Erlent

Sjö særðir eftir sprengingu í fjöl­býlis­húsi í Norr­köping

Hallgerður Kolbrún E. Jónsdóttir skrifar
Mikill eldur logaði í húsinu.
Mikill eldur logaði í húsinu. Skjáskot/Sænska ríkissjónvarpið

Sjö eru særðir, þar á meðal eitt barn, eftir sprengingu í íbúðarhúsi í Norrköping í Svíþjóð snemma í morgun. Tilkynning barst viðbragðsaðilum um sprenginguna klukkan sex að staðartíma og þurftu þá 150 íbúar fjölbýlishússins að rýma það. Tveir hafa verið handteknir. 

Lögreglan tilkynnti á blaðamannafundi nú fyrir stuttu að karlmaður og kona hafi verið handtekin í tengslum við sprenginguna. Mikið viðbragð var við húsið í morgun og eru miklar skemmdir á því. Aðgerðum viðbragðsaðila á vettvangi lauk um klukkan 11:30. Nokkrar íbúðir eru gjöreyðilagðar. 

Flytja þurfti sjö á sjúkrahús, þar af eitt barn, en að sögn lögreglu er enginn þeirra illa slasaður. 

Íbúar í húsinu lýsa því í samtali við fréttastofu Aftonbladet að þeir hafi vaknað við mikinn reykjarmökk inni hjá sér og einn lýsir því að eldur hafi logað fyrir utan útidyrahurð hans. Hann hafi því þurft að bíða eftir að slökkvilið kæmist að honum í körfu. 

Svíþjóð
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið