Draumur Antons rættist: „Ó­trú­lega hrærður og meyr“

Um er að ræða fyrstu verð­laun Antons Sveins, sem hefur verið einn af okkar allra fremstu sund­mönnum undan­farin ár, á stór­móti og því um ansi stóra stund að ræða.

„Þetta er allt að setjast að hjá manni,“ segir Anton Sveinn. „Þetta hefur verið draumurinn í mörg ár, oft á tíðum hafði maður ekki trú á því að maður kæmist á þennan stað sem maður er á í dag. Maður er að melta þetta, taka þetta allt inn. Ég er bara ó­trú­lega hrærður og meir yfir þessu öllu.“

Veg­ferðin að þessum stað hefur verið löng og fyrir af­reks­í­þrótta­mann eins og þig áttar maður sig á því að á bak við þennan árangur eru blóð, sviti og tár. Þegar tak­markinu er náð og þú stendur á verð­launa­palli á stór­móti. Hvaða til­finningar bárust þá innra með þér?

„Fyrst og fremst stolt. Það var ó­trú­lega gaman að stíga upp á verð­launa­pallinn og sjá ís­lenska fánann birtast. Það snerti hjarta mitt og ég fann fyrir þjóðar­stoltinu. Maður er búinn að leggja inn alla þessa vinnu, hefur lifað sem meistari í öll þessi ár og nær loksins að upp­skera núna.“

Anton Sveinn hefur oft stungið sér til sunds á sínum at­vinnu­manna­ferli en hvernig er það, finnur hann um leið í fyrstu sund­tökum að hann eigi von á góðu sundi líkt og varð raunin í úr­slitum 200 metra bringu­sundsins á dögunum?

„Ég átti alveg hræði­legt sund í 100 metra bringu­sundinu fyrir 200 metrana og fór í gegnum smá rússí­bana and­lega áður en ég hóf keppni í 200 metrunum. En á degi úr­slita­sundsins leið mér vel. Ég fann að ég var að ná að nýta mína styrk­leika.

Ég náði að setja sundið upp rétt til þess að geta náð ein­hverju góðu tak­marki. Ég var ekki að eyða orku í ekki neitt, var ekki að reyna spretta til þess að reyna vera fyrstur í byrjun og svo gjör­sam­lega springa á því og verða lang síðastur. Það small allt saman.“

Við­talið við Anton Svein í heild sinni, þar sem að hann sýnir meðal annars silfur­medalíu sína og fer yfir það hvað tekur við næstu mánuðina hjá sér, má sjá hér fyrir neðan.