Prinsinn heitir vernd

Krónprins Saudi-Arabíu hét því í morgun að gera allt sem í valdi hans stendur til að vernda Breta, Bandaríkjamenn og aðra útlendinga í landinu. Fjölmargar árásir hafa verið gerðar á útlendinga síðustu mánuði og hafa yfirvöld í Saudi-Arabíu verið gagnrýnd fyrir aðgerðaleysi. Prinsinn fordæmdi hryðjuverk og mannrán sem hann sagði ganga gegn islam. Yfirlýsingar prinsins þykja merki um stefnubreytingu en stjórnvöld í Saudi-Arabíu hafa farið varlega í yfirlýsingum sínum um hryðjuverkamenn enda hafa flestir þeirra komið frá Saudi-Arabíu eða verið tengdir samtökum þar í landi.