Helgimyndir í Hallgrímskirkju

Roðagylltar helgimyndir skreyta veggi Hallgrímskirkju þessa dagana. Sýning á balkönskum íkonum var opnuð þar í gær og stendur í heilan mánuð. Verkin eru eftir leikmenn í íkonagerð frá Balkanlöndunum, bæði karla og konur.

Ósætti um eftirlit á kjörstað

Ósætti er um hvernig framboð mega standa að eftirliti á kjörstað og frambjóðendur sem tóku að sér hlutverk kjörstjórnarfulltrúa voru meðal ágreiningsmála sem upp komu í sveitarstjórnarkosningunum í gær.

Kemur til greina að endurvekja R-listann

Katrín Jakobsdóttir, varaformaður Vinstrihreyfingarinnar-græns framboðs, segir vel koma til greina að endurvekja Reykjavíkurlistann fyrir borgarstjórnarkosningarnar árið 2010. Ingibjörg Sólrún Gísladóttir, formaður Samfylkingarinnar, tók í sama streng og ítrekaði þá skoðun sína að slit Reykjavíkurlistasamstarfsins hefðu verið mistök.

Tekur aftur við oddvitahlutverkinu

Eyþór Arnalds segist líta á það sem traustsyfirlýsingu við sig hversu margir kusu Sjálfstæðisflokkinn í Árborg. Hann ætlar að taka strax til starfa með bæjarstjórnarflokki sjálfstæðismanna í Árborg.

Nýjar meirihlutastjórnir að taka á sig mynd

Meirihlutastjórnir í fimm af ellefu stærstu sveitarfélögum landsins féllu í kosningunum í gær. Þreifingar hófust þegar í dag um meirihlutasamstarf vítt og breitt um landið. Akureyri, Mosfellsbær og Akranes eru meðal þeirra staða þar sem búast má við breytingum.

Sigur Á-listans staðfestur

Kjörstjórn á Álftanesi lauk fyrir skemmstu endurtalningu á atkvæðum sem greidd voru í sveitarstjórnarkosningunum í gær. Endurtalningin staðfesti sigur Álftaneslistans. Sjálfstæðismenn fóru fram á endurtalningu vegna þess hversu mjótt var á munum en aðeins munaði þremur atkvæðum þegar talningu lauk í gærkvöldi.

Unnið hratt að því að mynda meirihluta í borgarstjórn

Vilhjálmur Þ. Vilhjálmsson oddviti Sjálfstæðismanna í Reykjavík hefur rætt við fulltrúa flestra hinna flokkanna um myndun meirihluta í borgarstjórn Reykjavíkur. Nú fyrir nokkrum mínútum lauk fundi hans, Gísla Marteins Baldurssonar, og Hönnu Birnu Kristjánsdóttur að heimili Ólafs F. Magnússonar oddvita Frjálslynda flokksins.

Viðræður um myndun nýs meirihluta í Mosfellsbæ

Fulltrúar Samfylkingarinnar, Vinstri-grænna og Framsóknarflokksins í Mosfellsbæ hafa hafið formlegar viðræður um myndun nýs meirihluta í bænum. Sjálfstæðisflokkurinn tapaði meirihluta sínum í gær.

Meirihlutinn féll í fimm af ellefu stærstu sveitarfélögum landsins

Meirihlutinn í bæjarstjórn féll í fimm af ellefu stærstu sveitarfélögum landsins í kosningunum í gær. Það var fyrirséð að nýr meirihluti tæki við í Reykjavík þar sem R-listinn bauð ekki fram.

Eyþór Arnalds heldur sæti sínu sem oddviti

Eyþór Arnalds var að vonum kátur í gærkvöldi þegar fyrstu tölur úr Árborg voru birtar. Staða hans og flokksins fyrir kosningarnar var óljós en nú liggur fyrir að hann haldi sæti sínu sem oddviti flokksins.

Óvíst hver verður næsti borgarstjóri Reykvíkinga

Óvíst er hver verður næsti borgarstjóri Reykvíkinga. Sjálfstæðisflokkurinn fékk ekki hreinan meirihluta en vantaði bara einn mann upp á. Tæplega 86.000 manns voru á kjörskrá í Reykjavík.

Þreifingar fyrir meirihlutamyndun í borginni

Oddvitar flokkanna í Reykjavík vildu ekkert gefa upp um þreifingar fyrir meirihlutamyndun í borginni. Ýmsir spá því að Sjálfstæðisflokkur leiti til annað hvort Frjálslynda flokksins eða Framsóknar um meirihlutasamstarf.

Meirihlutinn hélt óvænt velli

Meirihlutinn hélt á Ísafirði, þvert á það sem skoðanakannanir höfðu gefið ástæðu til að ætla. Bæjarstjórinn og oddviti Sjálfstæðismanna vill halda áfram samstarfinu við Framsóknarflokkinn undir sinni forystu.

Straumurinn lá til vinstri

Straumur kjósenda lá til vinstri í nótt í stærstu sveitarfélögum landsins þar sem Vinstri-grænir og Samfylkingin bættu við sig fjölda sveitarstjórnarmanna. Sjálfstæðismenn bættu lítillega við sig en Framsóknarmenn töpuðu miklu.

Meirihluti sjálfstæðismanna féll á Álftanesi

Meirihluti sjálfstæðismanna féll á Álftanesi, þar er Á-listinn kominn í meirihluta í fyrsta skipti. Það stóð glöggt á Álftanesi, aðeins munaði þremur af 1189 atkvæðum að meirihlutinn hefði haldið. 49,9% kusu Sjálfstæðisflokkinn en 50,1% greiddu Á-listanum atkvæði sitt. Þetta þykir tíðindum sæta enda hefur Á-listinn aldrei verið við völd á Álftanesi.

Akureyrin EA er væntanleg til hafnar í Hafnarfirði um tíuleytið

Akureyrin EA er væntanleg til hafnar í Hafnarfirði um tíuleytið en tveir menn létust um borð í skipinu þegar kviknaði í því um 75 sjómílur norðvestur af Látrabjargi í gær. Sex sjómenn af skipinu voru fluttir með þyrlu Landhelgisgæslunnar á Landspítala Háskólasjúkrahúss í Fossvogi í gær, en þeir voru allir með snert af reykeytrun.

Alvarleg líkamsáras í Hafnarstræti í morgun

Rólegt var hjá lögreglunni í Reykjavík í nótt þótt mikill fjöldi fólks væri í bænum að skemmta sér. Ein líkamsárás var tilkynnt nú í morgun um klukkan hálf sjö, þar sem maður var barinn í Hafnastræti og var hann fluttur með sjúkrabifreið á slysadeild alvarlega slasaður.

Úrslit í Hörgárbyggð

Óhlutbundinni kosningu í Hörgárbyggð er lokið. Á kjörskrá voru 287 en alls greiddi 181 atkvæði.

Niðurstaða könnunar um sameiningu Hörgárbyggðar og Arnarneshrepps

Skoðunarkönnun um sameiniguna fór fram samhliða kosningunum í Hörgárbyggð. Könnunin fór þannig að 136 mans voru með sameiningu en 26 á móti.

Viðræður hafnar í Árborg

Forystumenn B, S og V lista í Sveitarfélaginu Árborg hafa ákveðið að hefja viðræður um myndun meirihluta í bæjarstjórn Árborgar kjörtímabilið 2006 – 2010.

Niðurstaða könnunar um nafn á nýtt sveitarfélag í Þingeyjarsýslu

Samhliða sveitarstjórnarkosningunum fór fram könnun meðal íbúa sameinaðs sveitarfélags Húsavíkurbæjar, Kelduneshrepps, Öxarfjarðarhrepps og Raufarhafnarhrepps um nafn á hið nýja sveitarfélag

Niðurstaða könnunar um nafn á nýtt sveitarfélag í Borgarfirði

Samhliða sveitarstjórnarkosningunum fór fram könnun meðal íbúa sameinaðs sveitarfélags Borgarbyggðar, Borgarfjarðarsveitar, Hvítársíðuhrepps og Kolbeinsstaðahrepps um nafn á hið nýja sveitarfélag.

Úrslit í Akrahreppi

Óbundinni kosningu í Akrahreppi er lokið. Samtals greiddu 131 atkvæði, auðir seðlar einn og engir ógildir.

Úrslit í Grýtubakkahreppi

Óbundinni kosningu er lokið í Grýtubakkahreppi. Samtals greiddu 197manns atkvæði, einn auður seðill og engir ógildir.

Úrslit í Borgarfjarðarhreppi

Óbundinni kosningu í Borgarfjarðarhreppi er lokið. Samtals greiddu 76 manns atkvæði auðir seðlar voru tveir og engir ógildir.

Úrslit í Reykhólahreppi

Óbundinni kosningu í Reykhólahreppi. Samtals greiddu 116 manns atkvæði, auðir og ógildir seðlar voru engir.

Úrslit í Fljótsdalshreppi

Óbundinni kosningu í Fljótsdalshreppi er lokið. Samtals greiddu 52 manns atkvæði auðir seðlar voru tveir og ógildir seðlar voru engir.

Samantekt á úrslitum

Einn markverðasti atburður kosninganna á höfuðborgarsvæðinu er að Björn Ingi Hrafnsson virðist vera nokkuð öruggur með sæti sitt í borgarstjórn þvert á kannanir. Hann hefur 1155 atkvæða forskot á Oddnýu Sturludóttur. Einnig má nefna afhroð Framsóknarmanna í Kópavogi og stórsigur Samfylkingarinnar í Hafnarfirði. Svo hafa Sjálfstæðismenn á Álftanesi beðið um endurtalningu.

Afhroð Framsóknarmanna

Framsóknarflokkurinn hefur tapað tveimur bæjarfulltrúum af þremur í Kópavogi. Meirihluti Framsóknarflokks og Sjálfstæðisfokks heldur þó velli með sex fulltrúa á móti fimm. Merihlutinn var átta á móti þremur.

Úrslit í Ásahreppi

Óbundinni kosningu í Ásahreppi er lokið. Samtals greiddu 100 manns atkvæði, auðir seðlar voru einn og ógildir seðlar engir.

Úrslit í Helgafellssveit

Óbundinni kosningu í Helgafellssveit er lokið. Samtals greiddu 38 manns atkvæði, auðir og ógildir seðlar voru engir. Úrslitin eru:

Úrslit í Svalbarðsshreppi

Óbundinni kosningu í Svalbarðsshreppi er lokið. Samtals greiddu 58 manns atkvæði auðir og ógildir seðlar voru engir. Úrslitin eru:

Úrslit í Skorradalshreppi

Óbundinni kosningu í Skorradalshreppi er lokið. Samtals greiddu 29 manns atkvæði, auðir seðlar voru tveir og ógildir engir. Úrslitin eru:

Vill að kosið verði til Alþingis sem fyrst

Steingrímur J. Sigfússon formaður Vinstri grænna segir að úrslit kosninganna séu skýr skilaboð þjóðarinnar þess efnis að hún kæri sig ekki lengur um ríkisstjórnina. Hann vill að boðað verði til Alþingiskosninga hið fyrsta.

50 ára bann við hundahaldi í Grímsey stendur enn

Samhliða sveitarstjórnarkosningum í Grímseyjarhreppi fór fram atkvæðagreiðsla um tillögu um að afnema bann við hundahaldi sem gilt hefur í eynni í 50 ár. Hlynntir því að leyfa hundahald voru 18 en á móti voru 41. Bann við hundahaldi verður því væntanlega áfram í gildi í Grímsey.

Úrslit í Grímseyjarhreppi

Óbundinni kosningu í Grímseyjarhreppi er lokið. Samtals hafa verið greidd 55 atkvæði auðir seðlar voru tveir og ógildir seðlar voru engir. Úrslitin eru:

Úrslit í Kaldrananeshreppi

Samtals voru greidd 64 atkvæði, auðir seðlar voru tveir og ógildir einn. Úrslitin eru:

Úrslit í Skagabyggð

Óbundinni kosningu er lokið. Samtals voru greidd 43 atkvæði í Skagabyggð, auðir og ógildir seðlar voru engir. Úrslitin eru:

Úrslit í Árneshreppi

Óhlutbundinni kosningu í Árneshreppi er lokið. Samtals voru greidd 36 atkvæði og einn auður seðill skilaði sér í hús. Úrslitin eru:

Viðbrögð oddvita flokkanna

Í Reykjavík hafa verið talin 41.040 sem eru 47,9%. Næsta manneskja inn er Odný Sturludóttir með 2.286 atkvæði á bak við sig og vantar 655 atkvæði til að slá út Björn Inga Hrafnsson. Viðbrögð oddvita flokkanna eru:

Samfylkingin með sjö fulltrúa og stutt í þann áttunda

Samfylkingin er með öruggan meirihluta í Hafnarfirði, sjö fulltrúar inni og stutt í þann áttunda. Sjálfstæðismenn eru með þrjá fulltrúa og Vinstri grænir einn fulltrúa. Í Hafnarfirði hafa verið talin 7250 atkvæði af þeim 10191 sem í kjörkassana komu.

D-listinn sigurvegari á Tálknafirði

Sjálfstæðisflokkurinn á Tálknafirði hlaut tæp 60% atkvæða og þrjá fulltrúa af fimm í hreppsnefnd. T-listinn eða Tálknafjarðarlistinn hlaut rúm 36% atkvæða og 2 fulltrúa kjörna.

Oddvitar flokkanna mættu snemma að kjósa

Hátt í áttatíu og sexþúsund manns eru á kjörskrá í Reykjavík. Hægt er að kjósa á þrettán stöðum og voru kjörstaðir opnaðir klukkan níu í morgun og verður þeim ekki lokað fyrr en klukkan tíu í kvöld. Kjörsókn var fremur dræm framan af degi.

Kraftlistinn sigraði með 9 atkvæða mun

K-listinn eða Kraftlistinn í Arnarneshreppi sigraði M-lista, Málefnalistann naumlega en talningu í Arnarneshreppi er lokið. Kraftlistinn hlaut 61 atkvæði og 3 fulltrúa í sveitarstjórn en Málefnalistinn hlaut 52 atkvæði og 2 fultlrúa.

Akureyrin EA-110 er á leið til Hafnarfjarðar

Reiknað er með að skipið verði þar um klukkan 09:30 í fyrramálið, þann 28.5. Fjórir slökkviliðsmenn frá Slökkviliði höfuðborgarsvæðisins eru á brunavakt um borð og sigmaður frá Landhelgisgæslunni. Togarinn Júlíus Geirmundsson fylgir skipinu eins og er, og varðskipið Óðinn tekur síðan við og fylgir skipinu til hafnar.