Neymar var nefnilega ekki á svæðinu þegar Paris Saint Germain gerði 1-1 jafntefli við Strasbourg en stigið tryggði PSG titilinn.
Tom Holland and Neymar catching up outside Red Bull's garage in Monaco pic.twitter.com/DbKYMgo3KN
— ESPN F1 (@ESPNF1) May 28, 2023
Neymar flaug frekar suður til Mónakó þar sem hann mætti á formúlu eitt kappaksturinn. Sama kvöld og leikurinn fór fram þá sat Neymar hins vegar við pókerborð í einu af spilavítunum í Mónakó.
Neymar er auðvitað meiddur og hefur ekki spilað með liðinu síðan í febrúar eftir að jafa meiðst illa á ökkla. Fram að því hafði hann verið með þrettán mörk og ellefu stoðsendingar í tuttugu leikjum.
Hann vill líka losna frá París og hefur verið orðaður við Manchester United að undanförnu og svo nú síðast við Manchester City. Það þykir því líklegt að hann sé á förum.
Hvort sem er þá fór það ekki vel í stuðningsmenn PSG og aðra að sjá hann velja póker og formúlu eitt yfir það að fagna með liðsfélögum sínum.
Neymar infuriates PSG bosses after he skipped title celebrations for the Monaco Grand Prix https://t.co/jkNX9wmpNd
— MailOnline Sport (@MailSport) May 29, 2023