Veður

Sólin færir sig suður

Árni Sæberg skrifar
Nauthólsvík gæti hugsanlega verið nýtt af viti á næstu dögum.
Nauthólsvík gæti hugsanlega verið nýtt af viti á næstu dögum. Vísir/Vilhelm

Í dag og næstu daga verður viðsnúningur í veðrinu frá því sem verið hefur. Nú verður yfirleitt þurrt og bjart á köflum á Suður- og Suðvesturlandi og einnig hlýjast á meðan blautt verður á köflum, lágskýjað og svalara í öðrum landshlutum.

Það hefur vart farið fram hjá mörgum að veður hefur verið með versta móti á Suður- og Suðvesturlandi það sem af er sumri á meðan veðurguðirnir hafa verið íbúum Norður- og sérstaklega Austurlands einstaklega gjafmildir.

Í hugleiðingum veðurfræðings á vef Veðurstofu Íslands segir hins vegar að ákveðinn viðsnúningur verði í veðrinu.

„Jafnvel gæti hiti á morgun, mánudag náð rúmlega 20 stigum sunnanlands þar sem best lætur. Á meðan verður mun svalara nyrðra og eystra en þar verður hitastigið meira 4 til 10 stig og benda spár að til að enn svalara verði á þriðjudag, en meir um það síðar,“ segir þar.

Veðurhorfur næstu daga:

Á þriðjudag og miðvikudag:

Norðlæg átt 5-13 m/s. Rigning eða súld norðan- og austanlands, en þurrt og bjart að mestu um landið suðvestanvert. Hiti 5 til 15 stig að deginum, mildast sunnanlands.

Á fimmtudag og föstudag:

Fremur hæg norðlæg átt. Skýjað og þurrt að kalla fyrir norðan og austan, en bjart að mestu sunnan- og vestanlands. Hlýnar lítið eitt.

Á laugardag:

Útlit fyrir suðlæga átt með dálítilli vætu vestantil á landinu, en birtir til norðan- og austanlands. Milt í veðri.

Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið