Fótbolti

Hákon skoraði glæsi­mark gegn PSG

Ingvi Þór Sæmundsson skrifar
Hákon Arnar Haraldsson fagnar marki sínu gegn stjörnunum í Paris Saint-Germain.
Hákon Arnar Haraldsson fagnar marki sínu gegn stjörnunum í Paris Saint-Germain. epa/MOHAMMED BADRA

Skagamaðurinn Hákon Arnar Haraldsson skoraði þegar Lille gerði 2-2 jafntefli við Evrópumeistara síðustu tveggja ára, Paris Saint-Germain, í frönsku úrvalsdeildinni í kvöld. PSG jafnaði með tveimur mörkum í uppbótartíma.

Hákon var á sínum stað í byrjunarliði Lille og á 21. mínútu kom hann heimamönnum yfir með laglegu marki.

Reynsluboltinn Olivier Giroud sendi þá boltann á Hákon sem þrumaði honum í nærhornið, framhjá Matvey Safanov, markverði PSG.

Hákon skýtur að marki PSG. Andartaki síðar lá boltinn í netinu.epa/MOHAMMED BADRA

Þegar sex mínútur voru til leiksloka skoraði Dilane Bawka annað mark Lille, í sínum fyrsta deildarleik fyrir félagið.

Vitinha hleypti spennu í leikinn þegar hann minnkaði muninn í 2-1 þegar ein mínúta var komin fram yfir venjulegan leiktíma. Fjórum mínútum síðar skoraði fyrirliðinn Marquinhos jöfnunarmark PSG. Liðið hefur gert jafntefli í báðum leikjum sínum í frönsku úrvalsdeildinni á tímabilinu.

Hákon var tekinn af velli þegar tíu mínútur voru til leiksloka. Skagamaðurinn er á sínu fjórða tímabili fyrir Lille. Markið í kvöld var hans 23. fyrir félagið í 124 leikjum.

Lille, sem var hársbreidd frá því að vinna PSG í fyrsta sinn í deildarleik í fimm ár, er með fjögur stig á toppi frönsku úrvalsdeildarinnar.

Franski boltinn

Mest lesið


Fleiri fréttir

Sjá meira


×

Mest lesið