Frumbyggjar heiðra Al Gore

Ættbálkur í afskekktu héraði í norð-austurhluta Indlands ætla að heiðra Al Gore, fyrrverandi varaforseta Bandaríkjanna fyrir baráttu hans gegn loftslagsbreytingum.

Khasi ættbálkurinn í Meghalaya fylki vonar að með þessu geti þeir vakið athygli á því hve alvarleg áhrif loftslagsbreytingar hafi á þennan heimshluta.

Höfðingjar ættbálksins hafa boðið Gore á verðlaunaafhendinu í þorpi sínu þann 6. október næstkomandi. Verðlaunin samanstanda af hefðbundnum gjöfum ættbálksins og smá peningi.

Meghalaya, sem þýðir ,,hýbýli skýjanna" á Hindi, er úrkomusamasta svæði heims. Vegna loftslagsbreytinga hefur dregið úr úrkomunni, með alvarlegum afleiðingum fyrir heimamenn, sem rækta hrísgrjón og aðrar vökvafrekar jurtir sér til viðurværis.

Talskona Gores sagði að hann væri upp með sér vegna verðlaunanna, en vissi ekki hvort hann sæji sér fært að taka á móti þeim í eigin persónu.