Flugslysaæfing ákveðin

Flugslysaæfing verður haldin í Skagafirði í vor en æfingin er hugsuð sem lokahnykkur á endurskoðun flugslysaáætlunar fyrir flugvöllinn á Sauðárkróki. Þetta var ákveðið á fundi fulltrúa viðbragðsaðila í Skagafirði, fulltrúa Flugstoða og Almannavarnadeildar ríkislögreglustjóra í gær.

Lay Low söngkona ársins og Bubbi söngvari ársins

Lay Low var valin söngkona ársins á Íslensku tónlistarverðlununum 2006. Bubbi Morthens var valinn söngvari ársins og sagði af því tilefni að hann hefði alltaf þótt hann sjálfur góður söngvari. Elfa Rún Kristinsdóttir var valin bjartasta vonin.

Klósett sprengt upp í grunnskóla

Klósett var sprengt upp í einum af grunnskólum borgarinnar í gær. Klósettið splundraðist og þykir mildi að enginn skyldi slasast við uppátækið.

Íslensku tónlistarverðlaunin: Barfly með Jeff Who vinsælasta lagið

Myndband hljómsveitarinnar Trabant við lagið The One hlaut Íslensku tónlistarverðlaunin 2006. Verðlaunaafhendingin stendur nú yfir í Borgarleikhúsinu. Lagið Barfly með Jeff Who var vinsælasta lag ársins samkvæmt af gestum vefsins tonlist.is.

Ófremdarástand í fangelsismálum á Akureyri

Flótti gæsluvarðhaldsfanga úr fangelsinu á Akureyri í gærkvöldi er dæmi um það ófremdarástand sem ríkir í fangelsismálum á Akureyri. Þetta segir Fangelsismálastofnun, en einum fanganna tókst að komast út úr klefa sínum og frelsa tvo aðra.

Ábyrgð hjá útgerð og tryggingarfélagi

Umhverfisráðherra segir að útgerð og tryggingafélag flutningaskipsins Wilson Muuga beri ábyrgð á því að koma skipinu af strandstað við Sandgerði fyrir nítjánda júní næstkomandi. Útgerðin og tryggingafélagið hafa sagt að þau beri einungis kostnað upp að rúmum 70 milljónum króna en ráðherra segir ábyrgð þeirra í þessum efnum ótvíræða.

Öldruðum hjónum stíað í sundur

Nítíu og fjögurra ára gamall maður fær ekki að dvelja með eiginkonu sinni á dvalarheimili þar sem hann er sagður of vel á sig kominn. Eiginmaðurinn hefur lést og heilsu hans hrakað síðan þeim hjónum var stíað í sundur.

Björgunarafrek á Selfossi

Björgunarsveitarmenn á Selfossi þykja hafa unnið frækilegt afrek þegar þeir björguðu ungum manni úr bíl sem féll í Ölfusá í gærkvöldi. Gúmbjörgunarbátur þeirra varð vélarlaus úti í miðri á og samtímis því sem þá rak stjórnlaust niður ólgandi flúðir með meðvitundarlítinn ökumanninn um borð blésu þeir lífi í hann og hnoðuðu.

Jarðgöng um Gufudalssveit metin tvöfalt dýrari en þverun fjarða

Vegagerðin telur að það yrði tveimur til þremur milljörðum króna dýrara að velja jarðgöng til að bæta Vestfjarðaveg um Gufudalssveit fremur en að brúa tvo firði, eins og hin umdeilda niðurstaða varð.

Mótmæltu hækkunum fargjalda með Herjólfi

Fjöldi fólks kom saman í Vestmannaeyjahöfn í dag til að mótmæla hækkunum fargjalda með Herjólfi. Einn af mótmælendunum sem fréttastofan ræddi við telur að hátt í fimm hundruð manns hafi tekið þátt í þeim.

Ríkisstjórn fullkunnugt um fjármálaóreiðu Byrgisins í 4 ár

Ríkisstjórninni var fullkunnugt um fjármálaóreiðu Byrgisins vorið 2003. Síðan þá hefur stjórnin veitt Byrginu á annað hundrað milljónir króna. Fjölmargar viðvörunarbjöllur hafa klingt á síðustu fjórum árum án þess að við þeim hafi verið brugðist. Málið er klúður frá upphafi til enda, segir Jóhanna Sigurðardóttir þingmaður Samfylkingar.

Lögmaður Færeyja kom í opinbera heimsókn í dag

Lögmaður Færeyja, Jóannes Eidesgaard, hóf opinbera heimsókn sína til Íslands í dag er hann lenti á Reykjavíkurflugvelli ásamt fríðu föruneyti.

Úrsögnum úr Frjálslynda flokknum fjölgar

Enn fjölgar úrsögnum úr Frjálslynda flokknum en nokkuð hefur verið um úrsagnir eftir að Margrét Sverrisdóttir sagði sig úr flokknum. Guðjón Arnar Kristjánsson, formaður flokksins, segir ekki við öðru að búast þar sem mikil smölun hafi verið á landsfund flokksins um helgina. Því var fyrirfram ljóst að margir hafi fyrst og fremst ætlað að taka þátt í kosningunni.

Slíta ætti stjórnarsamstarfinu vegna svika í stjórnarskrármálinu

Kristinn H. Gunnarsson, þingmaður Framsóknarflokksins, segir að Framsóknarflokkurinn ætti að slíta stjórnarsamstarfinu við Sjálfstæðisflokkinn vegna vanefnda um að setja ákvæði um sameign þjóðarinnar á auðlindum landsins inn í tillögur um breytingar á stjórnarskránni. Hann segist ekki eiga samleið með flokki sem hafi farið eins mikið á svig við stefnumál sín og flokkurinn hafi gert á þessu kjörtímabili.

Beita á lagalegum úrræðum vegna uppsagna fangavarða

Fangelsismálastofnun ríkisins hafa borist uppsagnir frá 39 fangavörðum sem starfa í fangelsum landsins. Uppsagnirnar eru frá og með 1. maí næstkomandi. Í tilkynningu sem dóms- og kirkjumálaráðuneytið hefur sent frá sér segir að kjarasamningar við fangaverði séu í gildi.

Lýst eftir sextán ára stúlku

Lögreglan á Höfuðborgarsvæðinu lýsir eftir sextán ára stúlku Sigríði Hugrúnu Sigurðardóttur. Ekkert er vitað um ferðir Sigríðar síðan á síðastliðinn laugardag. Þeir sem geta gefið upplýsingar um ferðir hennar eru beðnir um að hafa samband við lögregluna í síma 444-1100.

Lögregla átti ekki þátt í dauða manns sem gekk berserksgang

Ekki er talið lögreglan hafi átt þátt í dauða karlmanns sem lést í haldi hennar eftir að hann gekk berserksgang á Hótel Sögu. Krufning leiddi í ljós að maðurinn lést vegna æsingsóráðsheilkenna sem orsakaðist af neyslu fíkniefna.

Tilnefningar Hagþenkis kynntar

Á blaðamannafundi sem nú stendur yfir í ReykjavíkurAkademíunni var verið að kynna lista 10 framúrskarandi fræðirita sem til greina koma við veitingu Viðurkenningar Hagþenkis árið 2006. Hagþenkir eru félag höfunda fræðirita og kennslugagna og viðurkenningarnar eru:

Fangelsuð fyrir að reyna að smygla fíkniefnum inn á Litla-Hraun

Héraðsdómur Suðurlands dæmdi í dag konu í tveggja mánaða fangelsi fyrir að reyna að smygla fíkniefnum inn á Litla-Hraun og fyrir akstur undir áhrifum fíkniefna sama dag. Konan reyndi í haust að smygla hassi í leggöngum sínum inn í fangelsið en fíkniefnahundur varð efnanna var

Flugstoðir leggja ekki niður flugvelli

Flugstoðir ohf segja ekkert hæft í fullyrðingum Arngríms Jónssonar flugstjóra og formanns Flugmálafélags Íslands þess efnis, að Flugstoðir hafi lagt niður Ólafsfjarðarflugvöll. Hjördís Guðmundsdóttir, upplýsinga- og kynningarfulltrúi Flugstoða, segir að Ólafsfjarðarflugvöllur hafi verið lagður af um síðustu aldamót í samvinnu við yfirvöld á staðnum, og þá voru Flugstoðir ohf ekki til.

Kompás aðgengilegur fyrir iTunes á podcast

Fréttaskýringaþátturinn Kompás sem sýndur er á Stöð 2 er nú aðgengilegur fyrir iTunes á Podcast.is. Eins og kunnugt hlaut þátturinn Edduverðlaunin í fyrra í flokknum besti sjónvarpsþátturinn og þá hefur umfjöllun hans um læknadóp, Byrgið og barnaníðinga á Netinu vakið mikla athygli.

Bryndís Schram og Sigur Rós stöðva framkvæmdir í Mosó

Framkvæmdir við tengibraut um Álafosskvos í Mosfellsbæ voru stöðvaðar í dag í kjölfar mótmæla íbúa á svæðinu. Meðal þeirra sem tóku þátt í mótmælunum var Bryndís Shcram fjölmiðlakona sem tók sig til og settist fyrir framan vinnuvélar og stöðvaði þannig vinnu þeirra.

Mengun verður langt undir mörkum

Verði af stækkun álvers Alcan í Straumsvík verða loftgæði með tilliti til heilsu fólks og mengunar gróðurs og jarðvegs undir öllum mörkum sem sett eru innan sem utan lóðamarka álversins. Þetta kom fram á fundi Samtaka Atvinnulífsins um atvinnulíf og umhverfi sem fram fór í morgun.

Sala á Morgunblaðinu dregst saman á milli ára

Meðaltalssala á Morgublaðinu á dag dróst saman um nærri fimm þúsund eintök á síðari helmingi ársins 2006 miðað við sama tímabil ársins 2005. Þetta eru niðurstöður upplagseftirlits Viðskiptaráðs Íslands sem hefur eftirlit með seldum eintökum Morgunblaðsins og prentun og dreifingu Fréttablaðsins.

Lýsing af leiknum hraðaði akstrinum

Sautján ára gömul stúlka var stöðvuð á Vesturlandsvegi í gær á 125 km hraða. Hún gaf lögreglu þá skýringu að hún hefði gleymt sér við lýsingu í útvarpinu á leik Íslendinga og Dana. Í hita leiksins gleymdi hún að fylgjast með hraðamælinum. Skömmu síðar var liðlega tvítugur piltur tekinn á sama vegi á 129 km hraða.

Tefja ferðir ráðherra á HM fyrir störfum þingsins?

Spurt var um það á Alþingi hvort ekki væri hægt að taka fyrir fleiri fyrirspurnir á Alþingi vegna þess að ráðherrar streymdu á heimsmeistaramótið í handknattleik.

Sakaðir um vandræðagang í tengslum við strand Wilson Muuga

Umhverfisráðherra og samgönguráðherra voru sakaðir um vandræðagang í tengslum við strand Wilson Muuga í Hvalnesfjöru í desember og spurðir hvernig og hvenær ætti að fjarlægja flak skipsins. Samgönguráðherra sagði hins vegar að lögin væru skýr um ábyrgð skipseigenda og ekki yrði gefinn neinn afsláttur á því.

Árni Þór hættir sem Sirkusstjóri

Árni Þór Vigfússon, sjónvarpsstjóri á Sirkus, og tveir aðrir starfsmenn stöðvarinnar láta af störfum á næstu dögum vegna skipulagsbreytinga. Sjónvarpsstöðin hefur verið rekin sem sjálfstæð eining innan 365 miðla en eftir breytingarnar færist rekstur sjónvarpstöðvarinnar Sirkus undir Stöð 2. Dagskrá stöðvarinnar tekur ekki breytingum, að því er Ari Edwald, forstjóri 365 miðla segir í samtali við Vísi. Sirkus er afþreyingarstöð sem höfðar til yngri aldurshópa og er send út í opinni dagskrá.

Bill Gates segir Ísland góðan kost fyrir þróunarstarf Microsoft

Forseti Íslands, Ólafur Ragnar Grímsson, átti fund síðdegis í gær með Bill Gates, stofnanda og stjórnarformanni Microsoft hugbúnaðarfyrirtækisins. Samkvæmt upplýsingum frá skrifstofu forsetans, lýsti Gates yfir áhuga á því að kynna sér nánari möguleika á að Ísland verði tilraunavettvangur fyrir nýjan hugbúnað og þróun upplýsingatækni.

Lögmaður Færeyja í opinbera heimsókn

Jóhannes Eidesgaard, lögmaður Færeyja, kemur í þriggja daga opinbera heimsókn til Íslands í dag, í boði Geirs H. Haarde forsætisráðherra. Í för með lögmanninum verða embættismenn og fjölmenn viðskiptasendinefnd.

Skilorðsbundið fangelsi fyrir að stela ostaköku

Karlmaður var í Héraðsdómi Reykjavíkur í dag dæmdur í tveggja mánaða skilorðsbundið fangelsi fyrir að hnupla ostaköku úr verslun Nóatúns við Hringbraut í fyrrasumar. Maðurinn játaði verknaðinn en í ljósi þess að hann rauf skilorð með brotinu var hann dæmdur í tveggja mánaða fangelsi sem skilorðsbundið er til tveggja ára.

Krefjast lögbanns og kæra úrskurð ráðherra

Mikil óánægja er meðal íbúa í Mosfellsbæ með áætlanir um tengibraut um Álafosskvos sem áætlað er að flytji tíu þúsund bíla daglega. Í fréttatilkynningu frá fulltrúa íbúa segir að íbúar krefjist lögbanns á framkvæmdina. Íbúar og unnendur náttúru munu hittast klukkan 13 við gömlu ullarverksmiðjuna og flagga í hálfa stöng í mótmælaskyni við framkvæmdirnar.

Tókst að flýja vegna mistaka og bilunar í búnaði

Mannleg mistök og bilun í búnaði urðu til þess að þremur ungmennum, sem úrskurðuð voru í gæsluvarðhald á Akureyri í gær, tókst í gærkvöldi að strjúka úr fangelsinu þar.

Fjórða konan kærir Guðmund í Byrginu

Fjórða konan hefur kært Guðmund í Byrginu fyrir kynferðislegt samband á meðan hún var skjólstæðingur hans í Byrginu.

Reyna að ná bíl upp úr Ölfusá

Lögregla og björgunarsveitarmenn eru að undirbúa að ná fólksbíl upp úr Ölfusá við erfiðar aðstæður. Hann hafnaði í ánni í gærkvöldi og björgunarmenn unnu frækilegt björgunarafrek við að bjarga ökumanninum.

Ríkisstjórnin vissi af svartri skýrslu um Byrgið

Ríkisstjórnin vissi af svartri skýrslu um fjármál Byrgisins fyrir röskum fjórum árum. Þetta fullyrðir Jóhanna Sigurðardóttir, þingmaður Samfylkingar. Minnisblað var lagt fram í ríkisstjórn um málið árið 2002 og síðan hafi ríkisstjórnin en ekki fjárlaganefnd ákveðið framlög til Byrgisins.

Um helmingur fangavarða í landinu hefur sagt upp

Rétt um helmingur allra fangavarða í landinu hefur skilað inn uppsagnarbréfi til Fangelsismálastofnunar vegna mikillar ónægju með kjör sín. Fangaverðir eru ósáttir við að þeir hafi dregist aftur úr lögreglumönnum í launum en laun þessara tveggja stétta héldust lengi vel í hendur.

Staða einstakra smásölufyrirtækja metin

Samkeppniseftirlitið er nú að athuga stöðu einstakra smásölufyrirtækja varðandi markaðsráðandi stöðu og hvort skaðleg undirverðlagning á tilteknum sviðum hafi átt sér stað. Upplýsinga hefur verið aflað frá smásöluverslunum um samningsskilmála við birgja. Niðurstöður athugunarinnar liggja ekki fyrir enn sem komið er, en aflað hefur verið umfangsmikilla gagna vegna greiningarinnar og er hún vel á veg komin.

Bíll fór út í Ölfusá

Flytja þurfti ungan karlmann á slysadeild eftir að bíll hans fór út í Ölfusá á ellefta tímanum í kvöld. Samkvæmt upplýsingum frá lögreglunni á Selfossi var maðurinn einn í bílnum, sem fór út í ána við Árveg rétt ofan við Ölfusárbrú. Ekki er vitað um líðan hans á þessari stundu.

Fótbrotnaði þegar hann féll af hestbaki

Karlmaður á sextugsaldri fótbrotnaði þegar hann féll af hestbaki í kvöld. Maðurinn var við hesthúsahverfið Heimsenda í Kópavogi. Hann var fluttur á slysadeild Landspítala-háskólasjúkrahús þar sem búið var um brotið.

Kona féll í gjótu

Flytja þurfti konu á slysadeild með meiðsl á fæti eftir að hún datt ofan í gjótu á golfvelli í kvöld. Konan var á gangi á golfvellinum á Hvaleyrarholti í Hafnarfirði, á níunda tímanum í kvöld, þegar hún varð fyrir því óláni að falla í gjótuna. Hún var flutt á slysadeild Landspítala-háskólasjúkrahús þar sem gert var að fæti hennar en að sögn vakthafandi læknis var hún óbrotin.

Struku úr fangelsi og náðust á stolnum bíl

Þrjú ungmenni struku úr fangelsinu á Akureyri í kvöld en náðust skömmu síðar á stolnum bíl í Varmahlíð. Ungmennin, sem eru öll um tvítugt, voru í dag úrskurðuð í gæsluvarðhald fram á föstudag í Héraðsdómi Norðurlands eystra.

Ólýsanlega sárt

Guðmundur Guðmundsson aðstoðarþjálfari íslenska landsliðsins var að vonum bragðdaufur eftir tapið gegn Dönum í kvöld og sagði það ólýsanlega sárt. Hann sagðist þó mjög stoltur af íslenska liðinu fyrir frammistöðu þess í kvöld.

Akureyri vill komast í hóp rólegra bæja

Akureyri stefnir að því að komast í hóp rólegra bæja um allan heim þar sem boðuð er andstaða við hraða. Það þýðir þó ekki að bærinn verði vinstri-grænn, segir bæjarstjóri.

Danir sigruðu með marki á lokasekúndu

Danir sigruðu með marki á lokasekúndu framlengingar í átta liða úrslitum á HM í handbolta, lokastaðan 42-41 fyrir Dönum. Íslendingar voru með pálmann í höndunum þegar um hálf mínúta var eftir, staðan jöfn og Íslendingar með boltann en glopruðu tækifærinu og því fór sem fór. Íslendingar leika því um 5-8 sætið á HM.