaðar út vegna slyss á Langjökli. Tveir einstaklingar féllu í sprungu en tilkynning um slysið barst rétt fyrir klukkan eitt í dag. Ekki fengust upplýsingar um hvort fólkið sé mikið slasað. Björgunarsveitarmenn fara með þyrlu Gæslunnar á jökulinn.

Þyrlan lent á Langjökli - verið að hífa einn upp

Þyrla Landhelgisgæslunnar lenti á Langjökli rétt fyrir klukkan tvö en kona og barna féllu í sprungu á vestanverðum jöklinum fyrr í dag. Skömmu fyrir þrjú var verið að hífa annað þeirra upp. Engar fregnir hafa borist af líðan fólksins.

Mest lesið


Fleiri fréttir

Sjá meira


×

Mest lesið