Ný gögn um Drekasvæðið gefa meiri vonir um olíu

Ný rannsóknargögn um Drekasvæðið, sem norskt fyrirtæki hefur unnið, gefa meiri vonir um olíu undan ströndum Íslands. Milli tíu og tuttugu olíufyrirtæki hafa sýnt áhuga á að bjóða í olíuleitina.

Borgin vill endurkoðun á leigusamningi vegna Höfðatorgs

Framkvæmda- og eignaráð Reykjavíkurborgar samþykkti í dag tillögu fulltrúa Vinstri grænna og Samfylkingarinnar um að óska eftir viðræðum við Höfðatorg um endurskoðun á leigusamningi vegna húseignarinnar við

Vilja afgreiða seðlabankafrumvarpið fyrir komu AGS

Ríkisstjórnarflokkarnir leggja mikla áherslu á að frumvarp um breytingar á Seðlabankanum verði að lögum áður en að sendinefnd á vegum Alþjóðagjaldeyrissjóðsins kemur til landsins á fimmtudaginn til að fara yfir efnahagsáætlun sjóðsins og íslenskra stjórnvalda.

Fimmtán ára fékk fangelsisdóm fyrir líkamsárás

Fimmtán ára piltur var, í Héraðsdómi Suðurlands í dag, dæmdur í skilorðsbundið fangelsi fyrir að hafa veist að átján ára gömlum pilt þann 13. nóvember 2007 Á Selfossi. Hinn ákærði var sakaður um að hafa slegið piltinn nokkrum hnefahöggum í andlitið, með þeim afleiðingum að Stefán vankaðist og hlaut eymsli og bólgur. Hinn ákærði játaði brot sitt og var dæmdur í mánaðarlangt skilorðsbundið fangelsi. Hann gaf þá skýringu á hegðun sinni að sá sem hann réðst á hefði áreitt sig.

Fjögur og hálft ár fyrir að nauðga og lemja barnsmóður sína

Karlmaður var dæmdur í fjögurra og hálfs árs fangelsi í Héraðsdómi Suðurlands í morgun fyrir nauðgun og hrottalega líkamsárás gagnvart barnsmóður sinni. Honum var einnig gert að greiða miskabætur að upphæð 1.200.000 krónur. Árásin var nokkuð harkaleg og var tekið tillit til þess í dómnum en konan hlaut mikla áverka.

FÉSTA frystir leiguverð á stúdentaíbúðum

Næstu þrjá mánuði mun leiga íbúða hjá Félagsstofnun stúdenta á Akureyri, FÉSTA, ekki hækka samkvæmt vísitölu neysluverðs. Eftir þann tíma verður farið yfir stöðuna á ný. Þetta var niðurstaða stjórnar FÉSTA sem fundaði um ástandið á leigumarkaðnum.

Ríkisvaldið ræðst að eignaréttinum með siðlausum kröfum

„Þjóðlendumálið er einn angi græðgisvæðingar sem á endanum leiddi mikla ógæfu yfir þjóðina. Ríkisvaldið réðst að sjálfum eignarréttinum, einum af hornsteinum samfélagsins með öfgafullum og siðlausum kröfum án þess að spyrja um afleiðingar og herkostnað.

Karpað um störf þingsins

Þingmenn Sjálfstæðisflokksins gagnrýndu ríkisstjórnarflokkanna og fundarstjórn Guðbjarts Hannessonar, forseta Alþingis, harðlega þegar þingfundur hófst klukkan hálf sex. Þingfundi hafði þá þrívegis verið frestað.

400 óku of hratt eftir Hringbraut

Hraðakstursbrot 396 ökumanna voru mynduð á gatnamótum Hringbrautar og Njarðargötu á miðvikudag og fimmtudag. Fylgst var með ökutækjum sem ekið var Hringbraut í vestur og yfir fyrrnefnd gatnamót.

Borgarahreyfingin hyggur á þingframboð

Nýtt stjórnmálaafl, Borgarahreyfingin, hefur verið stofnað. Hreyfingin er sprottin upp úr bandalagi fólks úr ýmsum grasrótarsamtökum. Formaður var kjörinn Herbert Sveinbjörnsson.

Siðareglur í borginni: Beðið eftir Framsókn

Beðið er eftir afstöðu Framsóknarflokksins svo hægt sé að samþykkja siðareglur hjá Reykjavíkurborg, segir Dagur B. Eggertsson oddviti Samfylkingarinnar í borgarstjórn. Samkvæmt þeim eiga kjörnir fulltrúar að forðast hagsmunaárekstra og gæta þess að fara ekki út fyrir umboð sitt í störfum sínum.

Pólverji úrskurðaður í farbann

Karl á þrítugsaldri hefur verið úrskurðaður í farbann til 19. mars að kröfu lögreglunnar á höfuðborgarsvæðinu. Maðurinn, sem var handtekinn í byrjun mánaðarins og sat í gæsluvarðhaldi um tíma, er grunaður um aðild að innflutningi fíkniefna.

Vill aðstoða fyrirtæki í verslun með vaxtalækkun

Ásta Möller, þingmaður Sjálfstæðisflokksins, telur að aðstoða eigi fyrirtæki í verslun með vaxtalækkun. Núverandi vaxtastig leiki fyrirtækin illa.

Klósettnauðgarinn handtekinn í Póllandi

Robert Dariusz Sobiecki, sem lögreglan á höfuðborgarsvæðinu lýsti eftir í desember, hefur verið handtekinn í Póllandi. Unnið er að því að hann afpláni refsingu sína þar ytra.

Seðlabankafrumvarp verði eins gott og mögulegt er

„Það er enginn klofningur í flokknum. Við höfum verið mjög samstíga í þessu máli en eftir að hafa hlustað á sérfræðinginn í morgun þá mat ég það þannig að það væri tíðinda að vænta í þessari skýrslu sem snýst einmitt um þau mál sem við erum að ræða.“ Höskuldur Þórhallsson þingmaður Framsóknarflokksins.

Samfylkingin með netprófkjör í Norðvesturkjördæmi

Á kjördæmisþingi Samfylkingarinnar í Norðvesturkjördæmi sem haldið var á laugardaginn í Menntaskólanum í Borgarnesi var ákveðið að velja í sex efstu sætin á framboðslista flokksins í komandi alþingiskosningum með netprófkjöri 6. til 8. mars.

Umferðaróhöppum fækkaði árið 2008

Eftir nokkurra ára stöðuga fjölgun umferðaróhappa fækkaði tjónum í umferðinni í fyrra um 5% samkvæmt samantekt Forvarnahússins. Slysum á fólki í umferðinni fækkaði mun meira eða um 14,2%. Á sama tíma fjölgaði ökutækjum um 1.25% samkvæmt tölum Umferðarstofu úr rúmlega 240 þúsund í rúmlega 243 þúsund.

Vilja vopnasölubann til Ísrael og Palestínu

Alþjóðlegu mannréttindarsamtökin, Amnesty International, vilja að Sameinuðu þjóðirnar setji á vopnasölubann til Ísrael og Palestínu. Samtökin saka Hamasliða og Ísraelsmenn um notkun vopna sem beinast fyrst og fremst að saklausum borgurum.

Útskýrir milljónir með skattsvikum og fölsuðum miðum

Í morgun fór fram aðalmeðferð í máli Þorsteins Kragh og hollendingsins Jacob Van Hinte sem ákærðir eru fyrir fíkniefnainnflutning með Norrænu. Í húsbíl sem Jacob kom á hingað til lands fundust um 200 kg af kannabisefnum auk 1 ½ kg af kókaíni. Hollendingurinn bendlaði Þorstein við málið í upphafi en eftir að þeir hittust á Litla-Hrauni dró hann framburð sinn til baka og segir Þorstein ekkert hafa komið nálægt málinu. Fram kom að tæpar 80 milljónir voru inni á bankareikningum Þorsteins sem hann sagði tilkomnar vegna skota undan skatti og í tengslum við miða sem hann hafi falsað á tónleika sem hann hafi haldið í gegnum tíðina.

Steingrímur les úr Passíusálmunum

Fimmta árið í röð lesa alþingismenn og ráðherrar úr Passíusálmunum í Grafarvogskirkju alla virka daga föstunnar. Hver lestur hefst klukkan 18 og tengist stuttri helgistund í kirkjunni, sem tekur um fimmtán mínútur. Fastan hefst á morgun þriðjudag og af því tilefni mun Steingrímur J. Sigfússon, fjármálaráðherra, lesa úr sálmunum.

Stolnu fjórhjólin fundin

Lögreglan á Suðurnesjum hefur fundið þrjú fjórhjól, sem grunur leikur á að séu úr fjórhjólaflotanum , sem stolið var af hjólaleigu í Grindavík í síðustu viku. Þá var fimm gulum fjórhjólum af gerðinnni Can-am stolið, ásamt göllum, hjálmum og ýmsum búnaði.

Kærir ummæli um Íslandssetrið

Forstöðumaður Íslandssetursins í Danmörku ætlar að kæra íslensk hjón sem sögðu farir sínar ekki sléttar í samskiptum sínum við setrið.

Endurreisnarnefndin skilar skýrslu á landsfundi

Endurreisnarnefnd Sjálfstæðisflokksins hefur verið að störfum í um þrjár vikur. Fram kemur í tilkynningu að nefndinni er ætlað að leggja fram hugmyndir og tillögur fyrir flokkinn í því mikla starfi sem framundan er við að byggja upp efnahag landsins og atvinnulíf. Niðurstaða nefndarinnar verður lögð fram í formi skýrslu og kynnt á landsfundi flokksins í lok mars.

Framsóknarmenn klofnir í Seðlabankamáli

Viðskiptanefnd náði ekki ljúka umfjöllun sinni um Seðlabankafrumvarpið á fundi sínum í morgun en til stóð að þriðja umræða um málið hæfist í dag. Fulltrúar Framsóknarflokksins í nefndinni, þeir Birkir Jón Jónsson og Höskuldur Þórhallsson, klofnuðu í afstöðu sinni. Birkir Jón greiddi atkvæði með tillögu ríkisstjórnarflokkanna um að afgreiða málið úr nefnd en það gerði Höskuldur ekki.

Tugir sækja um í samgönguráðuneytinu

Samgönguráðuneytinu barst alls 124 umsóknir um stöður tveggja skrifstofustjóra í ráðuneytinu en umsóknarfrestur rann út í seinustu helgi. Alls bárust 65 umsóknir um stöðu skrifstofustjóra samskiptaskrifstofu og 59 umsóknir um stöðu skrifstofustjóra samgönguskrifstofu. Allmargir sóttu um báðar stöðurnar.

Undrast tal um að seinka kosningum

Einar K. Guðfinsson, þingmaður Sjálfstæðisflokksins, undrast yfirlýsingar forystumanna ríkisstjórnarinnar að hugsanlega eigi að seinka kjördegi og kjósa til þings á öðrum degi en áður hefur verið rætt um. Að hans mati er þetta sérkennilegt í ljósi þess að Samfylkingin hafi lagt á það áherslu að flýta kosningum í síðustu ríkisstjórn og Vinstri grænir hafi lagt ofuráheerslu að kosningar yrðu sem fyrst.

Björk sækist eftir endurkjöri

Björk Guðjónsdóttir, alþingismaður, hefur ákveðið að bjóða sig fram í prófkjöri Sjálfstæðisflokksins í Suðurkjördæmi. Hún sækist eftir 2. sæti á listanum og óskar eftir stuðningi í prófkjörinu sem fram fer 14. mars.

Þóra sækist eftir 2-3. sæti Samfylkingarinnar í Suðurkjördæmi

Þóra Þórarinsdóttir fyrrverandi ritstjóri fréttablaðsins Gluggans á Suðurlandi hefur ákveðið að gefa kost á sér í 2.-3. sæti á lista Samfylkingarinnar í Suðurkjördæmi.

Varað við ísingu í Borgarfirði

Vegagerðin varar við frostrigningu og ísingu í Borgarfirði. Verið er að hálkuverja en það getur tekið nokkra stund að ná tökum á ástandinu, að fram kemur í tilkynningu.

Seðlabankafrumvarpið enn til umræðu

Þriðja og síðasta umræðan um Seðlabankafrumvarpið fer fram á Alþingi á dag. Jóhanna Sigurðardóttir, forsætisráðherra, sagðist í kvöldfréttum Stöðvar 2 í gær reikna með því að Alþingi samþykki ný lög um Seðlabanka Íslands á allra næstu dögum.

Aðalmeðferð í máli Þorsteins Kragh í dag

Aðalmeðferð er í dag í máli Þorsteins Kragh og Jakobs Van Hinte í Héraðsdómi Reykjavíkur. Þeir eru sakaðir um að standa að einu stærsta smygli á eiturlyfjum til landsins í sögunni en Van Hinte var stöðvaður í ferjunni Norrænu í júní 2008 með um 190 kíló af hassi, eitt kíló af kókaíni og eitt og hálft kíló af maríjúana, vandlega falið í bíl sínum.

Hákarlsárásum fækkar í kreppunni

Það er óhætt að halda því fram að þrengingar í hagkerfum heimsins komi víða fram, svo víða að jafnvel árásum hákarla á fólk hefur fækkað umtalsvert og hafa skráðar árásir ekki verið færri í hálfan áratug en þær voru í fyrra en þá voru þær 59 miðað við 71 árið 2007.

Nýjasta tilraun Browns ber merki um örvæntingu

Fimm hundruð milljarða punda björgunarpakki til handa breskum bönkum er nýjasta útspil breska forsætisráðherrans Gordons Brown og talar dagblaðið Telegraph um örvæntingarfulla tilraun til að bjarga hagkerfinu, en það greinir frá því að Brown muni kynna þessa björgunaráætlun sína í þessari viku.

Sluppu úr fangelsi með aðstoð þyrlu

Tveimur hættulegum stórglæpamönnum tókst að flýja úr fangelsi í Aþenu, höfuðborg Grikklands, í gær með því að láta þyrlu sækja sig á þak fangelsisins. Þetta er í annað sinn sem mönnunum tekst að flýja úr fangavist með aðstoð þyrlu. Annar mannanna er Grikki en hinn er Albani. Hlutu þeir dóma sína meðal annars fyrir vopnuð rán og mannrán.

Hettuklæddir menn skutu á hús Vítisengla

Tveir óþekktir byssumenn, íklæddir hettupeysum, skutu nokkrum skotum að klúbbhúsnæði vélhjólasamtakanna Vítisengla í Kaupmannahöfn í gærdag.

Sumarvinnuvefur lítur dagsins ljós

Tveir Vestmannaeyingar hafa opnað vefinn sumarvinna.is þar sem fólk getur skráð sig með tilheyrandi upplýsingum sér að kostnaðarlausu og fyrirtæki geta auglýst eftir fólki.

Hvarf á braut þegar þjófavarnakerfi glumdi

Brotist var inn í Fjölbrautaskóla Suðurnesja í nótt og fór þjófavarnakerfi í gang. Við það virðist sem styggð hafi komið að þjófnum því hann hvarf á braut og er ófundinn.

Gulldeplan fjarlægist

Gulldeplan virðist vera að fjarlægjast landið óðfluga og eru nú fjögur skip komin hátt í 200 mílur suðvestur af landinu að elta hana. Það er á Reykjaneshrygg, þar sem karfavertíðin hefst með vorinu.

Dekkjum og felgum stolið undan bíl

Öllum dekkjum og þar með felgum var stolið í nótt undan bíl sem stóð á bílasölu í Hálsahverfinu í Reykjavík og bíllinn skilinn eftir á búkkum. Þjófarnir komust undan og er ekki vitað hverjir þeir eru.

Allsherjaratkvæðagreiðsla hefst hjá VR í dag

Rafræn allsherjaratkvæðagreiðsla meðal félagsmanna í VR um framboð til formanns, stjórnarmanna í einstaklingskjöri og lista til stjórnar og trúnaðarráðs hefst á hádegi og lýkur 11. mars.

Kjartan opnar kosningaskrifstofu í bílskúrnum

Kjartan Ólafsson, þingmaður Sjálfstæðismanna á Suðurlandi, fer óhefðbundnar leiðir í komandi prófkjöri þar sem hann býður sig fram í annað sæti. Hann hefur opnað kosningaskrifstofu í bílskúrnum heima hjá sér.

Fyrrum leiðtogi Sniglanna í fangelsi

Hæstiréttur hefur dæmt Ásmund Jespersen, fyrrverandi varaformann vélhjólaklúbbsins Sniglanna, í fjögurra mánaða óskilorðsbundið fangelsi fyrir stórhættulegan ofsaakstur. Ásmundur flúði lögreglu ásamt félaga sínum á ríflega tvöföldum hámarkshraða á Suðurlandsvegi sumarið 2007.

Hér verði einn þjóðarbanki

Ögmundur Jónasson heilbrigðisráðherra segist ekki hafa stífar skoðanir á eignarhaldi útlendinga á íslenskum bönkum. Hann gerir þó þá kröfu að hér verði einn banki í eigu þjóðarinnar. Sigmundur Davíð Gunnlaugsson, formaður Framsóknarflokksins, sagði í viðtali við Fréttablaðið á laugardag að réttast væri að erlendir kröfuhafar eignuðust hlut í íslensku bönkunum.

Stakk með hnífi í andlit

Maður um tvítugt hefur verið ákærður af Ríkis­sak­sóknara fyrir Héraðsdómi Reykjavíkur fyrir sérstaklega hættulega líkamsárás.

Þyngsta dómi sögunnar áfrýjað

Karlmaður sem dæmdur var í desember í átta ára fangelsi í Héraðsdómi Suðurlands fyrir gróf kynferðisbrot, til margra ára, gegn stjúpdóttur sinni, hefur áfrýjað dómnum til Hæstaréttar. Gert er ráð fyrir að dómur þar gangi ekki fyrr en í haust, að því er Fréttablaðinu hefur verið tjáð.