Musharraf lét af embætti hershöfðingja landsins í morgun

Pervez Musharraf forseti Pakistan lét í morgun af embætti hershöfðingja landsins við hátíðlega athöfn í höfuðstöðvum hersins í Pakistan. Sá sem tekur við af Musharraf heitir Ashfaq Pervez Kiani. Við athöfnina sagði Musharraf að hann væri stoltur yfir því að hafa stjórnað svo miklu afli sem herinn væri.

Hagnaður OR varð 6,4 milljarðar á fyrstu níu mánuðum ársins

6,4 milljarða króna hagnaður varð af rekstri Orkuveitu Reykjavíkur fyrstu níu mánuði ársins og jukust tekjur fyrirtækisins um rúma þrjá milljarða samanborið við sama tímabil í fyrra. Eigið fé jókst um tæpa sex milljarða og skuldir um 16 milljarða, einkum vegna framkvæmda við Hellsiheiðarvirkjun. Í tilkynningu frá félaginu segir að rekstarhorfur séu góðar.-

Segir erfðabreytt matvæli hentugri en lífrænt ræktuð

Erfðabreytt matvæli eru yfirleitt hentugri en matvæli sem eru lífrænt ræktuð, sagði David King, helsti vísindaráðgjafi bresku ríkisstjórnarinnar, í gær. King sagði það ljóst að áhyggjur manna af erfðabreyttum matvælum ættu ekki við rök að styðjast. Hann sagði jafnframt að mikil fólksfjölgun og loftslagsbreytingar myndu hafa neikvæð áhrif á landsvæði sem nýtt er til matarræktar. Því gæti erfðafræði verið góð lausn til að tryggja nægt framboð af matvælum í framtíðinni.

Stjórnvöld í Frakklandi halda neyðarfund

Nicholas Sarkozy Frakklandsforseti heldur í dag neyðarfund með æðstu embættismönnum sínum.

Bangsakennarinn orðin tilefni milliríkjadeilu

Mál breska kennarans Gillian Gibbons og bangsans Múhameð er orðið að alvarlegri milliríkjadeilu Breta og Súdana. Gillian á yfir höfði sér ákæru fyrir að svívirða múslima en hún gaf sjö ára gömlum nemendum sínum leyfi til þess að nefna bangsann sinn Múhameð.

Vilja að Giuliani verði forsetaefni

Repúblikanar í Flórída í Bandaríkjunum vilja að Rudy Giuliani verði forsetaefni þeirra, samkvæmt nýrri skoðanakönnun sem fréttastofa CNN lét gera fyrir sig. Samkvæmt könnuninni nýtur Giuliani stuðnings 38% íbúa á Flórída.

Flutningaskipið Axel á leið til Akureyrar

Flutningaskipið Axel, sem strandaði út af Hornafirði í gærmorgun, er nú statt út af Vopnafirði og siglir hæga siglingu áleiðis til Akureyrar, þar sem það verður tekið í slipp til viðgerðar.

Von í Annapolis

Friðarfundur Miðausturlanda í Marylandríki í Bandaríkjunum er endir byrjunar friðarferlis á svæðinu, ekki endilega byrjunin á endinum. Nú er framundan mikið og erfitt ferli þar sem óleyst deilumál þurfa að fá einhverja lausn; landamæri Ísraels, nýtt ríki Palesínu, Jerúsalem, landsnámsbyggðir Ísraela og palestínskir flóttamenn.

Ekið á 12 ára dreng í Kópavogi

Ekið var á 12 ára dreng við Jötunsali í Kópavogi klukkan 19:22 í kvöld. Drengurinn var á hjóli og lenti framan á fólksbíl sem kom keyrandi upp götuna. Drengurinn var ekki með hjálm en til allrar lukku slasaðist hann ekki mikið. Hann var þó fluttur á brott með sjúkrabíl.

Vill að lágmarki þrjár milljónir fyrir auglýsingu í Áramótaskaupi

"Lágmarksverð er þrjár milljónir," segir Páll Magnússon útvarpsstjóri sem ætlar að brydda upp á þeirri nýbreytni þetta árið að gefa auglýsendum kost á að bjóða í 60 sekúndna auglýsingatíma í miðju áramótaskaupinu á gamlárskvöld.

Jón Ásgeir fékk 43 milljónir endurgreiddar frá skattinum

Jón Ásgeir Jóhannesson, stjórnarformaður Baugs og 365 hf, sem rekur meðal annars visir.is, fékk endurgreiddar 43 milljónir frá skattinum nú í byrjun október vegna ofgreiðslu á árinu 2005. Þetta staðfesti hann við Vísi í morgun.

Ekki friðvænlegt á Gasa þrátt fyrir friðarsamninga

Á meðan leiðtogar Ísraela og Palestínumanna sitja á friðarfundum í Annapolis í Bandaríkjunum er allt annað en friðvænlegt á Gasaströndinni.

Mikill viðbúnaður í París vegna hugsanlegra óeirða

Lögreglan í París verður með mikinn viðbúnað í kvöld þar sem óttast er að til óeirða komi í einu af úthverfum borgarinnar þriðja kvöldið í röð. Forsætisráðherrann Francois Fillon hefur kallað ungmennin sem staðið hafa fyrir óeirðunum glæpamenn.

Rektorinn á Akureyri ánægður með breytingu á kennaranámi

Rektor Háskólans á Akureyri fagnar því að meistaranáms verði krafist hjá kennurum framtíðarinnar. Hann segir skólastarf hafa goldið fyrir ónóga menntun kennara.

Þingmenn fá aðstoðarmenn

Gert er ráð fyrir því að þingmenn fái sérstakan aðstoðarmann í frumvarpi sem forsætisnefnd Alþingis fjallar nú um. Kostnaður vegna þessa getur numið allt að eitthundrað milljónum króna á ári.

Ný varnarmálastofnun mun annast rekstur mannvirkja Nató

Utanríkisráðherra hyggst koma á fót nýrri varnarmálastofnun sem hefur það hlutverk að annast allan rekstur mannvirkja Nató á Íslandi. Þetta kom fram í máli Ingibjargar Sólrúnar Gísladóttur á fundi Samtaka um vestræna samvinnu í dag.

Kompás: Skammbyssur til sölu á svörtum markaði

Fjöldi ólöglegra skammbyssa er til sölu á svörtum markaði á Íslandi. Þetta leiðir rannsókn fréttaskýringaþáttarins Kompáss í ljós en þáttagerðarmönnum tókst að kaupa skammbyssu á tveimur sólarhringum.

Icetorrent lokað í dag eftir að hafa safnað sex þúsund meðlimum

Skráardeilisíðunni icetorrent.net var lokað í dag eftir að eiganda síðunnar barst athugasemd frá Smáís, Samtökum Myndrétthafa á Íslandi. Þrátt fyrir að síðan hafi aðeins verið stofnuð nú um helgina voru tæplega sex þúsund Íslendingar búnir að skrá sig þar sem meðlimir í dag.

Skemmdirnar á Axeli kannaðar í kvöld

Starfsmenn Dreggjar ehf, skipafélagsins sem gerir út flutningaskipið Axel sem strandaði við Hornafjarðarós í morgun, eru komnir til Fáskrúðsfjarðar en skipið er í þann mund að leggja að bryggju. Bjarni Sigurðsson hjá Dregg segir að kafarar kanni þegar í kvöld hversu alvarlegar skemmdirnar á skipinu séu.

Kona úrskurðuð í farbann vegna gruns um bókhaldsbrot

Kona var úrskurðuð í farbann til 21. desember í dag samkvæmt ákvörðun Hæstaréttar en hún sætir nú rannsókn vegna meintra skatta- og bókhaldsbrota.

Ísraelar og Palestínumenn samþykkja friðarsamninga

Ísraelar og Palestínumenn samþykktu í dag að hefja þegar tvíhliða viðræður um frið og ljúka þeim með formlegum samningi á næsta ári.

Lithái í farbanni vegna framsalsmáls

Hæstiréttur staðfesti í dag farbann yfir Litháa vegna framsalsmáls hans sem yfirvöld hér á landi hafa til meðferðar. Verður maðurinn í farbanni til 10. desember samkvæmt úrskurði Hæstaréttar.

Hætt við að selja Gagnaveituna

Stjórnarformaður Orkuveitu Reykjavíkur kynnti á stjórnarfundi í dag tillögu um að fallið verði frá fyrri ákvörðun um að leita tilboða í Gagnaveitu Reykjavíkur, áður Lína.net, dótturfélags OR. Í júní síðastliðnum var samþykkt að fela Glitni að verðmeta Gagnaveitu Reykjavíkur og leita eftir tilboðum í hlutafé félagsins. Verðmat var fengið en sölumeðferð hefur ekki hafist. Bryndís Hlöðversdóttir, stjórnarformaður OR segir að hún líti á Gagnaveituna sem grunnþjónustu sem falli vel að annari veitustarfsemi.

Vodkaþjófur gipinn á Hellisheiði

Lögreglan á Selfossi lagði töluvert á sig til þess að hafa hendur í hári vodkaþjófs sem dæmdur var í 30 daga fangelsi í Héraðsdómi Suðurlands í dag.

Dýr málsverður

Yfirmaður umferðardeildar lögreglunnar í Rómarborg hefur verið rekinn. Ekki aðeins lagði hann bíl sínum ólöglega heldur setti hann í gluggakistuna heimildarskírteini fyrir fatlaða til að leggja.

Skaddaði sjón manns varanlega í líkamsárás

Héraðsdómur Reykjavíkur dæmdi í dag karlmann í átta mánaða fangelsi fyrir stórfellda líkamsárás sem leiddi meðal annars til þess að sjón fórnarlambsins skaddaðist varanlega.

Kristján fer fyrir nefnd um flutningsjöfnun

Viðskiptaráðherra hefur skipað Kristján Þór Júlíusson, þingmann Sjálfstæðisflokksins, sem formann starfshóps um fyrirkomulag flutningsjöfnunar.

Vilja friðargæsluliða heim frá Afganistan

Fjórir þingmenn Vinstri - grænna hafa lagt fram þingsályktunartillögu þess efnis að Alþingi feli utanríkisráðherra að kalla heim íslenska friðargæsluliða í Afganistan, sem þar starfa sem hluti liðsafla NATO.

Beina kröftum að áhættuhópum í fíkniefnabaráttu

Beina þarf auknum kröftum að áhættuhópum í baráttunni við fíkniefnavandann hér á landi að mati Guðfríðar Lilju Grétarsdóttur, þingkonu Vinstri - grænna.

Hringtorg fækka slysum en fjölga óhöppum

Umferðarstofa hefur tekið saman áhrif þess að ljósastýrðum gatnamótum var breytt í Hringtorg. í ljós kom að slysum fækkaði á öllum stöðunum en um leið fjölgaði óhöppum án slysa. Í tikynningu frá Umferðarstofu kemur fram að fækkun slysa sé í samræmi við aðrar rannsóknir en ekki hefur áður komið fram að óhöppun fjölgi um leið.

Heimsviðburður við Vesturlandsveg

Í fyrramálið klukkan 10 verður vetnisstöðin við Vesturlandsveg, Shell, opnuð á nýjan leik eftir breytingar og nú fyrir almenna notkun.

Stórfelldur skortur á þyrlum í heiminum

Skortur á þyrlum til hjálparstarfa og friðargæslu er svo alvarlegur að hugsanlega verður hreinlega að hætta við einhver verkefni vegna hans.

Axel siglt til Fáskrúðskrúðsfjarðar

Flutningaskipinu Axel, sem strandaði við Hornafjarðarós snemma í morgun, verður siglt til Fáskrúðsfjarðar þar sem það verður skoðaÐ og lagt mat á skemmdir og sjóhæfi skipsins.

Alfreðsnefndin kostaði 283 milljónir króna

Framkvæmdanefnd sem skipuð var til að skipuleggja byggingu nýs sjúkrahús kostaði 283 milljónir króna. Þetta kemur fram í upplýsingum sem Vísir hefur frá heilbrigðisráðuneytinu.

Tekist á um hversu góð lífskjörin væru á Íslandi

Deilt var um það hversu góð lífskjörin væru á Íslandi í umræðum við upphaf þingfundar á Alþingi í dag.

Alfreð fékk rúm 500 þúsund á mánuði

Heildarlaun Alfreðs Þorsteinssonar, fyrrverandi borgarfulltrúa Framsóknarflokksins, fyrir formennsku í nefnd um byggingu nýs hátæknisjúkrahúss voru 511 þúsund á mánuði, samkvæmt upplýsingum frá Heilbrigðisráðuneytinu.

Ráða verkefnastjóra vegna tilfærslu verkefna

Velferðarsvið Reykjavíkurborgar hefur ráðið sérstakan verkefnastjóra til að vinna að færslu verkefna á sviði málefna fatlaðra frá ríki til Reykjavíkurborgar.

McCann hjónin eru peningalaus

Peningasjóðurinn sem Kate og Gerry McCann hafa safnað til þess að greiða fyrir leitina að dóttur þeirra er að tæmast. Madeleine hvarf í Portúgal í byrjun maí. Fyrst eftir að það gerðist streymdu peningar inn til foreldra hennar svo þau gætu leitað að henni en verulega hefur dregið úr framlögum í sjóðinn. Hann nemur nú um 130 milljónum íslenskra króna.

Stútum undir stýri fjölgar á milli ára í Eyjum

Lögreglan í Vestmannaeyjum hefur stöðvað 19 manns fyrir ölvunarakstur það sem af er þessu ári, þar af einn í síðustu viku.

Gaf skít í mömmu sína

Skoskir læknar björguðu konu sem var að deyja úr bakteríusýkingu með því að gefa henni saur úr dóttur sinni.

Segja allt eins líklegt að jarðskjálftahrinur verði nærri byggð

Almannavarnardeild segir töluverðar líkur á því að jarðskjálftavirkni á svokölluðu vestara gosbelti muni halda áfram á næstunni og allt eins líklegt að nýjar hrinur geti orðið nærri byggð.

Afrísk stemmning í Hraunavallaskóla í morgun

Krakkarnir í Hraunvallaskóla í Hafnarfirði skemmtu sér heldur betur vel þegar hljómsveitin Súper-mambó-Jambó frá Gíneu-Bissá heimsótti skólann í morgun.

Ekkert lát á skemmdarverkum á strætóskýlum

Rúður í tuttugu strætóskýlum víða um borgina hafa verið mölbrotnar undanfarinn mánuð og veggjakrot á skýlum hefur aldrei verið meira.

Bæði Ísraelar og Palestínumenn verða að slá af kröfum sínum

Bush Bandaríkjaforseti sagði Ísraelum og Palestínumönnum í gærkvöldi að báðir yrðu að slá af kröfum sínum til að ná samkomulagi um frið fyrir botni Miðjarðarhafs.

Aldrei fleiri lifað í skugga fátæktar

„Ég er svolítið sjokkeruð yfir því hvernig auðmenn Íslands geta horft upp á þúsund íslendinga sem lifa í skugga fátæktar upp á hvern einasta dag,“ segir Ásgerður J Flosadóttir hjá Fölskylduhjálp Íslands.