Eldur í gistihúsi á Reyðarfirði

Lögreglu var tilkynnt um að eldur væri laus í kaffi og gistiheimilinu Hjá Marlín á Reyðarfirði klukkan fjögur í nótt og að slökkvilið Fjarðabyggðar væri á leið á staðinn.

Femínistafélagið afhendir Bleiku steinana

Femínistafélag Íslands mun í dag afhenda hvatningarverðlaun sín Bleiku steinana. Tilgangur verðlaunanna er að hvetja þá aðila sem stöðu sinnar vegna geta haft áhrif á framgang jafnréttis í íslensku samfélagi. Afhendingin fer fram á Austurvelli við styttuna af Jóni Sigurðssyni nú klukkan ellefu.

Hættur við hringferð á kajak

Bandaríski kajakræðarinn Marcus Demuth hafði samband við Landhelgisgæsluna í gær og tilkynnti henni að hann væri hættur við hringferð sína um landið.

Enginn ísbjörn sjáanlegur í eftirlitsflugi

Þyrla Landhelgisgæslunnar var að koma úr eftirlitsflugi á Vestfjörðum þar sem flogið var um Hornstrandafriðland og svipast vandlega um eftir ísbjörnum.

Tvö innbrot í Breiðholti

Tilkynnt var um tvö innbrot í Breiðholti til lögreglunnar á höfuðborgarsvæðinu í dag. Ekki er vitað hversu miklu var stolið en biður lögreglan fólk um að huga að íbúðum sínum á þessum árstíma. Frá klukkan 15:00 í dag var tilkynnt um þrettán árekstra til lögreglunnar.

Borgarísjaki sást í ískönnunarflugi

Í dag fór Fokker flugvél Landhelgisgæslunnar, TF-SYN í ískönnunarflug úti fyrir Vestfjörðum. Ískönnunin hófst klukkan 17:35 á stað: 66°10´N, 028°35´V og var ísröndinni fylgt þaðan til norð-austurs. Ísröndin reyndist vera næst landi 70 sjómílur NNV af Straumnesi og 77 sjómílur NV af Barða.

Tekinn á 127 km hraða á Reykjanesbraut

Á dagvaktinni stöðvaði lögregla á Suðurnesjum 12 ökumenn vegna hraðaksturs. Sá sem hraðast ók var mældur á 127 km hraða á Reykjanesbraut þar sem hámarkshraði er 90 km/klst.

Aldrei skal hlaupa undan ísbirni

Sjaldgæft er að ísbirnir drepi menn og eru slík tilvik í heiminum á síðasta áratug teljandi á fingrum annarrar handar. Kristján Már Unnarsson var á ísbjarnarslóðum í Norður-Kanada í vor þar sem hann kynnti sér leiðbeiningar um hvað menn eigi að gera ef þeir mæta ísbirni.

Sjálfstæðisflokkur hafnar áformum umhverfisráðherra

Sjálfstæðisflokkurin hefur hafnað áformum umhverfisráðherra um landsskipulagsáætlun og verður ráðherrann gerður afturreka með það ákvæði stjórnarfrumvarps að skipulagslögum, sem er til meðferðar Alþingis.

Harma verkfallsboðun flugumferðarstjóra

Stjórn Flugstoða ohf. harmar mjög verkfallsboðun Félags íslenskra flugumferðastjóra (FÍF) og vonar að til verkfalls þurfi ekki að koma. Samtök atvinnulífsins (SA) eru viðsemjendur FÍF í þessari kjaradeilu, en samningafundir SA og FÍF hófust um síðustu áramót.

Frændi sýknaður af kynferðislegri misnotkun

Karlmaður var sýknaður í Héraðsdómi Austurlands í dag en hann var ákærður fyrir að hafa káfað á kynfærum stúlku sem þá var 7-8 ára gömul. Maðurinn er frændi stúlkunnar og sagðist faðir hennar hafa komið að honum að nudda kynfæri hennar.

Hollenskt par með 300 grömm af kóki í Leifsstöð

Hollenskt par um fimmtugt var í dag úrskurðað í gæsluvarðhald til mánudags í Héraðsdómi Reykjaness. Það var handtekið í Leifsstöð í gær með 300 grömm af kókaíni í farteskinu.

Rannsaka hvernig þróa megi samstarf í öryggismálum

Utanríkisráðherrar Norðurlandanna hafa ákveðið að láta gera óháða rannsókn á því hvernig þróa megi samstarf landanna í utanríkis- og öryggismálum á næstu 10-15 árum.

Ártúnsbrekka opin á ný

Búið er að opna fyrir alla umferð um Ártúnsbrekku til austurs en þar fór fullfermdur vörubíll á hliðina um hádegisbil í dag.

Hjalti fer fyrir ísbjarnastarfshópi

Hjalti J. Guðmundsson, sviðsstjóri náttúruauðlinda hjá Umhverfisstofnun, verður formaður starfshóps sem umhverfisráðherra hefur skipað og á að vinna tillögur vegna hugsanlegrar landtöku hvítabjarna hér á landi. Eins og fram kom á Vísi fyrr í dag er hópurinn skipaður eftir að tveir hvítabirnir komu hingað til lands á tveggja vikna tímabili. Starfshópur ráðherra á við vinnu sína að taka mið af reynslunni í þessi tvö skipti og viðbrögðum við komu bjarnanna.

Kerfið er á hraða snigilsins

Foreldraráðgjafi Þroskahjálpar á Suðurnesjum segir að ástandið á svæðinu sé afar slæmt. ,,Kerfið er á hraða snigilsins og fylgir ekki eftir þörfinni hverju sinni."

Bensínverð hækkaði í dag

Eldsneytisverð hækkaði í dag. Verð á bensínlítranum er 178,4 krónur og 173,4 í sjálfsafgreiðslu hjá olíufélögunum að Atlantsolíu undanskildri. Þar kostar líterinn 168,7 krónur í sjálfsafgreiðslu.

Gæsluvarðhaldi yfir Frakka breytt í farbann

Hæstiréttur hefur fellt úr gildi gæsluvarðhaldsúrskurð yfir frönskum karlmanni sem handtekinn var í síðustu viku hér á landi að beiðni franskra yfirvalda.

Fánum stolið af leiði Jóns Sigurðssonar

Fánar, sem blöktu við hún við leiði Jóns Sigurðssonar í Hólavallakirkjugarði við Suðurgötu, voru horfnir þegar starfsmenn Framkvæmda- og eignasviðs hugðust taka þá niður að kvöldi þjóðhátíðardags.

Var smitaður af illskeyttum þráðormum

Ísbjörninn sem felldur var á Þverárfjalli fyrir um tveimur vikum reyndist smitaður af tríkínum sem eru þráðormar sem eru illskeyttir sjúkdómsvaldar í mörgum tegundum spendýra.

Móðir fatlaðs drengs: Úrræðaleysi eykur þunglyndi

,,Það er lágmark að lögum sé framfylgt. Í þeim segir að allir eigi rétt á búsetu og vinnu við hæfi," segir Birna Sigbjörnsdóttir, móðir fatlaðs drengs á Suðurnesjum.

Áfram umferðartafir í Ártúnsbrekku

Umferðartafir verða áfram í Ártúnsbrekku til austurs en þar fór fullfermdur vörubíll á hliðina um hádegisbil í dag.

Íslensk börn verða fyrr sjálfstæð en jafnaldrar á Vesturlöndum

Íslensk börn og unglingar verða fyrr sjálfstæð en jafnaldrar þeirra á Vesturlöndum og vinahópurinn öðlast snemma aukið gildi á kostnað fjölskyldunnar.

Minna en hálfu prósenti hælisleitenda veitt staða flóttamanns

Aðeins tveir höfðu fengið stöðu flóttamanns á Íslandi frá 1991 áður en par frá Sri Lanka kom í gær.

Mikil ásókn í nám Keilis og íbúðir á Vellinum

Rúmlega tvær umsóknir voru um hvert sæti í skóla Keilis á næsta skólaári eftir því sem segir í tilkynningu hans. Umsóknarfrestur um skólavist rann út eftir helgi og bárust alls 621 umsókn um 300 sæti sem til ráðstöfunar.

Málaferli erfið leið fyrir SÁÁ

Ari Matthíasson framkvæmdastjóri SÁÁ segir að samtökin eigi mikið undir samstarfi við Reykjavíkurborg og ríkið sem kaupi ákveðna þjónustu af samtökunum. Af þeim sökum sé ,,erfitt að standa í stjórnsýslukærum gagnvart þessum aðilum."

60 ára og eldri hvattir til að fara út og ganga

Ungmennafélag Íslands hefur hrundið af stað verkefninu Gæfuspor. ,,Gæfuspor er verkefni þar sem fólk 60 ára og eldri er hvatt til að fara út og ganga sér til ánægju og heilsubótar," segir í fréttatilkynningu.

Salmonella á sambýli aldraðra á höfuðborgarsvæðinu

Fjórir einstaklingar tengdir sambýli aldraðra á höfuðborgarsvæðinu greindust með salmonellu í upphafi mánaðarins eftir því sem segir í nýjum Farsóttarfréttum Landlæknisembættisins. Um var að ræða tvo starfsmenn og tvo heimilismenn.

Spá engum vexti í dagvöruverslun á seinni hluta árs

Gert er ráð fyrir að raunvöxtur í dagvöruverslun verði um tvö prósent á þessu ári og að á síðari hluta ársins verði enginn vöxtur miðað við árið í fyrra á föstu verðlagi.

Flugumferðarstjórar boða til vinnustöðvana

Félag íslenskra flugumferðarstjóra hefur boðað tuttugu stuttar vinnustöðvanir dagana 27. júní til 20. júlí næstkomandi.

Svipuð aðsókn í grunnnám og meistaranám

Fyrir stuttu rann út umsóknarfrestur í viðskipta- og hagfræðideild Háskóla Íslands. Fékk deildin um þúsund umsóknir og hafa þær aldrei verið fleiri.

Skipar starfshóp til að fara yfir ísbjarnamál

Þórunn Sveinbjarnardóttir umhverfisráðherra hefur skipað starfshóp til þess að fara yfir mál ísbjarnanna sem gengið hafa á land á síðustu vikum. Óskað verður eftir því að fá lánað eða kaupa búrið sem flutt var til landsins til þess að reyna að fanga birnuna á Hrauni á Skaga.

Utanríkisráðuneytið styrkir Barnaheill

Barnaheill, Save the Children, á Íslandi fengu nýverið 10 milljóna króna styrk frá utanríkisráðuneytinu til menntaverkefnis samtakanna í N–Úganda.

Miklar tafir í Ártúnsbrekku til klukkan 16 hið minnsta

Umferð um Ártúnsbrekku til austurs hefur tafist mikið eftir að flutningabíll með fullfermi valt á hliðina neðst í brekkunni. Búast má við töluverðum töfum, að minnsta kosti til klukkan 16, á meðan reynt verður að koma bílnum á réttan kjöl.

Setja á fót Jafnréttissetur og -skóla

Utanríkisráðuneytið og Háskóli Íslands hafa ákveðið að koma saman á fót Jafnréttissetri og Jafnréttisskóla

Sendinefnd frá Katar skoðar orku- og fjármálafyrirtæki

Ólafur Ragnar Grímsson, forseti Íslands, fundar í dag með sendinefnd frá Katar sem hingað er komin til að kynna sér íslensk orkufyrirtæki og fjármálastofnanir.

Skoða verði hvort breyta þurfi lögum um hvítabirni

Össur Skarphéðinsson iðnaðarráðherra telur vert að skoða hvort ekki eiga breyta lögum til að vernda betur þá hvítabirni sem hingað koma

Birnan var tæp 150 kíló

Birnan sem felld var í við Hraun á Skaga í Skagafirði í gær reyndist 147 kíló við vigtun. Forstöðumaður Náttúrustofu Norðurlands vestra segir það sýna að líkamsástand dýrsins hafi ekki verið gott.

Vinir Tíbets tendra kyndil við kínverska sendiráðið

Félagið Vinir Tíbets stendur fyrir mótmælum við kínverska sendiráðið klukkan 17:30 í dag. Tilgangurinn er að vekja athygli á því að hætt hafi verið við að hlaupa með ólympíueldinn um þau svæði Tíbets sem urðu fyrir barðinu á jarðskjálftanum 12. maí.

Landhelgisgæslan í ísbjarnaleit í dag - fundað um birnu í ráðuneyti

Þyrla Landhelgisgæslunnar fer í eftirlitsflug um Hornstrandir í dag til þess að svipast um eftir ísbjörnum á svæðinu. Frá þessu greinir í tilkynningu frá Gæslunni. Ráðherra fundar sem stendur með yfirdýralækni dýragarðsins í Kaupmannahöfn vegna ísbjarnarins á Hrauni sem felldur var í gær.

Tíu þúsund rósanælur ruku út til styrktar Stígamóta

Um nýliðna helgi seldu Zontaklúbbarnir á Íslandi rúmlega tíu þúsund rósanælur til styrktar verkefninu Stígamót á staðinn. Féð sem safnaðist verður nýtt til að þjóna betur fólki utan höfuðborgarsvæðisins sem beitt hefur verið kynferðisofbeldi.

Kvenréttindi í hávegum höfð á morgun 19. júní

Kvenréttindadagurinn er haldinn hátíðlegur á morgun en þá eru 93 ár síðan konur fengu í fyrsta sinn kosningarétt til alþingis. Kvenréttindafélag Íslands verður með dagskrá í tilefni dagsins auk þess sem blað þeirra 19. júní verður gefið út. Misjafnar skoðanir eru á því hvernig eigi að berjast fyrir réttindum kvenna og hvort það þurfi yfirhöfuð. Margrét Sverrisdóttir telur baráttuna þokast fremur hægt en að ný jafnréttislög séu skref í rétta átt á meðan Sigríður Andersen telur það ekki hlutverk ríkisvaldsins að skipta sér að lífi einstaklinga á þann hátt.

Tækifæri til samdráttar í opinberum umsvifum ekki nýtt

Þrátt fyrir að tekjur hafi aukist mikið hafa stjórnvöld ekki nýtt tækifærið til að draga hlutfallslega úr umsvifum hins opinbera og létta á framleiðsluspennu.

Ísbjörninn tekinn af lífi - myndir

Ísbjörninn, sem tekið hafði sér bólfestu skammt frá bænum Hrauni á Skagatá í Skagafirði, var skotinn síðla dags í gær. Ljósmyndarinn Valgarður Gíslason fylgdist með.

Ölvun stóð skemur að sögn lögreglu

Þrátt fyrir mikið unglingafyllerí í höfuðborginni seint í gærkvöldi og fram undir klukkan 2 í nótt gengu 17. júní hátíðahöldin stórslysalaust fyrir sig.