Norðurljós ekki á móti lögum

Sigurður G. Guðjónsson, forstjóri Norðurljósa, segir það fagnaðarefni að fjölmiðlafrumvarpið verði dregið til baka. Hann segist ekki vera á móti því að sett verði lög um eignarhald á fjölmiðlum, en fólk sem þekki fjölmiðla verði að koma að setningu slíkra laga.

Skynsamlegt en samt brot

Dögg Pálsdóttir, hæstaréttarlögmaður, segir að forseti Íslands standi andspænis erfiðu vali, ef og þegar hann fær nýtt frumvarp ríkisstjórnarinnar til staðfestingar: Á hann að velja leið skynseminnar eða leið stjórnarskrárinnar?

Með Alþingi í gíslingu

Leiðtogar stjórnarandstöðunnar segja að nú sé möguleiki á að ná sátt í samfélaginu um fjölmiðlalög, ef undirbúningur þeirra verður unnin í samstarfi við alla. Formaður Samfylkingarinnar segir fráleitt að afnema málsskotsrétt forsetans, hann sé eina vörn borgaranna gegn ráðherraræðinu.

Vill endurskoða málskotsrétt

Forsætisráðherra vill láta endurskoða 26. grein stjórnarskrárinnar um málskotsrétt forseta. Þetta er þó ekki liður í samkomulagi formanna stjórnarflokkanna. Davíð Oddsson sagði í morgun að fulltrúar allra flokkanna hefðu rætt um endurskoðun stjórnarskrárinnar hvað þetta varðar.

Alþingi ræðir frumvarp um afnám

Alþingi verður kallað saman á morgun til að ræða nýtt frumvarp ríkisstjórnarinnar um afnám fjölmiðlalaganna. Samkomulagið var kynnt í allsherjarnefnd síðdegis. Forsætisráðherra segist ekki líta svo á að ríkisstjórnin hafi bakkað, hann segir alla stjórnmálaflokka vilja setja lög um fjölmiðla nema þá, sem sækja stefnu sína til Norðurljósa.

Ákvörðun forseta stendur eftir

Fjölmiðlamálið svokallaða hefur nú tekið enda eftir þriggja mánaða sleitulausar umræður og deilur jafnt á Alþingi sem í samfélaginu. Umræður um málið á Alþingi voru hinar næstlengstu frá upphafi, en alls töluðu þingmenn í þrjá og hálfan sólarhring.

Vill enn fjölmiðlalög

Sjálfstæðismenn lýsa yfir vonbrigðum með málalyktir og sjá fram á að nýtt fjölmiðlafrumvarp verði lagt fram. Framsóknarmenn vildu koma í veg fyrir aukna sundrung. Stjórnarandstaðan segir niðurstöðuna gríðarlegt áfall fyrir ríkisstjórnina.

Afturköllun vegna stjórnlagakreppu

Þrátt fyrir að tilkynnt hafi verið um afturköllun fjölmiðlalaganna segir meirihluti allsherjarefndar í áliti sínu að hann telji að þau standist stjórnarskrá. Synjun forsetans á lögunum hafi leitt til stjórnlagakreppu um túlkun stjórnarskrár

Framkvæmdir fyrir endur

Hringbraut hefur verið þrengd við Sæmundargötu þar sem verið er að endurnýja ræsi fyrir endur svo þær komist leiðar sinnar undir akbrautina. Umferð hefur ekki raskast verulega vegna framkvæmdanna sem lýkur um miðjan ágúst, þó mönnum seinki líklega aðeins á háannatíma.

Ísland í dag og fyrir 30 árum

Frönsk hjón og kvikmyndagerðarmenn, sem fjölluðu um Ísland á margmiðlunarsýningu árið 1971, hafa tekið upp þráðinn að nýju. Ætlunin er að bera saman Ísland í dag og Ísland fyrir 30 árum. 

Ný kynslóð abstraktmálara

Ný kynslóð abstraktmálara gerir mikla lukku meðal listaelítunnar í Rússlandi þessa dagana. Verkin eru máluð af svínum, kráku, fíl, höfrungi og apa. Listrænn þjálfari dýranna hefur unnið með þeim í fimm ár og afrakstur þeirrar vinnu dregur að sér fjölda fólks.

Þyrla sækir slasaðan sjómann

Þyrla Landhelgisgæslunnar, TF-LÍF, lenti um sjöleytið með slasaðan sjómann úr skipinu Mánabergi frá Ólafsfirði. Tilkynnt var um slysið seint í gærkvöldi, en þyrlan var kölluð út um hálf fjögur í nótt.

Nemendum rænt í Nepal

Skæruliðar í Nepal rændu í gær 50 nemendum og um tug kennara þeirra í Katmandu, höfuðborg landsins. Nemendurnir eru aðallega stelpur á aldrinum þrettán til sextán ára. Skæruliðarnir beindu byssum að ungmennunum og kennurum þeirra og neyddu þau út úr skólanum. Skæruliðasamtök maóista í Nepal vilja steypa konungsveldinu af stóli.

Sprenging utan við lögreglustöð

Að minnsta kosti 10 manns létust og 50 særðust í sjálfsmorðsárás við lögreglustöð í Bagdad í morgun. Ekkert lát virðist á árásum þrátt fyrir að Írakar hafi tekið við stjórn landsins. Bifreið eða einhvers konar bensíntrukki var ekið inn á bílastæði fyrir framan lögrelgustöðina um átta leytið í morgun en þá voru flestir á leið til vinnu sinnar.

Fundi frestað í allsherjarnefnd

Fundi Allsherjarnefndar Alþingis, sem boðað hafði verið til klukkan 10, var frestað til klukkan fimm síðdegis. Leiðtogar stjórnarandstöðunnar eru afar ósáttir við þessa ákvörðun. Þeir höfðu krafist þess að nefndin kæmi saman á föstudaginn var, en þeirri beiðni var synjað og fundur boðaður klukkan 10 í dag.

Fyrsti hermaðurinn heim

Yfirmaður mannúðarsveita filippseyska hersins í Írak lenti í Manila, höfuðborg Filippseyja í gær. Hann kom fyrstur hermanna Filippseyja sem hafa verið kallaðir heim frá Írak vegna hótana uppreisnarmanna um að taka af lífi filippseyskan gísl, mánuði fyrr en ráðgert var.

Góður árangur tóbaksforvarna

Sala á tóbaki á Íslandi minnkaði um 42.5 % á tímabilinu 1984-2001. Þetta er meðal þess sem kom fram í ræðu Hjálmars W. Hannessonar, sendiherra og fastafulltrúa hjá Sameinuðu þjóðunum, sem hann hélt á aðalfundi Efnahags- og félagsmálaráðs Sameinuðu þjóðanna (ECOSOC) sem hófst 28. júní og stendur til 23. þessa mánaðar.

Bossi segir af sér

Umberto Bossi, leiðtogi Norðurbandalagsins á Ítalíu, hefur sagt af sér sem ráðherra í ríkisstjórn Berlusconis. Þrátt fyrir afsögn hans er talið að ríkisstjórnin haldi velli, enda munu aðrir þingmenn Norðurbandalagsins áfram styðja stjórnina. Norðurbandalagið hefur áður fellt ríkisstjórn Berlusconis, en árið 1994 sprakk stjórn hans eftir aðeins sjö mánuði.

Fangarnir vinsælir í Danmörku

Danskir fangar virðast vinsælir, í það minnsta er kapphlaupið hafið í Danmörku um hvaða sveitarfélag fær nýtt fangelsi til sín. Áformað er að reisa nýtt fangelsi á austurhluta Danmerkur og mun það skapa um 250 til 300 störf.

Víða flaggað í hálfa stöng

Flaggað verður í hálfa stöng víða um land í dag, til að mótmæla stefnu stjórnvalda í umhverfismálum á hálendi Íslands. Náttúruvaktin hefur tilnefnt 19. júlí sem dag hálendisins og bendir á að fjölmargar náttúruperlur eru í yfirvofandi hættu

Keyptu togara á jeppaverði

Júlíus Sólnes, verkfræðingur og fyrrverandi umhverfisráðherra, datt í lukkupottinn á dögunum þegar hann keypti þúsund tonna fiskflutningaskip á uppboði hérlendis fyrir nokkru á fimm milljónir ásamt bróður sínum, Gunnari Sólnes hæstaréttarlögmanni. Þeim tókst að koma skipinu sem togara inn í fiskveiðilögsögu ESB og verð skipsins tuttugufaldaðist.

Samherji kaupir Akraberg

Samherji hf. hefur gengið frá kaupum á frystitogaranum Akrabergi frá Framherja Spf. í Færeyjum, sem er að þriðjungshlut í eigu Samherja. Í kaupsamningi um skipið er ákvæði um skilarétt innan 3ja mánaða frá undirritun. Akrabergið fær einkennisstafina GK-210.

Hyggst svara fjármálaráðherra

Ríkisendurskoðandi hyggst svara athugasemdum fjármálaráðherra, vegna skýrslu um framkvæmd fjárlaga, eigi síðar en á miðvikudaginn kemur. Geir H. Haarde, fjármálaráðherra, sendi Sigurði Þórðarsyni ríkisendurskoðanda skriflegar athugasemdir á föstudaginn var, þar sem skýrsla Ríkisendurskoðunar um framkvæmd fjárlaga er gagnrýnd.

Tólf þúsund bílar yfir Hellisheiði

Yfir tólf þúsund ökutæki fóru um Hellisheiði frá miðnætti á laugardag til miðnættis á sunnudag. Lögreglan á Selfossi kærðu tíu ökumenn fyrir að aka ölvaðir þessa helgi og einn fyrir að aka undir áhrifjum lyja. Þetta er með því hæsta sem sést hefur í sýslunni.

Leita út fyrir landið til æfinga

Miklar tafir á undirbúningi fyrir Ólympíuleikana í Grikklandi hafa komið illa niður á grískum íþróttamönnum að sögn háttsetts embættismanns þar í landi. Margir íþróttamenn hafa verið útilokaðir frá íþróttaleikvöngum og íþróttahúsum síðustu ár vegna byggingaframkvæmda.

Arafat rekur frænda sinn

Yasser Arafat neyddist í dag til að reka frænda sinn, Moussa Arafat, sem yfirmann öryggismála í Palestínu, en hann var skipaður í starfið á laugardaginn. Arafat vakti mikla reiði með því að skipa frænda sinn í stöðuna og var hann sakaður um umsvifamikla spillingu.

Prinsinn heitir vernd

Krónprins Saudi-Arabíu hét því í morgun að gera allt sem í valdi hans stendur til að vernda Breta, Bandaríkjamenn og aðra útlendinga í landinu. Fjölmargar árásir hafa verið gerðar á útlendinga síðustu mánuði og hafa yfirvöld í Saudi-Arabíu verið gagnrýnd fyrir aðgerðaleysi.

Landeigendum tilkynnt um eignarnám

Landeigendum á Héraði, sem Landsvirkjun hefur ekki náð samkomulagi við um lagningu háspennulínu, verður tilkynnt formlega í dag að beðið hafi verið um leyfi til að krefjast eignarnáms í jörðum þeirra.

Grænfriðungar mættir til Sorrento

Grænfriðungar eru mættir til Sorrento á Ítalíu, til þess að mótmæla hvalveiðum, á ársfundi Alþjóða hvalveiðiráðsins. Þar verður á morgun, lögð fram tillaga um að halda áfram vinnu að samkomulagi um hvalveiðar í atvinnuskyni.

Hyggst samhæfa skatta

Evrópusambandið hyggst samhæfa skatta á fyrirtæki og er vonast til að samhæfingin auki samkeppnishæfni aðildarríkjanna. Þjóðverjar og Frakkar eru hlynntir sömu sköttum og hafa raunar barist fyrir því í nokkur ár.

Bíða eftir ákvörðun formanna

Allsherjarnefnd Alþingis bíður eftir að formenn stjórnarflokkanna ræði saman og komist að samkomulagi í fjölmiðlamálinu. Fundi allsherjarnefndar, sem boðað hafði verið til í morgun, var frestað þar til síðdegis í dag. Leiðtogar stjórnarandstöðunnar eru afar ósáttir við að fundi allsherjarnefndar hafi verið frestað í morgun.

Hópnauðganir í Darfur

Hermenn í Darfur í Súdan nota hópnauðganir sem vopn í baráttu sinni að sögn mannréttindasamtakanna Amnesty International. Talið er að milljón manns hafi flúið heimili sín. Ástandið í Darfur í Súdan fer versnandi og alþjóðasamfélagið hefur engan veginn undan í að aðstoða nauðstadda.

Gæsluvarðhald rennur út í dag

Gæsluvarðhald yfir konu frá Nígeríu, sem var handtekin með hálft kíló af kókaíni, í flugstöð Leifs Eiríkssonar, rennur út í dag. Sýslumaður mun fara fram á að gærsluvarðhaldið verði framlengt, og verður reynt að birta konunni ákæru, í dag.

Allir hermennirnir farnir

Síðustu hermennirnir frá Filipseyjum hafa nú yfirgefið Írak, mánuði fyrr en upphaflega var ætlað. Ástæðan er sú að hryðjuverkamenn í Írak hafa filipeyskan gísl á valdi sínu, sem þeir höfðu hótað að hálshöggva, ef hermennirnir færu ekki fyrir tuttugasta júlí.

Símar lögreglunnar í nýtt kerfi

Lögreglan í Reykjavík tekur í notkun nýtt Centrexkerfi símkerfi frá Símanum og færast allir símar lögregluembættisins inn í það kerfi.  Með þessu hefur lögreglan sameinað öll símanúmer og síma embættisins í eitt kerfi, sem fær nýtt símanúmer, 444 1000.

Ekki gosdrykkjum að kenna

Neysla sykraðra gosdrykkja hefur dregist saman um rúmlega 36.000 lítra síðastliðna 12 mánuði samanborið við síðustu 12 mánuði þar á undan, segir í fréttatilkynningu frá Ölgerð Egils Skallagrímssonar. Ölgerðin sendi frá sér tilkynningu vegna umfjöllunar Lýðheilsustofnunar um of mikið gosdrykkjaþamb.

Héldu stuttan fund eftir hádegi

Formenn stjórnarflokkanna, Davíð Oddsson og Halldór Ásgrímsson, áttu með sér stuttan fund eftir hádegi í dag þar sem þeir ræddu fjölmiðlamálið. Þeir vildu ekki gefa upp hvort frumvarpið yrði dregið til baka en sögðust ætla að ræða við sitt fólk í allsherjarnefnd Alþingis.

Komist hjá verkfalli í Frakklandi

Verkamenn hjá bílahlutaverksmiðjunni Robert Bosch, í Frakklandi, hafa samþykkt í atkvæðagreiðslu að vinna lengri vinnuviku, án viðbótarlauna, til þess að reyna að forða uppsögnum.

Kennarar handteknir í Indlandi

Indverska lögreglan leitar nú rúmlega tuttugu kennara sem sluppu heilir á húfi úr eldsvoðanum sem kostaði níutíu skólabörn lífið, í smáþorpi, í síðustu viku. Kennararnir hafa verið sakaðir um að hafa skilið börnin eftir, til þess að bjarga sjálfum sér. Nokkrir hafa þegar verið handteknir, en margir eru í felum, af ótta við hefnd ættingja barnanna.

Frönsk yfirvöld gagnrýna Sharon

Frönsk yfirvöld og leiðtogar gyðinga í Frakklandi hafa gagnrýnt Ariel Sharon, forseta Ísraels, fyrir að hvetja alla franska gyðinga til að flytja til Ísrael, segir á vefsíðu BBC fréttastöðvarinnar. Sharon á að hafa sagt að þetta væri nauðsynlegt þar sem árásum á gyðinga og áróðri gegn þeim hefði fjölgað mikið.

Verðbólga meiri en í EES

Verðbóla á Íslandi er meiri en í EES ríkjunum segir í hálf fimm fréttum KB banka. Allt frá upphafi árs 2003 hefur 12 mánaða verðbólga verið lægri á Íslandi en að meðaltali í EES ríkjunum en við síðustu tvær mælingar hefur sú þróun snúist við og verðbólgan mælst meiri hér á landi en að meðaltali í EES ríkjunum.

Skjóta niður eiturlyfjasmyglara

Brasilíumenn ætla, eftir þrjá mánuði, að byrja að skjóta niður flugvélar sem þá grunar að séu notaðar til eiturlyfjaflutninga yfir hina víðáttumiklu frumskóga landsins. Yfirvöld í Brasilíu segja að yfir 4000 óskráðar flugvélar séu á sveimi yfir Amazon skógunum, sem eru víðáttumeiri en bandaríska meginlandið.

Stefnt fyrir að hygla ættingjum

Evrópusambandið hefur stefnt Edit Cresson, fyrrverandi forsætisráðherra Frakklands fyrir mannréttindadómstólinn, vegna ásakana um að hún hafi hyglað ættingjum sínum og vinum, þegar hún átti sæti í framkvæmdastjórn Evrópusambandsins. Sambandið hefur aldrei áður stefnt jafn hátt settum embættismanni fyrir dómstóla.

Vandkvæði í símakerfi lögreglunnar

Byrjunarörðugleikar settu strik í reikninginn þegar lögreglan í Reykjavík tók nýtt símkerfi í notkun í gær. Nýja kerfið sameinar öll símanúmer og símakerfi embættisins í eitt kerfi.

NATO varar Serba við

Framkvæmdastjóri Atlantshafsbandalagsins segir yfirvöld í Serbíu/Svartfjallalandi verða að sýna vilja í verki og handtaka og framselja eftirlýsta stríðsglæpamenn ef koma á traustum og góðum tengslum við NATO.