Arafat rekur frænda sinn

Yasser Arafat neyddist í dag til að reka frænda sinn, Moussa Arafat, sem yfirmann öryggismála í Palestínu, en hann var skipaður í starfið á laugardaginn. Arafat vakti mikla reiði með því að skipa frænda sinn í stöðuna og var hann sakaður um umsvifamikla spillingu. Fjöldi manna mótmælti stöðuveitingunni á götum úti og til átaka kom þar sem 18 særðust. Mótmælin sýna að stuðningur við Arafat fer minnkandi á heimastjórnarsvæðunum. Moussa verður áfram yfirmaður palenstínsku leyniþjónustunnar en Abdel Razek sem áður gegndi stöðu yfirmanns öryggismála tekur við stöðu sinni aftur.