Diljá fljót að leggja upp fyrir mikinn Íslandsvin

Eftir að hafa komið inná sem varamaður í síðasta leik var Diljá fljót að setja mark sitt á leikinn í kvöld þegar hún lagði upp mark fyrir Brennu Lovera, fyrrverandi framherja ÍBV og Selfoss.

Staðan var svo enn 1-0 þegar Diljá var skipt af velli á 67. mínútu en skömmu síðar kom seinna mark Brann, sem finnska landsliðskonan Emma Peukhurinen skoraði.

Brann hefur þar með aukið forskot sitt á topp deildarinnar og er með 13 stig af 15 mögulegum eftir fimm leiki. Nýliðarnir í Haugesund hafa farið vel af stað og eru í 5. sæti með sjö stig.