Frumbyggjar heiðra Al Gore

Ættbálkur í afskekktu héraði í norð-austurhluta Indlands ætla að heiðra Al Gore, fyrrverandi varaforseta Bandaríkjanna fyrir baráttu hans gegn loftslagsbreytingum.

Fyrsta demantasýningin hérlendis

Slípaðir og óslípaðir demantar og hundruð demantsskartgripa verða meðal sýningargripa á ÍSMÓTI 2007 og er það í fyrsta sinn sem demantasýning opin almenningi er haldin hér á landi. ÍSMÓT 2007 er Íslandsmeistaramót hársnyrta, snyrtifræðinga, gullsmiða, klæðskera og ljósmyndara innan Samtaka iðnaðarins og verður haldið í Íþrótta- og sýningarhöllinni í Laugardal helgina 1.-2. september.

Rjúpur gera sig heimakomnar í Hólmavík

Rjúpur hafa sótt mjög í þéttbýlið á Hólmavík að undanförnu og eru þær mjög spakar miðað við aðra villta fulga. Á vefnum Strandir segir að grunur leiki á að þær hyggist setjast að í þorpinu fram yfir rjúpnaveiðitímabilið að minnsta kosti því skyttur skjóta ekki í þéttbýli.

Dregið verði úr losun áburðar í Eystrasalt

Umhverfisráðherrar hinna norrænu ríkja leggja árherslu á að dregið verði úr skolun áburðar í Eystrasalt en þeir funduðu í dag og í gær í Finnlandi.

Vörubíll valt við Kolviðarhól, ökumaður fluttur á slysadeild

Vörubíll valt skammt frá Hellisheiðarvirkjun, við Kolviðarhól á níunda tímanum í kvöld. Einn maður var í bílnum og var hann fluttur á slysadeild til aðhlynningar en hann var með meðvitund.

Bandaríkjamenn handtaka íranska sendinefnd í Bagdad

Bandarískir hermenn í Bagdad handtóku í dag sjö Írana sem tilheyra sendinefnd sem var í borginni til þess að skrifa undir samning um sölu á raforku, að því er ríkisútvarp Írans greinir frá.

Töskuþjófur komst undan með 150 þúsund krónur

Maður rændi veski af fullorðinni konu í Vonarstrætinu rétt eftir fimm í dag. Hann komst undan með veskið sem í voru á bilinu 130 til 150 þúsund krónur. Lögreglan segist vita hver þjófurinn sé og er hans nú leitað.

Einnig leitað í húsi á Selfossi

Lögreglan á Selfossi fór í þrjár húsleitir í dag en ekki tvær eins og áður kom fram. Sérsveit Ríkislögreglustjóra aðstoðaði við húsleitirnar en auk þess að framkvæma leit í Hveragerði og í Ölfusi var einnig leitað í húsi á Selfossi. Á stöðunum fundust efni og áhöld til fíkniefnanotkunar og hnífar voru gerðir upptækir í Hveragerði.

Forsvarsmenn Parken vilja 80 milljónir í bætur

Danska fótboltabullan sem hljóp inn á völlinn í leik Dana og Svía í júní síðastliðinn og sló til dómara leiksins á yfir höfði sér 80 milljóna króna sekt. Það er rekstraraðili Parken leikvangsins sem fer fram á skaðabæturnar.

52 tveir látnir eftir bardaga í Kerbala

52 létust og 260 slösuðust í hörðum bardögum í írösku borginni Kerbala í dag. Þar börðust öryggissveitir stjórnvalda við byssumenn en í borginni fer nú fram trúarhátíð sjíta í borginni. Hundruð þúsunda pílagríma hafa komið til borgarinnar síðustu daga.

Bolvíkingar krefjast aðgerða

Bæjarráð Bolungarvíkur kom saman í dag þar sem kallað var eftir tafarlausum aðgerðum stjórnvalda vegna niðurskurðar aflaheimilda á næsta fiskveiðiári. Bæjarráðið segir ljóst að niðurskurður aflamarks í þorski sé rúmlega 1100 tonn í bænum. Í bókun ráðsins kemur fram að þær mótvægisaðgerðir sem stjórnvöld hafi lagt til séu ekki fallnar til að leysa vanda Bolungarvíkur nema að litlu leyti.

Óheppilegt að gefa umsagnir um hugsanlega samstarfsmenn

Það er óheppilegt að dómarar við Hæstarétt gefi umsögn um tilvonandi samstarfsmenn sína og hafi þar með áhrif á hverjir skipaðir eru hæstaréttadómarar. Þetta segir formaður Lögmannafélags Íslands, sem vill að umsögn um tilvonandi hæstaréttadómara verði í höndum fagráðs en ekki dómara við réttinn.

Metveiði í Ytri-Rangá

Metveiði er í Ytri-Rangá, en þrjú þúsundasti laxinn kom á land í gær. Veiðihollin sem nú eru að veiðum segja að lax sé á í hverju kasti. Yfir tvö hundruð laxar komu á þurrt í gær og yfir áttatíu laxar í morgun.

Talibanar ætla að láta gísla lausa

Talibanar samþykktu í dag að sleppa nítján suður-kóreskum gíslum sem þeir hafa haft í haldi í Afganistan síðan í júlí.

Hátt í hundrað verkamenn ekki löglega skráðir

Talið er að hátt í eitt hundrað þeirra verkamanna sem starfað hafa við byggingu Hraunaveitu við Kárahnjúka séu ekki löglega skráðir til vinnu hér á landi. Hátt í tuttugu þeirra lentu í rútuslysi í fyrradag. Félagsmálaráðherra segir ljóst að brotalamir séu í eftirlitskerfinu.

Varhugavert að virkja í Þjórsá segir Ragnar Stefánsson

Varhugavert er að reisa virkjun á fyrirhuguðu svæði við Þjórsá, að mati Ragnars Stefánssonar jarðskjálftafræðings, sem telur að það geti reynst mönnum dýrkeypt að virkja þar.

Lögregla á Indlandi uppvís að hrottaskap

Lögreglumenn á Indlandi börðu grunaðan þjóf, bundu hann við mótorhjól og drógu hann eftir götunni. Þetta sést á myndbandi sem kom fram í dag.

Uppskerubrestur hjá kartöflubændum

Uppskerubrestur blasir við kartöflubændum. Grös eru fallin og er búist við að uppskeran verði aðeins helmingur venjulegs árs. Kartöflubændur í Þykkvabænum vöknuðu upp við vondan draum í morgun í því enn hafði næturfrostið sagt til sín og grösin eru öll fallin í görðunum. Þetta er mikið áfall fyrir bændur því hlýindin í sumar höfðu vissulega gefið fyrirheit um góða uppskeru þótt vætan hafi verið í minna lagi.

Slæður umdeildar í Tyrklandi

Abdullah Gul var í dag kjörinn forseti Tyrklands, í atkvæðagreiðslu á tyrkneska þinginu. Gul var áður framarlega í flokki íslamista í Tyrklandi, en hann hefur heitið því að styðja áframhaldandi aðskilnað ríkis og trúar í landinu.

Leiðin verið torsótt og grýtt

Lúðvík Gizurarson hefur sent frá sér yfirlýsingu þar sem hann fagnar því að barnsfaðernismálinu sem hann höfðaði fyrir þremur árum fari nú að ljúka. Hann segir niðurstöðuna ekki hafa komið sér á óvart, hún sé aðeins staðfesting á því sem móðir hans sagði alla tíð. Lúðvík segir líka að leiðin að niðurstöðunni hafi verið torsótt og grýtt.

Leitin í dag bar engan árangur

Leit sem hófst aftur í morgun að þýsku ferðamönnunum tveimur, sem búið er að telja af, bar engan árangur. Ákveðið var að hefja leitina eftir munir, sem taldir eru tilheyra þeim, fundust neðst í Svínafellsjökli í gær.

Sérsveitin gerði húsleit í Hveragerði og í Ölfusi

Lögregla á Selfossi naut aðstoðar sérsveitar Ríkislögreglustjóra í dag þegar framkvæmd var húsleit hjá pari á þrítugsaldri í Hveragerði auk þess sem leitað var á vinnustað þeirra í Ölfusi. Aðspurð hversvegna sérsveitin hafi verið kölluð til segir lögregla að það hafi verið til styrkingar, en ekki hafi leikið grunur á því að fólkið væri hættulegt.

Á 158 km hraða á Vesturlandsvegi

Fimmtíu og níu ökumenn voru teknir fyrir hraðakstur í umdæmi lögreglunnar á höfuðborgarsvæðinu um helgina. Sá sem hraðast ók mældist á 158 km hraða á Vesturlandsvegi.

ÖBÍ fagnar úrskurði siðanefndar SÍA

Örykjabandalag Íslands fagnar niðurstöðu siðanefndar Sambands íslenskra auglýsingastofa þess efnis að auglýsingar Öryggismiðstöðvarinnar með Lalla Johns hafi brotið gegn siðareglum sambandsins. Bandalagið sakar Öryggismiðstöðina um að þvo hendur sínar af málinu og varpa ábyrgðinni á Lalla Johns.

Best að taka Austur-Grænland inn í haustrallið

Jóhann Sigurjónsson forstjóri Hafrannsóknarstofnunnar segir að stofnunin hafi töluverðann áhuga á að senda rannsóknarskip á miðin við Austur-Grænland til að kanna hina miklu þorskgengd sem þar virðist vera. Jóhann segir að best væri að samræma slíkan leiðangur við haustrall stofnunarinnar í byrjun október.

Ákærður fyrir ránstilraun í 10-11

Þingfesting var í máli tvítugs pilts í Héraðsdómi Reykjaness í dag en hann er ákærður fyrir ránstilraun í verslun 10-11 við Dalveg í Kópavogi í júní í sumar. Þá fór hann inn með lambhúshettu fyrir andlitinu vopnaður hnífi og ógnaði afgreiðslustúlku með hnífnum.

Vill lækka hámarkshraða við Borg í Grímsnesi

Ólafur Helgi Kjartansson, sýslumaður á Selfossi, hefur lagt til við embætti vegamálastjóra að hámarkshraði á Biskupstungnabraut við Borg í Grímsnesi verði lækkaður úr 90 km hraða niður í 70 km hraða.

Brann lifandi með fjórum börnum sínum

Tugir manna hafa farist í skógareldunum í Grikklandi og margir eiga um sárt að binda. Sérstaklega þykir þó sorgleg saga 37 ára gamallar móður sem reyndi að flýja eldana ásamt fjórum börnum sínum. Hún átti heima í Aþenu en var í heimsókn hjá móður sinni í smáþorpinu Artemida sem er um 330 kílómetra suðvestur af höfuðborginni.

Páll Hreinsson nýr hæstaréttardómari

Björn Bjarnason dómsmálaráðherra hefur skipað Páll Hreinsson, prófessor við Háskóla Íslands og deildarforseta lagadeildar, sem hæstaréttardómara í stað Hrafns Bragasonar sem lætur af störfum sökum aldurs um næstu mánaðamót.

Stal bíl á Stokkseyri og ók til Reykjanesbæjar

Ákæra á hendur 22 ára karlmanni vegna þjófnaðar og nytjastulds var þingfest í Héraðsdómi Reykjaness í gær. Manninum er gefið að sök að hafa skömmu eftir síðustu áramót stolið bíl á Stokkseyri og ekið honum til Reykjavíkur og þaðan til Reykjanesbæjar.

Slegist um boðskort á minningarathöfn um Díönu

Hatrammur slagur geisar nú um það í Bretlandi að fá boðskort í minningarathöfn um Díönu prinsessu. Þá eru liðin tíu ár frá dauða hennar. Þannig hringdi fyrrverandi bryti hennar öskureiður í skipuleggjendurna þegar hann fékk ekkert kort. Paul Burrell taldi sig trúnaðarvin hennar. Hann hefur hinsvegar makað krókinn vel á bókum sem hann hefur skrifað um þjónustu sína.

Ahmadinejad vill aðstoða í Írak

Mahmoud Ahmadinejad forseti Írans sagði í dag að máttur Bandaríkjanna Írak færu þverrandi og að Íran væri tilbúið að leggja sitt lóð á vogarskálarnar.

Bíða niðurstaðna hugmyndasamkeppni fyrir Kvosina

Eigendur húsanna við Austurstræti 22 og Lækjargötu 2, sem skemmdust illa í bruna í vor, bíða niðurstöðu í hugmyndasamkeppni borginnar um skipulag í Kvosinni áður en ákvarðanir verða teknar um uppbyggingu á lóðunum. Ekki náðist samkomulag milli eigenda hússins að Austurstræti 22 og borgarinnar um kaup á húsinu og er niðurrif á því þegar hafið.

Glíma við hryðjuverkasprengjur á sprengjueyðingaræfingu

Sprengjusérfæðingar hvaðanæva úr heiminum eru staddir hér á landi um þessar mundir til þess að taka þátt í sprengjueyðingaræfingunni Northern Challenge 2007 sem hófst í morgun.

Auglýsingar með Lalla Johns gegn almennu velsæmi

Siðanefnd Sambands íslenskra auglýsingastofa hefur komist að þeirri niðurstöðu að auglýsing Öryggismiðstöðvarinnar með Lalla Johns hafi brotið gegn siðareglum sambandsins. Þátttaka Lalla Johns í auglýsingunum brjóti gegn almennu velsæmi og sé til þess fallin að höfða til ástæðulauss ótta almennings.

Ryanair rukkar meira

Flugfélög hafa löngum verið lagin við að finna sér matarholur. Lággjaldafyrirtækið Ryanair er nú búið að finna enn eitt gjaldið til þess að leggja á farþega sína. Frá og með tuttugusta september verða farþegarnir að greiða 200 króna aukagjald fyrir að fá að fara um borð í flugvélina sem þeir eiga að ferðast með.

Þyrla Landhelgisgæslunnar sótti veikan sjómann

Þyrla Landhelgisgæslunnar lenti á Egilsstaðaflugvelli klukkan tvö með veikan farþega af skemmtiferðaskipi, sem er á siglingu austur af landinu. Á flugvellinum bíður sjúkraflugvél frá Akureyri og flýgur með sjúklinginn til Reykjavíkur, þar sem hann verður lagður inn á Landspítalann. Hann mun vera með magasár.-

Bæjarstjórinn í Reykjanesbæ segir allt tal um slysagildrur vera froðu

„Það hefur verið mikil froða í kringum stóra gosbrunnamálið eftir að fréttir bárust af því að sápu var hent í brunninn,“ segir Árni Sigfússon, bæjarstjóri í Reykjanesbæ. Froða var sett í nýjan gosbrunn sem er staðsettur í miðjum Reykjanesbæ í gær og lak froðan um nálægar götur. Lögreglan hefur gagnrýnt hversu hættulegur brunnurinn er.

"Glæpsamlegt að ráðast gegn látnu fólki með þessum hætti"

Í dag voru birtar niðurstöður DNA-prófs á Hermanni Jónassyni en Lúðvík Gizurarson hefur lengi barist fyrir því að Hermann verði viðurkenndur sem faðir hans. Samkvæmt DNA-prófinu eru 99,9% líkur að svo sé en Hermann er talinn hafa átt í leynilegu ástarsambandi við móður Lúðvíks á sínum tíma. Málið verður tekið fyrir í dómi á mánudag.

Leit að Þjóðverjunum hafin á ný

Leit er hafin að nýju að Þjóðverjunum sem leitað var að í síðustu viku. Samkvæmt upplýsingum frá Slysavarnarfélaginu Landsbjargar fundust vísbendingar um að mennirnir hefðu verið neðar á jöklinum en áður var talið. Gefur það tilefni til að leita þeirra á ný.

Chavez breytir sólarhringnum

Hugo Chavez, forseti Venesúela ætlar að breyta sólarganginum fyrir fátæka þegna sína. Eða þannig. Þann fyrsta september næstkomandi seinkar Venesúela klukkunni um hálftíma. Með því segjast stjórnvöld styðja við réttlátari dreifingu sólargeislanna á ríka og fátæka.

Abdullah Gul nýr forseti Tyrklands

Tyrkneska þingið kaus rétt í þessu fyrrverandi íslamistann Abdullah Gul sem forseta landsins. Gul hefur undanfarin ár gegnt embætti utanríkisráðherra fyrir AK flokkinn. Frá árinu 2002, þegar AK flokkurinn komst til valda, hefur hann sannað sig sem öflugan diplómat og meðal annars verið í fararbroddi í viðræðum um inngöngu Tyrklands í Evrópusambandið.

Norskir diplómatar sendir heim frá Eþíópíu

Eþíópísk stjórnvöld hafa vísað sex norskum sendiráðsstarfsmönnum af níu úr landi, en þau saka Norðmenn um að reyna að kynda undir ófriði á austurodda Afríku.

Skattaparadísir gefi upplýsingar um Íslendinga

Í bígerð eru upplýsingasamningar milli Norðurlandanna og ýmissa skattaparadísa á borð við Guernsey, Jersey, Mön og Aruba. Hvert Norðurlandanna þar á meðal Ísland munu gera sjálfstæða tvíhliða samninga við þessar eyjar en samkvæmt frétt frá fjármálaráðuneytinu er ætlunin að berjast gegn alþjóðlegum skattaflótta með þessum hætti.

Fóðurblandan má kaupa Kornhlöðuna

Samkeppniseftirlitið telur ekki ástæðu til þess aðhafast nokkuð vegna kaupa Fóðurblöndunnar á öllum hlutum Mjólkurfélags Reykjavíkur og Kornax ehf. í Kornhlöðunni.