Snarpur jarðskjálfti í Vestur-Pakistan

Að minnsta kosti 70 eru látnir eftir að snarpur jarðskjálfti reið yfir vesturhluta Pakistans snemma í morgun.

Truflaður trúboði og dýraníðingur til höfuðs Obama

Ungu öfgamennirnir sem ráðgerðu að skjóta Barack Obama til bana klæddir hvítum kjólfötum með pípuhatta í stíl reyndust vera tilfinningalega truflaðir einfarar sem kynntust á Netinu.

Björguðu hundi í Heiðmörk

Lögreglu- og björgunarmönnum tókst á sjöunda tímanum í gærkvöldi að bjarga hundi, sem fallið hafði ofan í tíu metra djúpa gjá í Heiðmörk og gat sig hvergi hrært.

Dómsátt vegna landhelgisbrots Hákonar ÞH

Síldveiðiskipið Hákon ÞH hélt út frá Tromsö í Noregi í gærkvöldi, eftir að dómsátt var gerð í máli skipstjórans fyrir meint landhelgisbrot í lokuðu hólfi í norskri lögsögu á laugardag.

Færeyingar rétta fram hjálparhönd

Íslendingar fá um sex milljarða króna gjaldeyrislán frá Færeyingum. Lögmaður Færeyja segir Færeyinga hafa upplifað svipaðar þrengingar og Íslendingar gangi nú í gegnum. Hann sé viss um að Íslendingar muni standa sterkir upp.

Óvinsældir Davíðs endurspegla óvinsældir Seðlabankans

,,Það er sérstaklega sláandi hversu lítið traust sjálfstæðismenn bera til Davíðs. Ég held að þjóðin líti svo á að hann sitji þarna í skjóli Sjálfstæðisflokksins," segir Einar Mar Þórðarson stjórnmálafræðingur um skoðanakönnun sem birtist í fréttum Stöðvar 2 í kvöld.

Skoðanamunur Þorgerðar og Geirs

,,Það vekur athygli að tvisvar sinnum á stuttum tíma kemur fram þónokkuð mikill áherslumunur hjá Geir og Þorgerði og þá er ég tala um afstöðu þeirra til stýrivaxtahækkunarinnar og í Evrópumálum," segir Einar Mar Þórðarson, stjórnmálafræðingur, aðspurður um ólíka afstöðu ráðherra Sjálfstæðisflokksins til stýrivaxtahækkunar Seðlabankans í morgun.

Skýrslur teknar af ungmennum - Fimm af gjörgæsludeild

Lögreglan á höfuðborgarsvæðinu hefur rætt við nokkur þeirra ungmenna sem slösuðust illa í gassprengingunni í vinnuskúr í Grundargerði í gærkvöldi og tekið af þeim skýrslu. Sigurbjörn Víðir Eggertsson, aðstoðaryfirlögregluþjónn í Reykjavík, segir lögreglan hafi rætt við þá sem hafi treyst sér til þess í dag.

Tvær grímur farnar að renna á Rússana?

Svo virðist sem efasemda sé farið að gæta hjá Rússum um að lána Íslendingum fé ef marka má orð aðstoðarfjármálaráðherra landsins, Dmítrí Pankin.

Stakk nokkra með hnífi í miðborg Oslóar

Maður gekk berserksgang í verslunarmiðstöð í Osló í kvöld og stakk nokkra með hnífi. Frá þessu greinir á norsku netmiðlum.

Undarleg ákvörðun Seðlabankans

Það er undarlegt að Seðlabankinn skuli hafa hækkað stýrivexti þegar seðlabankar um allan heim hafa lækkað vextina, að mati Jóns Daníelssonar prófessors í fjármálum við London School of Economics.

Stýrivaxtahækkun smjörklípa Davíðs?

,,Eftir að hafa horft á Kompásþáttinn frá í gærkvöldi opnuðust augu mín fyrir því að stýrivaxtahækkunin frá í morgun væri einhver snjallasta "smjörklípa" sem Davíð hefur kynnt á ferli sínum sem stjórnmálamaður. Hver er að tala um Icesave í dag?" segir Valgerður Sverrisdóttir, varaformaður Framsóknarflokksins, í pistli á heimasíðu sinni í dag og bætir við að hún geri sér grein fyrir að ekki gantast með mál að þessari stærðargráðu.

61 þúsund manns mótmæla framferði Breta

Tæplega 61 þúsund manns hafa skrifað nafn sitt við þjóðarávarp til Breta á netsíðunni Indefence, en síðan var opnuð á fimmtudaginn 22. október. Undirskriftirnar verða afhentir innan skamms.

90% treysta ekki Davíð sem seðlabankastjóra

Níutíu prósent þjóðarinnar treysta ekki Davíð Oddssyni í stóli seðlabankastjóra samkvæmt nýrri könnun sem gerð var fyrir fréttastofu Stöðvar 2. Mikill meirihluti sjálfstæðismanna styður ekki veru hans í Seðlbankanum.

Marorka fær umhverfisverðlaun Norðurlandaráðs

Forsvarsmenn fyrirtækisins Marorku tóku í kvöld við umhverfisverðlaunum Norðurlandaráðs sem veitt voru ásamt öðrum verðlaunum í tengslum við þing ráðsins í Helsinki.

Evrusali í Hafnarfirði

Gengið á evrunni er 200 krónur en ekki 152 eins og Seðlabankinn segir. Þetta fullyrðir að minnsta kosti gjaldeyrisbraskari í Hafnarfirði sem Fréttastofa Stöðvar 2 ræddi við í dag.

Blikur á lofti um álversframkvæmdir

Allir bankarnir þrír sem hugðust lána til álversframkvæmda í Helguvík eru komnir í þrot og ríkir óvissa um fjármögnun verkefnisins. Blikur er einnig á lofti um undirbúning álvers við Húsavík.

Leynigos fyrir 35 árum

Neðansjávargos við Landeyjar um fimm kílómetra undan suðurströndinni fyrir 35 árum er komið á opinberan lista yfir eldgos á Íslandi á tuttugustu öld. Jarðfræðingar efast þó um að nægar sannanir séu til fyrir þessu leynigosi.

Samkomulag um háspennulínu

Deilur sem staðið hafa misserum saman um nýja háspennulínu til Suðurnesja hafa verið leystar með samkomulagi Landsnets, Hafnarfjarðarbæjar og Voga.

Sameinuðu þjóðirnar á flótta í Kongó

Herþyrlur Sameinuðu þjóðanna eru byrjaðar að gera loftárásir á uppreisnarmenn í Kongó, sem reka flótta stjórnarhersins.

Þorgerður Katrín: Stýrivaxtahækkun Seðlabankans óheppileg

Þorgerður Katrín Gunnarsdóttir, menntamálaráðherra og varaformaður Sjálfstæðisflokksins, segir ákvörðun Seðlabankans um að hækka stýrivexti í 18%, vera afar óheppilega. Hún segir tímabært að skoða alvarlega inngöngu í Evrópusambandið og upptöku evrunnar.

Færeyingar lána Íslendingum

Færeyska landstjórnin tilkynnti á fundi Norðurlandaráðs í Helsinki í dag að hún hyggst veita Íslendingum 300 milljónir danskra króna í gjaldeyrislán en það samsvarar 6,1 milljarði íslenskra króna.

Hverfisgötufantar játa

Fjórir karlmenn á þrítugsaldri sem grunaðir voru um að hafa ruðst inn í hús við Hverfisgötu með bareflum á laugardagskvöldið og börðu fjóra menn sem þar búa hafa játað árásina. Þetta staðfesti Sigurbjörn Víðir Eggertsson, aðstoðaryfirlögregluþjónn í Reykjavík, í samtali við Vísi.

Er glerið frá Kristalsnóttinni fundið ?

Ísraelskur rannsóknarblaðamaður telur hugsanlegt að hann hafi fundið ruslahauginn þar sem glerið frá Kristalsnóttinni var urðað árið 1938.

Fundað fljótlega með Rússum í Reykjavík

Viðræður Rússa og Íslendinga um mögulegt lán verður haldið áfram fljótlega og hittast samninganefndir í Reykjavík.

Davíð: Menn leita að skúrkum alls staðar nema í eigin ranni

Davíð Oddsson seðlabankastjóri segir Björgólf Thor Björgólfsson ekki hafa verið á fundum sem haldnir hafi verið með stjórnendum bankans um hugsanlegt lán til bankans í aðdraganda hrunsins. Hann segir um málið að menn leiti að skúrkum alls staðar nema í eigin ranni.

Tíu teknir fyrir ölvunarakstur um helgina

Tíu ökumenn voru teknir fyrir ölvunarakstur á höfuðborgarsvæðinu um helgina eftir því sem segir í tilkynningu lögreglunnar.

Hjálpa fólki sem á erfitt andlega

Stofnaður hefur verið nýr sjóður til styrktar þeim sem eiga erfitt andlega. Sjóðurinn nefnist „ÞÚ GETUR!" og er nýtt afl í baráttunni fyrir forvörnum og geðheilsueflingu.

Viðskiptanefnd fundaði um Bretaviðræður

Óvíst er hvenær viðræður Íslendinga við bæði Breta vegna Icesave-reikninga Landsbankans halda áfram. Þetta var meðal þess sem fram kom á fundi viðskiptanefndar Alþingis í morgun. Rætt var um stöðu viðræðnanna og um tryggingasjóð innistæðueigenda á fundinum en nokkrir gestir skýrðu nefndarmönnum frá stöðu mála.

Sýrlendingar loka bandarískum skóla og menningarmiðstöð

Sýrlensk stjórnvöld ákváðu í dag að loka bandarískum skóla og menningarmiðstöð í höfuðborginni Damaskus og mótmæla þannig árás bandaríkjahers á býli í Sýrlandi um helgina.

Vg vill að hætt verði við loftrýmisgæslu Breta

Þingflokkur Vinstri - grænna hefur lagt fram þingsályktunartillögu um að Alþingi feli ríkisstjórninni að tilkynna Bretum og yfirstjórn Atlantshafsbandalagsins að fyrirhuguð loftrýmisgæsla Breta á Íslandi í desember falli niður.

Vilja að listaverkasafn bankanna verði í eigu þjóðarinnar

Þrír þingmenn úr jafnmörgum flokkum hafa lagt fram frumvarp sem tryggja á að öll þau listaverk sem voru í eigu stóru bankanna þriggja verði í eigu þjóðarinnar áfram.

Sakaði Guðna um að sitja í kjöltu seðlabankastjóra

Össur Skarphéðinsson iðnaðarráðherra sakaði í dag Guðna Ágústsson, formann Framsóknarflokksins, um að sitja í kjöltu Davíðs Oddssonar seðlabankastjóra með því að ganga fremst í flokki við að verja Davíð. Þetta kom fram í máli ráðherrans í óundirbúnum fyrirspurnum á Alþingi í dag.

Mannvit verkfræðistofa opnar í Búdapest

Mannvit verkfræðistofa hefur opnað skrifstofu í Búdapest í Ungverjalandi. Í tilefni opnunarinnar efndi Mannvit til ráðstefnu þar ytra undir yfirskriftinni „Græn orka“ þar sem fjallað var um nýjungar og tækifæri í orkumálum fyrir sveitarfélög og fyrirtæki í Ungverjalandi. Jafnframt voru kynnt þau verkefni sem Mannvit hefur unnið að á sviði jarðhitanýtingar í Ungverjalandi undanfarin tvö ár.

Sektuð fyrir stóla- og hjólböruþjófnað

Héraðsdómur Suðurlands hefur dæmt karl og konu til að greiða 30 þúsund króna sekt hvort fyrir gripdeild með því að hafa stolið tveimur stólum og hjólbörum sem stóðu fyrir utan hús í Hveragerði.

Hálfs árs fangelsi fyrir ítrekuð umferðarlagabrot og líkamsárás

Héraðsdómur Reykjavíkur hefur dæmt karlmann í hálfs árs fangelsi fyrir ýmis brot, þar á meðal ítrekuð umferðarlagabrot og eina líkamsárás.

Kvartað yfir Palin-brúðu í snöru

Brúða af varaforsetaefninu Söru Palin hangandi í snöru fyrir framan heimili í Hollywood þykir í besta falli ósmekkleg hrekkjavökuskreyting.

Siðferðileg skylda að lækka eldsneytisverð strax

Íslensku olíufélögin eru aftur farin að hækka álagningu á bensín og olíu, samkvæmt útreikningum Félags íslenskra bifreiðaeigenda, eftir að hafa lækkað álagninguna í september.

Umtalsverð stækkun á hrygningarstofni þorsks

Umtalsverð stækkun mælist á hrygingarstofni þorsks. Hafrannsóknaskipin Árni Friðriksson og Bjarni Sæmundsson eru nú bæði í leiðöngrum til að kanna ástand botnfiskstofna og bíða menn spenntir nánari fregna.

Frjálslyndir mótmæla stýrivaxtahækkun

Þingflokkur Frjálslynda flokksins mótmælir hækkun stýrivaxta Seðlabanka Íslands. Í yfirlýsingu frá flokknum segir að lækkað hefði átt stýrivexti til þess að vinna gegn atvinnuleysi og styrkja grundvöll framleiðslufyrirtækjanna.

Karadzic hlýddi á breytta ákæru gegn sér í Haag

„Slátrarinn frá Bosníu“, Radovan Karadzic, kom fyrir stríðsglæpadómstólinn í Haag í morgun til að hlýða á breytingu sem gerð hefur verið á ákærunni gegn honum. Karadzic er ákærður fyrir stríðsglæpi og þjóðarmorð og er ákæran alls í 11 liðum.

Geir: Stýrivaxtahækkun er varnaraðgerð

Bæði Geir H. Haarde forsætisráðherra og Árni M. Mathiesen fjármálaráðherra segja stýrivaxtahækkun Seðlabankans í morgun lið í aðgerðum stjórnvalda samkvæmt samkomulagi við Alþjóðagjaldeyrissjóðinn.

Reyndum að gera það sem hægt var

Við reyndum að gera það sem hægt var eru viðbrögð Geirs H. Haarde forsætisráðherra um tilboð Landsbankans til að sameinast Glitni með fjárframlagi frá ríkinu - daginn áður en ríkið keypti meirihluta í Glitni.

Guðni kallar eftir heildstæðum tillögum um aðgerðir

Guðni Ágústsson, formaður Framsóknarflokksins, segist skilja að vilji sé fyrir því að koma böndum á gengi krónunnar, en telur að hin mikla vaxtahækkun kunni að hafa alvarlegar afleiðingar.

Kim Jong Il hressist

Kim Jong Il, leiðtogi Norður-Kóreu, virðist vera að hressast og er nú talinn geta stjórnað landinu forfallalaust að mati leyniþjónustu Suður-Kóreu. Leiðtoginn er ekki alheill heilsu eftir heilablóðfallið sem hann fékk um miðjan ágúst en mat suðurkóresku leyniþjónustunnar er að hann sé fær um að halda um stjórnartaumana.