Messi minnist fallins fé­laga

Vilanova tók við Barcelona af Pep Guardiola 2012 og stýrði liðinu í eitt tímabil. Börsungar urðu Spánarmeistarar undir hans stjórn.

Vilanova hætti hjá Barcelona sumarið 2013 og lést svo í apríl ári seinna, af völdum krabbameins í hálsi.

Messi lék undir stjórn Vilanovas og minntist hans í sögu á Instagram. „Það eru komin tíu ár. Við gleymum þér ekki, Tito,“ skrifaði Argentínumaðurinn við mynd af þeim Vilanova.

Vilnova var 45 ára þegar hann lést. Hann var aðstoðarmaður Guardiolas með Barcelona á árunum 2008-12 og tók svo við liðinu af honum eins og áður sagði.

Messi skoraði sextíu mörk í fimmtíu leikjum tímabilið sem Vilanova þjálfaði Barcelona.