Tæplega 22 prósent strikuðu yfir Árna Johnsen

Tæplega 22 prósent kjósenda Sjálfstæðisflokksins í Suðurkjördæmi strikuðu yfir nafn Árna Johnsen í kosningunum í gær. Samkvæmt reglum fyrir kjördæmið þarf tólf og hálft prósent kjósenda flokksins að stroka frambjóðanda út svo hann falli niður um sæti.

45 létust í sprengingu í norðurhluta Íraks

Að minnsta kosti 45 létust í sprengjuárás í norðurhluta Íraks, í sjálfstjórnarhéraði Kúrda í dag. Vörubíl hlöðnum sprengiefni var ekið inn í skrifstofur kúsrdísks stjórnmálaflokks þar sem fundur var í gangi.

Meiri grundvöllur fyrir vinstristjórn

Nýr þingmaður Framsóknarflokksins, Bjarni Harðarson í Suðurkjördæmi, segir meiri grundvöll fyrir vinstristjórn með þáttöku Framsóknarflokksins heldur en að Framsókn starfi áfram með Sjálfstæðisflokki.

Wigan yfir á móti Sheffield United

Nú stendur yfir lokaumferðin í Ensku úrvalsdeildinni í knattspyrnu. West Ham United á möguleika á því að forða sér falli úr deildinni en liðið keppir við Manchester United. Mikill fallbaráttuslagur ár sér líka stað á milli Sheffield United og Wigan.

Jón segir ekki af sér

Jón Sigurðsson formaður Framsóknarflokksins ætlar ekki að segja af sér formennsku að eigin frumkvæði, þrátt fyrir mikið fylgistap. Hann segir að frekara stjórnarsamstarf sé á valdi Geirs Haarde, forsætisráðherra.

Geir segir áframhaldi stjórnarsamstarf blasa við

Geir Haarde, formaður Sjálfstæðisflokksins, sagði í hádegisfréttum á Stöð 2 að flokkurinn væri ótvíræður sigurvegari kosninganna. Hann segir áframhaldandi stjórnarsamstarf blasa við.

Kosningavefur Vísis sló í gegn

Margföld umferð hefur verið á Vísis-vefnum frá því í gær miðað við meðalumferð og virðist almenningur hafa notfært sér kosningavefinn vel. Um fjórðungur þeirra sem fylgdust með kosningunum á vefnum voru staddir erlendis.Þá hafa viðbrögð við kosningasjónvarpi Stöðvar 2 verið framar vonum. Fjöldi fólks fylgdist með því á visir.is.

Guðjón Arnar segist þokkalega sáttur

Guðjón Arnar Kristjánsson, formaður Frjálslynda flokksins, segist þokkalega ánægður með útkomu kosninganna. Flokkurinn heldur sama þingmannafjölda og fyrir kosningarnar þó töluverðar breytingar verði á þingliðinu. Flest atkvæði eru á bakvið hvern einstakan þingmann flokksins af öllum þingflokkunum.

Kynjaskipting á nýju Alþingi

Tuttugu konur munu sitja á nýju Alþingi Íslendinga á nýju kjörtímabili. Það er tæpur þriðjungur þingmanna. Þegar kemur að kynjaskiptingu eru Vinstri grænir sterkastir með tæplega helming, eða fjórar konur af fimm þingmönnum.

Fjórðungur sjálfstæðismanna beitti útstrikunum í Suðurkjördæmi

Tæplega 25 % kjósenda D-lista í Suðurkjördæmi strokuðu mann út af listanum í kosningunum í gær. Að sögn Karls Gauta Hjaltasonar formanns kjörstjórnar verður skoðað í dag hvaða nöfn eiga í hlut. Árni Johnsen vill ekki tjá sig um málið að svo stöddu en samkvæmt RÚV beindust flestar útstrikanirnar gegn honum.

Leiðtogi Talíbana fallinn

Múlla Dadúlla, leiðtogi Talíbana í Afganistan, féll í átökum við herlið Atlantshafsbandalagsins í Helmand héraði í suðurhluta landsins um helgina. Talsmaður Bandaríkjahers greindi frá þessu í morgun og var blaðamönnum sýnt líkið. Fall Dadúlla er sagt mikið áfall fyrir Talíbana.

Mæðradagurinn er í dag

Mæðradagurinn er í dag. Hann var fyrst haldinn hér á landi árið 1934 og var það Mæðrastyrksnefnd sem stóð að honum. Á vef Dómkirkjunnar segir að óvenjumargar ekkjur hafi þá verið hjálparþurfi eftir að tveir togarar fórust með allri áhöfn. Dagurinn var fyrst haldinn fjórða sunnudag í maí, en hefur nú um langt skeið verið haldinn annan sunnudag í mánuðinum.

Sumir detta út, aðrir detta inn

Nokkuð verður um breytingar á þingliðinu eftir kosningarnar í gær. Sumir þeirra sem gegnt hafa þingmennsku síðustu árin ná ekki kjöri en aðrir koma nýjir inn.

Jón og Jónína einu ráðherrarnir sem ekki komust á þing

Tveir ráðherrar úr ríkisstjórn síðasta kjörtímabils komust ekki á þing og komu báðir úr Framsóknarflokknum. Þetta voru þau Jón Sigurðsson, formaður Framsóknarflokksins og viðskipta- og iðnaðarráðherra, og Jónína Bjartmarz umhverfisráðherra. Bæði buðu þau sig fram í Reykjavík

Framsókn stendur vel að vígi í NA-kjördæmi

Samkvæmt nýjustu tölum úr Norðausturkjördæmi stendur Framsókn enn vel að vígi. Sjálfstæðisflokkur fær þar þrjá menn en heldur að dala miðað við fyrri tölur. Samfylking er með tvo menn en virðist einnig vera að dala miðað við fyrstu tölur. Þriðji þingmaður Framsóknarflokks er jöfnunarmaður.

Guðmundur Steingrímsson úti aftur

Guðmundur Steingrímsson, fimmti maður á lista Samfylkingarinnar í Suðvesturkjördæmi, er dottinn aftur út af þingi. Hann var inni tímabundið sem jöfnunarmaður fyrr í kvöld.

Eðlilegt að Ingibjörg Sólrún fái stjórnarmyndunarumboð

Valgerðu Sverrisdóttir, utanríkisráðherra og leiðtogi framsóknarmanna í Norðausturkjördæmi, telur eðlilegt að Ingibjörgu Sólrúnu Gísladóttur verði falið stjórnarmyndunarumboð verði úrslitin á þann veg sem útlit er fyrir.

Framsókn í erfiðleikum

Framsóknarflokkurinn er að tapa fylgi í flestum kjördæmum. Siv Friðleifsdóttir og Jónína Bjartmarz eru báðar úti samkvæmt þeim tölum sem við höfum núna. Jón Sigurðsson er enn inni í Reykjavík Suður en búast má við því að hann eigi eftir að detta inn og út í alla nótt.

Eðlilegt að stjórnarandstaðan ræði saman

Ingibjörg Sólrún Gísladóttir, formaður Samfylkingarinnar, segir eðlilegt að stjórnarandstaðan ræði saman um mögulega stjórnarmyndun falli ríkisstjórnin í kosningunum. Hún segir fyrstu tölur vera betri en hún hafi þorað að vona.

Nýjustu tölur úr Norðausturkjördæmi

Samkvæmt nýjustu tölum úr Norðausturkjördæmi þá er Sjálfstæðisflokkurinn að bæta við sig einum manni. Samfylking er líka að bæta við sig manni og Vinstri grænir standa í stað. Eftir að þessar tölur komu inn er komið í ljós að Sjálfstæðisflokkur er kominn niður fyrir 36% á landsvísu.

Stjórnina vantar nokkuð upp á til að halda velli

Geir H. Haarde, forsætisráðherra og formaður Sjálfstæðisflokksins, sagði að staðan væri enn óljós eftir að fyrstu tölur höfðu verið birtar. Sjálfstæðisflokkurinn væri að bæta við sig frá síðustu kosningum en stjórnina vantaði hins vegar svolítið upp á til þess að halda velli.

Náðum að halda umhverfisumræðunni gangandi

Ómar Ragnarsson, formaður Íslandshreyfingarinnar, sagði eftir að fyrstu tölur birtust að flokknum hefði tekist að halda umhverfisumræðunni gangandi í kosningabaráttunni en flokkurinn nær ekki inn manni á þing.

Kjósendur Sjálfstæðisflokksins strika Björn Bjarnason út

Kjósendur Sjálfstæðisflokkins í Reykjavíkurkjördæmi Suður virðast sumir hverjir hafa tekið áskorun Jóhannesar Jónssonar, kenndan við Bónus, og strikað út nafn Björns Bjarnasonar. Nokkuð er um útstrikanir samkvæmt upplýsingum frá kjörstjórn.

Margir strika Árna Johnsen út

Allt að 30 prósent þeirra sem greiddu Sjáflstæðisflokknum atkvæði í Suðurlandskjördæmi strikuðu út nafn Árna Johnsen samkvæmt fyrstu talningu.

Harla sátt með fyrstu tölur

„Við erum bara harla sátt,“ sagði Katrín Jakobsdóttir, varaformaður Vinstri - grænna, eftir að fyrstu tölur voru birtar í kvöld. Katrín benti á að flokkurinn hefði bætt töluvert við sig en þingmönnum hans fjölgar úr fimm í níu og fær hann 13,7 prósenta fylgi.

Guðmundur Steingrímsson inni sem jöfnunarmaður

Guðmundur Steingrímsson, fimmti maður á lista Samfylkingarinnar í Kraganum, er inni sem jöfnunarmaður. Guðmundur er sonur Steingríms Hermannssonar, fyrrverandi formanns Framsóknarflokksins og forsætisráðherra.

Ætlum að mynda ríkisstjórn á okkar forsendum

Árni Páll Árnason, sem samkvæmt fyrstu tölum úr Kraganum er öruggur inni, segir að nú sé runninn upp tími. Árni sagði í viðtali á kosningasjónvarpi Stöðvar tvö að tölurnar sýndu að Samfylkingin væri alvöru stjórnmálaflokkur.

Jón Sigurðsson inni sem jöfnunarþingmaður

Jón Sigurðsson, formaður Framsóknarflokksins, er kominn inn aftur sem jöfnunarmaður samkvæmt nýjustu tölum.

Þetta er mjög mikið áfall

„Þetta er mjög mikið áfall,“ sagði Jón Sigurðsson, formaður Framsóknarflokksins, um fyrstu tölur í þingkosningunum en samkvæmt þeim hefur flokkurinn tapað fimm þingmönnum og mælist með 11,14 prósents fylgi. Fær hann sjö þingmenn og er Jón inni.

Vinstri grænir bæta við sig í Norðausturkjördæmi

Í Norðaustukjördæmi eru Framsóknarmenn enn inni með þrjá menn þrátt fyrir mikið fylgistap. Ólöf norðdal kemur ný inn fyrir Sjálfstæðisflokkinn. Vinstri grænir eru í stórsókn og gætu verið að bæta við sig manni. Steingrímur sagði þetta vera mjög jákvætt og að 20% væri mjög glæsilegt.

Einar Oddur og Kristinn úti

Hvorki Einar Oddur Kristjánsson, þingmaður Sjálfstæðisflokksins, né Kristinn H. Gunnarsson eru inni samkvæmt fyrstu tölum úr Norðvesturkjördæmi. Samfylkingin bætir við sig þingmanni í kjördæminu á kostnað Sjálfstæðisflokksins.

Ríkisstjórnin fallin samkvæmt fyrstu tölum

Ríkisstjórnin er fallin samkvæmt fyrstu tölum úr fimm kjördæmum en búið er að telja 82.589 atkvæði. Framsóknarflokkurinn mælist með 10 prósenta fylgi og fær sex þingmenn en Sjálfstæðisflokkurinn 24 þingmenn og mælist með 36 prósenta fylgi.

Sjálfstæðisflokkur og Samfylking bæta við sig í Kraganum

Sjálfstæðisflokkur og Samfylkingin bæta báðir við sig samkvæmt nýjustu tölum frá Suðvesturkjördæmi. Framsóknarflokkurinn tapar fylgi frá síðustu kosningum.

Jón Sigurðsson og Steinunn Valdís úti

Jón Sigurðsson, formaður Framsóknarflokksins og Steinunn Valdís, fyrrum borgarstjóri, eru ekki inni samkvæmt fyrstu tölum úr Reykjavík norður. Kjörsókn hefur verið minni í kjördæminu en í fyrri kosningum en talið er að hún hafi verið rúmlega átta prósent minni en í síðustu Alþingiskosningum.

Málefnalegri kosningabarátta gæti skýrt minni kjörsókn

Minni átök milli flokka og málefnalegri kosningabarátta gæti skýrt minni kjörsókn í Reykjavíkurkjördæmunum tveimur að mati Baldurs Þórhallssonar, dósents í stjórnmálafræði við Háskóla Íslands. Hann segir erfitt að meta hvort minni kjörsókn henti einum flokki betur en öðrum.

Móðurhjartað slær alltaf á réttum stað

Edda Guðmundsdóttir, eiginkona Steingríms Hermannssonar og móðir Guðmundar Steingrímssonar, sagði í viðtali í kosningasjónvarpi Stöðvar tvö að móðurhjartað slægi alltaf á réttum stað þegar hún var spurð að því hvorn hún hefði nú kosið.

Nokkuð minni kjörsókn í Reykjavík norður en suður

Kjörsókn í Reykjavíkurkjördæmi norður klukkan 21 var 64,94 prósent sem er tæplega níu prósentustigum minna en á sama tíma fyrir fjórum árum. Alls höfðu 28.425 kosningabærra manna í kjördæminu neytt atkvæðisréttar síns í kjördæminu klukkan 21.

Óánægja með vinnubrögð yfirkjörstjórnar á Suðurlandi

Fyrr í dag kærðu vinstri grænir, samfylkingar- og framsóknarmenn Sjálfstæðismenn á Suðurlandi fyrir að miðla upplýsingum um kjörsókn út úr kjördeildum. Sigurður Vilhelmsson, umboðsmaður Framsóknarflokksins í Vestmannaeyjum er afar ósáttur með vinnubrögðin í málinu og átelur yfirkjörstjórn fyrir að taka ekki efnislega á kærunni.

Kjörsókn nokkuð dræmari á höfuðborgarsvæðinu

Kjörsókn í þeim þremur kjördæmum sem ná yfir höfuðborgarsvæðið er nokkru minni en fyrir fjórum árum. Þannig höfðu 27.487 kosið í Reykjavíkurkjördæmi norður klukkan 20 sem er 62,79 prósenta kjörsókn en á sama tíma árið 2003 höfðu 70,71 prósent kjósenda nýtt atkvæðisrétt sinn.

Mjög góð kjörsókn í Grímsey

Kjörstöðum hefur nú verið lokað á nokkrum stöðum á landinu, sérstaklega á minni og afskekktari stöðum. Í Grímsey var kjörsókn um 71,6 prósent en miðað við fjölda utankjörfundaratkvæða var kosningaþátttaka þar nánast 100 prósent.

Um 30 þúsund manns voru í bænum þegar mest var

Lögreglan í Reykjavík áætlar að um 30 þúsund manns í það minnsta hafi verið samankomin í miðborginni í dag að fylgjast með því Þega Risessan svokallaða reyndi að tjónka við föður sinn sem farið hafði um borgina og látið öllum illum látum.

Skilaboð frá Bandaríkjunum

Fréttamenn í dag glíma við tímaleysi, eigin tilfinningar og misvitra heimildarmenn. Þetta sögðu Dan Rather og Bob Woodward, tvær helstu stjörnur bandarískrar frétta- og blaðamennsku, þegar þeir ræddu við unga blaðamenn í Monteray í Kaliforníu nýlega.

Deilt um auglýsingar á kjörstað

Mikið stapp hefur staðið yfir í Njarðvík í allan dag vegna auglýsinga Sjálfstæðisflokksins í félagsheimili flokksins. Auglýsingarnar voru sýnilegar frá kjörstað og slíkt er óheimilt samkvæmt lögum. Nú fyrir stundu voru auglýsingarnar fjarlægðar.

Mátti dúsa í dýflissu

Þrítug tékknesk kona á yfir höfði sér átta ára fangelsisdóm fyrir að hafa hlekkjað átta ára son sinn nakinn niður og lokað hann í kjallara á heimili þeirra. Tilviljun ein réð því að nágrannar konunnar fundu strákinn.

Danskir stjórnmálamenn á sögulegum tímamótum

Á kjördegi Íslendinga standa danskir stjórnmálamenn á sögulegum tímamótum. Fækkað hefur í meirihluta forsætisráðherrans eftir að þingmenn hafa gengið til liðs við nýjan flokk. Haldi óróinn áfram gæti þurft að rjúfa þing og boða til nýrra kosninga.