Skilur að Íslendingar sæki ekki um

Sjávarútvegsráðherra Bretlands hefur fullan skilning á því að Íslendingar vilji ekki sækja um aðild að Evrópusambandinu meðan núverandi fiskveiðistefna sé við lýði.

Búist við meiri vatnavöxtum

Ekki er búist við að flóðið í Jökulsá á Dal í kvöld verði mikið meira en var í gærkvöldi, en þá komst rennslið í 830 rúmmetra. Á morgun er hins vegar búist við meiri vatnavöxtum, en því er spáð að þeir verði ekki meiri en þegar mest var í síðustu viku, en þá var rennslið um 900 rúmmetrar.

Undirbúa árásir á uppreisnarmenn

Bandaríski herinn undirbýr harðar árásir á uppreisnarmenn í Írak. Vígamenn hóta að ráðast á olíuleiðslur láti Bandaríkjamenn sverfa til stáls í borginni Najaf. Barist var í mörgum borgum í Írak í dag. Yfir 350 uppreisnarmenn eru dánir.

Gæti misst heyrn á öðru eyra

Óttast er að maðurinn sem var höfuðkúpubrotinn í Öxnadal í síðustu viku geti misst heyrn á öðru eyra. Sjö manns voru á vettvangi þegar atburðurinn átti sér stað, þar af tvö börn.

Eiga nóg í verkfallssjóði

Kennarar eiga nóg í verkfallssjóði til að greiða verkfallsbætur í rúmlega tvo mánuði og eru tilbúnir til að nota hann allan. Verkfall hefði í för með sér gríðarlega röskun á efnhagslífinu, en 45 þúsund börn eru í grunnskólum landsins.

Útvegsmönnum heitinn stuðningur

Ríkisstjórnin heitir útvegsmönnum fullum stuðningi ef þeir halda áfram síldveiðum við Svalbarða í trássi við bann Norðmanna sem tekur gildi um næstu helgi. Ríkisstjórnin telur að Norðmennirnir séu komnir langt út fyrir það sem leyfilegt sé.

Fjórföld sala

Verksmiðjur Emmessís munu starfa aukalega alla helgina til þess að fylla á lager fyrirtækisins að sögn Atla Hergeirssonar markaðsfulltrúa. Ísblöndusala fyrirtækisins var fjórum sinnum meiri í hitabylgjunni í gær en á venjulegum degi.

Aldrei heitara í Reykjavík

Hitinn í Reykjavík náði 24,8 stigum í gær og er það hæsti hiti sem mælst hefur í höfuðborginni. Hlýjasti loftmassi síðan mælingar hófust, segja veðurfræðingar. Heitavatnsnotkun höfuðborgarbúa var sérstaklega lítil en notkun á köldu vatni lítið eitt meiri en venjulega.

Sundrung sjálfstæðismanna

Gunnar I. Birgisson segist túlka höfnun borgarráðs á vatnslögn Kópavogsbæjar frá Vatnsendakrikum sem árás Valhallar á sjálfstæðismenn í Kópavogi. Þetta komi spánskt fyrir sjónir því borgin þurfi að fara yfir lögsögu Kópavogs vegna Hellisheiðarvirkjunnar. </font /></b />

Aðild þýðir afsal

Sjávarútvegsráðherra Breta, Ben Bradshaw, segir að aðild Íslendinga að Evrópusambandinu myndi kosta afsal eigin fiskveiðistjórnunar. Hann segir fulla þörf á sameiginlegri fiskveiðistefnu. </font /></b />

Landhelgisbrot við Svalbarða

Íslensk skip á Svalbarðasvæðinu fá viðvörun og verða handtekin fari þau ekki eftir norskum lögum. Norska sjávarútvegsráðuneytið segir íslensk stjórnvöld ekki hafa greint frá fyrirhuguðum veiðum eftir 15. ágúst þegar Norðmenn setja veiðibann á svæðið.

Sjúkrastarfsmenn hóta verkfalli

Ítalska verktakafyrirtækið Impregilo greiðir ekki laun samkvæmt samningum og virðir óskir starfsmanna sinna að vettugi. Sjúkrastarfsmenn hafa fengið nóg og hóta verkfalli nema bót verði ráðin á hið fyrsta.

Aldrei hlýrra í Reykjavík

Hitinn í Reykjavík náði 24,8 stigum í gær og er það hæsti hiti sem mælst hefur í höfuðborginni. Hlýjasti loftmassi síðan mælingar hófust, segja veðurfræðingar. Heitavatnsnotkun höfuðborgarbúa var sérstaklega lítil en notkun á köldu vatni lítið eitt meiri en venjulega. </font />

Öllu vatninu dælt burt

Steypuvinna við undirstöður Kárahnjúkastíflu hefst væntanlega í dag eftir nokkurra daga hlé þar sem búið er að dæla öllu vatni, sem lekið hefur í gegnum um varnargarð ofan við stíflustæðið, í burtu. Þá er lokið vinnu við að hækka varnargarðinn, a.m.k. að sinni.

Hryðjuverkaárásir í Tyrklandi

Tveir eru látnir og sjö sárir eftir sprengjuárásir á tvö hótel og gasverksmiðju í Tyrklandi í nótt. Tvær sprengjur sprungu samtímis við hótel í ferðamannahverfi í borginni Istanbúl og kenna yfirvöld hryðjuverkamönnum um.

Bjargað á hestbaki

Hjálparsveitarmenn úr Eyjafjarðarsveit og sjúkraflutningamenn frá Akureyri notuðu hesta við að koma slasaðri konu til hjálpar í Skjóldal, vestur úr Eyjafjarðardal, í gær. Fluttu þeir búnað sinn á hestum og bjuggu um konuna til bráðabirgða og að því loknu teymdu þeir undir henni til byggða.

Al-Sadr fer hvergi

Átök brutust út í íröksku borginni Najaf í morgun, sjötta daginn í röð. Viðlíka átök hafa verið í sjítahverfum í fleiri borgum Íraks, þar á meðal í höfuðborginni Bagdad, þar sem sprengja sprakk í vegkanti í morgun.

Metfjöldi ferðamannna

Erlendir ferðamenn settu heimsóknarmet hingað til lands í síðasta mánuði þegar rösklega sextíu og fjögur þúsund útlendingar heimsóttu landið, en þeir kaupa minna hér en áður.

Skemmdarverk á olíuleiðslum

Skemmdarverk voru unnin á annarri af tveimur olíuleiðslum á Faw-skaganum í Írak í morgun. Leiðslan er hundrað og tuttugu metrar í þvermál og vegna skemmdanna hefur framleiðslugeta Íraka minnkað úr 1,9 milljónum tunna á dag í 1,1 milljón.

Góðri grásleppuvertíð lokið

Einni bestu grásleppuvertíð til þessa er lokið og varð aflinn 11.500 tunnur samkvæmt samantekt Landssambands smábátaeigenda. Aðeins á vertíðinni í fyrra og vertíðinni fyrir sjö árum varð aflinn heldur meiri. Veitt var á átta veiðisvæðum í níutíu daga á hverju svæði.

Börnum bjargað af eyju

Þrjú áströlsk börn, sem lifðu af nokkurra daga dvöl á lítilli eyju í hafinu norður undan Ástralíu, segjast hafa lifað á ostrum, kókoshnetum og berjum. Börnin eru á aldrinum tíu til fimmtán ára.

Kertafleyting á Reykjavíkurtjörn

Hópur fólks kom saman við Reykjavíkurtjörn í gærkvöldi til að minnast fórnarlamba kjarnorkuárása Bandaríkjamanna á á japönsku borgirnar Nagasakí og Híroshíma árið 1945. Fólkið fleytti kertum í blíðunni og var þetta í tuttugasta sinn sem samstarfshópur friðarhreyfinga stóð fyrir kertafleytingu af þessu tilefni.

Íslandsbryggju lokað vegna slysa

Lögreglan í Kaupmannahöfn hefur ákveðið að loka höfninni við Íslandsbryggju, tímabundið að minnsta kosti, vegna tveggja slysa þar. Tíu ára drengur drukknaði þar í gær og þremur dögum áður drukknaði þar karlmaður.

Kjarnorkuver verði yfirfarin

Ríkisstjórn Japans fyrirskipaði rafveitufyrirtækjum að yfirfara kjarnorkuver sín í morgun í kjölfar þess að sprenging varð í kjarnorkuveri í japönsku borginni Míhama, rúmum 300 km vestur af Tókýó, í gær. Fjórir létust í slysinu og sjö slösuðust þegar gufa streymdi út um sprungur á leiðslu.

Sþ meti ástandið í Darfur

Evrópusambandið lýsti því yfir í gær að það væri undir Sameinuðu þjóðunum komið að ákvarða hvort óöldin í Darfur-héraði í Súdan jafngilti þjóðarmorði.

Bendlaður við atburðina 11. sept.

Réttarhöld yfir þrjátíu ára gömlum Marokkómanni, sem grunaður er um aðild að hryðjuverkunum 11. september, hófust í Hamborg í Þýskalandi í morgun. Mounir el Motassadeq er ákærður fyrir að hafa verið í slagtogi við þrjá flugræningja sem rændu vélum daginn örlagaríka í Bandaríkjunum en mennirnir bjuggu allir í Hamborg.

Kóreuríkin sem eitt

Ólympíulið Norður- og Suður-Kóreu munu ganga saman inn á Ólympíuleikvanginn við setningarathöfn leikanna á föstudaginn. Þetta er til marks um batnandi sambúð ríkjanna á Kóreuskaganum.

Bændur banna hreindýraveiðar

Þrír bændur á Mýrum í Hornafirði leyfa ekki hreindýraveiðar á jörðum sínum þrátt fyrir að þær séu á veiðisvæði, að því er kemur fram á fréttavefnum Horn.is í dag. Stærsta jörðin sem um ræðir er Flatey á Mýrum sem er jörð í eigu ríkisins. Forsvarsmenn Skotveiðifélags Íslands eru ósáttir.

900 Bandaríkjamenn hafa fallið

Rúmlega níu hundruð bandarískir hermenn hafa látið lífið í Írak en flestir þeirra, eða rúmlega átta hundruð, létust eftir að George Bush Bandaríkjaforseti lýsti því yfir að stríðinu í Írak væri lokið í maí á síðasta ári. Af níu hundruð hafa yfir tvö hundruð látist af slysförum.

Höfuðhögg banamein Sri

Banamein Sri Rhamawati var höfuðhögg samkvæmt niðurstöðum krufningar. Um er að ræða bráðabirgðaniðurstöður en alvarlegir höfuðáverkar voru á líki Sri og er talið að hún hafi látist af þeim samstundis.

Vatnsból víða þurr

Á meðan jökulár bólgna vegna mikillar bráðnunar jökla í hlýindunum þessa dagana eru vatnsból sumstaðar orðin þurr og vatn farið að skorta vegna þurrka. Aðeins tíu mínútna regnskúr hefur til dæmis gert á átján daga langan leiðangur hestamanna þvert yfir landið.

Segir ÁTVR á villigötum

Orri Hlöðversson, bæjarstjóri í Hveragerði, er harðorður í garð stjórnenda ÁTVR í grein sem hann ritar í Bæjarblaðið. Hann segir ÁTVR sniðganga nýja verslunarmiðstöð sem bærinn og einkaaðilar hafa reist við Sunnumörk. Ákvörðun um að velja Ríkinu stað í bensínstöð ESSO hafi valdið Hvergerðingum vonbrigðum og fylgjendum einokunarsölu ríkisvaldsins á áfengi fari ört fækkandi í Hveragerði. </font />

Hefndarmorð á breskum hjónum?

Breska lögreglan rannsakar nú morð á hjónum sem voru skotin til bana á heimili sínu í Lincolnskíri í Bretlandi á sunnudaginn. Enginn hefur verið handtekinn vegna málsins en talið er að morðin kunni að tengjast syni þeirra. Hann framdi morð í fyrra og var dæmdur í ævilangt fangelsi í síðasta mánuði.

Tekjuskattar verði lækkaðir í okt.

Gunnar Birgisson, þingmaður Sjálfstæðisflokks, segir ekkert mæla á móti því að tekjuskattar verði lækkaðir strax í október. Hins vegar sé ekki rétt að hækka fjármagnstekjuskatt þar sem fé leiti alltaf skjóls undan áreiti, sama hvort um ræðir fjármagn eða sauðfé.

Hitamet í hættu

Þorsteinn Jónsson verðurfræðingur, sem stendur nú vaktina á Veðurstofunni, á allt eins von á að sjá hitametin falla eitt af öðru í dag. Það yrði þá helst í innsveitum sunnan- og vestanlands, jafnvel fyrir norðan.

Brúin opnuð fyrir starfsmönnum

Búið er að opna brúna yfir Jöklu, sem laskaðist í vatnavöxtum í síðustu viku, fyrir farartækjum verktakanna við Kárahnjúka en ekki almenningi. Steypuvinna við undirstöður Kárahnjúkastíflu hefst væntanlega í dag eftir nokkurra daga hlé. 

Hryðjuverkaógn í Las Vegas

Yfirvöld í Las Vegas í Bandaríkjunum skýrðu almenningi ekki frá hugsanlegri hryðjuverkaógn í borginni samkvæmt skýrslu sem bandaríska fréttastofan Associated Press komst yfir eftir hryðjuverkin 11. september.

Heilbrigðisráðherra á móts við SÁÁ

Heilbrigðisráðherra segir að reynt verði að koma til móts við SÁÁ vegna kostnaðar við meðferð sprautufíkla sem háðir eru ópíumefnum. Kostnaðurinn nemur allt að einni milljón króna á mánuði.

Nauðganirnar ekki kærðar

Tvær nauðganir sem tilkynntar voru um verslunarmannahelgina hafa ekki verið kærðar til lögreglu. Í Vestmannaeyjum var ein nauðgun tilkynnt til neyðarmóttöku en hún var ekki kærð til lögreglu.

20 orkumenn til Ástralíu

Yfir 20 manna hópur Íslendinga leggur á næstu dögum land undir fót til að mæta á alþjóðlega orkuráðstefnu í Ástralíu. Fólkið fer ýmist á vegum orkufyrirtækja eða ríkisins. Kostnaður við ferðina er lauslega áætlaður vera um 11 milljónir króna. Flestir fara frá Landsvirkjun eða sex manns; þrír stjórnarmenn og þrír starfsmenn. Um að ræða World Energi Council sem hefst í Ástralíu 5. september og stendur til 9 september.

Landsnet annast raforkuflutning

Nýtt hlutafélag, Landsnet, mun annast flutning raforku og kerfisstjórnun samkvæmt nýjum raforkulögum frá og með 1. janúar næstkomandi. Hlutafélagið hefur verið stofnað og undirbúningsstjórn skipuð, að því er segir í tilkynningu frá iðnaðar- og viðskiptaráðuneytinu.

Úrskurðaður í viku gæsluvarðhald

Héraðsdómur Norðurlands eystra hefur úrskurðað karlmann á þrítugsaldri í vikulangt gæsluvarðhald en hann er grunaður um að hafa höfuðkúpubrotið annan karlmann og veitt honum frekari áverka aðfararnótt síðastliðins fimmtudags. Málið er enn í rannsókn en Neyðarlínu var tilkynnt um að maður hefði slasast í Öxnadal eftir að hafa fallið við að fara út úr bifreið eftir að til deilna hafði komið.

Líbíumenn samþykkja bótagreiðslur

Stjórnvöld í Líbíu hafa samþykkt að greiða bætur til rúmlega 160 fórnarlamba sprengjuárásar á skemmtistað í Berlín í Þýskalandi árið 1986. Þýskir dómstólar úrskurðuðu fyrir þremur árum að líbíska leyniþjónustan hafi staðið fyrir tilræðinu og fjórir menn voru þá dæmdir til fangavistar.

Framleiðni meiri á Mið-Atlantshafi

Vísbendingar eru um að lífræn framleiðni á og við Mið-Atlantshafshrygginn sé meiri en utan hans. Þetta hefur hið alþjóðlega rannsóknarverkefni MAR-ECO leitt í ljós en Hafrannsóknastofnun tekur þátt í verkefninu ásamt vísindamönnum fimmtán annarra landa.

Dómur í kynferðisbrotamáli

Héraðsdómur Vestfjarða hefur dæmt mann á fimmtugsaldri í tveggja ára óskilorðsbundið fangelsi fyrir kynferðisbrot á stúlku árið 1994 þegar stúlkan var 13 ára gömul. Maðurinn var auk þess dæmdur til að greiða stúlkunni 800 þúsund krónur í miskabætur, auk málskostnaðar.