Flugfarþegum fækkar um tæpan þriðjung

Tæplega 28 prósent færri farþegar fóru um Leifsstöð á Keflavíkurflugvelli í febrúar síðastliðnum, en í sama mánuði í fyrra. Þá voru þeir 115 þúsund, en aðeins 83 þúsund í ár.

Handtekinn eftir að bíll fannst utan vegar

Lögreglan á Akureyri handtók ungan mann undir morgun, þar sem hann var á gangi eftir Borgarbraut, en áður hafði bíll, sem hann hafði til umráða, fundist utan við veginn og mannlaus. Maðurinn, sem er grunaður um að vera undir áhrifum fíkniefna, er líka grunaður um akstur í því ástandi og verður málið kannað nánar. Hann hefur áður gerst brotlegur við ýmis lög.

Björgunarsveitir leita Aldísar á morgun

Aldís Westergren, konan sem lögreglan hefur leitað að undanförnu, er enn ekki fundin. Víðtæk leit stóð yfir að Aldísi um helgina, en hún bar engan árangur.

Stjórnarráðið hefur greitt 197 milljónir vegna sérfræðiþjónustu

Stjórnarráðið greiddi á síðasta ári út tæpar 197 milljónir króna vegna sérfræðiþjónustu, í tengslum við neyðarástand á fjármálamörkuðum. Þetta kemur fram í svari forsætisráðuneytisins við fyrirspurn nokkurra fjölmiðla um kaup á sérfræðiþjónustu.

Fjölga ferðum til Lundúna

Iceland Express hyggst auka verulega framboð á flugsætum til Lundúna næsta haust. Frá og með 1. september næstkomandi mun félagið fljúga tvisvar á dag til Lundúna. Brottför Lundúnaflugs Iceland Express verður klukkan sjö að morgni og klukkan tuttugu mínútur yfir tvö síðdegis, alla virka daga vikunnar. En áfram verður einungis eitt flug á dag um helgar.

Strákagöng lokuð á morgun

Vegurinn um Strákagöng við Siglufjörð verður lokaður vegna viðgerða á milli klukkan tólf og eitt á morgun. Þetta kemur fram í tilkynningu frá Vegagerðinni. Þar kemur jafnframt fram að víðast hvar á landinu er mikil hálka þessa stundina.

Loftrýmisgæsla hefst í næstu viku

Loftrýmisgæsla danska flughersins yfir Íslandi hefst í næstu viku. Fjórar F-sextán þotur Dana komu til landsins í dag. Gæslan nú kosta fimm sinnum minna en upphafleg kostnaðaráætlun gerði ráð fyrir.

Fáfnir opnar nýtt klúbbhús

Vélhjólaklúbburinn Fáfnir ætlar að opna nýtt klúbbhús í Hafnarfirði um næstu helgi. Fáfnir er opinber stuðningsklúbbur Hell's Angels klíkunnar sem ítrekað hefur reynt að ná fótfestu hér á landi.

Vilja lána í Vaðlaheiðargöng, Suðurlandsveg og samgöngumiðstöð

Tveir hópar fjárfesta eru nú í viðræðum við stjórnvöld um að koma að fjármögnun samgöngumannvirkja. Vaðlaheiðargöng, breikkun Suðurlandsvegar og samgöngumiðstöð á Reykjavíkurflugvelli eru sérstaklega nefnd.

Kolbrún snúin niður í þinginu

Framsóknarmenn hafa með sjálfstæðismönnum og frjálslyndum myndað nýjan pólitískan meirihluta á Alþingi gegn stefnu Vinstri grænna í umhverfis- og stóriðjumálum. Flokkarnir standa saman að þingsályktunartillögu um að knýja Kolbrúnu Halldórsdóttur umhverfisráðherra til að sækja á um meiri undanþágur fyrir Ísland í loftlagsmálum.

Kúgaðar konur fastar í skuldaklafa

Bágt efnahagsástand veldur því að fleiri konur en áður ákveða að búa áfram við ofbeldi í stað þess að skilja við maka sinn. Þær eru fastar í skuldaklafa, segir framkvæmdastýra Kvennaathvarfsins.

Verktakar svindla á íbúðalánasjóði

Dæmi eru um verktakar stofni sérstök leigufélög sem þeir nota til að kaupa fasteignir af sjálfum sér. Leigufélögin fá lán frá Íbúðalánasjóði fyrir kaupunum en eru síðan látin fara í þrot.

Aðdráttarafl Akureyrar eykst

Ferðamenn hafa flykkst til Akureyrar í vetur og sett voru fjöldamet bæði í Hlíðarfjalli og sundlaug bæjarins. Það er um 120% aukning á gestum í fjallinu frá því í fyrra segir Ragnar Hólm Ragnarsson upplýsinga-og kynningamálastjóri Akureyrarbæjar.

Guðni formannsframbjóðandi fer fram í Reykjavík

Guðni Halldórsson, formannsframbjóðandi í Frjálslynda flokknum, hefur hefur hætt við að gefa kost á sér í efsta sætið í prófkjöri flokksins í Norðvesturkjördæmi og sækjast þess í stað eftir forystusæti í Reykjavík.

Endurreisnarmaður í framboð

Formaður sérstakrar undirnefndar endurreisnarnefndar Sjálfstæðisflokksins, Sigurður Örn Ágústsson, hyggur á framboð fyrir Sjálfstæðisflokkinn í Norðvesturkjördæmi.

Áfrýjunarnefnd staðfestir 315 milljón króna sekt Haga

Áfrýjunarnefnd samkeppnismála hefur staðfest úrskurð Samkeppniseftirlitsins frá því 19. desember 2008 um 315 milljón króna stjórnvaldssekt Haga vegna alvarlegra brota á samkeppnislögum.

Geir: Búið að flauta til leiks

Lúðvík Bergvinsson, þingflokksformaður Samfylkingarinnar, mælti fyrir frumvarpi fyrir hönd fjögurra flokka á Alþingi í dag um breytingar á kosningalögum. Sjálfstæðismenn gagnrýndu frumvarpið og sagði Geir H. Haarde, formaður flokksins, að það væri venja að allir flokkar væru hafðir með í ráðum þegar kosningalögum væri breytt.Frumvarpið gerir meðal annars ráð fyrir persónukjöri.

Norn hættir rekstri og íhugar að flytja úr landi

„Það er bara ekki rekstragrundvöllur fyrir þessu fyrirtæki," segir nornin Eva Hauksdóttir sem rak Nornabúðina á Vesturgötunni í miðborg Reykjavíkur. Nú er Eva búinn að loka búðinni, sjálf segir hún ástæðuna margþætta, en í raun beina afleiðingu kreppunnar. Nú er svo komið að Eva íhugar einnig að flytja úr landi - og jafnvel slíta öllu stjórnmálasambandi við Ísland.

Íslendingar erlendis komast á kjörskrá

Alþingi samþykkti í gær breytingar á lögum um kosningar til Alþingis sem gera Íslendingum búsettum erlendis auðveldara um vik að kjósa í komandi þingkosningum. Í fréttum nýverið var sagt frá Íslendingum búsettum erlendis sem vildu að sett yrðu bráðabirgðalög sem gerði þeim kleyft á að komast á kjörskrá.

Framboð annar ekki eftirspurn hjá framsókn

Matthías Imsland, formaður kjördæmasambands Framsóknarflokksins í Reykjavík, segir að fjölmargir vilji taka sæti á framboðslistum flokksins í höfuðborginni. Þetta varð til þess að framsóknarmenn neyddust til að fresta fundi um seinustu helgi þar sem stilla átti upp framboðslistum í Reykjavíkurkjördæmunum tveimur.

Skvettu skyrsúpu á orkufulltrúa

Lögreglan var kvödd upp á Háskólatorg í morgun eftir að þrír mótmælendur skvettu grænni skyrsúpu yfir kynningarbása sem þar voru. Samkvæmt lögreglunni fór maturinn yfir borð með tilheyrandi kynningarefni sem og fulltrúanna sjálfa. Að auki er grunur um að tölvubúnað hafi skemmst.

Gjaldeyrishöft torvelda fíkniefnainnflutning

Talið er að gjaldeyrishöft geri innflytjendum fíkniefna erfitt fyrir þannig að framboðið anni ekki eftirspurn. Það veldur svo verðhækkun á götunni þannig að verð á flestum fíkniefnum hefur aldrei verið hærra en nú.

Segir öryggi sjómanna stefnt í hættu

Sigurður Kári Kristjánsson, þingmaður Sjálfstæðisflokksins segir að það valdi miklum vonbrigðum að heyra af uppsögnum innan Landhelgisgæslunnar en stofnunin er að hans mati ein af meginstoðum í öryggisneti þjóðarinnar, sérstaklega þegar hugað sé að öryggi sjómanna. Hann segir að ríkisstjórnin hafi misst sjónar af því hvað skipti mestu máli hvað megi bíða.

Jeppi út í sjó

Ökumaður missti stjórn á jeppa sínum í hálku á Geirsnefi í mynni Elliðaánna í Reykjavík laust fyrir klukkan ellelfu í morgun, með þeim afleiðingum að biíllinn hafnaði úti í sjó og tók að sökkva.

Bónusgreiðslur bankastjóranna hugsanlega afturkallaðar

Fjármálaráðherra segir vel koma til greina að taka með einhverjum hættti til baka bónusgreiðslur sem greiddar voru til stjórnenda gömlu bankanna rétt fyrir hrun.

Taki sameiginlega ákvörðun um skráningu barns í trúfélag

Árni Þór Sigurðsson, þingmaður Vinstri grænna, telur ástæðu til að breyta lögum þannig að forsjáraðilar taki sameiginlega ákvörðun um skráningu barns í trúfélag þegar og ef þeir kjosi að fara þá leið.

Sigmundur í svart-hvítu héðan í frá

„Í mjög einföldu máli þá gerði ég þennan einblöðung en það var ódýrara prenta þetta svona í stað þess að notast við litaprentara," segir frambjóðandinn og fyrrum fréttamaðurinn Sigmundur Ernir Rúnarsson, en DV sagði frá því í dag að hann hefði verið áminntur fyrir að brjóta reglur Samfylkingarinnar um prófkjör.

Tilkynnt um úrslit í forvali VG í kvöld

Til stóð að tilkynna um úrslit í forvali Vinstrihreyfingarinnar græns framboðs í Norðausturkjördæmi í gærkvöldi en vegna lélegra póstsamgangna verður það gert í kvöld, að sögn Drífu Snædals framkvæmdastýru VG.

Rýmingu aflétt á Vestfjörðum

Rýmingu hefur verið aflétt í Bolungarvík og á Ísafirði og mega íbúar snúa til heimila sinna. Rýmingin nær til þéttbýlis og bæja í dreifbýli. Enn er þó viðbúnaðarstig á norðanverðum Vestfjörðum og Veðurstofan og lögreglan fylgjast vel með gangi mála, að fram kemur í tilkynningu frá Kristínu Völundardóttur sýslumanni á Ísafirði.

Geir, Ingibjörg og Steingrímur oftast í fréttum

Þeir einstaklingar, sem oftast var minnst á í fréttum í fyrra, voru í réttri röð; Geir Haarde, Ingibjörg Sólrún Gísladóttir, Steingrímur J. Sigfússon, Björgvin G. Sigurðsson, Guðni Ágústsson, Þorgerður Katrín Gunnarsdóttir, Ólafur F. Magnússon, Árni Mathiesen og Össur Skarphéðinsson.

Borgin fjölgar sumarstörfum um 400

Reykjavíkurborg hefur ákveðið að verja 96 milljónum króna aukalega til að standa undir 400 sumarstörfum til viðbótar við þau 4.100 sem fyrirhuguð voru. Af þeim verða 2.900 hjá Vinnuskóla Reykjavíkur og afgangurinn á fagsviðum borgarinnar, við sumarafleysingar.

Þrír teknir með fíkniefni í Hveragerði

Þrír menn voru handteknir í Hveragerði um miðnætti, eftir að fíkniefni fundust í fórum þeirra. Þegar þeir sáu til lögreglunnar reyndu þeir að aka á bak við iðnaðarhús, til að fela sig.

Óveðri á Vestfjörðum slotaði undir miðnætti

Óveðrinu á Vestfjörðum slotaði undir miðnætti og á sjötta tímanum í morgun hófu vegagerðarmenn snjómokstur á Óshlíð og Súðavíkurhlíð. Á báðum leiðunum hafa þó nokkur snjóflóð fallið. Bæjarstarfsmenn á Ísafirði og í Bolungarvík hófu líka mokstur innanbæjar en víða hefur snjór safnast í mikla skafla og þæfingur er á öllum götum.

Fimm innbrot á höfuðborgarsvæðinu í nótt

Brotist var inn í tvö fyrirtæki, einn skóla og tvo bíla á höfuðborgarsvæðinu frá miðnætti og fram til klukkan sex í morgun. Alls staðar var verðmætum stolið og komust þjófarnir undan í öllum tilvikum.

Byltingarforingi blæs til tónleika

Tónlistarmaðurinn Hörður Torfason, sem síðustu mánuðina hefur verið þekktastur fyrir að fara fyrir svokallaðri Búsáhaldarbyltingu sem hlaust af bankahruninu, blæs til árlegra Kertaljósatónleika í Borgarleikhúsinu þann 10. mars næstkomandi.

Framsóknarþingmaður: Stendur ekki á okkur

Eygló Harðardóttir, þingmaður Framsóknarflokksins, segir að ekki standi á Framsóknarflokknum við afgreiðslu á frumvörpum og þingsályktunum ríkisstjórnarinnar á Alþingi. Þannig svarar hún orðum Birgis Ármannssonar

Óshlíð enn lokuð

Enn er lokað um Flateyrarveg, Súðavíkurhlíð og Óshlíð vegna snjóflóða, eftir því sem fram kemur í tilkynningu frá Vegagerðinni.

Jóhanna segir að fullu staðið við samkomulag gagnvart framsókn

Forsætisráðherra segir að það hafi komið á óvart að Framsóknarmenn vilji loka Alþingi sex vikum fyrir kosningar, án þess að gefa nauðsynlegan tíma til afgreiðslu fjölda mála sem ríkisstjórnin hafi afgreitt til þings um aðgerðir fyrir heimili og fyrirtæki í landinu.

Íbúar fá ekki að snúa heim í kvöld

Aftakaveður hefur verið á norðanverðum Vestfjörðum síðan í gærkvöldi og hafa hús verið rýmd þar sem hætta er á snjóflóðum. Íbúar hosanna sem hafa verið rýmd fá ekki að snúa aftur heim fyrr en í fyrsta lagi á morgun.

Aðeins níu mál tengd hagsmunum atvinnulífs og heimila

Ríkisstjórnin hefur einungis lagt fram 16 mál á þingi af þeim 30 frumvörpum og þingsályktunartillögum sem ríkisstjórnin hefur afgreitt frá sér frá því hún tók við völdum í lok janúar, segir Birgir Ármannsson, þingmaður Sjálfstæðisflokksins. Ríkisstjórnin lagði, á blaðamannafundi í morgun, fram lista yfir þau þingmál sem ríkisstjórnin hefur afgreitt frá sér frá því hún tók við völdum í lok janúar.

Á fimmta þúsund manns ráðnir til sumarstarfa hjá Borginni

Hanna Birna Kristjánsdóttir, borgarstjóri, sagði á fundi borgarstjórnar fyrr í dag að Reykjavíkurborg myndi ráða yfir 4.100 einstaklinga í ýmis konar sumarstörf í sumar. Flestir eða um 2.900 verða ráðnir til tímabundinna starfa hjá Vinnuskóla Reykjavíkur. Ríflega 840 verða ráðnir til afleysinga á

Keilir skilar góðri afkomu

Fram kom á aðalfundi Keilis, miðstöðvar vísinda fræða og atvinnulífs, sem haldinn var á gamla varnarsvæðinu á Vallarheiði fyrr í dag að heildartekjur félagsins umfram heildargjöld voru rúmlega 200 milljónir. Á fundinum lét Runólfur Ágústsson, framkvæmdastjóri félagsins frá stofnun þess af störfum.

Ítrekaði fyrri beiðni um afsögn Óskars

Ólafur F. Magnússon, borgarfulltrúi F-listans, ítrekaði á fundi borgarstjórnar í dag kröfu sína um að Óskar Bergsson, borgarfullrúi Framsóknarflokksins, segi af sér og upplýsi um hagsmunatengsl sín við byggingarverktaka og aðra hagsmunaaðila.

Árekstur við álverið í Straumsvík

Árekstur tveggja bifreiða varð á Reykjanesbraut til móts við álverið í Straumsvík á fimmta tímanum. Tveir sjúkrabílar auk tækabíls frá slökkviliði höfuðborgarsvæðisins eru á staðnum og munu tveir hafa slasast í árekstrinum. Veginum hefur ekki verið lokað en fólk er beðið um að aka varlega hjá slysstaðnum.

Framsóknarboð Óskars enn til umræðu

Umdeild móttaka sem Óskar Bergsson, borgarfulltrúi Framsóknarflokksins, hélt fyrir rúmlega 30 flokksystkini sín á kostnað borgarinnar í nóvember var til umræðu á fundi borgarstjórnar í dag.