Fleiri fréttir

Dómsmálaráðherra skipar nefnd um skipan dómara

Ragna Árnadóttir dóms- og kirkjumálaráðherra hefur ákveðið að skipa þriggja manna nefnd er vinni að því að móta tillögur um setningu nýrra reglna um skipan dómara, í samræmi við verkefnaskrá ríkisstjórnarinnar. Í tilkynningu frá ráðuneytinu kemur fram að nefndin sé skipuð þeim Guðrúnu Erlendsdóttur, fv. hæstaréttardómara, sem verður formaður hennar.

Þingmenn keppast um að biðjast afsökunar

Tekist var á um ábyrgð á bankahruninu á Alþingi og kepptust þingmenn um að biðjast afsökunar. Mörður Árnason, varaþingmaður Samfylkingarinnar, hóf umræðuna og þakkaði Ástu Möller, þingmanni Sjálfstæðisflokksins, fyrir afsökunarbeiðni hennar en hún sagðist í gær eiga sinn þátt í því andvaraleysi sem þingmenn þjóðarinnar hafa gert sig seka um á seinustu árum gagnvart þróun efnahagsmála í landinu. Sjálfur sagðist Mörður ekki hafa verið nægjanlega gagnrýnin á forystumenn Samfylkingarinnar og baðst afsökunar á því.

Bæir rýmdir - enn hætta á Vestfjörðum

Ekki hefur dregið úr vindi og ofankomu á norðanverðum Vestfjörðum og hefur nú verið ákveðið að rýma sveitabæi á svæðinu. ,,Ég hélt að aðgerðum okkar væri lokið en nú eru að bætast við þessir sveitabæir," segir Kristín Völundardóttir lögreglustjóri en embætti hennar hefur fengið beiðni frá Veðurstofunni um rýmingu á eftirfarandi bæjum:

Enn er hætta á sjóflóðum á Vestfjörðum

Vegna snjóflóða og snjóflóðahættu eru vegirnir um Súðavíkurhlíð, Óshlíð og á Eyrarhlíð enn lokaðir. Ekkert ferðaveður er og er fólk beðið um að vera ekki á ferðinni að nauðsynjalausu. Þetta kemur fram i tilkynningu frá Vegagerðinni. Veður fer versnandi á norðanverðum Vestfjörðum og er mokstur víðast hvar í biðstöðu.

Hafa skilað ársreikningum fyrir 2007

Sjálfstæðisflokkurinn og Framsóknarflokkurinn hafa skilað ársreikningum sínum fyrir árið 2007 til Ríkisendurskoðunar. Nú hafa allir flokkar skilað inn reikningum og verða upplýsingar úr þeim birtar opinberlega að öllum líkindum síðar í mánuðinum.

Ekkert ferðaveður í Skagafirðinum

Ekkert ferðaveður er nú í Skagafiriðinum og er Vegagerðin hætt snjómokstri. Þverárfjall er ófært og lokað og lögreglan á Sauðárkróki vill koma því á framfæri við fólk að það sé ekki á ferð um Skagafjörðinn að óþörfu.

Fordæmi fyrir að útlendingur sé settur í embætti

Þáverandi dóms- og kirkjumálaráðherra Sjálfstæðisflokksins, Þorsteinn Pálsson, setti erlendan ríkisborgara sem embættismann árið 1994. Það var presturinn Carlos A. Ferrer sem gegndi embætti sóknarprests á Fáskrúðsfirði í fjóra mánðuði á meðan hann var enn erlendur ríkisborgari.

FME verndi uppljóstrara

Fjármálaeftirlitinu verður heimilt ef nýtt frumvarp viðskiptaráðherra verður samþykkt að lækka eða fella niður sektir og falla frá kæru á hendur fólki sem afhendir eftirlitinu gögn eða veitir því upplýsingar sem gætu varpað ljósi á bankahrunið og lögbrot á fjármálamarkaði.

Stjórnarflokkarnir gangi bundnir til kosninga

Vilji er fyrir því innan beggja stjórnarflokkanna að þeir gangi bundnir til kosninga og stefni á að halda samstarfinu áfram eftir kosningar, án fulltingis Framsóknarflokksins.

Nafn mannsins sem lést í slysinu á Akrafjallsvegi

Maðurinn sem lést í umferðarslysi við Akrafjallsveg skammt frá Akranesi á sunnudagskvöld hét Ragnar Ólafsson. Hann var fæddur árið 1963 og bjó í Reykjavík. Ragnar lætur eftir sig unnustu.

Opnað fyrir vefframtöl einstaklinga

Skattaframtalsgerð einstakinga hófst nú um mánaðarmótin og hefur embætti ríkisskattstjóra opnað fyrir vefframtöl einstaklinga. Almennur skilafrestur er til 23. mars.

Tónlistarhúsið umfram Gæsluna

Sjómannafélag Íslands lýsir furðu sinni á því að halda eigi áfram smíði tónlistarhúss fyrir fimmtán milljarða á sama tíma sé Landhelgisgæsla Íslands hálflömuð vegna fjárskorts.

Atvinnusvæði rýmt á Ísafirði

Veðurstofan í samráði við lögreglustjórann á Vestfjörðum hefur lýst yfir hættustigi á Ísafirði vegna reits 9 (Grænigarður og Netagerðin) og er rýming í gangi. Á svæðinu er atvinnustarfsemi og hefur lögreglan þegar haft samband og er starfsfólk á leið úr vinnu. Þetta kemur fram í tilkynningu frá Sýslumanninum á Ísafirði.

Konum fjölgar meðal skólastjóra

Haustið 2007 voru konur í fyrsta skipti í meirihluta meðal skólastjóra. Haustið 2008 hefur konum meðal skólastjóra fjölgað enn frekar og eru nú 54,8% skólastjóra. Eina starfsstéttin innan grunnskólans þar sem karlar eru í meirihluta eru húsverðir. Þetta kemur fram í gagnasöfnun Hagstofu Íslands sem safnar upplýsingum um starfsfólk í grunnskólum á Íslandi í október ár hvert.

36 ný tilfelli af lifrarbólgu C

36 ný tilfelli af lifrarbólgu C fundust á Sjúkrahúsinu Vogi á síðasta ári sem er heldur minna en undanfarin ár. Lifrarbólga C er algengasti alvarlegi fylgikvilli sprautufíknar og smitast vegna þess að sprautufíklarnir sprauta sig með óhreinum áhöldum þó að tiltölulega auðvelt sé að verða sér út um hrein áhöld, að fram kemur á vefsíðu SÁÁ. Ekkert nýtt HIV tilfelli fannst á Vogi 2008.

Bíll brann til kaldra kola

Fólksbíll gjöreyðilagðist í eldi í nótt þar sem hann stóð í Tranavogi í Reykjavík. Slökkviliðið var kvatt á vettvang og gat það slökkt í nálægum bíl, sem eldurinn hafði náð að teygja sig í. Bíllinn sem brann var mannlaus þegar eldurinn kom upp og eru eldsupptök ókunn.

Dvínandi líkur á loðnuvertíð

Dvínandi líkur eru á að nokkur loðnuvertíð verði í ár en síðasta vertíð, sem þótti léleg, gaf þó af sér níu milljarða króna í útflutningsverðmæti. Eina vonin nú er að torfur birtist óvænt vestur af landinu og gangi beint inn á Breiðafjörðinn til hrygningar en skip, sem eru þar að svipast um, hafa einskis orðið vör, enn sem komið er. Flest fjölveiðiskipin eru ýmist á kolmunnaveiðum vestur af Írlandi eða á gulldepluveiðum suður af landinu.

Lögðu á flótta þegar öryggiskerfi glumdi

Þjófar brutu rúðu í fyrirtæki við Skipholt í Reykjavík í nótt, en við það fór þjófavarnakerfi í gang. Kom þá styggð að þjófunum, sem lögðu á flótta og voru horfnir út í náttmyrkrið þegar lögregla kom á vettvang. Minna hefur verið um innbrot á höfuðborgarsvæðinu síðustu sólarhringa en var um tíma í fyrri viku þegar fimm til sex innbrot voru framin tvær nætur í röð.

Segir heilbrigðiskerfið hafa brugðist

„Heilbrigðiskerfið brást algerlega," sagði Telma Magnúsdóttir ekkja sem missti mann sinn, Björgvin Björgvinsson, úr húðkrabbameini fyrir tæpu ári síðan. Telma sagði sögu sína í Íslandi í dag í kvöld.

Ásta baðst afsökunar

„Þegar litið er um öxl getur engum dulist að Sjálfstæðisflokkurinn og þingmenn hans hefðu getað gert betur á síðustu árum. Ég á minn þátt í því andvaraleysi sem þingmenn þjóðarinnar hafa gert sig seka um á

Tryggja heimilislausum stuðning

Alls hefur 20 heimilislausum í Reykjavík verið tryggt húsnæði, þjónusta og félagslegur stuðningur samkvæmt samningi félags- og tryggingamálaráðuneytisins og Reykjavíkurborgar.

Hættustigi lýst yfir í Bolungarvík

Veðurstofan í samráði við lögreglustjórann á Vestfjörðum hefur lýst yfir hættustigi í Bolungarík og er rýming í gangi vegna reits 4 (Ljósaland 2, Traðarland 18, 21, 22 og Tröð). Gert er ráð fyrir að umrædd hús verði mannlaus fyrir klukkan níu í kvöld.

Kraftur hafsins sigraði í ljósmyndasamkeppni Stöðvar 2, Vísis og Iceland Express

Alls bárust 10502 myndir í ljósmyndasamkeppni sem Stöð 2 og Vísir.is efndu til í samstarfi við Iceland Express. Sigurður Þ. Ragnarsson veðurfræðingur á Stöð 2 segir þetta vera gríðarlegan fjölda og að sennilega hafi aldrei verið flóknara fyrir dómnefnd að finna myndir til að setja til atkvæðagreiðslu á Vísi. Eftirtaldar myndir urðu hlutskarpastar í atkvæðagreiðslu lesenda Vísis

Grafarholtsbúar beðnir um að svipast eftir Aldísi

Leit lögreglunnar á höfuðborgarsvæðinu að Aldísi Westergren, 37 ára, hefur enn engan árangur borið en síðast er vitað um ferðir hennar við Gvendargeisla í Grafarholti í Reykjavík þriðjudaginn 24. febrúar. Lögregla biður íbúa og verktaka í hverfinu að svipast vel um í skúrum og á byggingarsvæðum.

Hnefaleikasambandið ræðir mál barnaboxarans

„Við erum að ræða þetta innan nefndarinnar," segir Ágústa Hera Birgisdóttir, nefndarmaður í Hnefaleikanefnd ÍSÍ en málefni ungs boxara sem réðist á samnemanda sinn í Sandgerði er til skoðunar.

Gott skíðafæri í Bláfjöllum

Skíðasvæðið í Bláfjöllum er opið og þar verða lyftur í gangi til klukkan 21 kvöld. Að mati Ingimundar Sigfússonar, starfsmanns í Bláfjöllum, er skíðafærið mjög gott.

Snjóflóðahætta í Súðavíkurhlíð

Vegna snjóflóðahættu á Súðavíkurhlíð eru vegfarendur beðnir um að sýna aðgát og ekki vera á ferðinni að nauðsynjalausu. Þetta kemur fram í tilkynningu frá Vegagerðinni og tekur lögreglan á Vestfjörðum undir þau varnaðarorð..

Barnaboxari ósakhæfur

Boxarinn og félagi hans sem gengu í skrokk á samnemanda sínum, eru ósakhæfir sökum aldurs samkvæmt upplýsingum sem fengust frá lögreglunni á Suðurnesjum. Um er að ræða stórfellda líkamsárás sem átti sér stað á fimmtudaginn í síðustu viku í grunnskólanum á Sandgerði. Það var RÚV sem greindi fyrst frá málinu.

Gísli undrast lýðræðið í Samfylkingunni

,,Er einhver sem telur að þá 20 mánuði sem Samfylkingin sat í ríkisstjórn með Sjálfstæðisflokknum, hefði ekki verið hægt að grípa til ráðstafana sem hefði forðað algeru hruni eða lágmarkað skaðann fyrir venjulegt fólk? Auðvitað var tími til að gera það," segir Gísli Marteinn Baldursson, borgarfulltrúi Sjálfstæðisflokksins.

Jóhanna: Þingið þarf lengri tíma

Jóhanna Sigurðardóttir forsætisráðherra segir alveg ljóst að þingið þarf lengri tíma en til 12. mars næstkomandi til þess að klára þau mál sem fyrir liggja. Hún sagði á þingi í dag í svari við fyrirspurn frá Geir Haarde formanni Sjálfstæðisflokksins, að engin ákvörðun hafi verið tekin um þingrof og kjördag en að sú ákvörðun verði að liggja fyrir sem allra fyrst.

Tvö hundruð prósent fleiri umsóknir um aðstoð

Beiðnum um aðstoð frá Hjálparstarfi kirkjunnar hefur fjölgað afar mikið fyrstu mánuðina á nýju ári. Umsóknum fjölgaði um 200% í febrúar. Í febrúar í fyrra bárust 139 beiðnir en í nýliðnum mánuði voru þær 410. Í janúar var fjölgunin 152% miðað við sama mánuð árið 2008. Haft er eftir Jónasi Þóri Þórissyni, framkvæmdastjóra Hjálparstarfs kirkjunnar, að mjög margir séu að sækja um í fyrsta sinn.

Úthlutað úr Guðrúnarsjóði

Hanna Birna Kristjánsdóttir, borgarstjóri, úthlutaði í föstudaginn átta námsstyrkjum úr Guðrúnarsjóði. Sjóðurinn var stofnaður með samþykkt borgarráðs í mars 2005 í samstarfi við Eflingu- stéttarfélag. Sjóðurinn er nefndur eftir Guðrúnu Halldórsdóttur, fyrrverandi forstöðumanni Námsflokka Reykjavíkur, en hún vann mikið brautryðjendastarf við uppbyggingu námsflokkanna, þar sem boðið var upp á fjölbreytta fullorðinsfræðslu.

Ólga meðal framsóknarmanna í Norðausturkjördæmi

Talsverðrar ólgu gætir meðal framsóknarmanna í Norðausturkjördæmi vegna staðsetningar og fyrirkomulags kjördæmaþings þar sem frambjóðendur flokksins í komandi þingkosningum verða valdir. Flokksfélagi hefur dregið framboð sitt til baka og segir stjórn ráðsins reyna að tryggja stöðu Birkis Jóns Jónssonar og frambjóðanda á Austurlandi umfram aðra frambjóðendur.

Sunnlendingar lemja konur

Tvær líkamsárásir voru tilkynntar til lögreglunnar á Selfossi síðustu helgi en í báðum tilvikum var um karlmenn að ræða sem réðust að konum. Annað tilvikið átti sér stað á skemmtistaðnum Hvíta húsinu á Selfossi. Maðurinn sló konu hnefahöggi í andlitið með þeim afleiðingum að tönn brotnaði.

Flótti úr Framsókn

Pétur Gunnarsson hefur sagt sig úr Framsóknarflokknum. Hann er þá þriðji framsóknarmaðurinn sem segir sig úr flokknum á stuttu tímabili, fyrir eru það þeir Þráinn Bertelsson rithöfundur og Sævar Cesielski.

Ekki búið að ákveða laun seðlabankastjóra

Laun nýrra yfirstjórnenda hjá Seðlabanka Íslands hafa enn ekki verið ákveðin. Svein Harald Öygard seðlabankastjóri og Arnór Sighvatsson aðstoðarbankastjóri voru settir í embættin á föstudaginn. Á blaðamannafundi við það tilefni vísaði Svein Harald á forsætisráðuneytið þegar hann var spurður út í launakjör sín.

Sjá næstu 50 fréttir

Mest lesið