Fótbolti

Barcelona spilar í sérstakri Drake treyju í El Clasico um helgina

Óskar Ófeigur Jónsson skrifar
Drake er mikill íþróttaáhugamaður og harður stuðningsmaður NBA liðsins Toronto Raptors. Hér er hann með bikarinn eftir að Raptors menn urðu NBA-meistarar 2019.
Drake er mikill íþróttaáhugamaður og harður stuðningsmaður NBA liðsins Toronto Raptors. Hér er hann með bikarinn eftir að Raptors menn urðu NBA-meistarar 2019. Getty/Steve Russell

Barcelona mun heiðra kanadíska rapparann Drake í stórleik helgarinnar þar sem spænsku risarnir Barcelona og Real Madrid mætast á Santiago Bernabéu á sunnudaginn.

Drake varð á dögunum fyrsti tónlistarmaðurinn sem er streymt yfir fimmtíu milljarða sinnum á Spotify.

Spotify er aðalstyrktaraðili Barcelona liðsins og er vanalega með merki sitt framan á búningi Barca.

Í leiknum á móti Real Madrid verður hins vegar sérstakt merki Drake framan á búningnum eða OVO uglu merkið hans.

Þetta er sagt vera hluti af strategísku herferð Barcelona og Spotify að sameina tónlist og fótbolta.

„Mér finnst þetta ekki vera raunverulegt en það er það samt,“ skrifaði Drake á Instagram og birti mynd af sér með búninginn.

Upphitunartreyjur Barcelona liðsins verða líka sérstakar eða með Spotify framan á Drake 50 á bakinu.

Það er mikil spenna fyrir leikinn því auk þess að þessir erfifjendur séu að mætast þá er toppsæti deildarinnar í boði. Liðin eru nefnilega jöfn á toppnum með 22 stig en Barcelona er með sjö marka forskot í markatölu.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.