Heimilin borga fyrir bættan efnahag bankanna

Stjórn Framsóknarfélags Reykjavíkur lýsir yfir áhyggjum af stöðu íslenskra heimila í þeim ólgusjó er nú gengur yfir fjármagnsmarkaðinn hér á landi. Svo virðist sem ríkistjórnin hafi látið Seðlabanka Íslands eftir stjórn efnahagsmála á Íslandi.

Ók á göngubrú með pallinn uppi

Ökumaður vörubifreiðar var fluttur á slysadeild eftir að hann ók bílnum undir göngubrú á Vatnsendavegi með vörupallinn uppi og festist bifreiðin af þeim sökum undir brúnni.

Jagiela sá sjötti í gæsluvarðhald

Klukkan 9 í morgun var Tomazs Jagiela leiddur fyrir dómara við Héraðsdóm Reykjavíkur en þar var tekinn fyrir krafa lögreglunnar á höfuðborgarsvæðinu um að Jagiela yrði úrskurðaður í þriggja vikna gæsluvarðhald.

Biðst ekki afsökunar

Árni M. Mathiesen fjármálaráðherra segist hissa á þeirri gagnrýni sem hann hefur sætt vegna orða í svari hans til umboðsmanns Alþingis vegna skipunar Þorsteins Davíðssonar í embætti héraðsdómara.

Telur koma til greina að tengja krónu við evru

Björgvin G. Sigurðsson viðskiptaráðherra telur koma til greina að tengja krónuna við evru.

Sjónvarpslið smitaði ekki ættbálk í Perú af flensu

Breskt sjónvarpsframleiðslufyrirtæki hefur neitað því að rannsóknarteymi á þess vegum í Perú hafi smitað einangraðan ættbálk af banvænni flensu.

Kýrin Obba hækkar um 165 þúsund krónur

Kýrin Obba á bænum Brakanda í Hörgárdal mjólkaði mest allra íslenskra kúa á síðasta ári eða rúmlega 12.200 kíló af mjólk. Fyrir þann fjölda fengu eigendur hennar um 591.085 krónur.

Þinghúsi í Haag lokað í varúðarskyni vegna Kóranmyndar

Þinghúsinu í Haag í Hollandi hefur verið lokað í varúðarskyni eftir að umdeild mynd eftir hollenska stjórnmálamanninn Geert Wilders um Kóraninn var sett á Netið í gær.

Öryggissveitir Simbabve í viðbragðsstöðu vegna kosninga

Öryggissveitir í Simbabve eru í viðbragðsstöðu af ótta við ofbeldi vegna forsetakosninga sem fara fram í landinu á laugardag. Sveitirnar munu einnig varna því að frambjóðendur lýsi yfir sigri í kosningunum áður en endanleg úrslit liggja fyrir.

Hækka vörur sem hafa verið keyptar fyrir gengislækkun

Vörur sem keyptar voru fyrir gengislækkun krónunnar fyrir páska hafa verið hækkaðar að sögn fólks sem haft hefur samband við Neytendasamtökin síðustu daga.

Segja mann hafa komið sjálfviljugan upp í bílinn

Allir fjórir mennirnir sem komu við sögu í því sem vitni lýstu sem mannráni í Breiðholti í nótt staðhæfðu við yfirheyrslur í nótt að maðurinn sem um ræðir hafi komið sjálfviljugur upp í bílinn til þeirra en ekki verið hrint inn í hann eins og vitni segja.

Tjáir sig ekki um uppsögn

Jóhann R. Benediktsson, lögreglustjóri á Suðurnesjum vildi ekki tjá sig um uppsögn sína sem tilkynnt var um á miðnætti í gær þegar Vísir ræddi við hann í morgun.

Ökumenn í vandræðum vegna hálku og hvassviðris á Hellisheiði

Nokkrir ökumenn lentu í vandræðum á Hellisheiði og í þrengslum í gærkvöldi vegna mikillar hálku og hvassviðris. Lögregla kom þeim til aðstoðar en ekki þurfti að kalla út hjálparsveitir.

Tollverðir á Keflavíkurflugvelli mótmæla ákvörðun ráðuneytis

Tollverðir á Keflavíkurflugvelli sendur frá sér ályktun í gærkvöldi að loknum fundi sínum, þar sem þeir mótmæla einhliða ákvörðun dómsmálaráðuneytisins er varðar upplausn sameinaðs löggæsluembættis á Suðurnesjum.

Frágangi farms ábótavant í öllum tilvikum

Frágangi farms var ábótavant á öllum þeim vöru- og flutningabílum sem lögregla stöðvaði á Reykjanesbraut í Garðabæ í gær.

Norður-Kóreumenn minna á sig

Spenna virðist vera að magnast á milli stjórnvalda í Norður-Kóreu og nágrannaríkinu Suður-Kóreu eftir að þau fyrrnefndu skutu tilraunaflaug út á Gulahaf í nótt.

Tvær konur slasaðar eftir umferðaróhapp

Tvær ungar konur slösuðust þegar bíll þeirra fór út af veginum á móts við bæinn Gröf í Eyjafjarðarsveit í gærkvöldi.

Neyðarfundur á írakska þinginu vegna ástandsins í Basra

Boðað hefur verið til neyðarfundar hjá írakska þinginu til þess að reyna að binda enda á átök uppreisnarmanna úr röðum sjía og írakskra hersveita í borginni Basra.

Tafir hjá British Airways í nýrri flugstöð á Heathrow

Heldur brösuglega gekk hjá breska flugfélaginu British Airways á fyrsta degi nýrrar flugstöðvar á Heatrow-flugvelli í gær.

Neyðarfundur hjá ríkisstjórn Hollands vegna umdeildrar Kóranmyndar

Óttast er að reiðialda rísi í ríkjum múslíma á næstunni í kjölfar frétta af því að umdeild mynd hollensks stjórnmálamanns um Kóraninn var sett inn á Netið í gær.

Mannrán í Breiðholti um miðnætti

Mannrán var framið í Hólahverfi í Breiðholti í Reykjavík rétt upp úr miðnætti. Bíl var ekið upp að manni sem var þar utan dyra og stökk maður út úr honum.

Lögreglustjórinn á Suðurnesjum sagði upp í mótmælaskyni

Jóhann R. Benediktsson, lögreglustjóri á Suðurnesjum, hefur sagt upp störfum. Vefur Víkurfrétta segir að þetta hafi verið upplýst á fjölmennum fundi með Össuri Skarphéðinssyni iðnaðarráðherra um þjóðmálaumræðu sem Verkalýðs- og sjómannafélag Keflavíkur og nágrennis stóð að í samstarfi við Miðstöð símenntunar á Suðurnesjum.

Istorrent málinu vísað frá dómi án niðurstöðu

Istorrent málinu svokallaða var vísað frá í Héraðsdómi Reykjaness í dag. Samtök rétthafa höfðuðu mál á hendur Svavari Lútherssyni, forsvarsmanni Istorrent síðunnar en þar gátu netverjar hlaðið niður höfundaréttarvörðu efni án endurgjalds. Dómurinn tók ekki afstöðu til málsins heldur vísaði hann því frá á þeim forsendum að hugsanlega geti lög um rafræna þjónustu stangast á við lög um höfundarrétt í málinu.

Herjólfi seinkaði vegna hálku

Mikil hálka og skafrenningur hefur verið í Þrengslum og á Hellisheiðinni það sem af er kvöldi en veðrið er að lægja. Þónokkrir bílar fóru útaf í þrengslunum og seinkaði ferð Herjólfs til Eyja í kvöld um 25 mínútur vegna þess hve ökumönnum sóttist ferðin um Þrengslin hægt.

Ofsaveður vestan Víkur

Lögreglan á Hvolsvelli vill beina því til fólks að ferðast ekki á svæðinu vestan Víkur í Mýrdal og að Steinum í kvöld. Þar er ofsaveður og ekkert ferðaveður. Einn bíll hefur þegar farið út af í rokinu en engan sakaði þar.

Tollverðir álykta harðlega gegn hugmyndum dómsmálaráðherra

Fjölmenni var á fundi tollvarða sem haldinn var í kvöld í Leifsstöð í Keflavík. Tollverðir eru óánægðir með hugmyndir dómsmálaráðuneytis þess efnis að aðskilja lögreglu og tollgæslu á Suðurnesjum. Á fundinum var samþykkt ályktun þar sem áformunum er einhliða mótmælt og sagt að breytingin verði til þess að eftirlit með ólöglegum innflutningi til landsins geti versnað í kjölfarið. Ályktunin var einróma samþykkt.

Ísland styður ekki sjálfstæði Taívans

Ísland hefur gerst aðili að yfirlýsingu Evrópusambandsins þar sem kosningum sem haldnar voru í Taívan fyrir skemmstu er fagnað en jafnframt ítrekað að eyjan skuli áfram vera hluti af Kína.

Al-Sadr hvetur til friðar

Íraski klerkurinn Moqtada al-Sadr hvatti í dag stríðandi fylkingar til þess að leggja niður vop í Írak. Hörð átök hafa geisað á milli stuðningsmanna hans og íraskra öryggissveita í suðurhluta landsins og í höfuðborginni Bagdad.

Árni fundaði með pólskum Keflvíkingum

Árni Sigfússon, bæjarstjóri í Reykjanesbæ, fundaði í gær með pólskum íbúum bæjarins. Um 60 manns mættu á fundinn sem haldinn var í bíósal Duushúsa. Árni kynnti fólkinu helstu áherslur bæjarins í mennta- atvinnu- og umhverfismálum auk þess sem verkefnið Interculture Reykjanes var kynnt.

Bílum fjölgaði um sextíu þúsund á fimm árum

Sextíu þúsund fleiri bílar eru á ferðinni í gatnakerfinu en fyrir fimm árum. Bílakaupgleði landsmanna hefur aukið tekjur ríkisins um tugi prósenta en í fyrra þénaði ríkissjóður rúmlega fimmtíu milljarðar af bílaflotanum.

Björn viðstaddur kjöllagningu nýs varðskips

Björn Bjarnason, dóms- og kirkjumálaráðherra, var í dag viðstaddur kjöllagningu nýs og fullkomins varðskips Landhelgisgæslunnar. Í tilkynningu frá dómsmálaráðuneytinu kemur fram að kjöllagningin hafi farið fram við hátíðlega athöfn í Asmar skipasmíðastöðinni í Talcahuano í Chile.

Engin hætta á ferðum þegar Fokker hætti við lendingu

Fokker flugvél frá Flugfélagi Íslands þurfti að hætta við lendingu á Ísafirði í dag eftir að flugstjórinn hafði gert tvær tilraunir til að lenda vélinni. Miklar vindhviður á brautinni komu í veg fyrir að hægt væri að lenda en innanborðs var skíðafólk frá Akureyri. Árni Gunnarsson, framkvæmdastjóri Flugfélags Íslands segir að engin hætta hafi verið á ferðum en að aðstæður hafi verið heldur óvenjulegar.

Samfylkingarfólk vill afsökunarbeiðni frá Árna

Ungliðahreyfing Samfylkingarinnar, Ungir jafnaðarmenn, sendu í dag frá sér yfirlýsingu vegna svara Árna Mathiesens fjármálaráðherra til umboðsmanns alþingis vegna skipunar Þorsteins Davíðssonar í stól héraðsdómara.

Eldur í Straumsvík

Slökkviliðinu á höfuðborgarsvæðinu barst um kl. 15:30 tilkynning um að eldur logaði í skúr í Straumsvík, skammt sunnan við álverið.

Rán í Kringlunni

Unglingspiltur rændi fartölvu í verslun BT í Kringlunni fyrir rúmri klukkustundu með því að klippa með skærum á öryggislínu er tölvan var fest með.

Lífeyrir öryrkja og ellilífeyrisþega hækkar um fjögur prósent

Jóhanna Sigurðardóttir félags- og tryggingamálaráðherra hefur undirritað reglugerð sem kveður á um að lífeyrir öryrkja og ellilífeyrisþega hækki um fjögur prósen frá og með 1. febrúar síðastliðnum.

Mótmælum vörubílstjóra lokið - boða dagleg mótmæli

Mótmælum vörubílstjóra í Ártúnsbrekkunni lauk fyrir stundu eftir að lögregla kom á vettvang og er því umferðarteppan að leysast.

Sr. Bolli Þórir Gústavsson látinn

Séra Bolli Þórir Gústavsson vígslubiskup er látinn 72 ára að aldri. Hann fæddist á Akureyri 17. nóvember árið 1935, sonur hjónanna Gústavs Elí Berg Jónassonar rafvirkjameistara og Hlínar Jónsdóttur húsfreyju.

Spurningar ítarlegar til að fá sem bestar skýringar

Umboðsmaður Alþingis segir í fyrirspurnarbréf sínu til Árna Mathiesen, setts dómsmálaráðherra, að ítarlegar spurningar séu settar fram til þess að gefa ráðherra sem best tækifæri til að senda skýringar sínar og þar með verði lagður sem bestur grunnur að athugun umboðsmanns.

Franskur raðmorðingi þegir í réttarsalnum

Frakkinn Michel Fourniret, sem grunaður er um að hafa myrt og misnotað sjö stúlkur og konur í Frakklandi og Belgíu á árunum 1987 – 2003, neitaði að tjá sig um málið við dómara í dag yrði réttarsalurinn ekki ruddur.

Samkeppniseftirlit mun fylgjast náið með opinberri umfjöllun fyrirtækja

Umfjöllun fyrirtækja og samtaka þeirra um verðlagningu getur skaðað samkeppni og falið í sér brot á samkeppnislögum. Að undanförnu hefur talsvert verið fjallað um hækkun á verði á ýmsum tegundum af vöru og þjónustu.

Vörubílstjórar teppa umferð í Ártúnsbrekku

Löng vörubílaröð liggur frá Grensásvegi til bensínstöðvar N1 í Ártúnsbrekku á leiðinni út úr bænum og eru miklar umferðartafir af þessum sökum. Vörubílstjórar sem eru óánægðir með hátt olíugjald og háar sektir Vegagerðarinnar ákváðu að teppa umferð í brekkunni með því að leggja bílum sínum á veginn.

Lestarkönnunartillaga samþykkt í fjarveru borgarstjóra

Borgarráð sameinaðist í dag um tillögu þar sem ákveðið var að kanna fýsileika þess að koma á lestarsamgöngum milli miðborgar Reykjavíkur og Keflavíkur annars vegar og léttlestarsamgöngur innan Reykjavíkur hins vegar.

Borgin kaupir hús í Breiðholti undir skólastarf

Borgarráð samþykkti á fundi sínum í morgun að festa kaup á húsi að Kleifarseli 18 í Seljahverfi í Breiðholti sem nota á undir frístundaheimili á vegum ÍTR og starfsemi heilsdagsskóla fyrir fötluð börn.

Sýnir mynd sem geymir harða gagnrýni á íslam

Hollenskur stjórnmálamaður og fyrrverandi múslími hyggst í næsta mánuði sýna nýja mynd sem hann hefur gert og hefur að geyma harða gagnrýni á íslam.