Farið fram á áframhaldandi gæsluvarðhald í stóra hassmálinu

Lögreglan á höfuðborgarsvæðinu mun nú fyrir hádegi fara fram á það að tónleikahaldarinn Þorsteinn Kragh og Hollendingur, sem grunaðir eru um umfangsmikið fíkniefnasmygl með Norrænu, verði úrskurðaðir í áframhaldandi gæsluvarðhald.

Á 86 konur og 170 börn

84 ára gamall Nígeríumaður, Mohammed Bello Abubakhar, ráðleggur karlmönnum um víða veröld að taka sig ekki til fyrirmyndar. Mohammed á 86 konur.

Líklega haldið sofandi á gjörgæsludeild næstu daga

Ökumanni jeppa sem slasaðist í árekstri jeppans, rútu og sendibíls á Suðurlandsvegi í gærmorgun er enn haldið sofandi í öndunarvél á gjörgæsludeild.

Mótmælendur handteknir í Peking

Hópur mótmælenda sem reyndi að strengja upp borða, með stuðningsyfirlýsingu um frjálst Tíbet, í Peking hefur verið handtekinn.

Þrettán tilboð í fyrri hluta Suðurstrandarvegar

KNH á Ísafirði átti lægsta tilboð í lagningu 33 kílómetra kafla Suðurstrandarvegar milli Krýsuvíkur og Þorlákshafnarvegar. Tilboð voru opnuð hjá Vegagerðinni í gær.

Vísar fréttum af samsteypustjórn á bug

Thabo Mbeki, forseti Suður - Afríku neitar því að samkomulag um samsteypustjórn hafi náðst í Zimbabwe.

Vopnahlé samþykkt í Georgíu

Rússar og Georgíumenn samþykktu í gær vopnahlé eftir fund með Nicholas Sarkozy Frakklandsforseta.

Mannlaus jeppi eyðilagðist við Ljótapoll

Jeppi erlendra ferðamanna gjöreyðilagðist þegar hann rann fram af brúninni á Ljótapolli sem er nærri Landmannalaugum um hálfsjöleytið í gærkvöld.

Sjálfstæðismenn ræða meirihlutasamstarf við Óskar Bergsson

Mjög viðkvæm staða er í borgarmálunum þessa dagana og sjálfstæðismenn eiga í óformlegum meirihlutaviðræðum við Framsóknarflokkinn um meirihlutasamstarf.

Brenndist þegar hann steig í hver við Geysi

Spænskur ferðamaður hlaut annars stigs bruna upp á miðja ökkla á báðum fótum eftir að hann steig ofan í hver við Geysi í Haukadal í nótt. Lögreglan á Selfossi og sjúkralið var kvatt á vettvang og var maðurinn fluttur á slysadeild á Selfossi þar sem gert var að sárum hans.

Slökkviliðið kallað að Sorpu á Sævarhöfða

Slökkvilið höfuðborgarsvæðisins var kallað að útibúi Sopru á Sævarhöfða um hálffimm í morgun vegna elds sem logaði í tveimur rusla gámum. Slökkviliðsmenn frá einni stöð voru sendir á vettvang og þegar að var komið logaði nokkur eldur í gámunum.

Fundur með umhverfisráðherra vonbrigði

„Af okkar hálfu var fundurinn og svör ráðherra vonbrigði því við bjuggumst við að fá svör við ákveðnum kjarnaspurningum sem við höfðum fram að færa," segir Bergur Elías Ágústsson, sveitarstjóri Norðurþings, eftir opinn fund Þórunnar Sveinbjarnardóttur, umhverfisráðherra, á Húsavík í kvöld. Þar var tekist á um nýlegan úrskurð hennar um að áhrif fyrirhugaðs álvers á Bakka á umhverfið skuli metin heildstætt.

Gísli Marteinn mun fljúga milli Skotlands og Reykjavíkur á borgarstjórnafundi

Eins og koma fram á Vísi í kvöld mun Gísli Marteinn Baldursson, borgarstjórnafulltrúi Sjálfstæðisflokksins í Reykjavík, halda í árslangt námsleyfi til Edinborgar í haust. Hann mun hins vegar fljúga á milli Reykjavíkur og Skotlands til þess að sækja borgarstjórnarfundi samkvæmt heimildum Vísis.

Ólafur tók hugmynd um samstarf með Framsókn fálega

Fréttastofa Sjónvarps fullyrti í kvöldfréttum sínum að Sjálfstæðisflokkurinn í borgarstjórn Reykjavíkur vilji Óskar Bergsson úr Framsókn inn í meirihlutasamstarf sitt og F-listans til þess að tryggja meirihlutann enn frekar. Samkvæmt heimildum Vísis var málið viðrað innan meirihlutans í dag og tók Ólafur fálega í hugmyndir sjálfstæðismanna að bæta framsóknarmönnum inn í meirihlutasamstarfið.

Mugabe myndar stjórn – hunsar Tsvangirai

Robert Mugabe, forseti Simbave, hefur gert samkomulag við Arthur Mutambara, leiðtoga klofningsflokks MDC, um stjórn landsins. Leiðtogi MDC, Morgan Tsvangirai var hafður að vettugi í samkomulaginu.

Rússar og Georgíumenn samþykkja friðarsamkomulag

Georgíumenn og Rússar hafa komist að samkomulagi um vopnahlé fyrir milligöngu Frakka. Þjóðirnar hafa einnig samþykkt drög að friðarsamkomulagi eftir átök síðustu daga vegna mála Suður-Ossetíu. Samkomulagið er þó enn til umræðu svo ekki liggur fyrir hvað í því felst.

Ísbúðarmorðingja leitað í Þýskalandi

Lögreglan í Þýskalandi hefur nú hafið viðamikla leit að morðingja sem varð þremur karlmönnum og einni konu að bana við ísbúð í bænum Russelsheim, skammt suð-vestur af Frankfurt, í dag.

Birtíngur kaupir DV

Útgáfufélagið Birtíngur ehf. hefur keypt DV og dv.is af Dagblaðinu Vísi útgáfufélagi ehf. í. Birtíngur rekur fyrir tímaritaútgáfu sem m.a. gefur út blöðin Séð og Heyrt, Vikuna, Gestgjafann, Hús og hýbíli, Mannlíf, Nýtt líf og Söguna alla. Frá þessu er greint á dv.

Kveik í ruslatunnu við Bónusvideo

Kveikt var í ruslatunnu fyrir utan Bónusvideo við Laugalæk í kvöld. Ruslatunnan er staðsett í kjallaratröppum, upp við kjallaradyr, og því var í fyrstu talið að eldurinn kæmi inn úr kjallaranum.

Kaupsamningum fjölgar um 75 prósent milli mánaða

Þinglýstir kaupsamningar á höfuðborgarsvæðinu reyndust nærri 75 prósentum fleiri í nýliðnum júlí en mánuðinn á undan samkvæmt nýjum tölum Fasteignamats ríkisins. Samningarnir voru hins vegar nærri 64 prósentum færri miðað við júlí í fyrra.

Hugmyndir uppi um að reisa kvikmyndaver í gömlu vararafstöðinni

Hugmyndir eru uppi um að reisa kvikmyndaver í húsnæði gömlu vararafstöðvarinnar í Elliðaárdalnum. Til stendur að rífa húsið en borgarstjóri útilokar ekki að það verði nýtt.

Gísli Marteinn í ársleyfi frá borgarstjórn

Gísli Marteinn Baldursson mun flytja til Edinborgar í Skotlandi í haust ásamt fjölskyldu sinni en þar hyggst hann stunda nám í borgarfræðum. Samkvæmt heimildum Vísis mun hann taka sér ársleyfi frá störfum sem borgarfulltrúi Sjálfstæðisflokksins og jafnframt víkja úr þeim nefndum sem hann hefur setið í, meðal annars umhverfis- og samgöngunefnd þar sem Gísli gegnir formennsku.

Reyna að hamla verstu hliðaráhrifum krabbameinsmeðferða

Breskir krabbameinslæknar gera nú tilraunir og rannsóknir með ný lyf sem gætu komið í veg fyrir sum verstu hliðaráhrif krabbameinsmeðferðar.

Minnihlutinn vill auka fjárstreymið til Strætó bs en ekki skera niður

Það er með ólíkindum að á sama tíma og meirihlutinn leggur til framkvæmdir við Geirsgötu og Mýrargötu sem kosta munu á annan tug milljarða til úrlausna fyrir einkabílinn sé verið að leggja til niðurskurð á þjónustu Strætó bs upp á 300 milljónir króna. Svo segir í ályktun frá minnihlutanum í borgarstjórn.

Bæjarstjórar neita ásökunum samgönguráðherra

Samgönguráðherra segir að ekki sé hægt að tvöfalda hættulegasta kafla Suðurlandsvegar af því að heimamenn eigi eftir að vinna nauðsynlega undirbúningsvinnu. Bæjarstjórar á svæðinu hafna þessu og segja að ekkert standi upp á þá til að framkvæmdir við tvöföldun vegarins geti hafist á leiðinni milli Hveragerðis og Selfoss. Þar hafa orðið tólf banaslys á undanförnum árum.

Leit að manni hætt við Vík í Mýrdal

Leit að manni við Vík í Mýrdal hefur verið hætt eftir að vísbendingar bárust um að hann væri ekki á því svæði.

Georgíumenn kæra Rússa fyrir þjóðernishreinsanir

Stjórnvöld í Georgíu höfðuðu í dag mál á hendur Rússum fyrir Alþjóðadómstólnum í Haag vegna þjóðernishreinsana Rússa á árunum 1993-2008 eins og Georgíumenn orða það.

Rómverskt hof fannst undir kirkju

Ísraelskir fornleifafræðingar hafa fundið rústir rómversks hofs undir grunni kirkju á Zippori í Ísrael sem var höfuðborg Galíleu á rómverskum tíma. Hofið hefur verið rænt og ruplað í fornöld og stendur því aðeins grunnurinn nú eftir.

Unglingspiltur skotinn með loftbyssu

Unglingspiltur slapp með skrekkinn þegar hann varð fyrir skoti úr loftbyssu í Reykjavík í gær. Það varð piltinum til happs að vera með gleraugu en skotið fór í þau en við það kom sprunga í annað sjónglerið. Talið er víst að piltur á svipuðu reki hafi skotið úr byssunni en lögreglan á eftir að ræða við hann og foreldra hans um þetta alvarlega atvik.

Sótti um pólitískt hæli með falsað vegabréf

Hæstiréttur staðfesti í dag að erlendur karlmaður skuli sæta gæsluvarðhaldi til 1. september á meðan lögregla rannsakar mál hans en hann kom hingað til lands í síðustu viku á fölsuðu belgísku vegabréfi.

Leitað að manni í nágrenni við Vík í Mýrdal

Lögregla og björgunarsveitir leita nú að manni við Reynisdranga við Vík í Mýrdal samkvæmt upplýsingum Vísis. Ekki liggur fyrir hvort hann féll í sjóinn og hvort um Íslending sé að ræða eða erlendan ferðamann.

Ísraelsmenn leggja til samning um Vesturbakkann

Ísraelsmenn hafa lagt til friðarsamning við Palestínumenn sem myndi tryggja þeim fyrrnefndu 7,3 prósent af Vesturbakkanum samkvæmt ísraelska fréttablaðinu Haaretz. Myndi sá samningur gera þeim kleift að halda stærstu landnemabyggðum sínum.

Mikil ánægja með hverfagæslu

Níutíu og sjö prósent íbúa á Seltjarnarnesi eru ánægð með hverfagæslu sem tekin var upp í sveitarfélaginu fyrir um þremur árum. Þetta kemur fram í júlíblaði Nesfrétta.

Fjögur hundruð ný hjúkrunarrými á næstu árum

Fjögur hundruð ný hjúkrunarrými verða til hér á landi á næstu fjórum árum samkvæmt framkvæmdaáætlun um uppbyggingu hjúkrunarrýma sem kynnt var í dag.

Gifti, skírði og jarðaði í óþökk kirkjunnar

Gunnar Björnsson, sóknarprestur á Selfossi, sem settur hefur verið í leyfi vegna ásakana um kynferðisbrot, hefur verið minntur á að honum er óheimilt að framkvæma kirkjulegar athafnir í Selfosskirkju á meðan hann er í leyfi.

Sendinefnd frá Nevis fundar með stjórnvöldum

Joseph Parry, forsætisráðherra karabísku eyjarinnar Nevis í sambandsríkinu St Kitts og Nevis, er á leið til Íslands til að kynna sér jarðvarmanotkun hér á landi.

Georgía segir skilið við samtök fyrrverandi Sovétlýðvelda

Míkhal Saakashvílí, forseti Georgíu, greindi frá því í dag að landið myndi segja sig úr samtökum sjálfstæðra ríkja sem eru samtök fyrrverandi Sovétlýðvelda.

Pelosi opnar fyrir möguleika á kosningu um olíuborun

Nancy Pelosi, forseti fulltrúadeildar Bandaríkjaþings gaf til kynna í gærkvöldi að hún gæti verið tilbúin til þess að hafa kosningu um hvort leyfa ætti olíuborun við strendur Bandaríkjanna.

Stjórn LÍ ræðir stöðu samningamála

Stjórn Læknafélags Íslands kemur saman til fundar síðar í dag til þess að ræða þá stöðu sem uppi er eftir að læknar felldu nýgerðan kjarasamning við ríkið.

NATO: Deilendur hverfi aftur til stöðunnar fyrir átökin

Jaap de Hoop Scheffer, framkvæmdastjóri Atlantshafsbandalagsins, segir að deilendur í málefnum Suður-Ossetíu og Abkasíu þyrftu að hverfa aftur til stöðunnar eins og hún var 6. ágúst.

85 ökumenn myndaðir

Brot 85 ökumanna voru mynduð á gatnamótum Suðurlandsbrautar, Kringlumýrarbrautar og Laugavegs frá föstudegi til mánudags.

Sá feitasti út úr húsi í fyrsta sinn í eitt og hálft ár

Fyrrverandi feitasti maður heims, Manuel Uribe, fór út úr húsi í gær í fyrsta sinn í hálft annað ár.

Viðræður í Zimbabwe halda áfram

Samningaviðræðum stjórnar og stjórnarandstöðu í Zimbabwe verður haldið áfram nú eftir hádegið og enn vonast menn til að niðurstaða fáist í þær á næstu klukkustundum.

Nítján stútar teknir um helgina

Nítján ökumenn voru teknir fyrir ölvunarakstur á höfuðborgarsvæðinu um helgina. Tæplega helmingur þeirra var tekinn á laugardag og ellefu stútanna voru gripnir í Reykjavík.

Skipulagsvinna hjá sveitarfélögum tefur tvöföldun

Kristján L. Möller samgönguráðherra segir skipulagsvinnu hjá sveitarfélagögum á Suðurlandi tefja fyrir tvöföldun vegarkaflans milli Hveragerðis og Selfoss. Eðlilegt hefði verið að sú vinna hefði hafist fyrr.