Allt tiltækt slökkvilið sent af stað vegna bilunar

Tilkynning barst slökkviliðinu rétt fyrir klukkan tvö í dag um að eldur væri kominn upp á Sambýli við Sogaveg og var allt tiltækt lið slökkviliðsins sent á staðinn. Þegar þangað kom kom í ljós að um bilun í brunavarnakerfi væri að ræða og enginn eldur.

Sátu föst á Fjarðarheiði

Björgunarsveitir frá Egilsstöðum björguðu farþegum úr tveim fólksbílum sem fastir voru á Fjarðarheiði um klukkan fjögur í dag. Heiðinni var lokað klukkan þrjú eftir að nokkur óhöpp urðu þar með skömmu millibili. Tveir bílar rákust á hvorn annan og sá þriðji ók á snjóruðningstæki.

Vinstri græn funda á Akureyri

Stjórn Vinstri grænna hittist á Hótel KEA á Akureyri í dag. Á fundinum var samin ályktun um um efnahagsmál, umhverfis og byggðamál.

Grundvallarbreyting í íslenskum landbúnaði

Nái nýtt frumvarp sjávarútvegs og landbúnaðarráðherra um nýja matvælalöggjöf fram að ganga verður leyfilegt að flytja hrátt kjöt inn í landið. Ráðherra segir að þetta yrði grundvallarbreyting í íslenskum landbúnaði

Vestfirsku náttúruverndarsamtökin endureist

Vestfirsku náttúruverndarsamtökin verður endureist í dag. Ástæðuna má að einhverju leyti rekja til fyrirhugaðrar olíuhreinsunarstöðvar á Vestfjörðum.

Öskrandi bongó í Bláfjöllum

"Í Bláfjöllum í dag er öskrandi bongó blíða, heiðskírt og sól, maður fengi ekki betra færi þó svo maður væri í Ölpunum,"segja starfsmenn skíðasvæðisins í Bláfjöllum. Þar er nú heiðskírt, stillt veður og fínasta skíðafæri. Starfsfólkið vonast til að sem flestir mæti í fjallið í dag og njóti útiverunnar í góða veðrinu.

Hópslagsmál á Smiðjustíg

Hópslagsmál brutust út fyrir framan veitingahús á Smiðjustíg í nótt. Þegar lögregla kom á vettvang var mikill æsingur og um það bil tíu manns að slást.

Stunginn í háls og síðu

Maður kom á slysadeild í nótt með stungusár á hálsi og síðu eftir átök í húsi í austurborginni. Lögreglan handtók skömmu síðar þrjá aðila þar sem grunað er að maðurinn hafi verið stunginn. Grunaður árásaraðilar eru nú fangageymslum og bíða yfirheyrslu.

Bjargað úr sjálfheldu í Esjunni

Félagar úr Slysavarnafélaginu Landsbjörg sóttu í gær tvo erlenda ferðamenn sem voru í sjálfheldu í Þverfellshorni í hlíðum Esjunnar.

Ákæruvaldið mun krefjast tíu ára fangelsis að lágmarki

Ákæruvaldið í Færeyjum mun krefjast tíu ára fangelsisvistar að lágmarki á hendur Íslendingi sem setið hefur þar í fangelsi og einangrun svo mánuðum skiptir vegna meintrar aðildar að Pólstjörnumálinu.

Brutust inn í Sirkus til að mótmæla

Nú á tíunda tímanum braust hópur ungs fólks inn í Sirkus húsið við Klapparstíg til að halda tónleika.

Reyndi að versla með fölsuðum 5000 króna seðli

Lögreglan hafði afskipti af manni sem reyndi að versla í Aktu - taktu í Breiðholti, með fölsuðum fimm þúsund króna seðli um sjöleytið í kvöld.

Hnífamenn teknir í verslun Lyfju

Lögregla handtók tvo menn í annarlegu ástandi í verslun Lyfju við Smáratorg um fjöguleytið í dag. Mennirnir slógust með hníf og ógnuðu starfsmanni verslunarinnar, sem reyndi að grípa inn í atburðarrásina.

Ekkert stöðvar Helguvík

Ekkert stöðvar álver í Helguvík úr þessu, segir bæjarstjóri Reykjanesbæjar. Hitaveita Suðurnesja telur sig eina geta útvegað næga orku til fyrsta áfanga.

Gríðarleg hækkun lána

Fyrsti apríl var dagur gleði og depurðar hjá flestu launafólki. Gleðin hríslast þegar launin birtast í heimabankanum en dvínar þegar þau hverfa í lánahítina.

Þúsund ábendingar vegna óviðunandi verðmerkinga

Neytendastofu hafa borist hátt í þúsund ábendingar frá neytendum vegna rangra og villandi verðmerkinga í verslunum hér á landi.

Hættir verslunarrekstri 98 ára gömul

„Líkaminn er búinn að gefast upp en ekki sálin," segir Jórunn Brynjólfsdóttir tæplega 98 ára kaupmaður í Reykjavík sem hættir nú verslunarrekstri eftir tæplega fjörutíu ára starf. Hún segist sátt við að hætta og hlakkar til að geta snúið sér að lestri góðra bóka á elliheimilinu Grund.

Síðasti risaborinn að ljúka störfum

Síðasti risaborinn við Kárahnjúka lýkur borun um miðja næstu viku og verður þá byrjað að hluta hann í sundur og undirbúa flutning úr landi. Bæjarstjóri Seyðisfjarðar kallar eftir yfirlýsingu frá ríkisstjórn um jarðgöng á Mið-Austurlandi svo forsendur skapist til að halda bornum í landinu.

Fagra Ísland niður í svelginn

Fagra Ísland er að fara niður í svelginn og Samfylkingin svíkur kosningaloforð með því að láta stóriðjustefnuna ryðjast áfram óhefta, segir Steingrímur J. Sigfússon, formaður Vinstri grænna.

Geir Haarde skammaði Putin

Vladimir Putin, forseti Rússlands, hefur leikið stórt hlutverk á leiðtogafundi NATO í Búkarest. Hann hefur harðlega mótmælt auknum umsvifum bandalagsins í austurátt.

Kynbundinn launamunur 5,7%

Konur í Bandalagi háskólamanna eru að jafnaði með rúmlega 13% lægri heildarlaun en karlar, ef miðað er við fólk sem vinnur fullan vinnudag.

Dópsmyglari heldur utan til að hreinsa mannorð vinar síns

Guðbjarni Traustason, sem hlaut ríflega sjö ára dóm fyrir fíkniefnasmygl í Pólstjörnumálinu svokallaða, mun halda til Færeyja um helgina til þess að bera vitni í máli gegn Birgi Marteinssyni, sem er staddur þar.

Vörubílstjórar og bændur teppa umferð í Ölfusi

Vörubílstjórar tefja nú umferð við Ölfusárbrú án þess þó að loka veginum alveg. Um er að ræða 20 ökutæki sem aka löturhægt eftir veginum en nú ber svo við skv. upplýsingum frá lögreglu á Selfossi að bændur taka þátt í mótmælunum en fjórar dráttarvélar með vagna eru meðal ökutækjanna.

Slasaði gæslumann á skóladansleik

Gæslumaður á skóladansleik framhaldsskóla í gærkvöld slasaðist á fæti í átökum við pilt sem neitaði að fara niður af sviði. Það gerðist þegar pilturinn var tekinn með valdi.

Mönnum í Esju bjargað giftusamlega

Tveir menn sem lentu í sjálfheldu í Esjunni fyrir skömmu eru komnir niður heilu og höldnu en eru nokkuð kaldir. „Þeir hringdu sjálfir eftir aðstoð og brugðust þannig hárrétt við í stað þess að ana út í eitthvað sem hefði getað endað verr.

Engin hætta á ferðum við Eiríksgötu

Enginn eldur kom upp þegar lyftumótor í gamla fæðingarheimilinu við Eiríksgötu brann yfir á fjórða tímanum í dag.

Falsaðir Ferrari seljast sem ósviknir væru

Falsaðar Ferrari-bifreiðir sem lögreglan á Ítalíu lagði hald á fyrr á árinu þegar lagt var til atlögu við hóp bifreiðafalsara þykja svo vel úr garði gerðar að áhugamenn um Ferrari hafa keypt 14 af 21 bifreið sem hald var lagt á.

Björgunarsveitir aðstoða menn í Esjunni

Björgunarsveitarmenn eru nú á leið upp á Esju til að aðstoða tvo menn sem komnir eru í sjálfheldu í stórgrýttri urð í fjallinu. Gátu þeir sjálfir óskað eftir aðstoð um farsíma og eru ekki taldir í mikilli hættu.

Skora á stjórnvöld og olíufélög að lækka verð á eldsneyti

Bifreiðastjórafélagið Frami skorar á stjórnvöld og forsvarsmenn olíufélaganna að lækka þegar verð á eldsneyti og gagnrýnir mikla álagningu á það.

Slökkvilið kallað að gamla fæðingarheimilinu vegna lyftumótors

Slökkvilið höfuðborgarsvæðisins var kallað að gamla fæðingarheimilinu við Eiríksgötu fyrir stundu.

Nýr stjórnstöðvarbíll björgunarsveita Árnessýslu

Svæðisstjórn björgunarsveita í Árnessýslu tekur formlega í notkun nýjan stjórnstöðvarbíl klukkan 16 í dag. Bíllinn, sem er af gerðinni Ford 450, er búinn fullkomnum tækjum til aðgerðastjórnunar af öllu tagi á vettvangi.

Geir og Ingibjörg ná kvöldmatnum

Geir H. Haarde forsætisráðherra og Ingibjörg Sólrún Gísladóttir utanríkisráðherra eru nú stödd í Stafangri í Noregi. Þar millilenti einkaþotan sem flutti þau á leiðtogafund Nato í Búkarest til þess að taka eldsneyti fyrir stundu.

Dómurinn hefði verið slæm tíðindi fyrir tjáningafrelsið

„Ég er mjög ánægð með niðurstöðu dómsins enda hefði verið erfitt fyrir blaðamenn að vinna vinnu sína ef við hefðum verið fundnar sekar í þessu máli og það hefði verið slæm tíðindi fyrir tjáningarfrelsi í landinu," segir Elín Arnar, ritstjóri Vikunnar. Hún og Björk Eiðsdóttir blaðamaður Vikunnar voru í dag sýknaðar af meiðyrðamáli sem Ásgeir Davíðsson eigandi Goldfinger höfðaði gegn þeim, fyrir umfjöllun blaðsins um nektardansstaði.

Ákærðir fyrir líkamsárás

Við Héraðsdóm Reykjaness var í morgun þingfest ákæra á hendur þremur mönnum um tvítugt.

Brot ökumanna í Garðabæ mynduð

Lögreglan myndaði brot 45 ökumanna á Bæjarbraut í Garðabæ í dag. Fylgst var með ökutækjum sem var ekið Bæjarbraut í austurátt, milli Hofsstaðabrautar og Karlabrautar.

Fé og fíkniefni í húsleit í Breiðholti

Lögreglan á höfuðborgarsvæðinu lagði hald á um 70 grömm af marijúana og 600 þúsund krónur í peningum í húsleit í Breiðholti í gærkvöld.

Hætta eftir áratugastarf fyrir vélstjóra og málmtæknimenn

Kaflaskil verða í starfi sameinaðs Félags vélstjóra og málmtæknimanna á aðalfundi félagsins í dag.

Vonast til fá að vera áfram í HÍ

Hannes Hólmsteinn Gissurarson var í hádegisviðtali Markaðarins fyrir stundu. Þar ræddi hann efnahagsmál við Sindra Sindrason en kom einnig inn á stöðu sína í Háskólanum og nýfallinn dóm Hæstaréttar.

Tvöfalt meiri samdráttur í bílasölu en áður var gert ráð fyrir

Allt stefnir í að samdráttur í sölu nýrra bíla á þessu ári verði tvöfalt meiri en áður vart gert ráð fyrir. Formaður Bílgreinasambandsins segir að bílaumboðin séu nú þegar byrjuð að draga úr pöntunum og minnka birgðir.

Funduðu með ráðherra vegna verðhækkana

Verslunarmenn mættu til fundar með viðskiptaráðherra nú skömmu fyrir hádegi en á fundinum verður meðal annars rætt um boðaðar verðhækkanir kaupmanna í kjölfar gengislækkunar krónunnar.

Sýknaðar af bótakröfu Geira á Goldfinger

Héraðsdómur Reykjavíkur sýknaði í dag Björk Eiðsdóttur og Elínu Arnar, blaðamann og ritstjóra Vikunnar, af skaðabótakröfu Ásgeirs Þórs Davíðssonar, betur þekkts sem Geira á Goldfinger, vegna umfjöllunar blaðsins um nektardans.

Úrbótum á brunalóðum í miðbæ miðar hægt

Þrátt fyrir að tæpt ár sé liðið frá stórbrunanum í miðbæ Reykjavíkur bólar ekkert á uppbyggingu á lóðinni.

Jeppamenn enn í Örfirisey

Hátt í tuttugu jeppar hafa lokað fyrir aðgengi olíubíla að birgðastöð olíufélaganna í Örfirisey síðan snemma morgun og eru þeir þar enn.

Varað við nýjum Nígeríubréfum

Af gefnu tilefni vill Ríkislögreglustjórinn vara við enn einni útgáfu af tölvubréfum í anda Nígeríubréfa. Þarna er um að ræða svindl sem heitir FreeLotto þar sem reynt er að hafa fé af fólki. Ríkislögreglustjórinn varar fólk eindregið við að svara slíkum bréfum, eða smella á vefslóðir í þessum póstum.

Menn bíði með álversframkvæmdir í Helguvík

Þórunn Sveinbjarnardóttir umhverfisráðherra telur að menn eigi að bíða með álversframkvæmdir í Helguvík þar til fyrir liggur hvernig orkuöflun og flutningslínum verði háttað og þar til búið sé að úrskurða í kærumáli vegna framkvæmdaleyfis.