Sjáðu blaða­manna­fund Víkinga fyrir leikinn við Cercle Brugge

Á fundinum sátu þeir Arnar Gunnlaugsson, þjálfari Víkings, og fyrirliðinn Nikolaj Hansen fyrir svörum.

Það er skammt stórra högga milli hjá Víkingi því á sunnudaginn tekur liðið á móti Breiðabliki í leik sem ræður úrslitum um það hvort liðanna verður Íslandsmeistari. Víkingum nægir jafntefli til að verða meistarar annað árið í röð og í þriðja sinn á síðustu fjórum árum.

Víkingur tapaði fyrir Omonia, 4-0, í fyrsta leik sínum í Sambandsdeildinni á meðan Cercle Brugge vann 6-2 sigur á St. Gallen.

Leikur Víkings og Cercle Brugge fer fram á Kópavogsvelli og hefst klukkan 14:30. Hann verður sýndur beint á Vodafone Sport. Útsending hefst klukkan 14:15.