City kláraði Fulham fag­mann­lega í fyrri hálf­leik

Manchester City vann öruggan 3-0 sigur þegar Fulham kom í heimsókn í 26. umferð ensku úrvalsdeildarinnar. Antoine Semenyo, Nico O‘Reilly og Erling Haaland skoruðu mörk City manna en þau komu öll í fyrri hálfleik.

Þetta teljast ekki sem óvænt úrslit en City hefur nú fagnað sigri í síðustu tuttugu leikjum gegn Fulham. Sigurinn er engu að síður mikilvægur fyrir City, sem minnkaði forskot Arsenal á toppi deildarinnar niður í aðeins þrjú stig en Skytturnar eiga leik til góða.

Mörkin þrjú voru skoruð á aðeins um fimmtán mínútna kafla.

Fyrsta markið kom eftir misreiknaðan skalla hjá Sander Berge. Boltinn datt fyrir Antoine Semenyo sem skoraði sitt fimmta mark í átta leikjum fyrir City.

Ganverjinn lagði síðan upp mark aðeins sex mínútum síðar fyrir Nico O‘Reilly, sem skaut boltanum yfir Bernd Leno í markinu.

City svo gott sem tryggði sér sigurinn fyrir hálfleik, þegar Erling Haaland fékk sendingu frá Phil Foden og kláraði færið vel.

Fleiri mörk voru ekki skoruð í rólegnum seinni hálfleik og City fór með 3-0 sigur.

Eina almennilega færi Fulham kom í stöðunni 1-0 en Harry Wilson fór illa með það.