Langstærsta framkvæmdin í Bolungarvík um árabil

Bæjarstjórn Bolungarvíkur samþykkti á fundi sínum í síðustu viku að heimila framkvæmdir og útboð vegna uppbyggingar Félagsheimilis Bolungarvíkur.

Sýknuð af skaðabótakröfu vegna meintrar líkamsárásar

Héraðsdómur Reykjavíkur sýknaði í dag tvær konur og tvo karla af skaðabótakröfu manns sem sagði þau hafa ráðist á sig eftir dansleik á Patreksfirði árið 2004.

Flutningaskipið Axel gengur fyrir eigin vélarafli

Flutningaskipið Axel, sem strandaði við Hornafjarðarós í morgun, er komið af strandstað og gengur nú fyrir eigin vélarafli.

Konur streyma í kynlífsferðir til Kenya

Fullorðnar hvítar konur streyma nú í kynlífsferðir til Kenía þar sem þær finna sér stæðilega unga karlmenn til þess að deila fríinu með.

Brotthvarf varnarliðsins ber vott um skammsýni

Brotthvarf bandaríska varnarliðsins frá Íslandi ber vott um skammsýni með hliðsjón af miklum hagsmunum Bandaríkjamanna af því að fyllsta öryggis sé gætt á siglingaleiðum olíu- og gasflutningaskipa.

Til hamingju Ísland

Ísland hefur náð forystunni af Noregi á lista yfir þær þjóðir þar sem best þykir að búa í, samkvæmt þróunarstuðli sem birtist í árlegri skýrslu Sameinuðu þjóðanna í dag.

Varað við lúmskri hálku á götum og gangstéttum

Sjóvá Forvarnahúsið varar við mjög lúmskri hálku á götum og gangstéttum á höfuðborgarsvæðinu í dag.

Koma upp olíugirðingu við flutningaskipið Axel

Björgunarsveitarfólk úr Björgunarsveit Hornafjarðar vinnur nú að því að koma upp olíugirðingu til þess að koma í veg fyrir hugsanlega olíumengun frá flutningaskipinu Axel sem strandaði á Borgeyjarboða við Hornafjarðarós í morgun.

Í kulda og trekki

Átján milljónum fleiri karlmenn en konur á giftingaaldri búa í Kína. Þetta ójafnvægi er að mestu til komið vegna þeirrar stefnu stjórnvalda að banna hjónum að eignasts fleiri en eitt barn.

Tekinn með 50 e-töflur

Í gærkvöldi handtók lögreglan á Akureyri mann um tvítugt sem var grunaður um að vera með fíkniefni í fórum sínum. Í ljós kom að maðurinn var með um fimmtíu e-töflur. Maðurinn játaði að vera eigandi fíkniefnanna og var hann látinn laus að yfirheyrslu lokinni

Flutningaskip steytti á skeri við Hornafjarðarós

Flutningaskipið Axel steytti á skeri í Hornafjarðarósi þegar það var á leið frá Hornafirði um klukkan átta í morgun.

Bresk kennslukona fangelsuð í Súdan

Breskur grunnskólakennari, Gillian Gibbons, var nýlega handtekin í Súdan, sökuð um að svívirða samfélag múslima, með því að leyfa nemendum sínum að nefna bangsann sinn Múhameð í höfuðið á spámanninum.

Lokatilraun til að elta uppi Nasista

Hafin er lokatilraun til að elta uppi og lögsækja fyrrverandi stríðsglæpamenn Nasista úr síðari heimsstyrjöldinni. Verkefnið er kallað "Lokatækifærið" og er skipulagt af stofnun Símons Wiesenthal. Barátta þeirra er háð með auglýsingum og með því að bjóða þeim peningaverðlaun sem veita gagnlegar upplýsingar um Nasista. Lokatilraunin er háð í Chile, Úrugvæ, Argentínu og Brasilíu en talið er að fjölmargir Nasistar hafi flúið þangað eftir seinni heimsstyrjöldina.

Handritshöfundar snúa aftur að samningaborðinu

Handritshöfundar í Hollywood sneru að samningaborði með fulltrúum helstu kvikmynda- og sjónvarpsþáttaframleiðendanna í gær í fyrsta sinn síðan að verkfall þeirra hófst fyrir þremur vikum.

Þrjú hundruð sérfræðingar á HIV ráðstefnu

Yfir þrjú hundruð sérfræðingar í heilbrigðisvísindum eru saman komnir á ráðstefnu um HIV veiruna í Brussel. Þeir vilja að HIV próf séu bætt svo hægt sé að berjast gegn aukinni útbreiðslu veirunnar.

Síldarævintýri á Grundarfirði

Vind hafði ekki fyrr lægt í Grundarfirði í gær en að síldveilðiskipin hófu veiðar þar við bæjardyrnar og veiddu vel. Þar eru nú sex skip og bíða birtingar, en síldin veiðist aðeins í dagsbirtu.Síðan veiðarnar hófust í Grundarfirði fyrir hálfum örðum mánuði er búið að veiða þar yfir 60 þúsund tonn á ör litlum bletti og virðist ekki sjá högg á vatni að sögn sjómanna.

Lögreglan leitar skemmdarvarga

Lögregla leitaði í nótt tveggja ungra manna, sem unnu skemmdarverk á strætisvagnaskýli við Grensásveg, á móts við Espigerði í Reykjavík í nótt.

Sextíu franskir lögreglumenn slösuðust í átökum

Til átaka kom á milli franskra ungmenna og lögreglunnar í úthverfi Parísar aðra nóttina í röð. Lögreglan er sökuð um að bera ábyrgð á því að tvö ungmenni létust þegar vélhjól sem þau óku skall saman við lögreglubíl um helgina.

Vongóðir um árangur í friðarviðræðum

George Bush forseti Bandaríkjanna, Olmert forsætisráðherra Ísrael og Abbas leiðtogi Palestínumanna, segjast allir vera vongóður um að fundur sem þeir áttu saman í Maryland í Bandaríkjunum í gær geti skilað árangri í friðarviðræðum.

Þrjú ungmenni slösuðust í árekstri á Akranesi

Þrjú ungmenni slösuðust, en ekkert þeirra lífshættulega, þegar bíll þeirra skall af miklu afli á öðrum bíl, sem var kyrrstæður og mannlaus við Faxabraut á Akranesi í gærkvöldi. Farþegi í aftursæti kastaðist fram yfir farþega í framsæti og skarst mikið í andliti og missti framan af fingri. Hinir tveir hlutu meðal annars kviðáverka. Fólkið mun ekki hafa verið í öryggisbeltum. Þá var barnshafandi kona flutt á sjúkrahúsið á Akranesi í nótt eftir að bíll, sem hún var í, fór út af þjóðveginum á milli Borgarness og Akraness í fljúgandi hálku og hafnaði úti í skurði.

Ný kenning um hvarf Madelaine

Samkvæmt portúgalska dagblaðinu Publico er lögreglan þar í landi nú sannfærð um að Madelaine McCann hafi verið myrt af barnaníðing á hótelherbergi foreldra hennar.

Blogg blaðamanns ekki brotlegt við siðareglur

Siðanefnd Blaðamannafélags Íslands(BÍ) hefur vísað frá kæru Rannveigar Rist, forstjóra Alcan, á hendur Þórði Snæ Júlíussyni, blaðamanns 24 stunda, vegna skrifa sem birt voru á bloggsíðu í febrúar á þessu ári.

Tímabærar breytingar á kennaramenntun

Elna Katrín Jónsdóttir varaformaður Kennarasambands Íslands, segir breytingar á kennaramenntun í nýju menntafrumvarpi sem til stendur að leggja fram vera tímabærar og í takt við þróunina í nágrannalöndum okkar. Eins og greint var frá í fréttum RÚV í kvöld verður kennaranám í núverandi mynd lagt af á næstu árum og til stendur að krefjast meistaragráðu af kennurum framtíðarinnar. Fjögur ný frumvörp munu vera á teikniborðinu hjá menntamálaráðuneytinu og ná þau til leik-, grunn- og framhaldsskóla. Elna Katrín sat í nefnd sem fjallaði um framtíðarskipan kennaramentunnar og segir hún einhug hafa ríkt í nefndinni um tillögur í þessa veru.

Bændur ósáttir við að þurfa að setja kýrnar í haga

Bændur eru sumir ósáttir við að neyðast til að setja kýr sínar á beit út í haga. Bændasamtökin eru hins vegar einbeitt í að halda þeirri reglu til streitu að beljur fái að viðra sig úti - þótt víða í Evrópu séu bændur jafnvel hættir útibeit.

Þurftu að bíða af sér veðurhaminn í marga klukkutíma

Þjóðvegurinn undir Hafnarfjalli var lokaður flutningabílum frá því í gærkvöldi og framundir hádegi vegna ofsaveðurs á svæðinu. Á annan tug flutningabíla þurfti að bíða af sér veðurhaminn.

Kristján Þór neitar að hafa lofað Hagkaupum verslun á Akureyrarvelli

Fyrrverandi bæjarstjóri á Akureyri neitar að hann hafi verið búinn að gera samkomulag um Hagkaupsverslun þar sem Akureyrarvöllur stendur nú eins og áhöld hafa verið uppi um.

Læknar, dómarar og flugumferðarstjórar launahæstir

Læknar, dómarar og flugumferðarstjórar eru launahæstu stéttir hjá hinu opinbera, samkvæmt tölum kjararannsóknarnefndar opinberra starfsmanna. Leikarar og starfsmenn Sinfóníuhljómsveitarinnar eru hins vegar í hópi þeirra sem bera minnst úr býtum.

Segir verktakafyrirtæki reyna að græða á félagslegum afslætti

Borgarfulltrúi Samfylkingarinnar óttast að verktakafyrirtæki í Reykjavík sé að reyna stinga afslætti sem eingöngu er ætlaður félagslegum íbúðaúrræðum í eigin vasa. Fyrirtækið hafi fengið afslátt af lóða- og gatnagerðargjöldum en ætli nú að selja íbúðirnar á fullu markaðsverði til ríkisins.

Ekkja Pavarottis krefst skaðabóta

Ekkja Lucianos Pavarottis krefst tæplega þriggja milljarða króna skaðabóta af vinum óperusöngvarans fyrir særandi ummæli um sig.

Ísland fylgist með rússneskum kafbátum

Ferðum rússneskra kafbáta undan ströndum Noregs hefur fjölgað verulega að undanförnu.

Feðgar með 13 rétta: Datt ekki í hug að spá United sigri

Átta ára strákur og pabbi hans voru með 13 rétta í enska boltanum um helgina. Þeir uppskáru rúmar tvær milljónir í sinn hlut en þeir höfðu þann háttinn á að strákurinn spáði fyrir um úrslitin og síðan tvítryggði pabbinn sex leiki. Það kom þó ekki annað til greina en að spá Bolton sigri á Manchester United, enda heldur strákurinn með Liverpool.

Vilja hafa ólympíueldinn umhverfisvænni

Skipuleggjendur Ólympíuleikanna í Lundúnum 2012 leita nú orkugjafa sem nota á í ólympíueldinn þannig að hann gefi frá sér eins lítið af koltvísýringi og mögulegt er.

Rökstuddur grunur um að kona hafi verið seld mansali hingað til lands

Hildur Dungal, forstjóri Útlendingastofnunar, staðfestir dæmi þess að erlend kona hafi fengið dvalarleyfi á Íslandi vegna vísbendinga um að hún hafi verið seld mansali hingað til lands.

FÁR: Leggst gegn áfengisfrumvarpinu

Félag áfengis- og vímuefnaráðgjafa, (FÁR), hefur sent ályktun á alla alþingismenn þar sem þeir eru hvattir til þess að leggjast gegn frumvarpi sem heimilar sölu áfengis í matvöruverslunum. Magnús Einarsson, ritari FÁR, segir að þar á bæ séu menn vongóðir um að þinmenn átti sig á alvarleika málsins og þeim afleiðingum sem sala léttvíns og bjórs í matvöru búðum myndi hafa í för með sér.

Slys á jólahlaðborðum danskra fyrirtækja eru vinnuslys

Þau slys sem verða á jólahlaðborðum danskra fyrirtækja teljast til vinnuslysa.

Skjálftahrina í grennd við Hveravelli

Þónokkur skjálftavirkni hefur verið norðvestur af Hveravöllum síðustu klukkutíma. Sex skjálftar hafa riðið yfir og var sá stærsti 4,4 á Richter kvarðanum en sá minnsti mældist 2,3 á Richter. Búast má við eftirskjálftum.

Reykur úr kjallara reyndist vera gufa

Slökkvilið höfuðborgvarsvæðisins var kallað að Þverbrekku í Kópavogi í morgun vegna reyks sem lagði úr kjallara verslunar við götuna.

Musharraf mun láta af embætti hershöfðingja

Pervez Musharraf mun sverja embættiseið sem forseti Pakistan í þriðja skipti á fimmtudag. Þetta hefur BBC fréttastofan eftir Rashid Qureshi talsmanni Musharrafs. Qureshi sagði jafnframt að Musharraf myndi segja af sér embætti hershöfðingja í landinu áður en hann myndi sverja forsetaeiðinn.

Fundu fíkniefni í kjölfar umferðaróhapps

Karlmaður var í Héraðsdómi Norðurlands eysta dæmdur í 30 daga skilorðsbundið fangelsi fyrir að hafa í fórum sínum ýmiss konar fíkniefni þegar lögregla leitaði á honum eftir umferðaróhapp.

Díana var ekki með barni

Lík Díönu prinsessu af Wales, sýndi engin merki þess að hún hefði verið ófrísk. Þetta fullyrti meinafræðingurinn Dr. Robert Chapman fyrir rétti í dag. Dr. Chapman krufði lík Díönu. Hann sagði að kviður hennar og móðurlíf hefðu ekki tekið þeim breytingum sem það myndi gera í ófrískri konu. Chapman viðurkenndi þó að þessar breytingar þyrftu ekki endilega að vera ljósar á fyrstu þremur vikum meðgöngunnar.

Pútín sakar ÖSE um að ganga erinda Bandaríkjamanna

Vladímír Pútín Rússlandsforseti segir Bandaríkjamenn reyna að grafa undan þingkosningum í Rússlandi um næstu helgi með því að þrýsta á vestræna kosningaeftirlitsmenn að sniðganga kosningarnar.

Héldu að foreldrarnir hefðu selt Madeleine

Portúgölsku lögregluna grunaði um tíma að foreldrar Madeleine McCann hefðu selt hana barnaníðingum til þess að losna úr fjárhagskröggum.

Torrent-mál tekið fyrir 12. desember

Mál nokkurra höfundarréttarsamtaka á hendur eiganda skráardeilingarsíðunnar torrent.is verður tekið fyrir hjá dómstólum þann 12. desember

Kæra vörusvik á ginsengi til Neytendastofu

Neytendasamtökin hafa kært til Neytendastofu vörusvik við sölu á ginsengi. Eftir því sem segir á vef Neytendasamtakanna er um að ræða rautt ginseng sem ekki hefur haft þá virkni sem ætla mætti.

Við erum í góðum málum.....

Hvernig heldur maður eftirminnilega upp á þrítugsafmæli sitt? Morgunþáttastjórnandi við dönsku svæðisútvarpsstöðina Radio Globus mætti nú bara samviskusamlega í sína vinnu.