Segir alla ánægða með niðurstöðuna

Allir þeir sem aðild eiga að borgarstjórnarmeirihlutanum eru ánægðir með þá niðurstöðu sem fékkst á fundi stjórnar Orkuveitunnar í dag, að sögn Gísla Marteins Baldurssonar borgarfulltrúa.

Handteknir vegna vörslu fíkniefna

Þrír karlmenn á þrítugsaldri voru í gærkvöldi og í nótt handteknir í Grindavík grunaðir um vörslu fíkniefna.

Segist heppinn að vera á lífi

Öryggisvörður sem varð fyrir lífshættulegri árás í 10-11 við Austurstræti segist heppinn að vera á lífi. Hann segir lækna hafa unnið kraftaverk.

Líst vel á niðurstöðuna

Ásta Þorleifsdóttir, varaformaður stjórnar Orkuveitu Reykjavíkur, segir að sér lítist ákaflega vel á þá niðurstöðu sem hafi fengist á fundi stjórnarinnar í dag.

Þrír árekstrar á stuttum tíma

Þrír árekstrar urðu á svipuðum tíma hjá lögreglunni á Suðurnesjum í dag. Tveir árekstrar urðu rétt fyrir klukkan þrjú á Reykjanesbraut við Grænás og var annar þeirra mjög harður. Tvær bifreiðar voru ónýtar eftir harðari áreksturinn.

Gagnrýnir umfjöllun um efnahagslíf

Geir H. Haarde forsætisráðherra segir að sér finnist að á stundum sé fjallað um ástand efnahagsmála af léttúð og skilningsleysi. Þetta kom fram í ræðu hans á aðalfundi Samtaka atvinnulífsins, sem fram fór í dag.

Lögreglan fær að taka munnvatnssýni

Hæstiréttur staðfesti í dag úrskurð Héraðsdóms Reykjavíkur um að lögreglan hafi heimild til þess að taka munnvatnssýni úr karlmanni sem grunaður er um líkamsárás.

„Þau verða að fara að gefa borgarbúum frí frá þessu.“

Svandís Svavarsdóttir, fulltrúi Vinstri grænna í stjórn Orkuveitu Reykjavíkur segist hafa orðið vitni að gamalkunnum töktum á stjórnarfundinum í dag. Þegar lögð var fram tillaga um að gera úttekt á REI og losa fyrirtækið úr áhættusömum rekstri. Hún segir meirihlutann óboðlegann fyrir borgarbúa.

Þetta er til háborinnar skammar

Sigrún Elsa Smáradóttir fulltrúi Samfylkingarinnar segir nýjasta útspilið í Orkuveitu Reykjavíkur um málefni REI vera til háborinnar skammar. Eftir tæplega fimm tíma fundarhöld í dag segir Sigrún að tillagan rýri verðgildi fyrirtækisins. Minnihlutinn lét bóka tvær athugasemdir varðandi tillöguna.

Fengu ekki leyfi fyrir auglýstu opnu húsi

"Það var aldrei neitt leyfi gefið fyrir opnu húsi," segir Hrólfur Jónsson forstöðumaður framkvæmdasviðs Reykjavíkurborgar.

Fá ekki að skoða Fríkirkjuveg

Framkvæmdasvið Reykjavíkurborgar hefur afturkallað leyfi sem nýstofnuð Hollvinasamtök Hallargarðsins höfðu fengið til þess að sýna borgarbúum Fríkirkjuveg 11 undir leiðsögn borgarminjavarðar.

Ísland sendir ferlega fýlu yfir Lundúni

Þúsundir Lundúnabúa hafa í dag hringt í veðurstofuna, lögregluna, almannavarnir og fjölmiðla til þess að kvarta undan viðbjóðslegri ólykt sem leggur yfir höfuðborgina.

REI verði losað úr áhætturekstri

Fundi stjórnar Orkuveitu Reykjavíkur var að ljúka í húsi Orkuveitunnar nú fyrir stundu. Þar var ekki lögð fram tillaga um að hefja undirbúning að sölu REI eins og greint var frá í Fréttablaðinu í morgun. Hinsvegar var rætt hvort hægt sé að losa REI út úr þeim verkefnum sem þykja of áhættusöm líkt og Vísir sagði frá í morgun.

Látið þið nornina okkar í friði

Íbúar þorpsins Warboys í Englandi eru rífandi ósáttir við þá ákvörðun skólastjórnar þorpsins að breyta merki skólans.

BSRB vill skammtíma samning

Bandalag starfsmanna ríkis og bæja, BSRB, hvetur til þess að þegar í stað hefjist viðræður við fjármálaráðuneytið um skammtíma samning. Þetta kemur fram í ályktun sem stjórn BSRB sendi frá sér í dag.

Hættulegt efni í plastflöskum verður bannað í Kanada

Kanada mun í dag lýsa því formlega yfir að efni sem mikið er notað í vatnsflöskur og barnapela úr plasti, sé hættulegt.

Segir aðbúnað á geðdeild óviðunandi

"Ég átti satt að segja von á því að það væri betur hlúð að þeim sem þarna liggja og þeirra sem þarna starfa," segir Árni Tryggvason leikari um aðbúnað sjúklinga og starfsfólks á geðdeild landspítalans.

Uppgjafahermenn reiðir út í Time

Bandarískir uppgjafahermenn sem börðust á japönsku eynni Iwo Jima í síðari heimsstyrjöldinni eru öskureiðir út í vikuritið Time.

Vítisengill íhugar skaðabótamál gegn íslenska ríkinu

Einn meðlima vélhjólagengisins Hells Angels sem vísað var frá landi í byrjun nóvember á síðasta ári íhugar skaðabótamál gegn íslenska ríkinu. Nokkur hópur manna úr Hells Angels, eða Vítisenglum, ætluðu að sækja veisluhöld á vegum vélahjólaklúbbsins Fáfnis en var vísað frá landi við komuna í Leifsstöð.

Bíða með ákvörðun um áfrýjun

Ólavur Kristoffersen, verjandi Birgis Marteinssonar, segir að ákvörðun um hvort dómnum yfir Birgi verði áfrýjað verði ekki tekin fyrr en um miðja næstu viku.

Ásta Möller í framkvæmdastjórn Alþjóðaþingmannasambandsins

Ásta Möller alþingiskona hefur verið kosin í framkvæmdastjórn Alþjóðaþingmannasambandsins. Þetta er í annað sinn sem íslenskum þingmanni hlotnast þessi heiður en Geir Haarde sat í stjórninni á tíunda áratug síðustu aldar. Sambandið fundaði í vikunni í Suður-Afríku.

Ingimundur verður stjórnarformaður Landsvirkjunar

Ingimundur Sigurpálsson, forstjóri Íslandspósts, verður næsti stjórnarformaður Landsvirkjunar samkvæmt heimildum Vísis. Ný stjórn tók við að loknum aðalfundi nú rétt áðan.

Norðmenn fara sænsku leiðina

Norski dómsmálaráðherrann Knut Storberget lagði í dag fram frumvarp á norska Stórþinginu sem gerir það glæpsamlegt að kaupa þjónustu vændiskvenna.

Háskólanemar fordæma aðgerðaleysi HÍ í Hannesarmáli

Kvikmyndafræðinemar við Háskóla Íslands hafa sent frá sér harðorða tilkynningu vegna máls Hannesar Hólmsteins Gissurarsonar prófessors. Hannes var á dögunum dæmdur í Hæstarétti fyrir brot á höfundarrétti og fordæma nemarnir það sem þau kalla aðgerðarleysi Háskólans í málinu.

Íbúar í Hólahverfi fordæma veggjakrot

„Ég veit ekkert verra, þetta er ömurlegt,“ sagði íbúi við Krummahóla í samtali við blaðamann Vísis og átti við veggjakrot sem áberandi er í Hólahverfinu í Breiðholti eins og víðar um bæinn.

Verðandi iðnaðarmenn keppa í Laugardalshöllinni

Íslandsmót iðngreina hófst í morgun í gömlu Laugardalshöllinni. Össur Skarphéðinsson iðnaðarráðherra setti mótið kl. 11 og stendur það til kl. 18 í dag, föstudag, og kl. 9-18 á morgun, laugardag. Sýnt verður beint frá keppninni á Netinu.

Búast við löngum fundi stjórnar OR

Nú stendur yfir fundur stjórnar Orkuveitu Reykjavíkur á 6.hæð í húsi Orkuveitunnar að Bæjarhálsi. Fundarmenn vildu lítið tjá sig við fjölmiðla fyrir fundinn en bjuggust við löngum fundi.

Erlent vinnuafl forsenda hagvaxtar

Framlag erlends vinnuafls verður ein meginforsenda hagvaxtar hér á landi á komandi árum samkvæmt rannsókn Samtaka atvinnulífsins. Samkeppnisstaða Íslands um hæft starfsfólk er í meðallagi.

Þróunarbanki Asíu bregst við verðhækkun matvæla

Þróunarbanki Asíu ætlar að styðja við bakið á löndum sem eiga í erfiðleikum vegna mikillar hækkunar á matarverði.

Heitavatnslaust í Neðra-Breiðholti

Stofnæð heita vatnsins í Neðra-Breiðholti er biluð og af þeim sökum verður heitavatnslaust í Bakkahverfi fram eftir degi. Þetta kemur fram í tilkynningu frá Orkuveitunni.

Gæsluvarðhald framlengt í hraðsendingarmáli

Gæsluvarðhald yfir Tómasi Kristjánssyni sem handtekinn var í tengslum við svokallað hraðsendingarmál var framlengt til 30. maí í dag.

Gaf Obama Hillary fingurinn? -myndband

Barack Obama er sakaður um að hafa gefið Hillary Clinton fingurinn, á framboðsfundi í New York.

Hollvinir hallargarðsins stofna samtök

Stofnfundur Hollvinasamtaka Hallargarðsins verður haldinn að Fríkirkjuvegi 11, sunnudaginn 20. apríl kl. 13.00. Flutt verða stutt ávörp og boðið verður upp á leiðsögn um húsið og garðinn.

Enn réttað í TR-fjársvikamáli

Fyrirtaka var í morgun í hinu umfangsmikla fjársvikamáli sem upp komst í Tryggingastofnun Ríkisins. Höfuðpaurinn í því máli er 45 ára fyrrverandi starfsmaður TR sem grunuð er um að hafa stolið 76 milljónum króna úr sjóðum stofnunarinnar og komið til vina og vandamanna.

Tuga fiskimanna saknað

Fimmtíu og sex kínverskra fiskimanna er saknað eftir að fellibylur skall á eynni Hainan.

REI ekki selt - Hætt við áhættusöm verkefni

Ekki verður lögð fram tillaga um að hefja undirbúning að sölu REI á stjórnarfundi Orkuveitunnar í dag eins og Fréttablaðið greinir frá. Heimildir Vísis herma að engin slík tillaga verði lögð fyrir á fundinum en hinsvegar verði rætt hvort hægt sé að losa REI út úr þeim verkefnum sem þykja of áhættusöm.

Elsta tré í heimi finnst í Svíþjóð

Furutré sem fannst í Svíþjóð nýlega er talið elsta tré í heimi. Mun það vera nærri tíu þúsund ára gamalt.

Sjálfstæðisflokkurinn með „óábyrgar skyndihugmyndir“

Dagur B. Eggertsson, borgarfulltrúi Samfylkingarinnar segir að sé forsíðufrétt Fréttablaðsins í dag rétt sé Sjálfstæðisflokkurinn að ganga gegn málegnasamningi sitjandi meirihluta. Fréttablaðið segist hafa fyrir því heimildir að samkomulag hafi náðst innan meirihluta stjórnar Orkuveitunnar að samþykkja tillögu um að hefja undibúning að sölu REI.

Fyrirlestur um jarðskjálftaáhættu

Dr. John Douglas frá BRGM í Orleans í Frakklandi heldur fyrirlestur í boði verkfræðideildar Háskóla Íslands í stofu 158 í VRII mánudaginn 21. apríl kl. 16:00.

Fjórir í haldi vegna ránsins á Oliver

Fernt er nú í haldi lögreglunnar í Helsingör eftir að öryggislögreglu landsins tókst að leysa úr haldi hinn fimm ára gamla Oliver í gær.

Forsætisráðherra höggvi á löggæsluhnút

Opinn borgarafundur, sem haldinn var á Ránni í Reykjanesbæ í gærkvöldi, skorar á forsætisráðherra, Geir H. Haarde, að höggva á þann hnút og deilur sem nú eru uppi um lögreglustjóraembættið á Suðurnesjum.

Flugmannaviðræðum frestað fram í maí

Ákveðið var á fundi hjá ríkissáttasemjara í gærkvöldi að fresta samningaviðræðum flugmanna og Icelandair til 5. maí næstkomandi.

Nýjar fisktegundir í Eystrasalti vegna hlýnunar

Hlýnun jarðar og þar með sjávar gæti haft í för með sér að fisktegundir á borð við ansjósur og sverðfisk fari að veiðast í Eystrasaltinu.

Carter fundaði með leiðtogum Hamas

Jimmy Carter, fyrrverandi Bandaríkjaforseti, átti fund með háttsetum leiðtogum Hamas-samtakanna í Kaíró í Egyptalandi í gær.

Páfi átti fund með fórnarlömbum misnotkunar

Benedikt páfi XVI átti í gær fund með hópi fólks sem misnotað hafði verið kynferðislega í æsku af kaþólskum prestum. Fundurinn átti sér stað í kapellu í Washington en páfi er um þessar mundir í heimsókn í Bandaríkjunum.