Í skýrslutöku hjá lögreglu

Rússnesk vændiskona sem bauð blíðu sína gegn greiðslu á hóteli í Reykjavík var vísað út af herbergi sínu í gær. Hún er nú í skýrslutöku hjá lögreglu höfuðborgarsvæðisins. Lögregla segir of snemmt að segja til um hvort málið tengist mansali.

Framleiðsla á nautakjöti eykst

Framleiðsla á nautakjöti jókst um tæp 18 prósent á síðasta ári samanborið við fyrra ár. Talið er að hagstæð verðþróun á nautakjöti valdi aukinni framleiðslu.

Síbrotamaður á bak við lás og slá

Eftir tvo úrskurði Hérðasdóms Reykjavíkur og tvo úrskurði Hæstaréttar á rúmlega viku tímabili, er niðurstaðan loks sú, að stórtækur síbrotamaður skuli stija á bak við lás og slá.

Þurrkar valda vandræðum á Suðurlandi

Þurrkar eru farnir að valda vandræðum á Suðurlandi enda hefur vatnsnotkun aukist mikið vegna hitans. Hita og Vatnsveita Árborgar hefur dregið úr þrýstingi á kerfið til að koma í veg fyrir algeran vatnsskort en ekki er útlit fyrir rigningu á næstunni.

Tímasetningar skattalækkana illa ígrundaðar

Hagfræðingur ASÍ segir tímasetningar á skattalækkunum ríkisstjórnarinnar 1. mars síðastliðinn hafa verið illa ígrundaðar, þar sem krónan hafi verið á fleygiferð og hagkerfið óstöðugt. Því hafi verið erfitt fyrir neytendur að fylgjast með verðlagi á mat-og drykkjarvöru frá degi til dags.

Nágrannar við Njálsgötu 74 eiga fund með borgarstjóra í dag

Nágrannar við Njálsgötu 74 eiga fund með borgarstjóra í dag klukkan 14:00 vegna fyrirætlana um rekstur heimilis fyrir karlmenn í virkri áfengis- og fíkniefnaneyslu að Njálsgötu 74. Ákvörðun velferðarráðs um málið verður tekin fyrir í borgarráði á morgun.

Ungliðahreyfingar takast á um einkavæðingu orkufyrirtækja

Ekki er kveðið sérstaklega á um einkavæðingu orkufyrirtækja í landinu í stjórnarsáttmálanum að mati formanns Ungra jafnaðarmanna. Hann gefur lítið fyrir yfirlýsingar Sambands ungra sjálfstæðismanna um hið gagnstæða. Ungliðahreyfingar stjórnarflokkanna tveggja greinir á um í afstöðu til sölu Hitaveitu Suðurnesja.

Fleiri leita til Símavers Reykjavíkurborgar

Umtalsverð aukning varð í þjónustu Símavers Reykjavíkurborgar milli áranna 2006 og 2007. Þegar bornir eru saman fyrstu sex mánuðir áranna sést að 20% aukning símtala er á milli ára. Símaver Reykjavíkurborgar, sem stofnað var fyrir tveimur árum, er allsherjar upplýsinga- og þjónustuver fyrir borgarbúa.

Unnið áfram að uppbyggingu olíuhreinsistöðvar í Vesturbyggð

Bæjarráð Vesturbyggðar hefur samþykkt að vinna áfram að undirbúningi að uppbyggingu olíuhreinsistöðvar í sveitarfélaginu. Verkefnið verður unnið í samstarfi við fyrirtækið Íslenskur hátækniiðnaður hf.

Kvennréttindafélag Íslands afhjúpar minnisvarða um Bríeti Bjarnhéðinsdóttir

Þann 28. júní síðastliðinn afhjúpaði Kvennréttindafélag Íslands minnisvarða um Bríeti Bjarnhéðinsdóttur við hátíðlega athöfn. Minnisvarðinn er staðsettur á fæðingarstað hennar að Haukagili í Vatnsdal, A-Húnavatnssýslu.

Kartöfludagurinn er í dag

Fyrstu íslensku kartöflunar voru teknar upp í morgun hjá Birki Ármannssyni, bónda í Brekku í Þykkvabæ. Kartöflunum verður strax ekið til Reykjavíkur, þeim pakkað í sérmerktar umbúðir og komið í verslanir þar sem þær verða í hillunum undir hádegi.

Fyrsta skrefið í innleiðingu vetnisfólksbíla verður tekið í dag

Fyrsta skrefið í innleiðingu vetnisfólksbíla verður tekið í dag þegar Friðrik Sophusson og Guðmundur Þóroddsson taka við vetnisbíl frá DaimlerChrysler fyrir hönd Landsvirkjunar og Orkuveitu Reykjavíkur. Þetta verður fyrsti fólksbíllinn sem fer í almenna umferð á Íslandi og knúinn er með vetnisrafala. Hann verður í sameiginlegri notkun Orkuveitunnar og Landsvirkjunnar.

Hæstiréttur staðfestir gæsluvarðhaldsúrskurð

Hæstiréttur hefur staðfest gæsluvarðhaldsúrskurð Héraðsdóms Reykjavíkur, sem kveðinn var upp fyrir nokkrum dögum, yfir síbrotamanni. Ekki eru nema níu dagar síðan að sami Hæstiréttur felldi úr gildi úrskurð sama Héraðsdóms um framlengingu á gæsluvarðhaldi yfir sama manni, sem þá sat í gæsluvarðhaldi, þannig að honum var sleppt lausum fyrir níu dögum.

Ferðin gengur vel hjá hjólreiðamönnum slökkviliðsins

Slökkviliðsmennirnir sem hjóla til styrktar sjúkra- og líknarsjóði sínum eru nú staddir norðan við Dyngjujökul og gengur ferðin vel að þeirra sögn. Þeir eru komnir örlítið fram úr áætlun, en ætlunin var að hjóla frá Herðubreiðarlindum í Dreka í Öskju í dag.

Matarverð hækkar þrátt fyrir lækkun matarskatts

Verð í matvöruverslunum hefur almennt hækkað en ekki lækkað frá marsmánuði, þrátt fyrir lækkanir á vörugjöldum samkvæmt niðurstöðum verðkönnunar ASÍ. Forsvarsmenn Bónuss og Krónunnar mótmæla þessum niðurstöðum og telja þær ekki standast. Ólafur Darri Andrason, aðalhagfræðingur ASÍ var í viðtali við Ísland í dag

Hætti við Ermasund þegar einungis 4,4 kílómetrar voru eftir

Benedikt Hjartarson varð að hætta við að synda Ermasundið þegar einungis 2,4 kílómetrar voru eftir af sundinu. Stór ferja sigldi framhjá þar sem Benedikt synti og gerði hún, ásamt miklum öldugangi og reki, sundið erfitt.

Víneftirlitið gerir athugasemdir við veitingamenn

Kaffihúsagestir sem vildu njóta veitinga um leið og þeir sleiktu sólina í Reykjavík í dag urðu sumir frá að hverfa. Víneftirlitið gerði nokkrum veitingamönnum að taka inn borð þar sem ekki var leyfi fyrir þeim utan við staðina.

Ekki gefinn út hvalkvóti fyrr en ljóst er með sölu

Ekki verður gefinn út hvalkvóti fyrr en ljóst er að hægt sé að selja það kjöt sem veitt hefur verið. Ekki er gert ráð fyrir neinum hvalveiðum í nýrri reglugerð sjávarútvegsráðherra um leyfilegan heildarafla á næsta fiskveiðiári. LÍÚ vill að hvalveiðar verði áfram leyfðar til að grisja hvalinn.

Refsivert að auglýsa og hafa milligöngu um vændi

Stefán Eiríksson, lögreglustjóri á höfuðborgarsvæðinu, segir að á Íslandi sé ólöglegt að auglýsa og hafa milligöngu um vændi. Hann kveðst ekki hafa séð frétt Stöðvar 2 um rússnesku stúlkuna sem hingað virðist vera komin til lands gagngert til þess að stunda vændi, að því er virðist. Hann segir að ef tilefni þyki til að rannsaka mál stúlkunnar þá muni slíkt að sjálfsögðu verða gert.

Baugsmenn telja ummæli Valgerðar renna stoðum undir fullyrðingar sínar

Jón Ásgeir Jóhannesson, stjórnarformaður Baugs, telur að ummæli Valgerðar Sverrisdóttur renni stoðum undir fullyrðingar um að Baugsmálið eigi sér pólitískan uppruna. Valgerður sagði í blaðaviðtali að hún hefði upplifað hvernig sjálfstæðismenn töluðu um Baugsmenn og rannsaka þyrfti upphaf og tilurð málsins.

Veggjalýs vaxandi vandamál

Veggjalýs hafa numið hér land og eru vaxandi vandamál að sögn meindýraeyða. Lýsnar lifa aðallega á mannablóði. Ekki tekst að opna nýtt húsnæði Götusmiðjunnar á tilsettum tíma þar sem veggjalýs höfðu hreiðrað um sig í húsinu.

Ríkislögreglustjóri íhugar að taka rafbyssur í notkun

Ríkislögreglustjóraembættið íhugar nú að taka í notkun fimmtíu þúsund volta rafbyssu til reynslu sem getur sent rafbylgjur úr allt að 10 metra fjarlægð. Þegar skotið er úr byssunni lamast viðkomandi í fimm sekúndur og lyppast niður.

Mótmæla verðkönnun ASÍ

Forsvarsmenn Krónunnar og Bónuss mótmæla harðlega verðkönnun ASÍ og segja hana í engu samræmi við raunverulegt verðlag á drykkjarvöru vegna verðstríðs á gosi sem stóð yfir í mars og apríl. ASÍ segir verðlækkanir engu að síður ekki skila sér til neytenda.

Opið skólp rennur úr húsi við hlið matvinnslu í Kópavogi

Opið skólp hefur runnið frá íbúðarhúsi í Kópavogi á þriðju viku niður í húsgrunn við hlið á einni stærstu matvinnslu bæjarins. Íbúi hússins segist orðlaus yfir þessu en veit ekki hver ber ábyrgðina.

6,5 milljarðar í vegamál til að sporna við skerðingu á aflamarki

Alls á að setja sex komma fimm milljarða króna í vegaframkvæmdir umfram það sem þegar hefur verið ráðstafað í þennan málaflokk. Þetta er fyrsti áfanginn í mótvægisaðgerðum ríkisstjórnarinnar vegna skerðingar á aflamarki á næsta fiskveiðiári.

Truflanir á útsendingum Digital Ísland

Truflun er á útsendingum Digital Ísland frá Borgarnesi og austur að Egilsstöðum. Unnið er að viðgerð.

Umhverfispostuli messar í Kringlunni

Lögregla þurfti að hafa afskipti af umhverfisverndarsinnum sem stóðu fyrir mótmælum í Kringlunni í dag. Talsmaður samtakanna Saving Iceland kvartaði undan ágengni lögreglunnar.

Meðvitundarlaus eftir aftanákeyrslu

Farþegi í bifreið var fluttur meðvitundarlaus á slysadeild eftir aftanákeyrslu á Strandvegi í Grafarvogi rétt fyrir klukkan fimm í dag, samkvæmt upplýsingum lögreglu. Að auki voru þrjú börn flutt á slysadeildina til eftirlits.

Átján mánaða fangelsi fyrir kynferðisbrot

Héraðsdómur Austurlands dæmdi í dag karlmann í 18 mánaða fangelsi fyrir kynferðisbrot, með því að hafa haft samræði við konu sem þannig var ástatt um að hún gat ekki spornað við verknaðinum sökum ölvunar og svefndrunga. Að auki var maðurinn dæmdur til að greiða konunni skaðabætur að fjárhæð 833.207 krónur.

Lögðu hald á 400 grömm af maríjúana

Umtalsvert magn fíkniefna fannst við leit í verslunarhúsnæði í austurborginni í gærkvöld en talið er að þetta séu um 400 grömm af maríjúana. Á sama stað fundust rúmlega 500 dósir af ólöglegu munn- og neftóbaki.

Gagnrýna afskipti sveitarfélaga af sölu Hitaveitu Suðurnesja

Samband ungra sjálfstæðismanna gagnrýnir harðlega afskipti einstakra sveitarfélaga af sölu á eignarhluta ríkisins í Hitaveitu Suðurnesja. Með afskiptum sínum eru sveitarfélögin að beita sér gegn markmiði ríkisstjórnarinnar á einkavæðingu orkufyrirtækja að mati sambandsins. Þetta kemur fram í yfirlýsingu frá sambandinu. Þeir furða sig ennfremur á yfirlýsingu ungliðahreyfingar Samfylkingarinnar.

Þungt áfall fyrir Vesturland

Ákvörðun stjórnvalda um 30 prósent kvótasamdrátt í þorski er þungt áfall fyrir Vesturland og ekki ríkir einhugur meðal íbúa um nauðsyn þess að grípa til svo harkalegra aðgerða. Þetta kemur fram í yfirlýsingu frá Samtökum sveitarfélaga á Vesturlandi. Talið er að efnhagsleg áhrif skerðingarinnar nemi um 5 milljörðum króna á ári.

Aðrar verslunarkeðjur hækka einnig verð á mat- og drykkjarvörum

Verð á matar- og drykkjarvörum hefur hækkaði í fimm verslunarkeðjum frá því lækkanir á virðisaukaskatti og vörugjöldum tóku gildi í byrjun marsmánaðar. Þetta kemur fram í niðurstöðu verðkönnunar verðlagseftirlits Alþýðusambands Íslands. Mest hækkaði verð í verslunum Hagkaupa á tímabilinu eða um 0,8 prósent. Alþýðusambandið segir niðurstöðuna valda vonbrigðum.

Leiðrétting

Ranglega var haft eftir Atla Gíslasyni alþingismanni í frétt á Vísir.is föstudaginn 6. júlí s.l. um ákvörðun sjávarútvegsráðherra niðurskurð á þorskaflaheimildum. Ranghermt var að Atli teldi að enginn vísindalegur grunnur lægi að baki ákvörðuninni. Hið rétta er að Atli sagði að "engin vissa" væri fyrir því að kvótaákvörðunin myndi efla fiskistofna eða atvinnulíf landsbyggðarinnar. Beðist er velvirðingar á þessu.

Lést í umferðarslysi á sunnudaginn

Pilturinn sem lést í umferðarslysi við mynni Norðurárdals um síðustu helgi hét Þorbergur Gíslason til heimilis að Hveramýri 2, Mosfellsbæ.

Bæta þjónustu við blinda og sjónskerta

Menntamálaráðuneytið hefur ákveðið að setja á laggirnar sex nýjar kennslu- og þjónustustöður til að bæta úr brýnum skorti á þjónustu við blinda og sjónskerta. Tillaga þessa efnis var samþykkt á ríkisstjórnarfundi í morgun. Nú starfa einungis tveir starfsmenn á sviði blindrakennslu og þjónusta þeir um 1.500 manns. Fjórir verða sendir út í nám til að afla sér sérhæfingar.

Biðjast afsökunar á rafmagnsleysi

Alcoa Fjarðarál hefur sent út afsökunarbeiðni vegna rafmagnsleysis sem varð á Austurlandi í gær vegna prófana á tæknibúnaði fyrirtækisins. Samkvæmt yfirlýsingunni vinna sérfræðingar fyrirtækisins nú í samvinnu við Landsnet að koma í veg fyrir að þetta geti endurtekið sig. Rafmagn fór af álverinu og af stórum hluta Austurlands í um tvo klukkutíma síðdegis í gær.

Vill að Seðlabankinn lækki stýrivexti

Seðlabankinn verður að lækka stýrivexti og hætta stuðningi sínum við alltof hátt gengi krónunnar að mati framkvæmdastjóra Samtaka atvinnulífsins. Hann segir vaxtastefnu bankans hafa lítil áhrif á þróun verðbólgunnar og vinni gegn því að krónan virki eðlilega sem sjálfstæður gjaldmiðill. Mikilvægasta mótvægisaðgerðin fyrir sjávarútveginn og landsbyggðina er lægra gengi krónunnar að hans mati.

Vegagerðinni gert að greiða 900 þúsund krónur í skaðabætur

Vegagerðinni var í Héraðsdómi Reykjavíkur í dag gert að greiða Veiðifélagi Skagafjarðar tæpar 900 þúsund krónur í skaðabætur vegna umhverfisraskana völdum vegaframkvæmda. Um var ræða umhverfisáhrif vegna lagningu hringvegar í Norðurárdal. Að auki var Vegagerðinni gert að greiða um 270 þúsund krónur í málskostnað.

Náttúruverndarsinnar mótmæla í Kringlunni

Lögreglan á höfuðborgarsvæðinu fylgdi fyrir skömmu út hópi mótmælenda sem voru búnir að koma sér fyrir í Kringlunni í Reykjavík. Mótmælendurnir, sem eru af ýmsum þjóðernum,tengjast samtökunum Saving Iceland sem staðið hefur fyrir mótmælaaðgerðum við Kárahnjúkavirkjun á Austurlandi. Hollenskur talsmaður samtakanna undrast aðgerðir lögreglu og segir um friðsöm mótmæli að ræða.

Ný hraðleið í Leifsstöð

Farþegar á Saga Class hjá Icelandair geta nú notið þess að komast hraðar í gegnum öryggiseftirlit í Leifsstöð en áður. Sérstök braut hefur verið gerð fyrir þá sem ferðast á Saga Class, og mun hún auka bæði þægindi og hraða. Fordæmi fyrir þessa þjónustu þekkist víða, t.d. má nefna Kaupmannahöfn, heathrow og Frankfurt.

Jarðboranir fá risabor

Í dag er skipað upp í Hafnarfirði lang stærsta jarðbor, sem notaður hefur verið hér á landi til þessa. Þyngstu einstöku stykkin vega um 90 tonn, eða sem jafngildir um 60 litlum fólksbílum. Hann getur borað dýpra en gert hefur verið til þessa og nýtist því við tilraunir við svonefndar djúpboranir.

Vegaframkvæmdum upp á 6,6 milljarða króna flýtt

Ríkisstjórnin tilkynnti í morgun að hún ætlar að flýta framkvæmdum í vegagerð upp á 6,6 milljarða króna á næstu fjórum árum. Þetta er gert til að mótvægis við skerðingu á aflamarki á næsta fiskveiðiári.

Dómsmálaráðherra vill að Valgerður skýri ummæli sín

Dómsmálaráðherra vill að Valgerður Sverrisdóttir, fyrrverandi ráðherra og varaformaður Framsóknarflokksins, skýri ummæli sín um Baugsmálið betur. Valgerður sagði í blaðaviðtali að hún hefði upplifað hvernig sjálfstæðismenn töluðu um Baugsmenn og rannsaka þyrfti upphaf og tilurð málsins.

Skattalækkanir skila sér ekki til neytenda

Lækkanir á virðisaukaskatti hafa ekki skilað sér til neytenda samkvæmt nýrri verðkönnun Alþýðusambands Íslands. Á tímabilinu mars til maí hefur verð þvert á móti farið hækkandi og þá mest um 4,6 prósent í verslunum Krónunnar. Aðeins í Nettó lækkar verð lítillega eða um 0,2 prósent. Upphaflega var gert ráð fyrir að lækkun virðisaukaskatts myndi skila sér í að minnsta kosti 7,4 prósenta verðlækkun til neytenda. Niðurstaðan er vonbrigði að mati Alþýðusambandins.