Erlent

Á­tján lík fundust á víða­vangi eftir gróður­elda í Grikk­landi

Hólmfríður Gísladóttir skrifar
Mikilr eldar loga nú í nágrenni Alexandroupolis, þar sem meðal annars hefur þurft að rýma sjúkrahús og fleiri byggingar.
Mikilr eldar loga nú í nágrenni Alexandroupolis, þar sem meðal annars hefur þurft að rýma sjúkrahús og fleiri byggingar. AP/Achilleas Chiras

Átján fundust látnir við kofa nærri þorpinu Avantas, skammt frá borginni Alexandroupolis á Grikklandi, við eftirlit slökkviliðsmanna eftir að gróðureldar fóru um svæðið.

Áður en líkin fundust hafði einn til viðbótar fundist látinn skammt frá. Talið er að um flóttafólk sé að ræða, þar sem engar tilkynningar höfðu borist um að íbúa á svæðinu væri saknað. 

Umrætt svæði, í norðausturhluta Grikklands, hefur orðið illa úti í gróðureldum síðustu daga. Mikill hiti og óhagstæður vindur hafa lagt sitt af mörkum. Eldarnir hafa breiðst hratt út í Dadia-þjóðgarðinum norður af Alexandroupolis og fólk verið hvatt til að halda sig frá svæðinu.

Samkvæmt óstaðfestum fregnum fundust hinir látnu í tveimur hópum og óttast er að fleiri lík muni finnast. Leit stendur enn yfir á svæðinu og unnið er að rannsókn málsins.

Yfirvöld ítreka að viðvörunarskilaboð hafi verið send í alla farsíma á svæðinu, bæði innlenda og erlenda. Samkvæmt stuðningssamtökunum Alarm Phone hefur þurft að bjarga nokkrum fjölda flóttamanna frá eldunum. 

Talið er að um 380 ekrur hafi orðið eldunum að bráð í Evros-héraði en eldar loga víðar í landinu og tugþúsundir hafa meðal annars verið hvattir til að yfirgefa úthverfið Ano Liosia, norðvestur af Aþenu.

Hér má finna ítarlega umfjöllun BBC.

Grikkland Gróðureldar í Grikklandi Veður Loftslagsmál Hitabylgja í Evrópu 2023
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið