Eins og að vera boðið í Bítlana

Einar Már Guðmundsson hlýtur Norrænu bókmenntaverðlaun Sænsku akademíunnar í ár fyrir framlag sitt til bókmennta og verður þar með þriðji íslenski rithöfundurinn sem hlotnast sá heiður. Sjálfur líkir hann viðurkenningunni við að vera boðið í Bítlana.

Krefst rannsóknar á því hvernig DV fékk rannsóknargögn

Guðmundur St. Ragnarsson, héraðsdómslögmaður, fer fram á að ríkissaksóknari hefji opinbera rannsókn á því hvernig gögn í yfirstandandi sakamáli geti hafa borist fréttamiðlum DV.

Lýsti yfir sakleysi sínu

Sigurður Einarsson, fyrrverandi stjórnarformaður Kaupþings, lýsti yfir sakleysi sínu í dómsal í dag við fyrirtöku í Al Thani málinu. Hinir þrír sakborningarnir mættu ekki.

Segir stöðu Íslands frábrugðna stöðunni í öðrum Evrópuríkjum

Efnahags- og viðskiptaráðherra segir ríkissjóð spara milljarða í vaxtakostnað með því að hefja endurgreiðslur lána frá Alþjóðagjaldeyrissjóðnum á undan áætlun. Ísland sé í sérstöðu hvað varðar fjármögnun næstu árin samanborið við önnur Evrópuríki.

HH íhuga stofnun landssambands

Andrea J. Ólafsdóttir, formaður Hagsmunasamtaka heimilanna, var gestur í útvarpsþættinum Reykjavík síðdegis á Bylgjunni í dag. Hún ræddi þar um framtíðaráform samtakanna og baráttuna við verðtrygginguna.

Þóra stendur við umfjöllun Nýs lífs

"Ég stend við hvert orð í umfjöllun Nýs lífs um Jón Baldvin," segir Þóra Tómasdóttir, ritstjóri Nýs lífs, í fréttatilkynningu. Hún svarar þar gagnrýni Jóns Baldvins Hannibalssonar og Bryndísar Schram á umfjöllun Nýs lífs um bréfaskrift hans til Guðrúnar Harðardóttur.

Ekki hægt að útiloka að eldri gerðir af PIP fyllingum séu gallaðar

Samkvæmt nýjum upplýsingum sem frönsk yfirvöld hafa gefið út er ekki unnt að útiloka að PIP brjóstafyllingar sem framleiddar voru fyrir árið 2001 séu gallaðar. Íslensk heilbrigðisyfirvöld hafa því ákveðið að fyrra tilboð stjórnvalda um heilbrigðisþjónustu við konur með PIP brjóstafyllingar taki til allra kvenna sem fengið hafa slíkar fyllingar frá því að byrjað var að framleiða þær árið 1992.

George Clooney handtekinn

Stórleikarinn GeorgeClooney var handtekinn ásamt föður sínum fyrir utan sendiráð Súdans í Washington í Bandaríkjunum í dag. Honum, auk fjölmargra annarra mótmælenda, voru gefnar þrjár viðvaranir um að fara ekki inn fyrir lögregluborða fyrir framan sendiráðið. Clooney virti aðvaranirnar að vettugi og var því handtekinn fyrir borgaralega óhlýðni.

Hljóðupptökur úr Landsdómi verða gerðar opinberar

Samkvæmt ákvörðun Landsdóms og með samþykki málsaðila verður veittur aðgangur að hljóðritunum af munnlegum skýrslum ákærða og vitna, sem gefnar voru við aðalmeðferð málsins, svo og að hljóðritunum frá munnlegum flutningi þess. Þetta kemur fram í tilkynningu frá Landsdómi.

Spennandi að sjá hvernig þetta fer hjá Frökkunum

"Ég veit ekki hvað skal segja, það er auðvitað margt sniðugt við þetta hjá Frökkunum en þeir eru að bregðast við almennu ástandi í menningu sem hefur litið á það sem sjálfsagðan hlut að neyta áfengis daglega," segir Einar Magnús Magnússon, hjá Umferðarstofu, aðspurður hvort að það væri mögulegt fyrir Íslendinga að taka upp sömu lög og Frakkar gera þann 1. júlí næstkomandi. Þá verður öllum ökumönnum í landinu skylt að hafa áfengismæla í bílum sínum.

Geir segist feginn að málflutningi sé lokið

Geir H. Haarde segist feginn að málflutningi í Landsdómi sé lokið. Þetta kom fram þegar hann ávarpaði fréttamenn eftir að mál hans var lagt í dóm.

Aðalmeðferð gegn Geir lokið

Aðalmeðferð í máli Alþingis gegn Geir H. Haarde lauk klukkan hálfþrjú í dag. Markús Sigurbjörnsson, forseti Landsdóms, sagði þegar hann greindi frá því að málið yrði lagt í dóm að tilkynnt yrði um það með fyrirvara hvenær dómsuppsaga færi fram. Þetta er fyrsta málið sem ráðherra er ákærður fyrir brot á lögum um ráðherraábyrgð og dreginn fyrir Landsdóm. Um 40 vitni komu fyrir dóminn og tók aðalmeðferð um tvær vikur.

Sigurður Einarsson mætti fyrir dóm - lýsir yfir sakleysi sínu

Fyrirtaka í Al Thani málinu svokallaða fór fram fyrir stundu í Héraðsdómi Reykjavíkur. Sigurður Einarsson, fyrrverandi stjórnarformaður Kaupþings, mætti einn í dómssal. Hann lýsti sig saklausan af þeim ávirðingum sem á hann væru bornar, eins og hann orðaði það.

Rafmagn komið á að nýju

Samkvæmt upplýsingum frá Landsvirkjun er rafmagn komið á að nýju alls staðar í Kórahverfinu en rafmagn sló út rétt eftir klukkan hálf tvö í dag.

Andri: Ekki hægt að skipa mönnum í sjálfsmorð

„Það er ekki hægt að skipa mönnum í sjálfsmorð," sagði Andri Árnason, verjandi Geirs. H. Haarde, þegar hann ræddi lið 1.4 í ákæru gegn Geir. Andri sagði að sala eigna hafi verið afar torsótt í aðdraganda bankahrunsins. Brunaútsala hefði orðið svo mikið áfall fyrir efnahagsreikninga bankanna að það hefði orðið þeim að falli.

Skúla enn haldið sofandi - sýnir jákvæða svörun

Framkvæmdastjóri Lagastoða, sem var stunginn margsinnis í árás á skrifstofu lögmannsstofunnar fimmta mars síðastliðinn, liggur enn þungt haldinn á gjörgæsludeild Landspítalans í Fossvogi. Samkvæmt upplýsingum frá ættingja mannsins er honum haldið sofandi en sýnir jákvæða svörun og stefnt er að því að vekja hann hægt og rólega. Hann er þó ennþá talinn í lífshættu.

Verjandi Einars ekki fengið nein gögn um "Veiðileyfið“

Verjandi Einars "Boom“ Marteinssonar, forseta Hells Angels, segist engin gögn hafa fengið er varðar smáskilaboð frá Andreu "slæmu stelpu“ Unnarsdóttur, sem innihaldi meldingar um svokallað "veiðileyfi“.

Leikstjóri Kony 2012 handtekinn

Jason Russell, leikstjóri heimildarmyndarinnar Kony 2012 og einn af stofnendum Invisible Children hjálparsamtakanna, var handtekinn í San Diego í gær. Samkvæmt lögregluyfirvöldum var Russell færður í varðhald vegna ölvunar, skemmdarverka og sjálfsfróunar á almannafæri.

Blóðugur þjófur leitaði læknishjálpar eftir innbrot

Brotist var inn í tvö fyrirtæki í umdæmi Lögreglunnar á Suðurnesjum nú í vikunni. Í öðru tilvikinu var rúða fyrir ofan hurð brotin með því að kasta gangstéttarhellu í gegnum hana.

Spor í snjónum komu upp um þjóf

Lögreglan á Suðurnesjum handtók síðastliðna nótt karlmann sem grunaður er um að hafa brotist inn í sautján bíla í umdæminu, alla í sömu atrennunni. Lögregla fékk tilkynningu um að maður væri að reyna að komast inn í bíla á tilteknu svæði og fór þegar á staðinn. Ný spor í snjónum leiddu lögreglumenn að bíl einum og undir honum reyndist maður liggja í felum. Hann var handtekinn og færður á lögreglustöð. Viðurkenndi hann að hafa brotist inn í bíla á umræddu svæði. Hann hafði töluvert af smámynt upp úr krafsinu, en einnig fundust hjá honum munir sem grunur leikur á að séu þýfi. Lögreglan brýnir fyrir fólki að ganga vel og tryggilega frá bílum sínum, læsa þeim og láta ekki verðmæti liggja á glámbekk í þeim.

Andri: Bankamálin voru rædd í ríkisstjórn

Andri Árnason, verjandi Geirs H. Haarde, lauk málflutningi sínum fyrir Landsdómi nú rétt fyrir klukkan tvö í dag.

Nýtt samkomulag um framtíðaruppbyggingu Landspítala og Háskóla

Jón Gnarr, borgarstjóri, Oddný G. Harðardóttir, fjármálaráðherra og Guðbjartur Hannesson, velferðarráðherra undirrituðu í dag samkomulag um lóðir og skipulagsmál í tengslum við framtíðaruppbyggingu Landspítala Háskólasjúkrahúss og Háskóla Íslands norðan Hringbrautar.

Rafmagnslaust í Kópavogi - unnið að viðgerð

Rafmagnslaust varð í stórum hluta Kórahverfisins í Kópavogi vegna háspennubilunar skömmu fyrir klukkan hálf tvö í dag. Vinnuflokkar Orkuveitu Reykjavíkur vinna að viðgerð og vonast er til að rafmagn komist á að nýju innan stundar

Jóhanna sendir samúðarkveðjur til Belgíu

Forsætisráðherra sendi í gær forsætisráðherra Belgíu, Elio Di Rupo, samúðarkveðjur til belgísku þjóðarinnar, fjölskyldna og aðstandenda þeirra sem fórust í hörmulegu rútuslysi í Sviss á þriðjudag.

Allir með áfengismæli í bílnum

Frönsk stjórnvöld hafa samþykkt lög þess efnis að öndunarmælir sem mælir áfengismagn í blóði ökumanna skuli vera í öllum vélknúnum ökutækjum, sem eru í umferð þar í landi frá og með 1. júlí næstkomandi. Bæði í bílum og bifhjólum.

Offita barna tengist aðstæðum í móðurkviði

Vísindamenn hafa fundið tengsl á milli aðstæðna fóstra í móðurkviði og offitu barna. Ástæðan fyrir breytingum á fósturvísum við fæðingu getur verið mataræði móðurinnar, mengun sem hún hefur andað að sér eða streita. Í rannsókn vísindamanna við háskólann í Newcastle voru þessar breytingar tengdar við aukna líkamsþyngd níu ára barna.

48 keppa í Músíktilraunum

Alls keppa 48 hljómsveitir á Músíktilraunum 2012 sem standa yfir í Austurbæ frá 23. til 31. mars. Mikill áhugi var á keppninni í ár og sóttu tæplega sextíu hljómsveitir um þátttöku.

Einar Már fær "litla Nóbelinn“

Í morgun tilkynnti Sænska akademían að Einar Már Guðmundsson fái Norrænu bókmenntaverðlaunin í ár fyrir framlag sitt til bókmennta. Einar Már mun veita verðlaununum viðtöku í Stokkhólmi 11. apríl nk. Norræn bókmenntaverðlaun Sænsku akademíunnar hafa verið veitt árlega frá 1986.

Buster fann 600 grömm af grasi

Lögreglumenn á Selfossi lögðu hald á 600 grömm af kannabis í húsleit á Selfossi á miðvikudag. Í tilkynningu frá lögreglu segir að grunur hafi verið uppi um að í húsinu væri stunduð kannabisræktun. Því var fíkniefnahundurinn Buster sendur á vettvang og gaf hann vísbendingu um að í húsinu væru fíkniefni.

Beint tjón ríkisins á ábyrgð Seðlabankans

Eina beina tjónið sem ríkið hlaut af bankahruninu má rekja til Seðlabankans, en ekki til Geirs H. Haarde forsætisráðherra. Þetta sagði Andri Árnason, verjandi Geirs, fyrir Landsdómi í morgun.

Fundu mikið magn af vopnum og sprengiefni í Kaupmannahöfn

Lögreglan í Kaupmannahöfn hefur fundið mikið magn af vopnum og sprengiefni í kjallaraíbúð á Austurbrú.

Andri: Sönnunarbyrðinni snúið við

Rannsóknarnefnd Alþingis kannaði ekkert hvort aðgerðir, eins og selja eignir bankanna hafi verið raunhæfar. Ekki var heldur kannað hvaða áhrif slíkar aðgerðir myndu hafa á orðspor eða eiginfjárstöðu bankanna. Þetta sagði Andri Árnason, verjandi Geirs Haarde, í málflutningi sínum sem hófst fyrir Landsdómi í morgun.

Bryndís Schram: Hef ekki búið með barnaníðing í hálfa öld

"Að halda því fram fullum fetum, að ég hafi búið í meira en hálfa öld með barnaníðing mér við hlið (líklega án þess að hafa hugmynd um það – eða hvað?) er ekki bara lítilsvirðing við mig. Það er bull og þvaður. Hreint út sagt – uppspuni.“

Andri: Ákæruatriðin falla ekki undir forsætisráðherra

Fjármálaeftirlitið, bankarnir og tryggingasjóður innistæðueigenda heyrðu undir viðskiptaráðuneytið en ekki forsætisráðherra, sagði Andri Árnason, verjandi Geirs H. Haarde, fyrir Landsdómi í morgun. Hann hóf málflutning sinn fyrir dómnum klukkan níu í morgun en Sigríður Friðjónsdóttir lauk málflutningi sínum í gær. Andri sagði að það væri því byggt á því af hálfu ákærða, að ákæruatriðin falli alls ekki undir forsætisráðherra.

Þúsundir flýja til Tyrklands

Yfir þúsund flóttamenn hafa komið til Tyrklands frá Sýrlandi undanfarinn sólarhring. Verið er að setja upp nýjar flóttamannabúðir fyrir ört vaxandi fjölda Sýrlendinga við landamærin.

Þór úr viðgerð í byrjun apríl

Viðgerðir Rolls Royce á vélum varðskipsins Þórs eru á áætlun, að því er fram kemur á vef Landhelgisgæslunnar. Skipið er í viðgerð í Noregi.

Stefna að opnun fjögurra nýrra kafla

Stefnt er að því að opna fjóra nýja samningskafla í aðildarviðræðum Íslands og ESB á ríkjaráðstefnu í lok mánaðarins. Þar verður einnig leitast við að loka sem flestum köflum. Þá munu viðræður í lykilköflum, til dæmis fiskveiðum og landbúnaði, hefjast í ár. Þegar hafa ellefu kaflar af 35 verið opnaðir og átta þeirra hefur þegar verið lokað.

Segir rétt staðið að brottvikningu

Aðalsteinn Leifsson, stjórnarformaður Fjármálaeftirlitsins, segir að rétt hafi verið staðið að brottvikningu Gunnars Þ. Andersen úr starfi forstjóra FME. Þetta kom fram í viðtali við hann í Kastljósi í gærkvöldi.

Stálu fimm stórum tölvuskjám úr verslun í nótt

Þjófur, eða þjófar stálu fimm 27 tommu tölvuskjám úr verslun við Síðumúla á þriðja tímanum í nótt og komust undan.

Fimm afbrotamenn kærðu gæsluvarðhald til Hæstaréttar

Fimm af sex afbrotamönnum, sem voru úrskurðaðir í gæsluvarðhald í gær, hafa kært úrskurðina til Hæstaréttar.

Þjóðarsorg í Belgíu í dag

Þjóðarsorg hefur verið lýst yfir í Belgíu í dag vegna rútuslyssins í Sviss sem kostaði 22 börn og sex fullorðna lífið.

Skandia byrjað að dæla sandi úr Landeyjahöfn

Dæluskipið Skandia byrjaði í gær að dæla sandi frá mynni Landeyjahafnar, eftir viðamiklar viðgerðir á skipinu efitir að það lenti utan í hafnargarði í höfninni fyrir nokkrum vikum og laskaðist.

Norður Kórea ætlar að skjóta gervihnetti á braut um jörðu

Norður Kóreumenn hafa ákveðið að skjóta á loft geimflaug með gervihnetti um borð til að fagna 100 ára afmæli Kim Il-Sung fyrrum leiðtoga landsins í næsta mánuði.

Tjaldurinn kominn til Vestmannaeyja

Tjaldurinn er kominn til Vestmannaeyja, aðeins seinna en vant er. Jóhann Guðjónsson fyrrverandi starfsmaður hafnarinnar, sem fylgst hefur með fulgalífinu í Eyjum í áratugi, staðhæfir vð Eyjafréttir að þetta séu fuglar, sem ekki hafi vetursetu hér, og þeir séu því ótvíræðir vorboðar.

Sagði Geir sekan um alvarlega vanrækslu

Brot Geirs H. Haarde á ráðherraábyrgð í aðdraganda hrunsins telst alvarlegt og viðurlög allt að tveggja ára fangelsi, sagði saksóknari í málflutningi sínum í gær. Hún sagði Geir hafa sýnt alvarlega vanrækslu á skyldum sínum sem forsætisráðherra. Málflutningur heldur áfram í dag þegar verjandi Geirs á sviðið.