Hátt í hundrað áhorfendur fylgdust með eldflaugarskoti

Öflugustu eldflaug, sem Íslendingar hafa smíðað til þessa, var skotið á loft frá Höskuldarvöllum nálægt fjallinu Keili laust fyrir klukkan hálfþrjú. Eldflaugarskotið heppnaðist vel, þrátt fyrir töluverðan vind, en hann varð til þess að flaugin fór ekki þráðbeint upp í loftið heldur sveigði hún talsvert undan vindinum.

Skilaði sér ekki eftir göngu og reyndist snúinn á fæti

Björgunarsveitinar Brimrún frá Eskifirði og Ársól frá Reyðarfirði voru kallaðar út klukkan 00:40 í nótt vegna manns sem hafði ekki skilað sér eftir göngu á Hólmatind. Ættingjar fóru að óttast um manninn þegar líða fór að miðnætti og báðu um aðstoð.

Vill breyta Evróputilskipun um innistæðutryggingar

Jóhanna Sigurðardóttir, forsætisráðherra, er í tölvupóstviðtali hjá bandaríska tímaritinu Forbes á föstudag undir liðnum Forbes Woman.

Nokkrir hlauparar fengu Glitnismedalíur

Einhverjir þátttakendur í Reykjavíkurmaraþoni Íslandsbanka fengu verðlaunapeninga merkta þrotabúi Glitnis, en ekki styrktaraðila hlaupsins, eftir hlaupin í gær.

Hús Sigurðar Einarssonar lakkað í nótt

Skemmdarvargar sprautuðu hús Sigurðar Einarssonar, fyrrum bankastjóra Kaupþings, með rauðu lakki í nótt. Tilkynning um atvikið barst fjölmiðlum klukkan rúmlega tíu í morgun frá sömu aðilum og tilkynntu um skemmdarverk á bíl Björgólfs Thors í nótt.

Geta ekki mætt í skóla vegna fátæktar foreldra

„Það sem ýtti mér af stað er að foreldrar hafa verið að hringja í mig út af börnum sem mættu ekki í skólann fyrsta daginn, því þau hafa ekki getað keypt bækur," segir Þórhallur Heimisson, prestur við Hafnarfjarðarkirkju, í samtali við fréttastofu.

Ökumaður gripinn tvisvar á þrettán mínútum

Lögreglan á Selfossi hafði afskipti af ökumanni á þrítugsaldri fyrir of hraðan akstur með þrettán mínútna millibili.

Yfir 100 þúsund manns í bænum og allt fór vel fram

Að sögn lögreglunnar á höfuðborgarsvæðinu fór allt mjög vel fram í miðborginni í gær miðað við mannfjöldann sem þar var. Lögregla telur að um 100 til 110 þúsund manns hafi verið í miðborginni þegar mest var í kringum flugeldasýningu Menningarnætur í gær.

Þöktu Hummer Björgólfs Thors með rauðri málningu

Skemmdarvargar þöktu Hummer jeppa Björgólfs Thors Björgólfssonar rauðri málningu í nótt þar sem hann stóð á plani Háskólans í Reykjavík við Höfðabakka.

Eldflaugarskot á Reykjanesskaga í dag

Öflugustu eldflaug, sem Íslendingar hafa smíðað til þessa, verður skotið á loft á Reykjanesskaga eftir hádegi í dag. Eldflaugafélagið Amateur Icelandic Rocketry stendur fyrir eldflaugarskotinu, sem verður klukkan eitt á Höskuldarvöllum nálægt fjallinu Keili.

Súrálsfjúk eftir bilun í löndunarbúnaði

Bilun kom upp í löndunarbúnaði sem notaður er til að flytja súrál í súrálsturn álversins á Reyðarfirði og haugur af súráli féll niður á jörð.

50 milljarðar í eigu Tchenguiz frystir

Skilanefnd Kaupþings hefur látið frysta um fimmtíu milljarða í eigu félaga sem tengjast írakska athafnamanninum Robert Tchenguiz á Tortola eyju, að því er fram kemur í fréttatíma Ríkissjónvarpsins.

Leggur hangikjötslæri undir að ríkisstjórnin lifi kjörtímabilið

Steingrímur J. Sigfússon er búinn að leggja hangikjötslæri undir að ríkisstjórnin lifi út kjörtímabilið. Þetta kom fram í viðtali sem hann veitti nýjum vefmiðli.

Yfir fjögurhundruð menningarviðburðir í miðborginni

Miðborg Reykjavíkur iðaði öll af lífi og menningu í dag þar sem rúmlega fjögur hundruð list- og menningarviðburðir fara fram. Forsvarsmenn segja sköpunargleðina blómstra í kreppunni. Búist er við um hundrað þúsund manns í miðbænum í kvöld.

Nokkrar ábendingar borist vegna jeppabruna

Nokkrar ábendingar hafa borist lögreglu eftir að fjölmiðlar sýndu myndir af mönnum sem grunaðir eru um að hafa kveikt í Range Rover jeppa við Laufásveg í vikunni.

Utanríkisráðherra Svía: Norræna viðbótin við AGS lánið háð Icesave

Utanríkisráðherra Svíþjóðar segir norræna viðbót við lán Alþjóðagjaldeyrissjóðsins til Íslands einstaka í heiminum. Hún sé þó háð lausn Icesave-deilunnar.

Icesave gæti klárast á mánudag

Forseti Alþingi, Ásta Ragnheiður Jóhannesdóttir, segir að Icesave-málið gæti klárast á mánudag, ef vilji sé fyrir hendi, og telur ófært annað en að það verði lögfest fyrir miðja næstu viku.

Lífeyrissjóður neitar stjórnarmönnum VR um upplýsingar

Lífeyrissjóður verslunarmanna neitar að gefa stjórnarmönnum VR upplýsingar um gjaldeyrissamninga, og verðbréfasafn sjóðsins með þeim rökum að verið sé að vernda lántakendur hans. Varaformaður VR segir þetta óskiljanlegt og engin rök haldi í þessum efnum.

Slys á Miklubraut: Bláedrú handtekin fyrir ölvunarakstur

Stúlkan sem lögregla handtók í dag grunaða um ölvun við akstur eftir slys á Miklubrautinni reyndist hvorki undir áhrifum áfengis né fíkniefna, heldur þvert á móti bláedrú.

Icesave í þingnefnd fram yfir helgi

Fjögurra klukkustunda löngum fundi fjárlaganefndar Alþingis um Icesave-frumvarpið lauk á þriðja tímanum í dag en málinu var vísað til nefndarinnar á ný eftir að Alþingi lauk annarri umræðu um það í gærkvöldi.

Eldfossar í Súgandisey

Milli fjögur og fimm þúsund manns eru nú í Stykkishólmi þar sem fjölskylduhátíðin Danskir dagar fer fram um helgina og leikur veðrið við gesti, að sögn aðstandenda. Hámarki nær hátíðin með bryggjuballi í kvöld og flugeldasýningu úr Súgandisey við höfnina á miðnætti.

Álfheiður Ingadóttir: Vítavert ekki viðeigandi orð í þessu samhengi

„Það hafa allir forsetar sitt mat á þessu, það er engin ein regla sem gildir þar," segir Álfheiður Ingadóttir, fimmti varaforseti Alþingis um athugasemd sína við orðaval þingmanns í gær.

Grunuð um ölvunarakstur: Var að hugsa um eitthvað annað

Ökumaður á leið Miklubraut í austurátt missti stjórn á bíl sínum klukkan rúmlega eitt í dag og hafnaði uppi á stétt hinu megin við akrein úr mótstæðri átt eftir að hafa keyrt í gegnum grindverk.

Aðgerðir öfgahóps gætu stuðlað að dreifingu erfðabreytts byggs

„Það sem þeir gera þarna, og hvernig þeir skilja við reitinn, er nákvæmlega það sem okkur ber ekki að gera" segir Björn Lárus Örvar, framkvæmdastjóri ORF Líftækni, um öfgahóp sem olli stórskemmdum á tilraunaræktun fyrirtækisins í Gunnarsholti.

„Vítavert" vítavert í sölum Alþingis

Álfheiður Ingadóttir, fimmti varaforseti Alþingis, hvatti Tryggva Þór Herbertsson, þingmann Sjálfstæðisflokksins, tvisvar til að gæta hófs í orðavali fyrir að nota orðið vítavert í máli sínu í þingsal í gærkvöld.

Tölvurefur ræðst á Náttúruverndarsamtök Íslands

Tölvuþrjótur hefur ráðist á heimasíðu Náttúruverndarsamtaka Íslands. Þegar reynt er að fara inn á síðuna birtast skilaboðin HAcked by EJDER ;) - eins konar yfirlýsing hins sigri hrósandi tölvurefs.

Vetur gerir vart við sig

Frost gerði mjög víða til landsins í nótt, bæði láglendi og hálendi. Mesta frostið á láglendi var á Þingvöllum 3,0 gráður en það stóð yfir í á fimmta tíma, eða frá klukkan ellefu í gærkvöldi til klukkan að verða fjögur í nótt þegar hitinn skreið yfir frostmark að nýju.

Snarpur skjálfti við Bárðarbungu

Jarðskjálftafræðingur á bakvakt Veðurstofu var ræstur út í nótt þegar skjálftahrina hófst í Bárðarbungu í norðanverðum Vatnajökli. Hrinan hófst um hálftvöleytið í nótt með skjálfta upp á 3,4 stig á aðeins eins kílómetra dýpi og á eftir fylgdi á annan tug skjálfta, flestir milli tvö og þrjú stig.

Steingrímur ræsti Reykjavíkurmaraþonið

Reykjavíkurmaraþonið var ræst í Lækjargötu klukkan tuttugu mínútur í níu í morgun. Metþáttaka er í hlaupinu. Fleiri en ellefu þúsund þátttakendur höfðu skráð sig í hlaup í dag, þar af 670 manns í heilt maraþon.

Fleiri gripnir dópaðir undir stýri en drukknir

Lögreglan á Suðurnesjum hafði afskipti af þremur ökumönnum grunuðum um fíkniefnaakstur í Keflavík í gærkvöld og í nótt. Einn þeirra var með sex grömm af kannabisefnum á sér, sem talið er að hafi verið til einkaneyslu.

Ísafjörður: Drukkin kona féll fimm metra í blómabeð

Lögreglan á Ísafirði var kölluð til klukkan átta nú í morgun vegna konu sem virtist vera að fara sér að voða, en hún var komin upp á húsþak í miðbænum. Lögreglumenn mættu samstundis á vettvang og reyndu að ná sambandi við konuna sem var undir miklum áhrifum áfengis.

Miðaldra kona stungin í miðbænum í morgun

Lögregla rannsakar nú líkamsárás við Barónstíg og Njálsgötu, en tilkynning um árásina barst rúmlega tíu í morgun. Að sögn lögreglu er fórnarlambið eitthvað slasað, en hugsanlega er um hnífstungu að ræða. Konan var flutt á slysadeild, en var að sögn lögreglu með meðvitund.

Birtíngur hótar að kæra Vilhjálm til siðanefndar

Framkvæmdastjóri útgáfufélagsins Birtíngs, Elín G. Ragnarsdóttir, vill að lögmaðurinn Vilhjálmur H. Vilhjálmsson biðji blaðamenn sem starfa hjá útgáfunni afsökunar á þeim orðum sínum að þeir séu síbrotamenn á sviði ærumeiðinga og annarra brota á prentlögum. Elín hótar því í fréttatilkynningu að kæra ella Vilhjálm til siðanefndar lögmannafélagsins fyrir ýmis brot.

Algjört hrun í sölu bíla til fyrirtækja

Nýskráningar fyrirtækjabifreiða hafa dregist saman um 87 prósent það sem af er ári miðað við sama tímabil árið 2007. Aðeins hafa 1.704 bílar verið skráðir á fyrirtæki en á sama tíma árið 2007 voru þeir 12.715. Sjaldgæft er að fleiri nýskráningar séu hjá einstaklingum, en þær eru 2.104 það sem af er ári. Heildarsamdráttur nýskráninga er því um 81 prósent frá árinu 2007.

Þóknun til lögmannsstofu alltof há

Þóknun sem lögmannsstofan Lögmál innheimti af brunatryggingu hjá Tryggingamiðstöðinni (TM) er tæplega sjöfalt hærri en lög gera ráð fyrir. Þetta er mat Lögmanna-félagsins og talsmanns neytenda.

Greiðslurnar tólffaldast á milli ára

Rúmlega tólf og hálfur milljarður króna var greiddur út í atvinnuleysisbætur fyrstu sex mánuði ársins. Þetta þýðir að kostnaður við atvinnuleysisbætur var rúmlega 69 milljónir á dag. Sömu sex mánuði í fyrra var rúmur milljarður greiddur út. Greiðslurnar tólffölduðust því á milli ára.

Íslenskt vatn á risa-skíðasvæði

Icelandic Glacial verður aðalvatnið sem selt verður á stærsta skíðasvæði Kaliforníu, Squaw-dalnum. Stofnandi Icelandic Glacial er Jón Ólafsson athafnamaður en margar af helstu skíðastjörnum heims sækja svæðið árlega. Jón Ólafsson segir, í fréttatilkynningu frá Icelandic Glacial, að það sé frábært að staður, sem sé eins fallegur og Squaw-dalurinn, hafi valið vatnið. Scott Rutter, yfirmaður matar- og drykkjar hjá hjá Squaw-dalnum, segir í sömu tilkynningu að dalurinn séu stoltur af því að geta boðið gestum sínum upp á alvöru ískalt vatn eins og Icelandic Glacial.

Mikill fjöldi fluttur frá Íslandi

Rúmlega fimmtán hundruð fleiri fluttust frá landinu en til þess á fyrstu sex mánuðum ársins. Á sama tíma í fyrra höfðu 2.674 fleiri flutt til landsins en frá því.

Allar breytingatillögur samþykktar

Breytingatillögur meirihluta fjárlaganefndar vegna Icesave samningsins voru allar samþykktar á Alþingi fyrir stundu. Frávísunartillaga Framsóknarflokksins var felld. Flestar breytingatillögur ríkisstjórnarinnar voru samþykktar með 51 atkvæði gegn 9, líkt og búist hafði verið við. Frávísunartillaga Framsóknarmanna var felld með 48 atkvæðum gegn 10 en 2 greiddu ekki atkvæði. Þeir sem greiddu tillögunni atkvæði voru 9 þingmenn Framsóknarflokksins og Þráinn Bertelsson, óháður þingmaður. Höskuldur Þórhallsson, þingmaður Framsóknarflokksins, tilkynnti í kjölfarið að hann drægi breytingartillögurnar sem hann lagði fram við frumvarpið, til baka til 3. umræðu.

Bílbruna á Laufásvegi svipar til hommaofsókna - myndband

Af öryggismyndum af dæma virðist sem brennuvargarnir sem kveiktu í Range Rover á Laufásvegi í fyrrinótt, hafi haft hraðar hendur. Ekki verður loku fyrir það skotið að hugmyndina hafi þeir fengið í myndbandi sem finna má á internetinu, þar sem kveikt er í samskonar bíl.

Skrifstofustóll tókst á loft og festist í segulómunartæki

Skrifstofustóll tókst á loft og festist inni í segulómunartæki hjá Domus Medica í gær. Sjúklingi var ekið í stólnum að tækinu, en þegar hann stóð upp af stólnum, og settist á bekk segulómunartækisins, þá greip öflugt segulsvið tækisins í stólinn sem flaug inn í opið, þar sem hann situr fastur.

Innbrotum fækkað eftir að pólskt þjófagengi var handtekið

Innbrotum á höfuðborgarsvæðinu hefur snarfækkað frá því lögreglan handtók pólskt þjófagengi sem grunað er um að hafa staðið á bak við hundruð innbrota undanfarna mánuði. Gæsluvarðhaldi yfir mönnunum var framlengt í dag.

Fimmti maðurinn handtekinn í tengslum við Íbúðalánasjóðssvindlið

Fimmti maðurinn hefur verið handtekinn í tengslum við tugmilljóna króna Íbúðalánasjóðssvindlið sem uppgötvaðist fyrr í sumar. Sex hundruð og fimmtíu þúsund krónur fundust við húsleit efnahagsbrotadeildar ríkislögreglustjóra hjá honum og pappírsgögn sem talin eru bendla hann við málið.

Lögreglan leitar þriggja Range Rover brennuvarga

Lögreglan leitar þriggja manna í tengslum við bruna í Range Rover bifreið aðfararnótt síðastliðins þrijudags. Bíllinn var í eigu þeirra Stefáns Hilmarssonar, fyrrverandi fjármálastjóra Baugs og Friðriku Hjördísar Geirsdóttur dagskrárgerðarkonu.

Harður árekstur í Breiðholti

Harður tveggja bíla árekstur varð á gatnamótum Breiðholtsbrautar og Stekkjarbakka nú á fimmta tímanum. Á tímabili var talið að klippa þyrfti fólk út úr bílunum og var því tækjabíll frá slökkviliðinu sendur á staðinn ásamt tveimur sjúkrabifreiðum. Á þessari stundu er ekki vitað hversu margir hafi slasast en samkvæmt upplýsingum frá sjúkraflutningamönnum eru meiðsl þeirra sem voru í bílunum ekki eins alvarleg og talið var í fyrstu. Einhverjar umferðartafir eru á Breiðholtsbraut vegna slyssins.