Íslenski boltinn

Valur fær fjórða leikmanninn í glugganum

Ingvi Þór Sæmundsson skrifar
Valur er í 2. sæti Bestu deildar kvenna.
Valur er í 2. sæti Bestu deildar kvenna. vísir/vilhelm

Íslandsmeistarar Vals halda áfram að eflast fyrir seinni hluta tímabilsins. Valur hefur samið við fjóra leikmenn á undanförnum vikum.

Þrjár íslenskar landsliðskonur eru gengnar í raðir Vals; þær Anna Björk Kristjánsdóttir, Berglind Rós Ágústsdóttir og Amanda Andradóttir.

Nú hefur danski framherjinn Lise Dissing bæst í ansi vel mannaðan leikmannahóp Vals.

Dissing, sem er 21 árs, lék síðast með Thy ThistedQ í dönsku úrvalsdeildinni. Á síðasta tímabili lék hún 22 deildarleiki fyrir liðið og skoraði eitt mark. Dissing hefur alls leikið 72 leiki í dönsku úrvalsdeildinni og skorað tvö mörk. Þá hefur hún hefur leikið fjölda leikja fyrir yngri landslið Danmerkur.

Dissing er komin með leikheimild og gæti leikið sinn fyrsta leik fyrir Val þegar liðið sækir ÍBV heim í Bestu deildinni laugardaginn 29. júlí.

Besta deild kvenna Valur

Tengdar fréttir

Amanda komin í Val

Íslenska landsliðskonan Amanda Jacobsen Andradóttir er komin heim í Bestu deildina og klárar tímabilið með Íslandsmeisturunum.

Anna Björk frá Inter í Val

Landsliðskonana Anna Björk Kristjánsdóttir er gengin í raðir Íslandsmeistara Vals frá ítalska félaginu Inter.

Mest lesið


Fleiri fréttir

Sjá meira


×

Mest lesið