Rúmlega 61% á móti því að ríkið greiði listamannalaun

Um 61,4% eru frekar eða mjög andvígir því að ríkið greiði listamannalaun, samkvæmt niðurstöðum nýrrar skoðanakönnunar MMR.

Stýrivextir lækka of hægt

Jón Steindór Valdimarsson, framkvæmdastjóri Samtaka iðnaðarins, segir að stýrivextir lækki of hægt. Peningastefnunefnd Seðlabanka Íslands hefur ákveðið að lækka vexti bankans um hálf prósentur. Stýrivextir eru nú níu prósent.

Helltu blóði fyrir utan heimili forsætisráðherrans

Rauðklæddir stjórnarandstæðingar í Tælandi helltu sínu eigin blóði fyrir utan heimili Abhisit Vejajjiva, forsætisráðherra landsins, í nótt. Forsætisráðherrann og fjölskylda hans voru að heiman.

Tilkynntu óvart að hundrað farþegar væru dauðir

Fyrir mistök fór tilkynning um mannskætt lestarslys á heimasíðu franska lestarfyrirtækisins SNCF í gær. Yfir hundrað farþegar voru sagðir látnir og á fjórða hundrað slasaðir eftir mikla sprengingu í hraðlest sem fer á milli París og borgarinnar Dijon.

Haítí þarf 11,5 milljarða dollara

Áætlanir stjórnvalda á Haítí miðast við að landið þurfi 11,5 milljarða Bandaríkjadollara til að byggja upp innviði landsins eftir jarðskjálftann sem reið yfir fyrir rúmum tveimur mánuðum.

Grunur um íkveikju í Sandgerði

Grunur leikur á að kveikt hafi verið í gömlu fiskimjölsverksmiðjunni í Sandgerði í nótt og logaði þar talsverður eldur þegar slökkvilið Sandgerðis kom á vettvang. Óskað var eftir liðsstyrk frá stöðinni í Keflavík, sem sendi mannskap og tvo bíla.

Skýrsla um eða eftir páskana

Stjórnsýsla Skýrslu rannsóknarnefndar Alþingis er að vænta um eða eftir páska, samkvæmt heimildum Fréttablaðsins.

Leiðtogi talibana átti í viðræðum við bróður Karzai

Mullah Abdul Ghani Baradar, háttsettur leiðtogi talibana sem handtekinn var um miðjan síðasta mánuð, er sagður hafa átt í leynilegum viðræðum við bróður Hamid Karzai, forseta Afganistans, skömmu fyrir handtökuna. Karzai hefur boðað til friðarráðstefnu í Kabúl í vor þar sem sett verður fram áætlun um aðlögun talibana að samfélaginu.

Barnaníðingur borgaði foreldrum fórnarlambs fyrir að þegja

Foreldrar fjögurra ára bresks drengs hafa verið harðlega gagnrýndir eftir að upp komst að fertugur kennari sem misnotaði son þeirra kynferðislega nokkrum sinnum borgaði þeim fyrir að þegja í stað þess að fara til lögreglunnar. Upp komst um málið þegar drengurinn sem nú er átta ára sagði frá því misnotkuninni.

Óvenjumörg sjúkraflug flogin frá Akureyri til Reykjavíkur

Sjúkraflugvél flutti sjúkling frá Akureyri til Reykjavíkur í gær, sem er daglegur viðburður, en óvenju mörg sjúkraflug voru flogin í síðustu viku, eða samtals þrettán. Þar af um helmingur, vegna neyðartilvika.

Fanginn sem reyndi sjálfsvíg tekinn af lífi

Aftaka bandarísks fanga sem fannst meðvitundarlaus í klefa sínum í Ohio í síðustu viku skömmu áður en yfirvöld hugðust taka hann af lífi með eitursprautu fór fram í gær. Maðurinn sem var dæmdur fyrir að myrða nágranna sinn fyrir 16 árum reyndist hafa gleypt banvænan skammt af lyfjum og var þeim dælt upp úr honum. Fresta varð aftökunni í viku svo hann næði heilsu á ný.

Tuttugu einkaherþotur undirbúa lendingu á Miðnesheiði

Íslensk stjórnvöld hafa dregið að taka pólitíska ákvörðun um að skrá hér á landi um tuttugu flugvélar hollensk/bandaríska fyrirtækisins E.C.A. Programs, segir Melville ten Cate, forstjóri hollenska fyrirtækisins E.C.A. Programs.

Bankastjóri Landsbankans fær minnst

Birna Einarsdóttir, bankastjóri Íslandsbanka, og Finnur Sveinbjörnsson, bankastjóri Arion banka, eru bæði með rúmar 1,7 milljónir króna í laun á mánuði en Ásmundur Stefánsson, bankastjóri Landsbankans, með rúma 1,1 milljón krónur, samkvæmt upplýsingum Fréttablaðsins.

Blix aðstoði við rannsóknina

Steinunn Valdís Óskarsdóttir vinnur nú að því að fá Hans Blix til landsins til skrafs og ráðagerða vegna rannsóknar á stuðningi Íslendinga við innrásina í Írak. Steinunn er fyrsti flutningsmaður þingsályktunartillögu um rannsóknina. Tillagan er enn í nefnd, en er væntanlega þaðan á næstunni. Þingmenn allra flokka nema Sjálfstæðisflokksins styðja hana.

Deila um viðræðugrundvöll

Enn hafa engir fundir verið haldnir á milli íslensku samninganefndarinnar um Icesave og Breta og Hollendinga. Steingrímur J. Sigfússon fjármálaráðherra segir að erfiðlega hafi gengið að afmarka grundvöllinn fyrir áframhaldandi viðræðum. Ekki standi á Íslendingum.

Útlit á göngum stöðvarinnar verði óbreytt

„Fyrstu athuganir á mögulegum breytingum á húsnæðinu og kostnaði benda til að þær eru innan þeirra marka að áhugi er fyrir hendi að láta reyna á þessar hugmyndir um hótelrekstur í húsnæðinu,“ segir Sigurður Hallgrímsson arkitekt í bréfi sem hann sendir fyrir hönd Icelandair Hotels til borgaryfirvalda um Heilsuverndarstöðina á Barónsstíg.

Breytti áætlun vegna snjóleysis

„Það lá alltaf fyrir að það myndi ráðast af snjólögum hversu langt ég kæmist,“ segir Einar Stefánsson, sem kom til byggða í gærkvöldi eftir fimmtán daga á hálendinu. Hann lagði upp frá Öxi á Austurlandi og ætlaði á þremur vikum að fara á gönguskíðum yfir Ísland endilangt og enda för sína í Hrafnsfirði á Vestfjörðum.

Mitchell frestar för til Ísraels

Deilur Ísraela og Bandaríkjastjórnar harðna dag frá degi. Í gær ákvað George Mitchell, sérlegur fulltrúi Bandaríkjanna í málefnum Mið-Austurlanda, að fresta ferð sinni til Ísraels.

Spyr um bónuskerfi bankanna

Lilja Mósesdóttir, formaður viðskiptanefndar Alþingis, hyggst kalla fulltrúa bankanna og bankasýslu ríkisins á fund nefndarinnar til að spyrja þá út í hugmyndir sem uppi eru innan bankanna um að taka á ný upp bónuskerfi. Þá mun hún einnig lýsa skoðun nefndarinnar á málinu.

Ólík viðbrögð við vanskilum

Sveitarfélögin á höfuðborgarsvæðinu hafa mjög mismunandi hátt á varðandi það hvernig þau nýta þjónustu innheimtufyrirtækja til að sækja vangoldna skatta og gjöld til íbúa sinna.

Stöðva enn nýsmíði Hrafns í Laugarnesi

Framkvæmdir við ný mannvirki á og við lóð Hrafns Gunnlaugssonar, kvikmyndaleikstjóra í Laugarnesi, hafa verið stöðvaðar. Starfsmaður byggingarfulltrúans í Reykjavík fór í vettvangskönnun í Laugarnesið um miðjan febrúar eftir að athugasemd barst embættinu um að hús hefði verið steypt upp í fjöruborðinu neðan við hús Hrafns í Laugarnestanga 65.

Bretum gert að skera enn meira niður

Framkvæmdastjórn Evrópusambandsins segir að Bretar verði að standa sig betur við niðurskurð fjárlaga, eigi þeim að takast að ná nauðsynlegum tökum á fjárlagahallanum.

Engar skattahækkanir áætlaðar í þriggja ára áætlun borgarinnar

Engar skattahækkanir eru áætlaðar í þriggja ára áætlun borgarstjórnar sem meirihluti Framsóknarflokks og Sjálfstæðisflokks samþykktu á borgarstjórnarfundi í dag. Þá segir í tilkynningu frá borgarstjórn að hvorki er gert ráð fyrir hækkun útsvars né fasteignaskatta en haldið verður uppi atvinnustigi eins og kostur er í höfuðborginni.

Bjóða ferðamönnum upp á selaskoðun

Selaskoðun af sjó er það nýjasta í ferðaþjónustu. Tveir menn á Hvammstanga bregðast við verkefnaskorti með því að breyta gömlum rækjubáti í selaskoðunarbát.

Fundað vegna Icesave á þriðjudaginn

Fulltrúar í utanríkismálanefnd Alþingis munu að öllum líkindum eiga fund um Icesave með utanríkismálanefnd breska þingsins í Lundúnum á þriðjudag í næstu viku. Árni Þór Sigurðsson formaður nefndarinnar staðfesti þetta við fréttastofu í dag.

Bótasvikasveit sparar ríkinu á fjórða hundrað milljónir

Hópur sem vinnur að því að uppræta bótasvik sparaði Vinnumálastofnun útgjöld sem nema á fjórða hundrað milljónum króna á um 3 mánaða tímabili. Tugir mála vegna ofgreiddra bóta verða sendir til innheimtu á næstu vikum.

Vilja mansalsathvarf

Unnið er að því að koma á fót svo kölluðum mansalsathvörfum þar sem hægt að er vernda fórnarlömb skipulagðrar glæpstarfsemi. Hildur Jónsdóttir, formaður samhæfingarhóps gegn mansali, segir afar brýnt að koma hugsanlegum fórnarlömbum í öruggt skjól.

Tók tíu mínútur að segja þvert nei - flugumferðastjórar harðorðir

Flugumferðastjórar eru harðorðir í yfirlýsingu sem þeir sendu frá sér. Þar segir að það hafi tekið Samtök atvinnulífsins og ríkisins heilar tíu mínútur að meta nýtt tilboð frá flugumferðastjórum. Og svarið var þvert nei.

28 lögaðilar grunaðir um brot á gjaldeyrisviðskiptum

Alls hafa 28 málum lögaðila, sem grunaðir eru um brot á gjaldeyrislögum, verið vísað til Fjármálaeftirlitsins samkvæmt Gylfa Magnússyni, viðskiptaráðherra.

Tiger snýr aftur í golfið

Tiger Woods hefur tilkynnt að hann ætli að byrja aftur að spila golf og muni taka þátt í US Masters keppninni í apríl.

Mottuvefurinn hrundi vegna álags

Fyrir helgi hrundi vefurinn karlmennogkrabbamein.is vegna gríðarlegs álags og þurfti að flytja hann á nýjan vefþjón sem hannaður er fyrir stærri vefi. Ástæðan var einfaldlega þær miklu vinsældir sem átakið nýtur en það sem af er mánaðar hefur vefurinn fengið yfir milljón flettingar.

Enn skelfur í Eyjafjallajökli

Enn skelfur undir Eyjafjallajökli en skjálftarnir eru ekki stórir. Þar hafa mælst 30 til 40 skjálftar á klukkustund og var sá snarpasti 2,4 á Richter. Flestir voru þó um og innan við tveir á Richter. Upptök skjálftanna eru á stærra svæði en áður.

Flugvél nefnd eftir Alfreð Elíassyni

Þess var minnst með athöfn á Reykjavíkurflugvelli síðdegis að Alfreð Elíasson, stofnandi Loftleiða, hefði orðið níræður í dag. Flugakademía Keilis heiðraði minningu Alfreðs með því að nefna flaggskip flugflota síns eftir honum en það var Kristjana Milla Thorsteinsson, ekkja Alfreðs, sem afhjúpaði nafnið. Meðal viðstaddra voru samgönguráðherra, gamlir Loftleiðamenn, fjölskylda Alfreðs og helstu forystumenn íslenskra flugmála.

Arion banki gerir samstarfssamning um fjármálalæsi

Arion banki hefur gert samstarfs- og styrktarsamning við Stofnun um fjármálalæsi við Háskólann í Reykjavík til þess að stuðla að betra fjármálalæsi almennings.

Allar greinar smábátaútgerðanna með í úttekt

Jón Bjarnason, sjávarútvegs- og landbúnaðarráðherra hélt fund í morgun með Arthuri Bogasyni, formanni Landssambands smábátaeigenda ásamt Sjöfn Sigurgísladóttur, forstjóra Matís ohf. og Sigurjóni Arasyni, verkfræðingi Matís ohf. Þar varð samkomulag um að Matís ohf. ynni greiningu á nýtingar- og gæðamálum smábátaútgerðanna í samvinnu við Landsamband smábátaeigenda. Markmiðið er skýrt og það er að komið sé með allan afla að landi og jafnframt að ná fram hámarks nýtingu og gæðum hráefnisins að öðru leyti, að fram kemur í fréttatilkynning frá sjávarútvegs- og landbúnaðarráðuneytinu.

Úthelltu eigin blóði

Tugþúsundir Tailendinga úthelltu blóði sínu fyrir málstaðinn í dag, í orðsins fyllstu merkingu.

Þjóðverjarnir eru komnir

Það tókst ekki í fyrri heimsstyrjöldinni og það tókst ekki í síðari heimsstyrjöldinni. En í dag stjórna Þjóðverjar öllum helstu bílaverksmiðjum Bretlands.

Dagur: Ráðhúsið orðið eitt helsta vígi frjálshyggjunnar

Ráðhús Reykjavíkur er orðið eitt helsta vígi frjálshyggjunnar eftir hrun, að mati Dags B. Eggertsson oddvita Samfylkingarinnar í borgarstjórn. Hann segir að í þriggja ára áætlun Reykjavíkurborgar sé gert ráð fyrir að 11% atvinnuleysi haldist óbreytt til 2013 og að athygli veki að borgastjóri boði engin viðbrögð heldur einungis 70% niðurskurði í framkvæmdum borgarinnar næstu þrjú árin.

Þrír teknir undir áhrifum fíkniefna

Um helgina voru þrír ökumenn teknir á höfuðborgarsvæðinu fyrir að aka undir áhrifum fíkniefna. Þetta voru allt karlar, 19-35 ára, en í bíl eins þeirra fundust fíkniefni. Einn þessara ökumanna hafði þegar verið sviptir ökuleyfi.

Forystumenn bankanna kallaðir á fund vegna bónuskerfa

Lilja Mósesdóttir, þingmaður VG og formaður viðskiptanefndar, ætlar að boða fulltrúa bankanna á fund viðskiptanefndar til að ræða hugmyndir um bónusgreiðslur til bankastarfsmanna. Lilja sagði á þingfundi í dag að ótímabært væri að innleiða slíkt kerfi á nýjan leik.

Ég SAGÐI þér að fara í sætið þitt

Samtök flugfreyja og flugþjóna í Bandaríkjunum vilja að bardagalist sé bætt inn á kennsluskrá þeirra svo þau geti tekist á við hryðjuverkamenn og óróaseggi ef því er að skipta.

Brýnt að aðskilja sýslumenn og lögreglu

Ragna Árnadóttir, dómsmálaráðherra, telur brýnt að lögregluumdæmum verði fækkað og að þau verði skilin frá embættum sýslumanna. Þetta kom fram í máli ráðherrans í utandagskrárumræðu á Alþingi í dag um þjónustu- og öryggisstig löggæslu á Íslandi.

Eitt best heppnaða listaverkaránið

Eitt dularfyllsta og best heppnaða listaverkarán sem sögur fara af er ennþá óupplýst tuttugu árum eftir að það var framið.

Landið verði eitt kjördæmi

Nítján þingmenn úr öllum flokkum, utan Sjálfstæðisflokksins, hafa lagt fram frumvarp til stjórnskipunarlaga um að landið verði gert að einu kjördæmi. Fyrsti flutningsmaður er Björgvin G. Sigurðsson, formaður þingflokks Samfylkingarinnar. Frumvarpinu verður dreift á Alþingi í dag og mælt fyrir því í á næstu dögum, að fram kemur í tilkynningu.

Vorþokan er komin í Hong Kong

Það er farið að vora víða um heim. Meðal annars í Hong Kong. En þótt menn heilsi vorinu þar fagnandi fylgja því oft nokkur óþægingi.