Kristján kjörinn formaður

Kristján Gunnarsson var fyrir nokkrum mínútum kjörinn formaður Starfsgreinasambandsins. Fráfarandi formaður sambandsins er svartsýnn við þessi tímamót og óttast að forsendur kjarasamninga séu að bresta. 

Hundruð bíða eftir meðferð

Fleiri hundruð manns bíða eftir meðferð vegna geðsjúkdóma og sumstaðar eru læknar hættir að taka fólk á biðlista, segir Ásta Ragnheiður Jóhannesdóttir Samfylkingunni. Heilbrigðisráðherra vísar því á bug að stór hópur þessa fólks sé á götunni.

Tóbaksuppljóstrarinn á Íslandi

Maðurinn sem vann sér frægð fyrir að ljóstra upp um tóbaksframleiðendur er staddur hér á landi til að halda fyrirlestur um skaðsemi reykinga. 

Hlutabréfin í 507 krónur

Hlutabréf í KB banka hækkuðu upp í 507 krónur á markaði í gær eftir hlutafjárútboðið í fyrradag og hafa aldrei verið jafn hátt skráð. Lokagengi var 500 krónur og nam hækkun dagsins 1,1%. Gegngi í útboðinu var 480 krónur á hlut þannig að þeir sem keyptu þá fyrir væna fúlgu, hafa ávaxtað pund sitt vel á einum sólarhring. Seldir voru hlutir í bankanum fyrir rúma fimmtíu milljarða króna sem bankinn ætlar að nýta til frekari útrásar til Finnalnds og Bretlands.

Átök framundan

Kristján Gunnarsson, formaður Verkalýðs- og sjómannafélags Keflavíkur, sem var kjörinn formaður Starfsgreinasambandsins til næstu tveggja ára á ársfundi sambandsins í gær, segir að framundan séu átök um tilverurétt verkalýðshreyfingarinnar.

Lögreglustöðin endurvígð

Lögreglustöðin á Akureyri verður endurvígð í dag eftir gagngerar breytingar á húsnæðinu. Þar verður jafnframt opnuð einskonar varabjörgunarmiðstöð fyrir björgunarmiðstöðina í Skógarhlíð, ef allt færi þar úrskeiðis á hamfaratímum. Þar er hægt að svara neyðarlínunni og þar er varafjarskiptamiðstöð fyrir ríkislögreglustjóra.

Varar við afskiptum

Arthur Bogason formaður Landssambands smábátaeigenda varaði í ræðu sinni á ársfundi Landssambands smábátaeigenda, við afskiptum sjálfskipaðra afla, sem berjast gegn fiskveiðum með örökstuddum fullyrðingum. Vitnaði hann þar til þess að alþjóðlegt bann vð við trollveiðum væri nú komið til umfjöllunar hjá Sameinuðuþjóðunum

Meðferð á Torfastöðum í lagi

Meðferð sem veitt var á Meðferðarheimilinu á Torfastöðum var í viðunandi samræmi við samning heimilisins við ríkið, samkvæmt úttekt Ríkisendurskoðunar. Hún telur að meðferðarheimilið gæti átt rétt á uppbótargreiðslu frá ríkinu.

Kögun kaupir í Opnum Kerfum

Kögun hefur keypt 33% hlut í Opnum Kerfum og á þá tæp 69% með þeim 35 prósentum sem fyrirtækið átti fyrir í Opnum kerfum. Kögun ætlar að gera öðrum hluthöfum í Opnum kerfum yfirtökutilboð á næstunni. Seljendur eru Fjárfestingabankinn Straumur, Íslandsbanki og Frosti Bergsson og félög honum tengd, en Frosti stofnaði Opin Kerfi. Í

Varar við sjálfskipuðum öflum

Arthur Bogason formaður Landssambands smábátaeigenda varar við afskiptum sjálfskipaðra afla, sem berjast gegn fiskveiðum með órökstuddum fullyrðingum.

Íslenskt félag með 3200 starfsmenn

Verið er stofna íslenskt eignarhaldsfélag, sem hefur yfir 60 flugvélar á sínum snærum í öllum heimsálfum og 3200 starfsmenn. Félagið heitir Avion group og er stofnað um Rekstur Atlanta í Bretlandi, breska félagið EXEL airways, Íslandsflug og Atlanta á Íslandi. Félagið tekur formlega til starfa um áramótin og verður Magnús Þorsteinsson stjórnarformaður þess.

Nóg komið af bullinu

Stjórn Foreldrafélagsins í Grandaskóla hvetur foreldra til að senda borgarfulltrúum Reykjavíkur bréf í dag þar sem þeim er sagt að axla ábyrgð sína í verkfallinu. Stjórnarmaður félagsins segir að borgarfulltrúum beri skylda til að bregðast við óskum foreldra og hann segir nóg komið af þessu bulli.

Deilt um fordæmi fyrir sektum

Olíufélögin höfnuðu tilboði Samkeppnisstofnunar í janúar um að greiða sektir á bilinu 300 til 480 milljónir því þau töldu víst að dómstólar lækki sektina umtalsvert. Það sé í samræmi við fordæmi í dómum á Norðurlöndunum. Samkeppnisráð lítur hins vegar til EES-reglna um sektir.

Skatttekjur aukast um tíund

Skatttekjur ríkisins fyrstu átta mánuði ársins voru 170 milljarðar sem er um tólf prósentum meira en á sama tímabili í fyrra. Innheimtir skattar á tekjur og hagnað einstaklinga og lögaðila námu 53,4 milljörðum króna og hækkuðu um 10,4% frá sama tíma í fyrra, að því er fram kemur í Vefriti fjármálaráðuneytisins.

Gjöld til félagsmála hækka

Gjöld ríkissjóðs vegna félagsmála hækkuðu um 11,5 milljarða á milli ára og mest allra málaflokka, en um tveir þriðju hlutar allra útgjalda ríkisins fara til félagsmála.

Samskráning heimiluð

Geir H. Haarde fjármálaráðherra lagði fram frumvarp á Alþingi í gær um breytingu á lögum um virðisaukaskatt sem heimilar skattstjóra að samskrá tvö eða fleiri skráningarskyld hlutafélög og einkahlutafélög á virðisaukaskattsskrá.

Bullandi verðstríð í bensíni

Verðstríð er skollið á á eldsneytismarkaðnum. Í gær og fyrradag breyttist enn verð hjá olíufélögunum, sem lækkuðu fullt þjónustuverð um 2 krónur á lítrann, auk annarra verðbreytinga til lækkunar.

Deilan mjög snúin

"Kennarar tóku ákvörðun um að fara í verkfallið, það ákváðu ekki sveitarfélögin, og kennarar ákveða hvenær því lýkur," segir Birgir Björn Sigurjónsson, formaður Launanefndar sveitarfélaganna.

Vill aðhald í ríkisfjármálum

Starfsgreinasambandið óttast að ríkisvaldið ætli ekki að axla þá ábyrgð í ríkisfjármálum, sem sé nauðsynleg á næstunni vegna aukinnar verðbólgu. Sambandið segir að ríkisvaldið verði að beita skynsamri og ábyrgri hagstjórn á næstu misserum, þannig að koma megi í veg fyrir að Seðlabankinn hækki vexti um of og þrengi þar með að heimilunum og fyrirtækjunum í landinu.

Boða byltingu í meðferð geðsjúkra

Hópur geðsjúkra í Hugarafli boðar byltingu í meðferð geðsjúkra, eftir að hafa unnið verkefni á geðdeildum Landspítala. Sviðsstjóri á geðsviði leggur til að gengið verði í lagfæringar á atriðum sem bent er á í niðurstöðum verkefnisins. </font /></b />

Actavis mótmælir ásökunum

Actavis hefur vísað á bug fullyrðingum Starfsgreinasambands Íslands þess efnis að félagið kúgi starfsmenn sína í Búlgaríu og brjóti á þeim. Í tilkynningu frá Actavis segir að á síðasta ári hafi fyrirtækið þurft að segja upp starfsmönnum í Búlgaríu, en ekki hafi verið hafðar uppi neinar hótanir, eins og formaður Starfsgreinasambandsins lýsti yfir í fréttum Stöðvar 2 í gær.

Sóbakssamningurinn fyrir Félagsdóm

Framkvæmdastjórn Sjómannasambands Íslands ákvað í dag að fara með Sólbakssamninginn svokallaða fyrir Félagsdóm til að freista þess að fá ákvæði hans sem brjóta í bága við gildandi kjarasamning milli SSÍ og LÍÚ dæmd ógild.

Bara hluti framkvæmda stöðvaður

Byggingarfulltrúinn í Reykjavík gerði í dag framkvæmdaraðilum nýs hótels sem rísa á í gamla Eimskipahúsinu skylt að stöðva framkvæmdir við endurnýjun innveggja í húsinu. Að öðru leyti hafnaði Byggingarfulltrúinn kröfum nágranna hússins um stöðvun framkvæmda. töluvert er síðan byrjað var að bóka inn á hótelið og er gert ráð fyrir að það opni í mars á næsta ári.

Guðjón nýr framkvæmdastjóri

Guðjón Guðmundsson hefur verið ráðinn framkvæmdastjóri Sambands íslenskra sparisjóða og tekur hann við framkvæmdastjórastarfinu af Sigurði Hafstein 1. nóvember Þetta kom fram á aðalfundi Sambands íslenskra sparisjóða í dag, föstudaginn 15. október.

Of lágar greiðslur til Torfastaða

Félagsmálaráðuneytið telur hvorki raunhæft né ráðlegt að mæla með því að Barnaverndarstofa og meðferðarheimilið á Torfastöðum geri nýjan samning um áframhaldandi rekstur. Þetta kemur fram í skýrslu Ríkisendurskoðunar fyrir Félagsmálaráðuneytið sem birt var í gær.

Brot olíufélaganna sögð fyrnd

Olíufélögin halda því fram að meint brot á samkeppnislögum á rúmlega sjö ára tímabili af níu sem Samkeppnisstofnun rannsakar séu fyrnd. Dómur hæstaréttar í grænmetismálinu svokallaða er sagður styðja staðhæfingu olíufélaganna. </font /></b />

Skilur ekki ráðningu þessa manns

Stúlkan sem sakaði föður sinn um kynferðisofbeldi í prófessorsmálinu svokallaða hvetur fórnarlömb í slíkum málum til að kæra þau ekki á meðan Jón Steinar Gunnlaugsson situr í Hæstarétti.

Sagðist vera systir sín

Tæplega þrítug kona var dæmd, í Héraðsdómi Reykjavíkur, í þriggja mánaða skilorðsbundið fangelsi fyrir að aka ölvuð og þykjast vera systir sín þegar lögreglan stöðvaði hana.

Hélt hnífi að hálsi konu

Rétt rúmlega tvítugur maður hefur verið ákærður af Ríkissaksóknara fyrir vopnað rán, ásamt óþekktum samverkamanni, í myndbandaleigu í mars 2002. Málið var þingfest í Héraðsdómi Reykjavíkur í gær.

Ákærðir fyrir hasssmygl

22 ára maður er ákærður af Ríkissaksóknara fyrir innflutning á samtals fimmtán kílóum af hassi í þremur skipaferðum frá Danmörku frá júní í fyrra þar til í janúar á þessu ári. Þrír menn eru ákærðir fyrir að hafa staðið að innflutningnum að hluta með manninum. Málið var þingfest í Héraðsdómi Reykjavíkur í gær.

Geðsjúkum fanga vísað á brott

Geðsjúkum kvenfanga var vísað frá geðdeild Landspítala eftir klukkustundardvöl þar, þrátt fyrir tvær alvarlegar sjálfsvígstilraunir. Landlæknir rannsakar málið. Sex til átta fangar í íslenskum fangelsum eru í raun ófærir um að afplána refsingu sína þar inni.

Haldið sofandi

Maður slasaðist alvarlega eftir að hafa ekið út af með þeim afleiðingum að bíll hans valt á Biskupstungnavegi í Þrastarskógi, rétt ofan við Þrastarlund, um hálf sjöleytið í gærmorgun.

Nýr flugrisi tekur til starfa

Nýr risi á alþjóðlegum flugmarkaði, Avion Group, tekur til starfa hér á landi um áramótin. Félagið mun eiga 63 breiðþotur. Áætluð heildarvelta er 72 milljarðar króna, sem er tvöfalt meira en velta Flugleiða, og er stefnt að skráningu félagsins í Kauphöll Íslands.

Jafnræðis ekki gætt

Fulltrúi launanefndar sveitarfélaga í undanþágunefnd vegna verkfalls grunnskólakennara, sakar fulltrúa kennara í nefndinni um að gæta ekki jafnræðis við afgreiðslu á undanþágum vegna fatlaðra barna. Digranesskóla var veitt undanþága í dag vegna sérdeildar fyrir einhverfa.

Barðist við samvisku sína og vann

"Ég reykti í átján mánuði. Ég er rétt rúmlega sextíu og tveggja ára og byrjaði að reykja þegar ég vann í tóbaksiðnaðinum," segir Jeffrey Wigand, prófessor og lífefnafræðingur. Hann berst nú geng fyrrum vinnuveitendum sínum og vill banna reykingar á veitingastöðum.

Skilur ekki doðann í fólki

Þjóðfélagið hefði farið á annan endann eftir nokkurra daga mjólkurskort segir Andri Snær Magnason, faðir grunnskóladrengs í Reykjavík. Hann skilur ekki hvers vegna fjögurra vikna verkfall grunnskólakennara veldur ekki meira uppnámi en raun ber vitni. Að hans mati hafa grunnskólabörn nú liðið andlegan næringarskort í mánuð.

26. dagur verkfalls

Ákveðið hefur verið að kennarar í sérdeild Digranesskóla fái full laun svo vandi fjölskyldna fatlaðra barna við skólann leysist.

Fá 14 milljónir í bætur

Félagsmálaráðherra ætlar að beita sér fyrir því að hjónin á Torfastöðum fái allt að því fjórtán milljónir króna í bætur þar sem meðferðarheimili þeirra hafi augljóslega fengið minna greitt frá ríkinu en önnur sambærileg heimili. Hann segir skarð fyrir skildi að samningi heimilisins við Barnaverndarstofu hafi verið sagt upp.

Góða skapið læknar

Það getur haft góð áhrif á heilsuna að vera í góðu skapi. Læknar og vísindamenn rannsaka nú í æ ríkari mæli tengsl skapferlis og líkamlegrar heilsu.

400 manna hverfi að rísa

Framkvæmdir við nýtt fjögur hundruð manna hverfi á Egilsstöðum hefjast um mánaðamótin. Fyrstu íbúðirnar verða tilbúnar næsta vor. Votihvammur, hverfið nýja er í nágranni Eyvindarár norðan núverandi byggðar á Egilsstöðum. Í hádeginu í dag voru undirritaðir samningar á milli Austur - Héraðs og Íslenskra aðalverktaka um byggingu þess.

Nýr línuhraðall tekinn í notkun

Nýr línuhraðall var tekinn í notkun á geislameðferðardeild krabbameinslækninga á Landspítala - háskólasjúkrahúsi í dag. Tækið kostar hundrað og sjötíu milljónir króna og bætir árangur við geislameðferð til muna.Um það bil fjörtíu leggjast í þennan línuhraðall á degi hverjum. Á síðasta ári fóru 450 sjúklingar rúmlega níu þúsund heimsóknir í forvera þessa tækis.

Fjölmiðlanefnd láti RÚV eiga sig

Ekki á að leita þverpólitískrar sáttar um breytingar á RÚV. Nýja fjölmiðlanefnd Þorgerðar Katrínar Gunnarsdóttur á að skoða stöðu RÚV í samhengi við aðra miðla en ekki gera tillögur um breytingar þar sem það sé verkefni stjórnarflokkanna einna. Nefndin á að gera tillögur um lagabreytingar á öðrum sviðum og er stefnt að sátt. Nánar í DV í dag.

Áræði og metnaður í alþjóðamálum

Á næstu fjórum árum munu íslensk stjórnvöld safna atkvæðum meðal aðildarríkja Sameinuðu þjóðanna vegna framboðs Íslands til setu í Öryggisráðinu. Verkefnið er í senn umfangsmikið og metnaðarfullt en óvíst er hvort markmiðið náist. Ávinningur Íslands af setu í ráðinu yrði mikill.</font /></b />

Væntir svara um ferðalög geðlækna

Jón Kristjánsson heilbrigðisráðherra segir boðsferðir lækna með lyfjafyrirtækjum vera varasamar, en hann telur læknum treystandi til að rugla ekki saman sölumennsku og þekkingaröflun. Hann segir eðlilegt að Jóhannes M. Gunnarsson, forstjóri Landspítalans, svari því nú í kjölfar umræðu hver staða þessar mála sé innan spítalans. Nánar í DV í dag.

Eftirlit með Rússaskipum stórhert

Landhelgisgæslan stóreykur eftirlit með rússnesku herskipunum. Háttsettur rússneskur herforningi segir "no comment" um hugsanlega bilun í Pétri Mikla. Rússneski hernaðarsérfæðingurinn Pavel Felgenhauer segir: "Guð hjálpi öllum ef eitthvað vesen er komið þarna upp." Ögmundur Jónasson segir skipin ógna öryggi okkar. Sjá DV í dag.