Ljósin slökkt í Reykjanesbæ

Reykjanesbær tekur þátt í alheimsátakinu Vote Earth í samvinnu við vinabæ sinn Orlando á morgun, laugardaginn 28. mars með því að slökkva öll götuljós í bænum í samvinnu við HS orku en um leið eru íbúar hvattir til þess að taka þátt í kosningunni með því að slökkva ljósin á sama tíma kl. 20:30 í eina klukkustund.

Andstæðar fylkingar kalla tillöguna moðsuðu

Árni Sigfússon, bæjarstjóri í Reykjanesbæ og varaformaður Evrópunefndar Sjálfstæðisflokksins, sagði að andstæðar fylkingar innan flokksins kalli niðurstöðu nefndarinnar moðsuðu.

Fimm ára hljóp á bíl

Fimm ára gamall drengur lenti í óvanalegu umferðaróhappi við Skólaveg í Reykjanesbæ síðdegis í gær. Drengurinn hljóp út á götuna beint á bifreið sem ekið var var eftir Skólaveginum.

Björn sammála Evrópunefndinni

„Ég er almennt þeirra skoðunar að efna beri til tveggja þjóðaratkvæðagreiðslna," sagði Björn Bjarnason í umræðum um skýrslu Evrópunefndar Sjálfstæðsflokksins á landsfundi flokksins í dag.

Sjálfstæðismenn vilja þjóðaratkvæði um aðildarviðræður

Megin niðurstaða Evrópunefndar Sjálfstæðisflokksins er sú að ganga eigi til þjóðaratkvæðagreiðslu á næsta kjörtímabili um hvort Ísland eigi að ganga til aðildarviðræðna við Evrópusambandið. Kristján Þór Júlíusson kynnti í dag niðurstöður nedndarinnar sem starfað hefur síðan í nóvember.

Alvarlegt slys á Reykjanesbraut

Alvarlegt umferðarslys varð á Reykjanesbraut skammt sunnan við álverið í Straumsvík laust fyrir klukkan átta í morgun, þegar bíll valt þar út af veginum og hafnaði á hvolfi.

Hlutur bænda rýr fyrir kosningarnar

Hlutur bænda á framboðslistum fyrir Alþingiskosningarnar er heldur rýr, samkvæmt athugun Bændablaðsins, sem setur þó þann fyrirvara að framboðslistar liggja ekki enn fyrir hjá sumum flokkum í nokkurm kjördæmum.

Sinubruni við Korpúlfsstaðaveg

Kveikt var í sinu á nokkrum stöðum við Korpúlfsstaðaveg í Reykjavík rétt fyrir miðnætti og var slökkviliðið kallað á vettvang. Það náði að slökkva eldana áður en þeir náðu útbreiðslu og voru mannvirki ekki í hættu. Brennuvargarnir eru ófundnir.

Á stolnum bíl og undir áhrifum

Lögregla stöðvaði tvo menn á bíl á Skúlagötu á þriðja tímanum í nótt. Bíllinn reyndist stolinn, ökumaðurinn undir áhrifum fíkniefna og ýmislegt góss var í bílnum, sem mennirnir eiga eftir að gera grein fyrir við yfirheyrslur í dag. Grunur leikur á að það sé þýfi, hvort heldur úr einhverju innbroti næturinnar, eða úr fyrri innbrotum.

Fjöldi innbrota á höfuðborgarsvæðinu

Fjöldi innbrota var framinn á höfuðborgarsvæðinu í nótt og er þjófanna leitað. Verðmætum var stolið úr bíl við Sundlaugaveg, brotist var inn í dekkjaverkstæði við Reykjavíkurveg, í íbúðarhús við Holtsgötu, samkomusal við Smiðjuveg, Ástjarnarkirkju í Hafnarfirði og inn í íbúðarhús við Viðarás.

Samfylkingin stærst samkvæmt nýrri könnun

Samfylkingin er stærsti flokkurinn og Vinstri grænir hafa náð öðru sætinu af Sjálfstæðisflokknum, samkvæmt nýjustu könnun Gallups fyrir Morgunblaðið og Ríkisútvarpið.

Vinningstillaga Landsbankans loksins til sýnis

Vinningstillaga úr alþjóðlegri samkeppni í fyrrasumar um hönnun á nýjum höfuðstöðvum Landsbanka Íslands verður sýnd á Háskólatorgi í dag. Að því er segir í tilkynningu sigraði tillaga frá BIG frá Danmörku ásamt

Hitað upp fyrir varaformannsslaginn

Þeir Árni Páll Árnason og Dagur B. Eggertsson berjast um sæti varaformanns Samfylkingarinnar á landfundi flokksins sem fer fram um helgina. Ljóst er að baráttan verður hörð og má segja að tvær skoðanir á hlutverki varaformanns takist þar á.

Lúðvík skipar fimmta sætið í SV

Lúðvík Geirsson bæjarstjóri í Hafnarfirði mun skipa fimmta sæti á framboðslista Samfylkingarinnar í Suðvesturkjördæmi. Listinn var samþykktur á fundi kjördæmaráðs í dag. Í fyrsta sæti er Árni Páll Árnason alþingismaður og í öðru sæti Katrín Júlíusdóttir alþingismaður. Listinn er annars skipaður eftirtöldum aðilum.

Segir fjármálaráðherrann hygla fjármagnseigendum

„Steingrímur J. Sigfússon passar auðvaldið," segir Eygló Harðardóttir þingmaður Framsóknarflokksins. Eygló segir að Steingrímur hafi ákveðið að færa niður skuldir VBS og Saga Capital um 8 þúsund milljónir króna með því að bjóða þeim vexti sem séu langt undir því sem öðrum fyrirtækjum og hvað þá einstaklingum bjóðast.

Fleiri styðja Bjarna í formanninn

Bjarni Benediktsson nýtur stuðnings tæp sextíu prósent Sjálfstæðismanna til að verða næsti formaður flokksins samkvæmt nýrri skoðanakönnun Vísis, Stöðvar 2 og Fréttablaðsins. Kristján Þór Júlíusson hefur þó svipað fylgi og hann á landsbyggðinni.

Öryrkjum fjölgar í kreppunni

Öryrkjum hefur farið fjölgandi í kreppunni og finna starfsmenn Tryggingastofnunar ríkisins greinilega fyrir auknu álagi. Allt er reynt til að koma í veg fyrir að fólk festist í gildru varanlegrar örorku, segir forstjóri stofnunarinnar. Kenningar fræðimanna, spár og reynsla annarra þjóða sýna að öryrkjum fjölgar þegar harðnar á dalnum og atvinnuleysti eykst.

Hyggilegast hefði verið að mynda þjóðstjórn í haust

Geir H. Haarde fráfarandi formaður Sjálfstæðisflokksins segir að hyggilegast hefði verið strax í haust að mynda þjóðstjórn allra flokka sem sæti áttu á þingi. Þetta kom fram í ræðu sem Geir hélt í upphafi landsfundar í laugardalshöll sem hófst klukkan hálfsex.

Móðir nemanda dæmd til að greiða kennara 10 milljónir

Hæstiréttur dæmdi í dag, móður barns í Mýrarhúsaskóla, sem skellti hurð á höfuð kennara með þeim afleiðingum að hann hlaut örorku til að greiða kennaranum 9,7 milljónir króna í bætur vegna slyssins. Þar með staðfesti Hæstiréttur dóm Héraðsdóms Reykjavíkur sem kveðinn var upp í málinu í mars í fyrra.

Margir vilja stýra N1 á Ísafirði

Fimmtíu og fjórir sóttu um stöðu rekstrarstjóra N1 stöðvarinnar á Ísafirði. Óvenjumargar umsóknir miðað við stærð bæjarfélagins, segir Kolbeinn Finnsson starfsmannastjóri N1. Mikill meirihluti umsækjenda eru frá Ísafirði eða nágrannabæjarfélögum.

Greip um löggulegg á Lukku-Láka

Hæstiréttur staðfesti í dag dóm héraðsdóms yfir manni sem braut gegn valdsstjórninni fyir utan skemmtistaðinn Lukku-Láka í Grindavík árið 2007. Maðurinn var ákærður fyrir að hafa veist með ofbeldi að lögreglumanni, sem var að sinna skyldustarfi sínu, en maðurinn læsti höndum sínum um fótlegg lögreglumannsins sem við það féll í jörðina og hlaut rispur á fingri og marbletti á vinstra hné. Maðurinn var einnig dæmdur til þess að greiða allan áfrýjunarkostnað, samtals 200.000 krónur.

Fimm ára fangelsi fyrir morðtilraun

Hæstirétttur Íslands staðfesti fimm ára fangelsisdóm yfir Sævari Sævarssyni fyrir tilraun til manndráps síðustu Verslunarmannahelgi. Þá stakk Sævar mann af erlendum uppruna á Hverfisgötu eftir að hann taldi að maðurinn hefði slegið flösku í bílinn.

Þú hlýtur að vera að grínast, Gylfi?

Þingkonan Ragnheiður Ríkharðsdóttir, sem lenti í þriðja sæti á lista Sjálfstæðisflokksins í Suðvesturkjördæmi fyrir skömmu, skýtur föstum skotum á forseta ASÍ, Gylfa Arnbjörnsson, vegna ásakana um að hann hefði rekið Framsóknakonuna Vigdísi Hauksdóttur fyrir að vera í framboði.

Tvísýnn varaformannsslagur

Varaformannsslagur Árna Páls Árnasonar og Dags B. Eggertssonar verður tvísýnn, að mati Stefaníu Óskarsdóttur stjórnmálafræðings. Hún telur að Dagur hafi meiru að tapa heldur en Árni Páll.

Skáld tapar þakdeilu

Rithöfundurinn og ljóðskáldið, Auður Haralds, tapaði einkamáli gegn Páli Björgvinssyni í Héraðsdómi Reykjavíkur í dag. Hún höfðaði mál á hendur honum vegna kostnaðar við þakviðgerðir á húsi sem þau bjuggu í við Bergþórugötu í miðborg Reykjavíkur.

Gylfi svarar enn fyrir sig

Gylfi Arnbjörnsson forseti ASÍ hefur sent frá sér aðra yfirlýsingu í sambandi við starfslok Vígdísar Hauksdóttur lögfræðings hjá sambandinu. Nokkur umræða hefur skapast um starfslokin en Vigdís hefur sagt að sér hafi verið sagt upp störfum á grundvelli þess að hún sé í Framsóknarflokknum. Þá hefur verið sagt í fjölmiðlum að annar starfsmaður ASÍ, Magnús M. Norðdahl, hafi fengið launalaust leyfi til þess að sinna prófkjörsbaráttu hjá Samfylkingunni. Þetta segir Gylfi vera rangt.

Dæmdur fyrir ólöglegt samræði við fjórtán ára stúlku

Rúmlega tvítugur piltur var dæmdur í tólf mánaða skilorðsbundið fangelsi fyrir að hafa haft þrisvar samræði við fjórtán ára stúlku. Að auki er hann dæmdur fyrir að hafa látið hana hafa haft munnmök við sig. Brotin áttu sér stað í bifreið piltsins.

Hitað upp fyrir formannsslaginn í Sjálfstæðisflokknum

Bjarni Benediktsson og Kristján Þór Júlíusson eru í framboði til formanns Sjálfstæðisflokksins en kosið verður á landsfundi um helgina. Bjarni lýsti yfir framboði fyrir þónokkru síðan en Kristján hefur verið í framboði í þrjá daga. Vísir sló á þráðinn og heyrði í þeim félögum.

Ráðherrar gera grein fyrir fjárhagslegum hagsmunum sínum

Ráðherrar ríkisstjórnarinnar hafa nú allir gert grein fyrir fjárhagslegum hagsmunum sínum og trúnaðarstörfum sem þeir gegna. Ríkisstjórnin ákvað þann 17. mars síðastliðinn að gera grein fyrir þessum upplýsingum og nú hafa allir ráðherrarnir skilað þeim inn. Skemmst er frá því að segja að ráðherrar núverandi ríkisstjórnar eiga lítilla eða engra fjárhagslegra hagsmuna að gæta og gegna fáir þeirra einhversskonar trúnaðarstörfum fyrir utan flokka þeirra.

Bjarni stendur betur að vígi en Kristján Þór

Baldur Þórhallsson, prófessor í stjórnmálafræði við HÍ, segir Sjálfstæðisflokkinn standa á tímamótum en landsfundur flokksins hefst í dag. Baldur telur Bjarna Benediktsson standa betur að vígi en Kristján Þór Júlíusson en báðir sækjast eftir því að verða næsti formaður flokksins. Baldur segir mikilvægt fyrir formannsframbjóðendurna að mæta vel undirbúna leiks.

Dæmdur tvisvar fyrir að lemja unnustu sína

Flugmaðurinn Jens R. Kane var dæmdur í fjögurra mánaða skilorðsbundið fangelsi fyrir að leggja hendur konu sína, Veronicu Rincon frá Venesúela. Málið vakti talsverða athygli þegar fyrst var réttað í því en þá hélt Veronica því fram að Jens, sem þá starfaði sem flugmaður, hefði smyglað henni ólöglega til landsins í skjóli starfs síns.

Á írsku menningarrölti í miðjum niðurskurði

„Við fórum á sunnudaginn til Írlands og ræddum við þarlend yfirvöld um menningarhátíðina en við getum haldið hana með minna umfangi en áður," segir Gunnar Birgisson, bæjarstjóri Kópavogs sem fékk heldur eitraðan pistil í morgunsárið þar sem Flosi Eiríkisson, bæjarfulltrúi Samfylkingarinnar, gagnrýndi hann harðlega fyrir að fara til útlanda vegna menningarhátíðar á meðan bæjarstarfsmenn þurfa að þola mikinn niðurskurð. Gunnar kom aftur heim í gær en með honum í för var framkvæmdarstjóri menningarmála í bænum.

Uppræting kannabisverksmiðja heldur áfram

Lögreglan hefur upprætt enn eina kannabisræktunina, nú í bakhúsi á Vesturgötunni í miðbæ Reykjavíkur. Samkvæmt heimildum var um að ræða 190 kannabisplöntur og þar af voru um 60 í miklum blóma. Hinar voru á mismundandi stigum ræktunar. Einn maður hefur verið yfirheyrður vegna málsins en hann var ekki handtekinn.

Tjónið í Sandgerði hleypur á tugum milljóna

Tjónið, sem varð í bruna í plastverksmiðju Sólplasts í Sandgerði í gærkvöldi, hleypur á mörgum tugum milljóna. Eldurinn virðist hafa komið upp í stórum plastfiskibáti, sem var verið að gera við eftir bruna í honum í febrúar.

Landsfundur sjálfstæðismanna hefst í dag

Landsfundur Sjálfstæðisflokksins verður settur í dag og hefst fundurinn klukkan hálf sex með ræðu Geirs H. Haarde, fráfarandi formanns flokksins. Evrópumálin verða fyrirferðamikil á fundinum en í fyrramálið verða kynntar tillögur evrópunefndar flokksins.

Þrír handteknir í tengslum við kannabisrækt í Þykkvabæ

Lögreglan á Hvolsvelli handtók í gær þrjá menn á þrítugsaldri í tengslum við stóra kannabisverksmiðju í Þykkvabæ. Mennirnir hafa allir komið við sögu lögreglu áður.

Framsókn toppaði of snemma

Stefanía Óskarsdóttir, stjórnmálafræðingur, telur að Framsóknarflokkurinn hafi toppað of snemma þegar flokkurinn var á miklu flugi í skoðanakönnum í kjölfar landsfundar í janúar. Frá þeim tíma hafi margt breyst og ný ríkisstjórn verið mynduð fyrir tilstilli flokksins.

Ógnaði afgreiðslumanni 10-11 með hnífi

Um kvöldmatarleytið í gærkvöldi kom drengur inn í verslun 10-11 við Engihjalla í Kópavogi, ógnaði þar afgreiðslumanni með hnífi og heimtaði peninga. Afgreiðslumaðurinn lét hann hafa peninga en hann var síðan handsamaður fyrir utan verslunina. Að sögn lögreglu er drengurinn andlega vanheill og var lögregla að leita hans áður en ránið var framið.

Sendiráðinu í Managua lokað í sumar

Samuel Santos utanríkisráðherra Níkaragva og Sighvatur Björgvinsson framkvæmdastjóri Þróunarsamvinnustofnunar Íslands áttu fund í Managua á þriðjudag vegna þeirrar ákvörðunar íslenskra stjórnvalda að loka sendiráði Íslands í landinu sem jafnframt er umdæmisskrifstofa Þróunarsamvinnustofnunar Íslands.

Rafmagn komið á í Garðabæ

Rafmagn er komið á í Garðabæ en fyrir stundu varð háspennubilun í bænum sem gerði það að verkum að hluti bæjarins varð rafmagnslaus um tíma.

Dólgapópúlismi Ögmundar

Yfirlýsing Ögmundar Jónassonar um að hann afþakki ráðherralaun markar nýjar lægðir í ódýrri yfirboðs- og yfirborðspólitík mánuði fyrir kosningar, segir á vefritinu Herðubreið sem tengist Samfylkingunni.

Ríkisstjórnarflokkarnir fengju traustan meirihluta

Ríkisstjórnarflokkarnir tveir fengju traustan meirihluta á þingi, ef kosið yrði nú, samkvæmt nýrri skoðanakönnun Fréttablaðsins og Stöðvar tvö, en fylgið hrynur af Framsóknarflokknum.

Sunnlenskir þríburar fengu ökuréttindi samtímis

Sunnlenskir þríburar, tvær stúlkur og einn piltur, fengu ökuréttindi samtímis í vikunni. Þau höfðu lokið ökunámi og tekið prófið áður en þau náðu 17 ára aldrinum en á miðnætti, aðfaranótt afmælisdagsins, mættu þau á lögreglustöðina á Selfossi og sóttu skírteinin.

Ökumenn í vandræðum fyrir norðan

Lögreglan á Akureyri braust upp í Víkurskarð laust fyrir miðnætti til að aðstoða mann sem sat þar fastur í bíl sínum. Ekkert amaði að manninum. Þar var hvasst og ófærð og snjóaði talsvert á þessum slóðum í nótt. Undir morgun lenti annar ökumaður í vandræðum á Öxnadalsheiði, en snjóruðningsmenn komu honum til hjálpar.

Norskur sjómaður slasaðist á Akureyri

Norskur sjómaður slasaðist þegar hann féll fjóra metra niður á þilfar olíuskips, sem var í Akureyrarhöfn í gærkvöldi. Hann var fluttur á sjúkrahúsið á Akureyri og reyndist höfuðkúpubrotinn og mikið meiddur á hné. Hann er þó ekki í lífshættu, en mun dvelja eitthvað áfram á sjúkrahúsinu. Slysið varð þegar maðurinn var að tengja barka til dælingar.