Dapurleg og vond tíðindi fyrir Reykjavík

„Þetta eru dapurleg og vond tíðindi fyrir Reykjavík," sagði Geir H. Haarde í samtali við Ríkissjónvarpið um þau tíðindi að Björn Ingi Hrafnsson hefði slitið samstarfi við sjálfstæðismenn í borginni og myndað meirihluta með Samfylkingunn, Vinstri - grænum og Frjálslyndum og óháðum.

Vilhjálmur fær meiri tíma til að spila golf

Borgarfulltrúar Sjálfstæðisflokksins héldu sameiginlegan blaðamannafund nú síðdegis. Að loknum stuttum ræðum Vilhjálms, fyrrverandi borgarstjóra, Gísla Marteins Baldurssonar og Hönnu Birnu Kristjánsdóttur svöruðu borgarfulltrúarnir spurningum fjölmiðla. Fyrsta spurningin snérist um framtíð Vilhjálms.

Steingrímur J: Ólýðræðisleg vinnubrögð urðu Sjálfstæðisflokknum að falli

Steingrímur J. Sigfússon, formaður Vinstri grænna, fagnar nýju meirihlutasamstarfi í borginni. Hann segir Sjálfstæðisflokk hafa goldið fyrir ólýðræðisleg vinnubrögð og fyrir að hafa reynt að ganga yfir almenning.

Vilhjálmur ætlar að sitja áfram í borgarstjórn

Vilhjálmur Vilhjálmsson, fráfarandi borgarstjóri, lýsti því yfir á blaðamannafundi á heimili sínu að hann hygðist ekki hætta í borgarstjórn þrátt fyrir samstarfslit við Framsókn.

Ný borgarstjórafrú stolt af Degi

"Ég er ákaflega ánægð fyrir hans hönd," segir Arna Dögg Einarsdóttir eiginkona nýs Borgarstjóra Reykjavíkur, Dags B. Eggertssonar um tíðindi dagsins. Arna var rétt búinn að ná sér eftir fréttirnar þegar Vísir náði af henni tali en sagði það gleðilegt að Dagur hefði ásamt nýjum samherjum sínum náð saman.

Dagur: Félagshyggjustjórn um almannahagsmuni

Dagur B. Eggertsson sagði á nýafstöðnum blaðamannafundi að nýr meirihluti sé félagshyggjustjórn sem sé meðal annars stofnuð um almannahagsmuni í orkumálu og um lýðræðisleg vinnubrögð.

Svona sneri Björn Ingi á sjálfstæðismenn

Atburðarásin í borgarpólitíkinni síðastliðna daga hefur verið hröð. Margir sjálfstæðismenn voru furðu slegnir þegar Björni Ingi Hrafnsson, oddviti Framsóknarflokksins, lýsti því yfir á fundi með borgarstjóra í dag að hann hygðist slíta meirihlutasamstarfinu. Tæpum 16 klukkustundum fyrr höfðu þeir sammælst um að halda áfram samstarfinu þrátt fyrir ágreining.

Blaðamannafundur Vilhjálms í beinni

Sýnt verður beint frá blaðamannafundi Vilhjálms Þ. Vilhjálmssonar á Stöð 2 og Vísi klukkan 17:15. Fundurinn fer fram á heimili borgarstjórans fyrrverandi að Ljárskógum í Breiðholti.

1650 manns bíða eftir félagslegu húsnæði

1650 manns bíða eftir félagslegu leiguhúsnæði hjá sveitarfélögunum og Öryrkjabandalaginu samkvæmt skýrslu sem Rannsóknarstöð þjóðmála við félagsvísindanefnd Háskóla Íslands vann fyrir nefnd á vegum félagsmálaráðherra.

Sjálfstæðismenn hneykslaðir á vinnubrögðum Björns Inga

Sjálfstæðismenn eru furðu slegnir og hneykslaðir yfir vinnubrögðum Björns Inga Hrafnssonar, oddvita Framsóknarflokksins, að sögn Jóns Kristins Snæhólms, aðstoðarmanns borgarstjóra. Hann segir ákvörðun Björns Inga um að slíta meirihlutasamstarfinu hafa komið sjálfstæðismönnum í opna skjöldu.

Blaðamannafundur nýs meirihluta í beinni

Nú er um það bil að hefjast blaðamannafundur á Ráðhússtéttinni þar sem tilkynnt verður um myndun nýs meirihluta í borginni. Sýnt var beint frá fundinum hér á Vísi og sömuleiðis á Stöð 2.

Skipting embætta liggur fyrir

Boðað verður til blaðamannafundar klukkan 16:30 á Ráðhússtéttinni við Iðnó til þess að tilkynna um meirihlutasamstarf gömlu R-listaflokkanna, Framsóknarflokksins, Vinstri - grænna og Samfylkingarinnar ásamt Frjálsynda flokknum í borgarstjórn Reykjavíkur.

3125 hraðabrot mynduð í Hvalfjarðarsveit

Stafrænu hraðamyndavélarnar tvær í Hvalfjarðarsveit hafa myndað 3.152 hraðabrot síðan þær voru settar upp í byrjun júlí, eða rúmlega 1000 hraðabrot á mánuði. Heildarsektir vegna þessara brota nema 55 milljónum króna. Gefinn er afsláttur ef sekt er greidd innan 30 daga, þannig að heildargreiðslur eru lægri sem nemur afslættinum.

Guðfinna vildi ekki vara við sköpunarhyggju

Á fundi Evrópuráðs þingmanna í síðustu viku greiddi Guðfinna Bjarnadóttir, þingmaður Sjálfstæðisflokksins, atkvæði gegn ályktun sem varaði við því að sköpunarsagan, eins og hún birtist í biblíunni, væri kennd sem vísindaleg staðreynd.

Nýr meirihluti: Dagur B. Eggertsson nýr borgarstjóri

Minnihlutinn í borgarstjórn hefur samið um að mynda nýjan borgarstjórnarmeirihluta með Framsóknarflokki. Dagur B. Eggertsson verður nýr borgarstjóri.

Lítið atvinnuleysi í september

Skráð atvinnuleysi í septembermánuði var 0,8 prósent samkvæmt samantekt Vinnumálastofnunar. Að meðaltali voru um 1.336 manns án atvinnu í síðasta mánuði og fækkaði um 140 frá ágúst. Fleiri konur voru án atvinnu en karlar.

Kannast ekki við að meirihlutinn sé að springa

Gísli Marteinn Baldursson, borgarfulltrúi Sjálfstæðisflokksins, segist ekki vita til þess að meirihluti sjálfstæðismanna og framsóknarmanna í borgarstjórn sé að springa. Gísli kom til fundar meirihlutans í Höfða sem átti að hefjast klukkan eitt en eftir því sem fréttastofa kemst næst er Björn Ingi Hrafnsson, borgarfulltrúi Framsóknarmanna ekki mættur.

Vöruflutningabíll fór útaf

Vöruflutningabíll fór útaf veginum við Skeiðarárbrú um klukkan 22:00 í gærkvöld. Að sögn lögreglu virðist sem vegkantur hafi gefið sig með þeim afleiðingum að bíllinn valt hálfur útaf veginum. Ökumaður vöruflutningabílsins hlaut ekki meiðsli en kranabíll var kallaður á vettvang til að aðstoða hann við að koma bílnum aftur á veginn.

Skortur á starfsfólki hjá 60 prósentum fyrirtækja

Nærri sextíu prósent fyrirtækja segja að skortur sé á starfsfólki samkvæmt könnun sem Capacent Gallup gerði í samstarfi við fjármálaráðuneytið, Seðlabankann og Samtök atvinnulífsins.

Grunur um að kveikt hafi verið í eyðibýli á Suðurnesjum

Grunur er um íkveikju þegar eyðibýlið Litli Hólmur í Leiru á Suðurnesjum brann í gærkvöldi.

Aftur ákært í netbankamáli

Mál gegn fjórum Akureyringum sem samanlagt högnuðust um ríflega 30 milljónir króna í gjaldeyrisviðskiptum á Netinu var þingfest í gær aftur.

Rætt um kynferðisofbeldi gegn börnum

Kynferðislegt ofbeldi gegn börnum á Netinu er til umræðu á ráðstefnu Barnaheilla í Norræna húsinu í Reykjavík í dag. Þar er rætt hversu berskjölduð börn geti verið fyrir áreiti og ofbeldi á netinu og hvernig ný tækni sé notuð til að beita börn slíku ofbeldi.

Erlendum nemendum á Akranesi fjölgar um 143%

Grunnskólanemendum af erlendum uppruna á Akranesi hefur fjölgað úr sjö í sautján frá því á síðasta skólaári. Það er aukning um 143%. Þetta telst mikil aukning í ekki stærra sveitarfélagi og því ræða bæjaryfirvöld nú leiðir til að komast til móts við þennan nýja hóp nemenda og hvernig megi auðvelda honum að aðlaga sig að nýju samfélagi.

Árangur á alþjóðlegum orkumarkaði ekki gefinn

Sameinað fyrirtæki Reykjavík Energy Invest og Geysir Green Energy býr að sérþekkingu Íslendinga á sviði jarðvarma og endurnýtanlegrar orku. Það þýði þó ekki að árangur í sölu á alþjóðlegum markaði sé gefinn. Þetta segir bandarískur sérfræðingur um samkeppni á alþjóðlegum orkumarkaði.

Umferðarslys í miðbænum

Umferðarslys varð á gatnamótum Faxagötu, Sæbrautar og Kalkofnsvegar, skammt frá sjávarútvegsráðuneytinu, um hádegisbil.

Rætt um REI í Höfða

Borgarstjórnarmeirihlutinn kemur saman til fundar í Höfða klukkan eitt og eftir því sem fréttastofa kemst næst á meðal annars að ræða málefni Reykjavik Energy Invest.

Textinn var lesinn upp fyrir Svandísi

Á aukafundi borgarstjórnar í gær sagði Vilhjálmur Þ. Vilhjálmsson borgarstjóri að hann hefði ekki áður verið kallaður lygari, í störfum sínum.

Orkulindir áfram í samfélagslegri forsjá

Orkulindir á Íslandi eiga áfram að vera í samfélagslegri forsjá að mati Össurar Skarphéðinssonar, iðnaðarráðherra. Þetta kom fram í máli ráðherra á Alþingi í dag. Hann segir að það frumvarp sem nú er í smíðum komi reglu á orkumarkaðinn og tryggi að þær orkulindir sem í dag eru í samfélagslegri forsjá verði það áfram.

Staðfestir stjórnvaldssekt Sunda

Áfrýjunarnefnd samkeppnismála hefur staðfest ákvörðun Samkeppniseftirlitsins um að sekta félagið Sund um eina milljón króna vegna þess að fyrirtækið svaraði ekki ítrekaðri beiðni stofnunarinnar um gögn.

Segir sjálfstæðismenn vilja fórna meirihlutanum í borgarstjórn

Össur Skarphéðinsson, iðnaðarráðherra, segir borgarfulltrúa Sjálfstæðisflokks standa fyrir ofsóknum á hendur Vilhjálmi Þ. Vilhjálmssyni, borgarstjóra. Þetta kemur fram á heimasíðu Össurar. Hann segir sjálfstæðismenn einbeitta í þeim ásetning að fórna meirihlutanum frekar en að gefa borgarstjóra grið.

Mál Svandísar fyrir dóm á mánudag

Mál Svandísar Svavarsdóttur, borgarfulltrúa Vinstri - grænna, vegna eigendafundar í Orkuveitu Reykjavíkur í síðustu viku verður tekið fyrir í Héraðsdómi Reykjavíkur á mánudag.

Dómsmálaráðherra gagnrýnir forstjóra REI

Björn Bjarnason, dóms- og kirkjumálaráðherra, tekur undir gagnrýni borgarstjórnarflokks sjálfstæðismanna á Guðmund Þóroddson, forstjóra Reykjavík Energy Invest. Á heimasíðu sinni segir ráðherra að það komi sér ekki á óvart að Guðmundur sé tregur til að miðla upplýsingum til kjörinna fulltrúa.

Rannsókn lokið í skærastungumálinu

Lögreglan á höfuðborgarsvæðinu hefur lokið rannsókn á árásinni sem átti sér stað aðfaranótt miðvikudags þegar karlmaður var stunginn í bakið með skærum. Þrír voru handteknir vegna málsins.

Frumættleiðingum frá útlöndum fækkar

Sjötíu börn voru ættleidd hér á landi í fyrra og fækkaði þeim um fimm frá árinu á undan. Fram kemur í tölum Hagstofunnar að 37 barnanna hafi verið stjúpættleidd en í 33 tilvikum var um frumættleiðingu að ræða.

Gripinn glóðvolgur í innbroti

Karl á fertugsaldri var handtekinn á Laugavegi um þrjúleytið í nótt en sá gekk beint í flasið á lögreglumönnum sem höfðu fengið tilkynningu um innbrot. Maðurinn var með felgulykil og bakpoka í fórum sínum og sagðist hafa fundið hvorutveggja í fyrirtækinu sem hann var á leið út úr þegar hann mætti laganna vörðum.

Neyðarkall frá fiskibát

Færeyskur fiskibátur sendi í nótt út neyðarkall þar sem hann var vélarvana á reki um fjórar mílur undan landi undan suðurströndinni, á milli Þjórsár og Stokkseyrar. Þriggja metra ölduhæð var og bátinn að reka á landi. Sæberg frá Þorlákshöfn var þar nærri og fór til hjálpar. Vel gekk að koma línu um borð í færeyska bátinn og er Sæberg með hann á leið til Þorlákshafnar.

Ferðir fagráða kosta borgarsjóð 15 milljónir kr.

Ferðir fimm fagráða borgarstjórnar hafa kostað borgarsjóð rétt rúmlega 15 milljónir króna það sem af er kjörtímabilinu. Um er að ræða fræðslu- og kynnisferðir og hefur þumalfingurreglan í borgarpólitíkinni verið sú hingað til að öll fagráðin fái eina slíka ferð á hverju kjörtímabili.

Eldur á Broadway

Eldur kom upp á skemmtistaðnum Broadway við Ármúla í kvöld. Slökkviliðið var kallað á staðinn rétt eftir klukkan níu og hafði eldurinn læst sig í gardínur við neyðarútgang staðarins. Ekki var um mikinn eld að ræða og slöktu slökkviliðsmenn í síðustu glæðunum þegar þeir komu á vettvang.

Rangur Guðmundur

Í fréttayfirliti Stöðvar 2 nú í kvöld urðu mistök við myndbirtingu. Þar birtist mynd af Guðmundi Gunnarssyni, formanni Rafiðnaðarsambands Íslands í tengslum við fréttir af meintum spillingarmálum í Kópavogi. Téður Guðmundur á þar engan hlut að máli heldur var átt við alnafna hans, Guðmund Gunnarsson, fyrrverandi bæjarstjóra á Álftanesi.

Saka Sjálfstæðismenn í Kópavogi um spillingu

Spilling réð því að Guðmundur Gunnarsson var ráðinn verkefnastjóri hjá Kópavogsbæ að mati Samfylkingarmanna í bænum, en Guðmundur var meðeigandi Gunnars Birgissonar bæjarstjóra í verktakafyritæki.

Sitt sýnist hverjum um afnám launaleyndar

Afnám launaleyndar mun ekki jafna launamun kynjanna og aðeins skapa launaumræðu á kaffistofum landsins segir framkvæmdarstjóri Samtaka Atvinnulífsins. Skref í rétta átt segir talsmaður feminista.

Tekið til skoðunar mæli menn með því að selja 2009

Þorbjörg Helga Vigfúsdóttir, borgarfulltrúi Sjálfstæðisflokksins, sagðist í samtali við blaðamann Vísis ekki útiloka það að beðið yrði með sölu Orkuveitu Reykjavíkur til ársins 2009, mæli ráðgjafar með því.

Flýtimeðferð í kærumáli Svandísar

Svandís Svavarsdóttir sagði á aukafundi borgarstjórnar í dag að dómsstjóri Héraðsdóms Reykjavíkur hefði samþykkt beiðni lögmanns hennar að veita kæru hennar vegna meints ólögmætis eigendafundar í Orkuveitu Reykjavíkur flýtimeðferð.

Vilhjálmur segist hafa orðið fyrir ómaklegum árásum

Vilhjálmur Þ. Vilhjálmsson borgarstjóri sagðist á aukafundi í borgarstjórn í dag hafa sætt ómaklegum árásum í REI-málinu.

16 milljarða aukaútgjöld úr ríkissjóði

Óskað er eftir 16 milljarða króna aukaútgjöldum úr ríkissjóði í frumvarpi um fjáraukalög sem lagt hefur verið fram á Alþingi. Þar af óskar fjármálaráðuneytið eftir um 6,7 milljörðum króna og félagsmálaráðuneytið um 1,7 milljarð króna.